1 Corintios 8:10 - Nuevo Testamento Uwotjüja

¹⁰ Isopäi'ünä̧, ukú wo̧jua̧rü̧, ttü̧ä̧nä̧wo̧tü̧ tti̧mi̧nä̧ ukuokuäkuäwomȩ mesa isodä kuä̧nü̧ ku̧'a̧'a̧, kui̧jä̧wa̧ juiyu̧pa̧ toüttümä̧, ¿jua̧u̧'i̧nä̧ juȩnȩmä̧ pä̧wä̧rü̧jä̧chi̧'ä̧ku̧ pä̧mä̧dü̧mä̧, jua̧u̧ ukuoka'a jä̧kua̧'a̧?

TÄ̧DO Ä̧CUÄ̧ I̧HUȨNȨ

¹⁰ Pa̧'a̧nö̧ pä'ösä ucuturu, ucututtu ya̧tȩ huo̧jua̧mä̧, koromettö ttu̧mö̧nä̧ adicuä juäi ttä'ca ttucuocuomettö pä̧mä̧dö̧ ucuomenä, ka̧ra̧'i̧nä̧ ji̧'qui̧cha̧nö̧ esetömä 'cuä'opö tomenä, ttö'inä ja̧'hua̧ta̧nö̧ pä̧mä̧dö̧ chucu'a̧nö̧ ja̧'a̧cuä̧ pä'ö amöcuädäcua'a̧nö̧, ka̧ra̧ ö̧jä̧hua̧rö̧ topö.

1 Corintios 8:10 Referans Kwoze

1 Corintios 8:4

Ja̧'wa̧nü̧ ja̧'a̧ttü̧, ttu̧kuȩ ttü̧ä̧nä̧wo̧tü̧ tti̧mi̧nä̧ ukuokuä'chü jȩttü̧ tü'kümä̧, jua̧u̧mä̧ pi̧jä̧ttü̧mä̧ mikuäwokü pä'ü wo̧juä̧tü̧jä̧, Dio-mä̧ ya̧tȩtä̧ ja̧'a̧ pä'ü tu̧wo̧jua̧'a̧ttü̧.

Romanos 14:23

Ja̧'wa̧nü̧ ja̧'a̧nä̧, ya̧tȩ üdüdüwa'anä̧ u̧kuȩ ukuttümä̧, a̧'kua̧ u̧wȩnä̧ro̧ka̧'a̧ ku ja̧'wa̧nü̧ jo̧mȩnä̧ täkü surojuo'eku; isopäi'ünä̧ o'kajuiyünä̧ tta̧'kua̧ wȩnä̧rä̧kuä̧wo̧kü̧ttü̧ ichümä̧, surojü jȩkuä̧wä̧tä̧ ja̧'a̧.

1 Corintios 8:7

Ja̧'wa̧nü̧ ja̧'a̧nä̧ pi̧yȩ wȩnȩmä̧ o'katoi'ünä̧mä̧ wo̧juo̧ko̧tü̧. Yotukunä̧mä̧, weye juo'inü̧'kotü ttü̧ä̧nä̧wo̧tü̧rü̧ ukuokuäkuäwa'a idepä kuätü; ja̧'wa̧ta̧nü̧ tta̧mü̧kuädüttü, jo̧mȩnü̧ ttoka'amä̧, jitütä surojuo'ekuätü.

Romanos 14:14

Ja̧'wa̧ta̧nü̧ wo̧jua̧sä̧ Chu̧ru̧wa̧ Jesucrito-nä̧tä̧ tu̧kuȩ ji̧yȩnä̧tä̧mä̧ surojümä̧ juiya'a pä'ü. Ja̧'wa̧nü̧ ja̧'a̧nä̧, ya̧tȩ pi̧yȩmä̧ surojü pä'ü amükuädüttümä̧, iweye churutämä̧ surojü ja̧'a̧.

1 Corintios 10:32

Judío'i̧nä̧, judío pokotürü'i̧nä̧, ja̧'wa̧ta̧nü̧ Dio iäre igresia isotürü'i̧nä̧ surojü jü̧nä̧ jȩ'kuä̧tu̧kuä̧.

Hechos 15:20

Suro, ttü̧ä̧nä̧wo̧tü̧rü̧ wȩnȩtü̧ ukuokuäkuäwa'a ttukutä, ttü'käwoka'a ttü̧jä̧'chü̧'tä̧ ja̧'wa̧ta̧nü̧ nu̧'ä̧wo̧tü̧rü̧ ttukutä, isotü ttukuoja ttukutä, kättädäkuäwa pä'ü wȩyu̧kuojänä̧ wȩyu̧tu̧ wȩtta̧ja̧u̧,

1 Corintios 8:9

Ja̧'wa̧nü̧ ja̧'a̧nä̧, ukutu unichä̧rü̧ jȩpü̧ ku̧jä̧tu̧ku̧mä̧, jiyüpätürü kkä'ü kuikuätuku juiyünä̧ kka̧kuä̧tu̧kui̧.