1 Corintios 4:21 - Nuevo Testamento Uwotjüja

²¹ ¿Däje pä̧wä̧rü̧jä̧tu̧kuäku̧ttü̧: chichomȩnä̧mä̧, ro̧dȩpä̧tu̧kua̧ku̧ pä'ätüjä̧ ja̧'wa̧nü̧ jo̧ka̧'a̧ jü̧ttü̧mä̧ eseu repe'ünü̧ do'ächü chichätukuaku pä'ätüjä̧?

TÄ̧DO Ä̧CUÄ̧ I̧HUȨNȨ

²¹ Jitä, ¿tta̧'a̧nö̧ cuamöcuädätucuättö ucutumä? Ucuturu topö chi̧'cho̧mȩnä̧, ¿chö̧tä̧bo̧ta̧ pä'ätöjä tä̧ji̧? Juhuorö'inä ¿adiu repe'önö eseunu chucuocua pä'ätöjä tä̧ji̧? ¿Tta̧'a̧nö̧ cuamöcuädätucuättö ucutumä?

1 Corintios 4:21 Referans Kwoze

2 Corintios 13:2

Todäre päi'ünä̧ chi̧wä̧chi̧nü̧mä̧ ji'äwinü̧sä̧, surojü jȩpä̧tü̧rü̧mä̧ pä̧i̧ku̧nä̧ pä̧dä̧kua̧sä̧ pä'ü ja̧'wa̧ta̧nü̧ jua̧u̧nü̧ o'ka'a surojü jȩpä̧tü̧rü̧'i̧nä̧, jü̧nä̧. Jitä otó chü̧ja̧'a̧nä̧'i̧nä̧ pä'äjita'anü̧ ja̧'wa̧nü̧tä̧ pä'üsä.

1 Tesalonicenses 2:7

Jua'akumä̧, Crito we'äwotü apótore ta'attü̧ ukuturumä̧ jätepü'anü̧ ja̧'a̧nä̧, jȩpo̧ko̧tü̧jä̧, pärokua'aku ttu̧wȩkuä̧nä̧ eseunü̧tä̧ jȩti̧nä̧u̧jä̧. Yajute tta̧ju̧ kki̧tti̧mü̧rü̧ tta̧'ä̧rü̧, atate ajü kku'uttädajü'a̧nü̧tä̧.

2 Corintios 13:10

Ja̧'wa̧nü̧ ja̧'a̧ttü̧ wȩyu̧tu̧tä̧ wȩdä̧u̧jä̧ jua'a chichäkua'a ä'kanä̧; jua'a chichomȩnä̧ Chu̧ru̧wa̧ weinü̧'a̧kuä̧ pä̧i̧ku̧nä̧ pädü juiyäkua'anü̧, jua'amä̧ kuä̧rä̧mä̧tu̧kua̧ pä'ü, surojuodepätukuaku pä'ümä̧kü̧.

2 Corintios 2:3

Wo̧jui̧nü̧sä̧ ttü cheseuta'anü̧ ukutu o'katoi'ünä̧ kuesewätukua'amä̧. Ja̧'wa̧nü̧ ja̧'a̧ttü̧, tteseäkuäwajü jueimä̧, kua̧'kua̧ tta̧kuȩkuä̧tu̧kua̧ pä'okü pinü̧sä̧ ja̧'wa̧nü̧ ji̧yä̧ku̧ wȩyu̧tu̧tä̧ wedinä̧u̧jä̧, topü chichoka'atä

2 Corintios 1:23

Ja̧'wa̧nü̧ ja̧'a̧nä̧, ji̧nä̧ Corinto ütawiyära̧'a̧mä̧ do'ächü ichokü pinü̧sä̧ ukuturu ukuotü, ¡wä̧i̧nä̧ Dio-mä̧ cha̧'kua̧rü̧ ȩmü̧ ikuäkusä!, yapare jidäuttümä̧.

