1 Corintios 4:6 - Nuevo Testamento Uwotjüja

⁶ Chawaruwä chi̧jä̧wa̧tü̧, pi̧yȩ ukuturu ukuokuäjisä, ujututä wȩnȩku̧, ttütä chütü'kü'i̧nä̧ ja̧'wa̧ta̧nü̧ Aporo ütü'kü'i̧nä̧, jü̧nä̧ ukuturu repeta'attü̧. Kkorojuei päkuätukuomȩnä̧, wȩyu̧kuä̧ wȩnȩ päomȩttü̧'i̧nä̧ abonä̧nü̧ päkuätuku juiya pä'ü, ya̧tȩ Dio i̧wȩnȩ jiäkuäwä i̧sa̧mä̧, kkorotüttü'i̧nä̧ u̧wä̧mȩnä̧ wa̧sä̧ pä'ü amükuädäkuäu juiya pä'ü.

TÄ̧DO Ä̧CUÄ̧ I̧HUȨNȨ

⁶ Chö̧jä̧hua̧tö̧, pi̧yȩ Apolosrö'inä, ttörö'inä ji'äusä ucuturu, adiu cu̧huo̧jui̧'ä̧tu̧cuä̧cua̧'a̧nö̧. Iso päi'önä huȩyu̧cuä̧ huȩnȩ päö ta'anö jȩpä̧tu̧cui̧. Ya̧tȩ Dios i̧huȩnȩ ji'äuru cujö'cätucuoca'anä, ka̧ra̧rö̧tä̧ repe'ä̧rö̧ cuamöcuädätucuä'.

1 Corintios 4:6 Referans Kwoze

2 Corintios 11:4

Isopäi'ünä̧ ujutu jitäwä'ijäku Jesú-ttü'i̧nä̧, Epíritu Sa̧tu̧ttü̧'i̧nä̧, jareü wȩnȩ jitäwä'ijüttü'i̧nä̧, kkoromȩnä̧ a̧mu̧kuädätü ttichomȩnä̧mä̧ ukutumä̧ 'kuäünä̧ ȩmä̧tü̧jä̧.

2 Corintios 12:19

Suronä̧ jȩpi̧nü̧'kotü, ujuturu adiku iku jä'epätü päkuätuku'anü̧, ja̧'a̧nä̧ ja̧'wa̧nü̧mä̧ jo̧ka̧'a̧. Ujutumä̧ Dio ä'ka jo̧mȩttü̧ ukuokuätüjä̧, Crito-nä̧tä̧. Ja̧'wa̧nü̧ ja̧'a̧ttü̧, pi̧yȩ o'kajuiyünä̧, chawaruwä chi̧jä̧wa̧tü̧ juȩnȩ ttü̧ja̧ kuä̧rä̧mä̧tu̧kua̧ pä'ü ja̧'a̧.

2 Corintios 12:6

Ja̧'wa̧nü̧ ja̧'a̧nä̧ cha̧mü̧nä̧ ukuo tedäkuäwuöttü'i̧nä̧, tä̧'ä̧mü̧ 'kua̧rü̧nä̧mä̧ ukuokuokü pajüsä, isopäi'ünä̧tä̧ chukuokua'attü̧. Ja̧'wa̧nü̧ ja̧'a̧nä̧ jȩpo̧kü̧sä̧, ya̧tȩ'i̧nä̧ ttürü tottä'ijümä̧, ttä̧ju̧kuä̧'i̧jü̧mä̧, u̧wä̧mȩnä̧ tta̧mü̧kuädü juiyäkua'anü̧.

Colosenses 2:18

Ja̧'wa̧nü̧ ja̧'a̧ttü̧ adiwä juei kuȩmä̧tu̧kuä̧kuȩ, kuȩmä̧tu̧ku̧ juiyünä̧ jȩtta̧'a̧nä̧ ja̧'a̧tä̧ to'kuätukuä, juätü á̧gȩrȩ-tü̧rü̧ esetü, adiu esetätü 'kua̧rü̧nä̧ jȩpä̧tü̧rü̧mä̧. Visión pättü topätüjä̧ pä'ü ukuo te'äutä suronä̧ jȩpä̧tü̧rü̧mä̧.

1 Tesalonicenses 1:5

Isopäi'ünä̧ jareü wȩnȩ ukuturu jitäwinü̧mä̧, suro ti̧wȩnȩnä̧tä̧mä̧ ji'äwokotü pinä̧tü̧jä̧, pärokuä Dio ujurunä̧, Epíritu Sa̧tu̧ jäwänä̧, jueünä̧tä̧ ji'äwinä̧tü̧jä̧. Ukutumä̧ wo̧juä̧tü̧jä̧, ukuturu adiu ppä'ädü jȩti̧nü̧mä̧.

