1 Corintios 6:15 - Nuevo Testamento Uwotjüja

¹⁵ ¿Ukutumä̧ juiyo jerupätüjä̧ tä̧jí̧, ya̧ku̧nä̧ jättäpäyotümä̧, Crito jä̧ttä̧pä̧ya̧rü̧, jua̧u̧ru̧tä̧ todepätüjä̧ pä'ümä̧? ¿Ja̧'wa̧nü̧ ja̧'a̧ttü̧, jua̧u̧ Crito jä̧ttä̧pä̧ya̧rü̧ chutodewa'amä̧, mä̧nä̧ isaju kkidepä jü̧nä̧ juodepa'a tä̧jí̧? Ja̧'wa̧nü̧mä̧ jȩchü̧ juiyü'anü̧ ja̧'a̧.

TÄ̧DO Ä̧CUÄ̧ I̧HUȨNȨ

¹⁵ ¿Ucutu jerupätöjä tä̧ji̧? Ucutu jättäpäyotö Cristo jä̧ttä̧pä̧ya̧ pä'i'ätöjä. Ja̧'hua̧nö̧ ja̧'a̧ttö̧ Cristorö cheseta'attö, ja̧'a̧tä̧ra̧'a̧ huajuru jȩchä̧'cho̧mȩnä̧ ¿adihua'a tä̧ji̧? Isocö̧. Ja̧u̧mä̧ yoröiso surojödo.

1 Corintios 6:15 Referans Kwoze

Efesios 5:30

Isopäi'ünä̧ ujutu yotukunä̧mä̧, Crito jä̧ttä̧pä̧ya̧rü̧ todepätüjä̧.

Romanos 12:5

Ja̧'wa̧nü̧ jü̧ta̧'a̧nü̧, rekuätü ta'anä̧ ujutu'i̧nä̧ Crito-nä̧mä̧ ji̧nä̧ya̧tȩtä̧ wotüjä̧ ja̧'wa̧ta̧nü̧ kkorotükumä̧ todepätüjä̧.

Colosenses 2:19

Juätümä̧ Crito-rü, igresia u päi'ünä̧ wa̧rü̧mä̧ todepokotü. Jua̧u̧nä̧ 'chu̧ä̧rü̧nä̧, todeunä̧ kkä̧nü̧ ttü̧jo̧mȩnä̧tä̧, Dio-rü pä̧wä̧rü̧jo̧mȩnä̧mä̧ büó juoäwa'a.

1 Corintios 12:27

Ukutu'i̧nä̧ Crito-nä̧ todepätüjä̧ ja̧'wa̧nü̧ jo̧mȩnä̧ igresia-nä̧mä̧ ji̧nä̧ yotüte jü̧nä̧ todepätüjä̧, yotukunä̧ ttaditäwä kkü̧nä̧.

Efesios 4:12

Jua'amä̧ I̧tti̧mü̧ juo'ächinä̧tü̧rü̧ jo̧mȩnü̧ juottepa pä'ü, ttaditäwä jo̧mȩnü̧ ttadita pä'ü, ja̧'wa̧nü̧ jȩpü̧ igresia wotürü ttäräbe'a pä'ü.

1 Corintios 11:3

Ja̧'wa̧nü̧ ja̧'a̧nä̧, ku̧wo̧juä̧tu̧kua̧ pä'üsä, Crito-tä ja̧'a̧ ttü̧ja̧ ttu̧ru̧wa̧mä̧ pä'ü, ja̧'wa̧ta̧nü̧ ubomä̧ isaju kku̧ru̧wa̧ ja̧'a̧ ja̧'wa̧ta̧nü̧ Dio-mä̧ Crito u̧ru̧wa̧ ja̧'a̧ pä'ü.

1 Corintios 6:19

¿Ja̧'wa̧ta̧nü̧ jerupätüjä̧ tä̧jí̧, ukutu kuidepätuku jättäjimä̧ Epíritu Sa̧tu̧ ü̧jo̧de pä'ümä̧, ukutunä̧ kkü̧, Dio iyinä̧ku̧ pä'ümä̧ ja̧'wa̧nü̧ ja̧'a̧ttü̧ ujutu tidepämä̧kü̧ ja̧'a̧ pä'ümä̧?

