1 Corintios 4:19 - Nuevo Testamento Uwotjüja

¹⁹ Ja̧'wa̧nü̧ ja̧'a̧nä̧, Chu̧ru̧wa̧rü̧ pä̧wä̧rü̧jü̧ttü̧mä̧, a̧'u̧kua̧'a̧tä̧ jü̧ o'ka'a do'ächü chichäkua̧sä̧. Ja̧'wa̧nü̧ chichomȩnä̧tä̧ tochäkua̧sä̧, yotukunä̧ ukuo te'äkuäu pättü, isopäi'ünä̧ tȩnȩbütä jȩpü̧ pättaja pä'ü.

TÄ̧DO Ä̧CUÄ̧ I̧HUȨNȨ

¹⁹ Juhua'acucö̧. Tu̧ru̧hua̧rö̧ pä̧huä̧ rö̧jo̧mȩnä̧, yodojinänö ucuturu topö chi̧'chä̧cua̧sä̧. Ja̧u̧nu̧mä̧ jahuätö a'cuoyäunu amöcuädätömä, pättötä ä̧ju̧cuo̧cö̧sä̧. Jahuätö jȩttö̧'i̧nä̧ to̧chä̧cua̧sä̧.

1 Corintios 4:19 Referans Kwoze

Hechos 18:21

te'äwi'ipütä päinä̧u̧: «Dio-rü pä̧wä̧rü̧jo̧mȩnä̧ jü̧ttü̧tä̧, pä'äjita'anü̧mä̧ do'ächü chichäkuä̧u̧jä̧,» jitämä̧ Jerusarȩ́-ra̧'a̧ pä'kärinä̧ chü̧ja̧ pä'ü jä̧ku̧sä̧. Pä'ipütä, Éfeso ütawiyära̧'a̧, woi'kanä̧ 'chi̧nü̧.

Hechos 19:21

Pi̧yȩ 'kuäopäji o'ka'a, Pauru-mä̧ amükuädinü̧ Jerusarȩ́-ra̧'a̧ i̧'cha̧ pä'ü, jua'a 'chä̧nü̧ kkä̧nü̧mä̧, Macedonia rȩjȩnä̧'i̧nä̧, Acaya rȩjȩnä̧'i̧nä̧ 'kuäopa pä'inü̧. Ja̧'wa̧nü̧ juorü Jerusarȩ́-ttü̧ kkä̧nü̧mä̧ Roma-ra̧'a̧ i̧'cha̧ pä'ü amükuädinü̧.

Hebreos 6:3

Jua'akumä̧ pi̧yȩ pädümä̧ wo̧juȩkua̧'a̧; ja̧'wa̧nü̧ ja̧'a̧nä̧ Dio-rü pä̧wä̧rü̧jo̧mȩnä̧tä̧.

2 Corintios 1:23

Ja̧'wa̧nü̧ ja̧'a̧nä̧, ji̧nä̧ Corinto ütawiyära̧'a̧mä̧ do'ächü ichokü pinü̧sä̧ ukuturu ukuotü, ¡wä̧i̧nä̧ Dio-mä̧ cha̧'kua̧rü̧ ȩmü̧ ikuäkusä!, yapare jidäuttümä̧.

1 Corintios 11:34

Ja̧'wa̧ta̧nü̧ yotukunä̧ ttukua ppä̧i̧rü̧jü̧ttü̧mä̧, kuojusodetukuttü kuätukui, kuä̧tȩkuä̧tu̧ku̧ jäwä ku̧ka̧ka̧kuä̧tu̧ku̧ juiya pä'ümä̧. Kkoromä̧ topü chichomȩnä̧tä̧, adiwomȩnä̧ jȩpü̧ chu̧ju̧nä̧kua̧sä̧.

1 Corintios 4:18

Ukututtü yotukunä̧mä̧, täkü topü ichokü pä'ü pä̧wä̧rü̧ja̧'a̧ku̧ kka̧kuä̧tü̧;

1 Corintios 2:6

Ja̧'wa̧nü̧ ja̧'a̧nä̧, wo̧juä̧wä̧ wȩnȩ ukuokuätüjä̧ tta̧'kua̧ wȩnä̧rä̧kuä̧wä̧nä̧ büó juo'inä̧tü̧rü̧. Ja̧'wa̧nü̧ tukuokumä̧, pi̧jä̧ ttü̧ja̧ ttu̧wo̧juö̧mä̧kü̧ ja̧'wa̧ta̧nü̧ pi̧jä̧ ruwotü ttu̧wo̧juö̧ toe'ächümä̧kü̧.