Romanos 12:3

Dio re kkä̧nü̧ apóto jü̧nä̧ ü̧ji̧ni̧nä̧ku̧ pä'üsä, ukuturu'i̧nä̧ Dio mippoünä̧ iyinü̧ kka̧'a̧ttü̧, u̧wä̧mȩnä̧mä̧ kuamükuädäwätukuä. Yotukunä̧ jȩ'kuä̧tu̧kuä̧kuȩ Dio iyina̧'a̧ku̧tä̧, kua̧'kua̧ wȩnä̧rü̧ amükuädätukui.

2 Corintios 10:7

Ukutumä̧, ttü̧ja̧rü̧mä̧ wä̧mȩnä̧ jȩttü̧tä̧ topätüjä̧. Ya̧tȩ, a̧mü̧nä̧ pa̧ja̧tü̧ toäkuäwomȩnä̧ Crito u̧mü̧wä̧ya̧sä̧ päüttümä̧, jua̧u̧ jü̧ta̧'a̧nü̧ ujutu'i̧nä̧ Crito umüwäyotü wotüjä̧.

2 Corintios 4:15

Pi̧yȩmä̧ o'kajuiyünä̧ 'kuä'opätüjä̧ ukutu adiwä juei kuȩmä̧tu̧kua̧ pä'ü. Isopäi'ünä̧ rekuätü Dio rȩrü̧jü̧ topü eseu ttȩmü̧ttü̧mä̧, rekuätü jä̧kua̧'a̧ Dio ü̧rü̧ä̧ eseäkuäwätümä̧.

1 Corintios 8:1

Ja̧'wa̧ta̧nü̧ ttu̧kuȩ, ttü̧ä̧nä̧wo̧tü̧ tti̧mi̧nä̧ ukuoku jȩä̧kuä̧wä̧ tü'kümä̧, isopäi'ünä̧ o'katoi'ünä̧tä̧ wo̧juä̧tü̧jä̧. Ja̧'wa̧nü̧ ja̧'a̧nä̧, wo̧juä̧wä̧mä̧ ukuo tettäunä̧tä̧ juoepü, pärokua'aku eseäkuäwämä̧, äräbe'ü wȩnȩ ja̧'a̧.

1 Corintios 5:6

Pi̧yȩ jäwänä̧ ukuo te'äu kueseäkuäwätukua pä'ümä̧ jui'ätüjä̧. ¿Ukutumä̧ jerupätüjä̧ tä̧jí̧?: ¿«Levadura-mä̧ a̧'u̧ku̧nä̧tä̧ ja̧'a̧nä̧'i̧nä̧ isäwa ppü̧ä̧mi̧'ü̧nä̧ jü̧ pä'ümä̧»?

1 Corintios 3:19

Isopäi'ünä̧ pi̧jä̧ttü̧ wo̧juä̧wä̧ wȩnȩmä̧, Dio-rümä̧ suräjuä wȩnȩtä̧ ja̧'a̧. Ja̧'wa̧nü̧ ja̧'a̧ttü̧ wȩyu̧kuä̧mä̧ pä'a: «Dio-mä̧, wo̧juä̧wä̧ wȩnȩ kku̧nä̧rä̧tü̧rü̧mä̧, ji̧yȩtä̧ ttu̧wo̧juö̧nä̧ 'chu̧ä̧dä̧u̧,» jü̧nä̧.

2 Timoteo 2:10

Ja̧'wa̧nü̧ jo̧mȩttü̧ o'kajuiyünä̧ usurä chȩmä̧u̧nä̧ Dio pojopü ȩmi̧nä̧u̧rü̧ adiwomȩnä̧ cha̧mi̧ 'ki'ächi'üsä, juätü'i̧nä̧ surojüttü kki̧'i̧kuä̧ra̧'a̧ rȩbȩu̧ Crito-nä̧ kkä̧kuä̧wä̧ i'ko ttȩmä̧kua̧'a̧nü̧.

2 Corintios 10:15

Ja̧'wa̧nü̧ ja̧'a̧ttü̧, kkorotü ttaditinü̧nä̧mä̧ esewokotüjä̧, ujutu taditüttü rä'opächümä̧. Ja̧'wa̧nü̧ ja̧jü̧ jueimä̧, ukutuku tadita pä'ätüjä̧ kua̧'kua̧ ku̧wȩnä̧rä̧tu̧ku̧ rü̧ä̧chü̧ta'anü̧, ujutu rü̧tä̧chü̧nä̧ tu̧wo̧juȩti̧nü̧nä̧;

2 Corintios 10:12

Ttümä̧, tta̧mü̧nä̧ pa̧ja̧tü̧ ttüadiwä ukuokuätuku chüyorekua pä'ümä̧ yorisotä jui̧'a̧sä̧; ja̧'wa̧nü̧ jȩchü̧ttü̧mä̧, yapare mikuäwokü wȩnȩtä̧ ja̧'a̧,

