1 Corintios 4:8 - Nuevo Testamento Uwotjüja

⁸ Täkü, ukutumä̧ jo̧mȩnü̧ kku̧nä̧rä̧tü̧jä̧ kuju'kätukumä̧: Täkü ruwotüjä̧, ruwotü 'kua̧rü̧nä̧ jȩpü̧ kkä̧nü̧, ujuturu rekuä rü̧jo̧ko̧u̧ 'kua̧rü̧nä̧ jȩ'kuä̧tu̧kua̧'a̧ttü̧. ¡Isopäi'ünä̧ ruwotü kuätukuado, ujutu'i̧nä̧ ukututäku jua̧u̧ ruwonä̧ wetäkua'anü̧!

TÄ̧DO Ä̧CUÄ̧ I̧HUȨNȨ

⁸ Ucutumä täcö järe ruhuotö pä'i'ö o'ca juiyönä ku̧nä̧rä̧tö̧jä̧ a̧'cua̧ra̧'a̧. Ruhuotö a̧'cua̧rö̧nä̧ pȩjä̧mä̧tö̧jä̧, ujuturu 'quȩ'ȩcu̧ icu. Iso päi'önä ruhuotö päi'önä cu̧ja̧cuä̧tu̧cu̧ttu̧mä̧, adihua'a. Ja̧u̧nu̧ ujutu'inä hue'ajatöjä ucuturu.

1 Corintios 4:8 Referans Kwoze

Apocalipsis 5:10

Ja̧'wa̧nü̧ jȩpü̧, juätürümä̧ ruwo wettünä̧ iyü kkä̧nü̧, Dio umüwäyotü sacerdote-tü̧ pätti'ünä̧ jȩpi̧nü̧jä̧, ja̧'wa̧nü̧ ji̧na̧'a̧ttü̧ juätümä̧ pi̧jä̧ rȩjȩnä̧ ruwo wettäkuotü.»

Gálatas 6:3

Ya̧tȩ, uruwo jui̧'a̧ kkä̧nü̧ ukuo teäwomȩnä̧mä̧, a̧mü̧nä̧ pa̧ja̧tü̧tä̧ yaparewäkuäu.

2 Corintios 13:9

Ja̧'wa̧nü̧ ja̧'a̧ttü̧, ujutu tijuiyuwomȩnä̧mä̧ esewätüjä̧, pärokua'aku ukutu kujuruwätukua'anä̧; ja̧'wa̧ta̧nü̧ yabokutä Dio-rü ukuokuätüjä̧ Crito-rü ukuotü juekuekuächätukunä̧.

1 Corintios 5:6

Pi̧yȩ jäwänä̧ ukuo te'äu kueseäkuäwätukua pä'ümä̧ jui'ätüjä̧. ¿Ukutumä̧ jerupätüjä̧ tä̧jí̧?: ¿«Levadura-mä̧ a̧'u̧ku̧nä̧tä̧ ja̧'a̧nä̧'i̧nä̧ isäwa ppü̧ä̧mi̧'ü̧nä̧ jü̧ pä'ümä̧»?

1 Corintios 1:5

Isopäi'ünä̧ epíritu jäwä ru̧kuä̧chä̧tu̧ku̧nä̧, Dio-mä̧ jua̧u̧nä̧tä̧ iyinä̧u̧jä̧ jo̧mȩnü̧ kukuokuätukua pä'ü'i̧nä̧, ku̧wo̧juä̧tu̧kua̧ pä'ü'i̧nä̧, jü̧nä̧.

Romanos 12:3

Dio re kkä̧nü̧ apóto jü̧nä̧ ü̧ji̧ni̧nä̧ku̧ pä'üsä, ukuturu'i̧nä̧ Dio mippoünä̧ iyinü̧ kka̧'a̧ttü̧, u̧wä̧mȩnä̧mä̧ kuamükuädäwätukuä. Yotukunä̧ jȩ'kuä̧tu̧kuä̧kuȩ Dio iyina̧'a̧ku̧tä̧, kua̧'kua̧ wȩnä̧rü̧ amükuädätukui.