Efesios 5:23

Isopäi'ünä̧ kkirekuomä̧, isaju kku ja̧'a̧, Crito-rü igresia u jä̧'i̧jü̧'a̧nü̧. Ja̧'wa̧ta̧nü̧ jättäpäyotürü ra̧wä̧pi̧jü̧ttü̧ ppä'ädümä̧ jua̧u̧ Crito-tä ja̧'a̧.

San Lucas 20:16

Däjé pättoka'anü̧, ichi'ü kuä'äu iku, kkorotürütä i̧yä̧kua̧ uwa pättamä̧. Jesú pi̧yȩ jiäwa'a ä̧ju̧ku̧ pä'inä̧tü̧: —¡Jua̧u̧mä̧ 'kuäopoka'a jä̧kua̧'a̧!

Gálatas 6:14

Ja̧'wa̧nü̧ ja̧'a̧nä̧ ttümä̧, chesewä̧kua̧sä̧ Jesucrito 'korujuo'ächü i̧mi̧täwinü̧tä̧ esetü kkä̧nü̧. Ja̧'wa̧nü̧ ja̧'a̧ttü̧ Crito 'korujuoächinü̧nä̧tä̧ eseusä, pi̧jä̧ ttü̧ja̧ tta̧mü̧kuädümä̧ wä̧i̧nä̧ ja̧'a̧, pi̧jä̧nä̧mä̧ wa'ü chikuina̧'a̧ 'kua̧rü̧nä̧tä̧ jä̧ku̧sä̧.

Gálatas 3:21

¿Ja̧'wa̧nü̧ jü̧ttü̧mä̧ weäwä wȩnȩmä̧, Dio iya päinü̧ku̧mä̧ to'i ja̧'a̧ku̧ jäwä ja̧'a̧ tä̧jí̧? ¡Ja̧'wa̧nü̧mä̧ jo̧ka̧'a̧! isopäi'ünä̧ weäwä wȩnȩtä̧ kkä̧kuä̧wä̧ i'ko iyü jü̧ttü̧mä̧, Dio-mä̧ ȩma̧ja̧u̧jä̧ weäwä wȩnȩ tukuota'anä̧tä̧'i̧nä̧.

Gálatas 2:17

Ja̧'wa̧nü̧ ja̧'a̧nä̧, Crito-nä̧ ȩma̧tü̧ pä'ü esetü tikuomȩnä̧mä̧, ujutu'i̧nä̧ surojünä̧ tü̧ja̧kua̧'a̧ wo̧jui̧'ä̧tü̧jä̧. ¿Ja̧'wa̧nü̧ ja̧'a̧mä̧, Crito'i̧nä̧ surojü jȩtü̧nä̧ wea'a tä̧jí̧? ¡Ja̧'wa̧nü̧mä̧ jo̧ka̧'a̧!

1 Corintios 6:13

Ja̧'wa̧ta̧nü̧ pä'ä'ijätü: «Ttu̧kuȩmä̧ tü'käbiyünä̧ ȩki̧pü̧ ja̧'a̧ ja̧'wa̧ta̧nü̧ tü'käbiyümä ttu̧kuȩ ȩja̧ pä'ütä ja̧'a̧; ja̧'wa̧nü̧ ja̧'a̧nä̧ Dio-mä̧ todärekue'ü si'epü i̧kuä̧kuȩ ja̧'a̧. Ja̧'wa̧nü̧ ja̧'a̧nä̧, tidepä jättäjimä̧ nä̧tü̧rü̧'i̧nä̧, u̧mä̧tü̧rü̧'i̧nä̧ jȩpä̧'chü̧ surojuottepa pä'ümä̧ jo̧ka̧'a̧, jua̧u̧mä̧ Tu̧ru̧wa̧ iäre ja̧'a̧. Ja̧'wa̧ta̧nü̧ tidepä jättäjimä̧ Tu̧ru̧wa̧ iäretä ja̧'a̧.