Romanos 15:32

Dio-rü pä̧wä̧rü̧jo̧mȩnä̧tä̧, ku̧jä̧tu̧kuo̧mȩ eseunu̧ rȩbȩu̧, ukutuku yo̧mȩtȩnä̧ esewi'ü 'kuädopäkua'anü̧.

Santiago 4:15

«Tü̧ä̧nä̧wa̧rü̧ pä̧wä̧rü̧jü̧ttü̧mä̧, tü̧ja̧kuä̧kuo̧tü̧jä̧ ja̧'wa̧ta̧nü̧ pi̧yȩ'i̧nä̧ jȩta̧'a̧nä̧, kkoro'i̧nä̧ jȩtä̧kuo̧tü̧jä̧» päkuätukua'anütä wotüjä̧.

1 Corintios 16:5

Jua'amä̧ chichi'äkua̧sä̧, Macedonia rȩjȩnä̧ 'kuä'opi'ü'ka̧tä̧, Macedonia-nä̧ 'kuädopa pä'ü'i̧nä̧ rekuä rü̧ja̧'a̧ttü̧, juȩnȩ o'komȩnä̧ Corinto-ra̧'a̧ chi̧rȩbȩwi̧'a̧ pä'ümä̧.

1 Corintios 14:5

Ttümä̧ pä̧wä̧rü̧jä̧ku̧sä̧ ukutu o'katoi'ünä̧, ttieruwuö wȩnȩnä̧'i̧nä̧ kukuokuätukua pä'ü; ja̧'wa̧nü̧ ja̧'a̧nä̧, ji̧nä̧somä̧ pä̧wä̧rü̧jä̧ku̧sä̧ Dio i̧mi̧nä̧ jikuäwätukua pä'ü; isopäi'ünä̧ Dio i̧mi̧nä̧ ji'äumä̧ ttieruwuö wȩnȩnä̧ ukuokuttü'i̧nä̧ abonä̧nü̧ wa̧ ja̧'a̧ttü̧, ja̧'wa̧nü̧ ja̧'a̧nä̧ jua̧u̧ jittäu rä'epü iku ji'äu ü̧jo̧mȩnä̧mä̧ adiwa'a, igresia isotürü ppäda'attü.

Hechos 20:2

Juorümä̧ o'kajuiyünä̧ do'ächü ukuoku wo̧juȩtä̧ji̧'ka̧ Grecia rȩjȩra̧'a̧ rȩbȩwi̧nü̧.

1 Corintios 4:6

Chawaruwä chi̧jä̧wa̧tü̧, pi̧yȩ ukuturu ukuokuäjisä, ujututä wȩnȩku̧, ttütä chütü'kü'i̧nä̧ ja̧'wa̧ta̧nü̧ Aporo ütü'kü'i̧nä̧, jü̧nä̧ ukuturu repeta'attü̧. Kkorojuei päkuätukuomȩnä̧, wȩyu̧kuä̧ wȩnȩ päomȩttü̧'i̧nä̧ abonä̧nü̧ päkuätuku juiya pä'ü, ya̧tȩ Dio i̧wȩnȩ jiäkuäwä i̧sa̧mä̧, kkorotüttü'i̧nä̧ u̧wä̧mȩnä̧ wa̧sä̧ pä'ü amükuädäkuäu juiya pä'ü.

1 Corintios 16:7

Jurunä̧tä̧ 'kuä'o'ümä̧ tochätukuakumä̧ pä'oküsä. Dio-rü pä̧wä̧rü̧jü̧ttü̧mä̧, rekuonä̧nü̧ chü̧ja̧ pä'üsä.

2 Corintios 10:9

Chi̧wȩnȩ chi̧wȩyu̧tu̧nä̧ yekuekue'ätukuamä̧ pä'oküsä.