San Lucas 6:25

¡Isottü̧, ukutuwe, jitä rü̧ȩnä̧ kuä̧nü̧ esewätürümä̧, ra̧wä̧pi̧ja̧'a̧, ppäi ttukuäkuotüjä̧! ¡Ukutuwe! ¡jitä do̧ri̧ä̧u̧mä̧, kua̧'kua̧ tta̧'ȩku̧ kuajäkuäwäkuotüjä̧!

Apocalipsis 3:17

Ukumä̧ pä'üjä̧: Ttümä̧ ru̧wa̧sä̧, täkü ru̧wa̧ juo'inü̧sä̧, rekuämä̧ rü̧jo̧ko̧ku̧sä̧; päkua'anä̧ usurä i̧sa̧jä̧, ä̧to̧ka̧jä̧, kuä̧ta̧'i̧nä̧ jui̧'a̧jä̧.

Filipenses 2:12

Ja̧'wa̧nü̧ ja̧'a̧ttü̧, chawaruwä chi̧jä̧wa̧tü̧ 'kuäopünä̧ kukuotä'ijätukuta'anü̧ ukuotätukui, suro ttü ukutuku chü̧jo̧mȩnä̧tä̧mä̧kü̧, ttü otó chü̧jo̧mȩnä̧'i̧nä̧. Ye'ekunü̧, ukuotü aditätukui ra̧wä̧pi̧jü̧ttü̧ kki̧'ä̧kuä̧wä̧ ku̧ji̧pä̧tu̧kuä̧kuȩnä̧mä̧;

Filipenses 1:27

Ji̧yȩtȩtä̧ jädepä̧u̧jä̧, Crito i̧wȩnȩ jareü wȩnȩ päü'a̧kuä̧ ku̧ja̧kuä̧tu̧kua̧ pä'ütä. Ukuturu topü chichüttü'i̧nä̧, chichü juiyüttü'i̧nä̧, ji̧nä̧ ji̧yȩtȩnä̧ ku̧jä̧tu̧kua̧'a̧, usurä kuȩmä̧wä̧tu̧kua̧'a̧ ukuowa'a chä̧ju̧kua̧ pä'üsä, jareünä̧ tta̧'kua̧ wȩnä̧rä̧kuä̧wä̧ wȩnȩnä̧,

2 Corintios 11:1

¡Ttu̧'ȩpä̧ro̧ko̧tü̧ ttukuokua'a 'kua̧rü̧nä̧ a̧'u̧ku̧nä̧ chukuokua'anä̧'i̧nä̧, kua̧mi̧ 'ki'ächi'ätukui! ¡Ispäi'ünä̧tä̧!

1 Corintios 4:18

Ukututtü yotukunä̧mä̧, täkü topü ichokü pä'ü pä̧wä̧rü̧ja̧'a̧ku̧ kka̧kuä̧tü̧;

Hechos 26:29

Päiyäku Pauru-mä̧ pä'inü̧: —A̧'u̧ku̧nä̧tä̧ ja̧ pä'ü'i̧nä̧, rü̧ȩnä̧ ja̧ pä'ü'i̧nä̧, ¡chu̧ru̧wa̧ ukuo i̧sa̧!, Dio-rü pä̧wä̧rü̧ja̧'a̧, o'katoi'ünä̧ ttü jü̧'a̧nü̧ juokuächätukua pä'ü, jua'akumä̧ pi̧sa̧ kärenä̧sa̧ juiyünä̧tä̧.

San Mateo 5:1

Jesú-mä̧, ttü̧ja̧ rekuätürü topü müä'kara̧'a̧ku̧ 'cha'achäji'ka̧ ü̧'ä̧mä̧da̧'a̧ u̧wo̧juȩtä̧u̧mä̧ ichi'inä̧tü̧,