1 Corintios 6:12 - Nuevo Testamento Uwotjüja

¹² Pa̧'a̧nü̧ pä'ä'ijätü: o'kajuiyünä̧tä̧ jȩpü̧ mȩda̧ pä'ü ja̧'a̧nä̧, o'kajuiyünä̧mä̧ ttürü ppädokü ja̧'a̧; o'kajuiyünä̧tä̧ jȩpü̧ mȩda̧ pä'ü ja̧'a̧nä̧, o'kajuiyünä̧mä̧ ttürü wea'anä̧mä̧ chiyäwokä̧kua̧sä̧.

TÄ̧DO Ä̧CUÄ̧ I̧HUȨNȨ

¹² Iso päi'önä pättö huȩnȩ päa'a: “Ttömä o'ca juiyönä chamöcuädömä jȩchö̧'a̧nö̧ ja̧'a̧.” Juhuorö'inä o'ca juiyönä jȩchö̧ttö̧mä̧ adihuoca'a. Ja̧'hua̧ta̧nö̧ o'ca juiyönä chamöcuädömä jȩcha̧'a̧nä̧, chutä ttö chamöcuädömä, ttörö huea pä'ö jȩpo̧cö̧sä̧.

1 Corintios 6:12 Referans Kwoze

1 Corintios 9:27

Ja̧'wa̧nü̧ ja̧jü̧ jueimä̧, cha̧mü̧nä̧ 'ta'tapäkuäu, ukuotünä̧ jȩpä̧kuä̧u̧sä̧, ttütä'i̧nä̧ kkorotürümä̧ ppädädä'ija'anä̧, tode'ächü 'kua̧ra̧'a̧ pä'ü.

2 Tesalonicenses 3:9

Isopäi'ünä̧ ukutu ppäkuädätukua pä'ümä̧ jätepü'anü̧ ja̧'a̧nä̧, ujutumä̧ aditinä̧tü̧jä̧, ukutu'i̧nä̧ taditüta'anü̧ aditü weyejuokuätukua pä'ü tu̧wo̧juȩta̧'a̧ttü.

Judas 1:12

Juätü eseu jȩpä̧tü̧jä̧ pä'ü jȩttü̧ pä'kärimä̧ dä'ä ttuäwätä ja̧'a̧, jua'amä̧ ttu̧kuȩ kuä̧nü̧'i̧nä̧, au'i̧nä̧ ttukuotäkuäwoka'a jȩtta̧'a̧ttü̧. Juätümä̧ tturuwotü ja̧'a̧nä̧, tta̧mü̧nä̧ jäwätä a̧mü̧kuä̧rü̧ jȩpä̧tü̧. Juätümä̧ kkä̧rü̧'koppa ajiya juiyoppa jä̧'i̧nü̧'a̧nü̧ kkoromȩ, kkoromȩnü̧ kuȩä̧dä̧u̧. Ja̧'wa̧ta̧nü̧ Dauwiyä u̧wä̧ju̧ wȩjo̧kü̧ oi jä̧'i̧nü̧'a̧nü̧ wotü, ujukäkiyä ke'opü ikuäwä jä̧'i̧nü̧'a̧nü̧ wa'ü ikuinä̧tü̧.

1 Corintios 8:4

Ja̧'wa̧nü̧ ja̧'a̧ttü̧, ttu̧kuȩ ttü̧ä̧nä̧wo̧tü̧ tti̧mi̧nä̧ ukuokuä'chü jȩttü̧ tü'kümä̧, jua̧u̧mä̧ pi̧jä̧ttü̧mä̧ mikuäwokü pä'ü wo̧juä̧tü̧jä̧, Dio-mä̧ ya̧tȩtä̧ ja̧'a̧ pä'ü tu̧wo̧jua̧'a̧ttü̧.

Romanos 7:14

Isopäi'ünä̧ weäwä wȩnȩmä̧ Epíritu jäwä ja̧'a̧ pä'ümä̧ wo̧juä̧tü̧jä̧ ja̧'wa̧nü̧ ja̧'a̧nä̧ ttümä̧ pi̧jä̧ ttü̧ja̧sa̧sä̧, surojü ujuru wea'anä̧tä̧ kkä̧kuä̧wä̧ i̧sa̧sä̧.

1 Corintios 9:12

Kkorotü'i̧nä̧, ukututtü pi̧yȩ pädü ttȩmä̧'i̧ja̧'a̧mä̧, juȩnȩ yabonä̧ ujutumä̧ tȩma̧ pä'ü ja̧'a̧. Ja̧'wa̧nü̧ ja̧'a̧nä̧'i̧nä̧, ujutumä̧ pi̧yȩttü̧mä̧ tȩmo̧ka̧'a̧ usurä ȩmä̧wä̧'i̧jä̧tü̧jä̧, Crito i̧wȩnȩ jareü jitäu ttoepü juiyäkua'anü̧ pä'ü.

San Juan 5:10

Judío-mä̧, jua̧u̧ pi̧'ä̧ji̧rü̧mä̧ pä'inä̧tü̧: —Pi̧yȩ mo̧ro̧mä̧, sawaru mo̧ro̧ ja̧'a̧; ku̧'ä̧'i̧jä̧bämä̧ kuȩpa̧ pä'ü weäwoka'a.