Romanos 7:13

Ja̧'wa̧nü̧ ja̧'a̧nä̧, adiwä jueimä̧ wa'arera̧'a̧ ȩpi̧nü̧ pä'ümä̧ pä'oküsä. ¡Ja̧'wa̧nü̧mä̧kü̧! ja̧'wa̧nü̧ ja̧'a̧ttü̧, pi̧yȩ jȩpi̧nü̧mä̧ ukuotäkuäwokütä ji̧na̧'a̧, adiwä juei ukuotäkuäwä ji̧yȩnä̧tä̧ doächi'inü̧mä̧. Ja̧'wa̧nü̧ jo̧mȩnä̧ weäwä wȩnȩnä̧tä̧ o'katoi'ünä̧ ji̧yȩja̧mä̧ adiu ja̧'a̧, ji̧yȩja̧mä̧ surojü ja̧'a̧ pä'ü wo̧jui̧'i̧nä̧tü̧jä̧.

Romanos 7:7

¿Ja̧'wa̧nü̧ ja̧'a̧mä̧, weäwä wȩnȩmä̧ tukuotü juiyünä̧ weü päta'a tä̧jí̧? ¡Ja̧'wa̧nü̧mä̧kü̧! Jua̧u̧ weäwä wȩnȩ juiyüttümä̧, ji̧yȩja̧mä̧ surojü pädümä̧ jerupajüsä; ja̧'wa̧ta̧nü̧ weäwä wȩnȩ: «Kkü'kekunä̧mä̧ to'kuä» päü juiyüttümä̧, kkü'kekunä̧ toäkuäwämä̧ surojü ja̧'a̧ tä̧jí̧ pä'okü pajüsä.

Romanos 6:15

¿Ja̧'wa̧nü̧ ja̧'a̧mä̧ttü̧? ¿weäwä wȩnȩnä̧ tü̧ja̧kuo̧ka̧'a̧, Dio re ü̧ji̧nü̧nä̧ tü̧ja̧kua̧'a̧ttü̧ ukuotäkuäwokü surojü jȩpü̧ tü̧ja̧kuä̧kua̧'a̧ tä̧jí̧? ¡Ja̧'wa̧nü̧mä̧kü̧!

Romanos 6:2

¡Isokü̧, ja̧'wa̧nü̧mä̧kü̧! ujutumä̧, isopäi'ünä̧ surojünä̧ jȩti̧nü̧mä̧ wa'ü ikuinä̧tü̧jä̧; ja̧'wa̧nü̧ ja̧'a̧ttü̧ surojümä̧ jȩpü̧ kka̧kuo̧ko̧tü̧jä̧.

Romanos 3:31

Ja̧'wa̧nü̧ pätomȩnä̧mä̧ ¿weäwä wȩnȩmä̧ mikuäwokü pä'ü päta'a tä̧jí̧? ja̧'wa̧nü̧mä̧kü̧, yabokutä weäwä wȩnȩ kkiokuächunä̧ pä'ätüjä̧, Crito-rü ta̧'kua̧ tu̧wȩnä̧ro̧mȩnä̧mä̧.

Romanos 3:6

¡Ja̧'wa̧nü̧mä̧kü̧ ja̧'a̧!; Dio adiwomȩnä̧ jȩä̧kuä̧wä̧ i̧sa̧ jü̧ juiyüttümä̧, ¿Tta̧'a̧nü̧ ü'ojo'äkua'ajä̧ttü̧ adiu jȩpi̧nä̧tü̧rü̧'i̧nä̧, suronä̧ jȩpi̧nä̧tü̧rü̧'i̧nä̧, jü̧nä̧mä̧?

1 Corintios 6:3

¿Ukutumä̧, á̧gȩrȩ-rü adiwomȩnä̧ pätäkuotüjä̧ pä'ümä̧ kuieruwätukua'a tä̧jí̧? ¡Juȩnȩ, yabonä̧ pi̧jä̧nä̧ttü̧ kkä̧kuä̧wä̧mä̧ adiwomȩnä̧ pätü'anü̧ ja̧'a̧!

1 Corintios 6:17

Ja̧'wa̧nü̧ ja̧'a̧nä̧, Tu̧ru̧wa̧rü̧ ppä'ächi'ümä̧, Epíritu-nä̧mä̧ ji̧nä̧ ya̧tȩ wotü, chutäkumä̧.