1 Corintios 7:9 - Nuevo Testamento Uwotjüja

⁹ Ja̧'wa̧nü̧ ja̧'a̧nä̧, kua̧mi̧ 'kikuächi'ü juiyünä̧ jü̧ttü̧mä̧, ü'käwi'ü kka̧kuä̧tu̧kui̧ jakuänä̧mä̧ usurä kuȩmä̧wä̧tu̧kuä̧, ja̧'wa̧nü̧tä̧ adiwa'a.

TÄ̧DO Ä̧CUÄ̧ I̧HUȨNȨ

⁹ Ja̧'hua̧ta̧nö̧ ttirecuo toönä kä̧nö̧, u̧mä̧tö̧rö̧'i̧nä̧, nä̧tö̧rö̧'i̧nä̧ ttusuttumä, yoröiso suroja'a. Ja̧'hua̧nö̧ ja̧'a̧ttö̧ ja̧'hua̧nö̧ jȩttö̧ juiya pä'ö, ttirecuorö ttȩmö̧'a̧nö̧ ja̧'a̧.

1 Corintios 7:9 Referans Kwoze

1 Timoteo 5:14

Ja̧'wa̧nü̧ ja̧'a̧ttü̧ mü̧ä̧yotü rȩkua̧mü̧mä̧ ttirekuorü ȩmü̧ i̧tti̧ku̧ ttojusode tta̧'a̧rü̧ ttü̧ja̧kua̧ pä̧wä̧rü̧jä̧ku̧sä̧, ja̧'wa̧nü̧ jü̧ttü̧tä̧ Jesucrito-rü esetokotümä̧ ppättä'choko̧u̧ ttäkuotü.

1 Corintios 7:2

Ja̧'wa̧nü̧ ja̧'a̧nä̧, nä̧tü̧rü̧, u̧mä̧tü̧rü̧ jȩä̧'chä̧kuä̧wä̧nä̧ pettächächomȩttü̧, yotukunä̧mä̧ kuirekuamü̧rü̧ kku̧nä̧rä̧tu̧kui̧, pärokua'aku nä̧tü̧'i̧nä̧ kuirekuorü kku̧nä̧rä̧tu̧kui̧.

1 Timoteo 5:11

Ja̧'wa̧nü̧ ja̧'a̧nä̧ rȩkua̧mü̧ tti̧mi̧pi̧yä̧ wȩyu̧tu̧ rütäwomȩmä̧ ttiäre año pabonä̧tä̧ kku̧nä̧rä̧tü̧rü̧mä̧ wȩyu̧tu̧ kutätukuä, jua'amä̧ ttidepä weü jȩpü̧ pä'äjita'anü̧ tti̧rȩkua̧mü̧rü̧ ttȩma̧ pä'ü Jesucrito-ttü 'kȩ'i̧pä̧chü̧

1 Corintios 7:28

Ja̧'wa̧nü̧ ja̧'a̧nä̧ ku'käwätukuomȩnä̧mä̧ surojoka'anä̧; usurätä kuȩmä̧wä̧tu̧kuä̧kuo̧tü̧jä̧, kuidepätuku jäwänä̧ ja̧'wa̧nü̧ jü̧ pä'üsä pä'ü.

1 Corintios 7:39

Isaju kkirekuorü kkä̧ju̧mä̧, ji̧nä̧ a̧'kua̧rä̧i̧mä̧ kkirekuoku todepaju; ja̧'wa̧nü̧ ja̧'a̧nä̧, kkirekuo toe'ächomȩnä̧mä̧, täkü todepokoju, kka̧ra̧rü̧ kkȩma̧ päjüttümä̧ ȩmä̧ju̧ ja̧'wa̧nü̧ ja̧'a̧nä̧ Tu̧ru̧wa̧rü̧ esetürü.

1 Corintios 7:36

Ya̧tȩ ittiju mü̧ä̧yaju, kkirekuorü kkȩma̧ päjü mo̧ro̧ 'kuäo'äkua, kkȩma̧ päjüttümä̧ wä̧i̧nä̧ pä̧wä̧rü̧jo̧mȩnä̧ jȩpä̧ju̧, wä̧i̧nä̧ ȩmä̧wi̧'ü̧ kka̧kuä̧tü̧, surojoka'a.

Hechos 19:36

Pi̧yȩ to'ija̧'a̧ku̧ pätta pä'ümä̧ juiya'attü̧, ttu̧wȩkuä̧nä̧tä̧ amükuädätukui, suro jurunä̧mä̧ jȩ'kuä̧tu̧kuä̧.

1 Tesalonicenses 4:4

ja̧'wa̧ta̧nü̧ ya̧ku̧nä̧ kuirekuatukuru ukuotünü̧ tta̧'a̧rä̧tu̧kui̧,