Santiago 3:17

Ja̧'wa̧nü̧ ja̧'a̧nä̧ wo̧juä̧wä̧ Dio-ttü ichü kku̧nä̧rä̧tü̧mä̧, surojümä̧ jȩpo̧ko̧tü̧; ja̧'wa̧nü̧ ja̧jü̧jueimä̧ rowäwäkuäwä juiyünä̧ kkä̧kuä̧wä̧tä̧ usätü, ukuotätü, ja̧'wa̧ta̧nü̧ kkorotürümä̧ rȩrü̧jü̧nü̧ topätü, usurä ttȩmä̧u̧ jitütäku usurä ȩmä̧wä̧tü̧, ja̧'wa̧ta̧nü̧ 'kuäopünä̧tä̧ ttü̧ja̧rü̧mä̧ o'katoi'ünä̧rü̧ yoräteunä̧ adiu jȩpä̧tü̧, juätü ja̧'a̧ isopäi'ünä̧ Dio-rü esetinä̧tü̧mä̧.

2 Corintios 10:6

ukuotäkuäwokümä̧ o'kajuiyünä̧tä̧ ro̧tȩpa̧ pä'ätüjä̧, ukutu kukuotätuku jo̧mȩnü̧ päkui'ätukuomȩnä̧.

2 Corintios 2:1

Ja̧'wa̧nü̧ ji̧yä̧ku̧, kua̧'kua̧ tta̧kuȩkuä̧tu̧kuä̧ pä'ü, amükuädäji̧'ka̧ ukuturumä̧ ya'utekutä do'ächü ichokü pinü̧sä̧.

2 Corintios 10:8

Jua'akumä̧ chukuo jäwänä̧ yabonä̧nü̧ pädäwa'anä̧, dä'ämä̧ ttu'oküsä. Ukutunä̧ chukuo chu̧ju̧nä̧ra̧ pä'ümä̧, Chu̧ru̧wa̧ Jesucrito-tä iyina̧'a̧ttü̧, yabonü̧ kua̧'kua̧ ku̧wȩnä̧rä̧chä̧tu̧ku̧nä̧ ppädädätukuaku pä'ü, surojuodepätukuakumä̧ pä'oküsä.

2 Corintios 3:10

Isopäi'ünä̧ jitä jäwä tȩya̧u̧mä̧, mo̧ kki̧nü̧ tȩya̧wi̧nü̧ weäwä wȩnȩ ji̧nü̧ttü̧'i̧nä̧ u̧wä̧mȩ ja̧'a̧.

1 Corintios 5:5

ja̧'wa̧nü̧ jȩpü̧ Sataná-rü̧ iyü ikuätukuirü, idepä jättäji toe'ächünä̧, Tu̧ru̧wa̧ Jesucrito ichü mo̧ro̧ päi'omȩnä̧ a̧'kua̧rü̧ surojüttü kki̧'ä̧kua̧'a̧nü̧.

1 Corintios 4:18

Ukututtü yotukunä̧mä̧, täkü topü ichokü pä'ü pä̧wä̧rü̧ja̧'a̧ku̧ kka̧kuä̧tü̧;

2 Corintios 12:18

Tito-rü we'inü̧sä̧, kka̧ra̧ ta̧wa̧ru̧wa̧ ti̧jä̧wa̧ku̧ jua'a. Jua̧u̧nu̧mä̧ ¿Tito'i̧nä̧ ukuturumä̧, üyaparewina̧'a̧ tä̧jí̧? ¿Ji̧nä̧ ji̧yȩtȩtä̧ amükuädü, ji̧nä̧ yo̧mȩtȩnä̧ amükuädü taditoka'a ji̧na̧'a̧ tä̧jí̧?

Gálatas 6:1

Chawaruwä chi̧jä̧wa̧tü̧, ya̧tȩ surojü jȩä̧ja̧'a̧ ttü̧'o̧kui̧'ü̧ttü̧mä̧, ukutu Epíritu jäwänä̧ kka̧kuä̧tü̧tä̧ ro̧'ȩpä̧tu̧kui̧ diyawäyänä̧. Ukututä'i̧nä̧ tta̧'ä̧rä̧kuä̧u̧ kka̧kuä̧tu̧kui̧, kua̧mi̧ 'kuä'ü ma̧kuä̧chä̧tu̧ku̧ a̧'kua̧ra̧'a̧.