1 Corintios 13:4

Eseu re kkä̧kuä̧wä̧mä̧ usurä ȩmä̧kuä̧wä̧ ja̧'a̧; adiutä jȩä̧kuä̧wä̧ ja̧'a̧; kka̧ra̧ u̧ju̧nä̧ro̧mȩnä̧ ttüjü'kü juiyünä̧ toäkuäwokü ja̧'a̧; u̧wä̧mȩnä̧ wa̧sä̧ päwokü ja̧'a̧, ukuomä̧ te'äkuäwokü ja̧'a̧,

1 Corintios 9:23

Pi̧yȩ o'kajuiyünä̧ jȩpü̧sä̧, jareü wȩnȩ jäwänä̧, jua̧u̧ jäwä ji̧nä̧ ji̧yȩtȩnä̧ cha pä'ü.

1 Corintios 5:2

Ja̧'wa̧ta̧nü̧ ¡ukutumä̧ ukuo te'äkuäwätüjä̧! Ja̧'wa̧nü̧ jo̧mȩnä̧ tta̧'kua̧ tta̧'ȩku̧, jua̧u̧ jȩpü̧rü̧ ukututtü rä'epü ttikuaju jueimä̧.

1 Corintios 3:21

Ja̧'wa̧nü̧ ja̧'a̧ttü̧, pi̧jä̧ ttü̧ja̧ ttu̧ju̧nä̧rü̧mä̧ kueseäkuäwätukuä; jua̧u̧mä̧, o'kajuiyünä̧ ukututä jäwätä ja̧'a̧:

1 Corintios 1:31

Ja̧'wa̧nü̧ ja̧'a̧ttü̧, wȩyu̧kuä̧ wȩnȩ pä'a: «Ukuo tekuäwa päkuttümä̧, Tu̧ru̧wa̧ Jesucrito-nä̧tä̧ ukuo te'äwi.»

1 Corintios 1:19

Wȩyu̧kuä̧ wȩnȩ pä'a: «Wo̧juä̧tü̧ ttu̧wo̧juö̧ si'epü iku, adiu tta̧mü̧kuädü'i̧nä̧ jerutu chi̧kuä̧kua̧sä̧.»

1 Corintios 1:12

Ukututtü, yotüte pättü pä'üsä: «Ttümä̧ Pauru umüwäyotü i̧sa̧sä̧»; kkorotü pä'ätü: «Ttümä̧ Aporo umüwäyotü i̧sa̧sä̧»; kkorotütä pä'ätü: «Ttümä̧ Cefa umüwäyotü i̧sa̧sä̧,» ja̧'wa̧ta̧nü̧ ttümä̧: «Crito umüwäyotü i̧sa̧sä̧,» jü̧nä̧.

Hechos 18:24

Ja̧'wa̧nü̧ ja̧'a̧, ya̧tȩ judío i̧sa̧ Aporo pä'ü mi̧kua̧, Alejandría ütawiyä i̧sa̧ Éfeso ütawiyänä̧ rȩbȩwi̧nü̧, ukuokuäkuäwä wo̧jua̧ ja̧'wa̧ta̧nü̧ Wȩyu̧kuä̧ Wȩnȩ'i̧nä̧ rü̧ȩnä̧ adiu wo̧jua̧.

Hechos 19:1

Aporo-mä̧, Corinto ütawiyänä̧ ü̧ja̧'a̧nä̧, Pauru-mä̧ müä'kiyu ja̧'a̧nä̧ 'kuä'opäji̧'ka̧ Éfeso ütawiyänä̧ i̧rȩbȩwi̧'o̧mȩnä̧, juorü Jesucrito-rü esetätürü po̧kui̧pü̧,

2 Corintios 12:20

Ja̧'wa̧nü̧ ja̧'a̧ttü̧ yȩ'ȩkua̧sä̧ chi̧rȩbȩwi̧'o̧mȩnä̧, chüjü'koka'aku jȩpü̧ ku̧jä̧tu̧ku̧ 'kua̧ra̧'a̧ pä'ü ja̧'wa̧ta̧nü̧ ttü'i̧nä̧ ukutu kuju'kätukuokomȩnä̧ jȩchü̧ 'kua̧ra̧'a̧ pä'ü; rowäkuäwänä̧tä̧, ttu̧ju̧nä̧ri̧yä̧u̧ kkü'käwokünä̧tä̧, pä̧i̧nä̧tä̧, i̧mi̧ku̧ juoächäkuäwänä̧tä̧, suronä̧ pä'chäkuäwänä̧tä̧, jarode'äkuäwänä̧tä̧ ja̧'wa̧ta̧nü̧ wȩnȩ jü̧nä̧ kkä̧kuä̧wä̧nä̧tä̧, jü̧nä̧;