1 Corintios 4:15 - Nuevo Testamento Uwotjüja

¹⁵ Ja̧'wa̧nü̧ ja̧'a̧ttü̧ ukutumä̧, Crito-nä̧mä̧ diez mil-nü̧ jo̧mȩnä̧ wo̧juȩkuä̧ isotürü ku̧ju̧nä̧rä̧tu̧kua̧ja̧ pä'ü'i̧nä̧, kuä'otü̧mä̧ rekuätümä̧ to'ätüjä̧. Kuä'otuku jü̧nä̧ wa̧mä̧ ttütäsä, isopäi'ünä̧ Crito jäwä, jareü wȩnȩnä̧ chi̧tti̧mü̧ pä'i'inä̧tü̧jä̧.

TÄ̧DO Ä̧CUÄ̧ I̧HUȨNȨ

¹⁵ Ja̧'hua̧ta̧nö̧ recuätö huo̧juȩtä̧tö̧ isotö, to̧mö̧rȩ jähuä mil jo̧mȩnä̧, ucuturu Cristo i̧huȩnȩ ttu̧huo̧juȩto̧mȩnä̧, cuä̧'o̧tö̧mä̧ recuätömä to'ätöjä. Ttötäsä cuä'omä Cristo Jesúsru cuesetätucuomenä. Ttö ttö̧ja̧ suronä jȩttö̧ jȩpö̧ icu huȩnȩ ji'ähuinösä ucuturu.

1 Corintios 4:15 Referans Kwoze

Gálatas 4:19

Chi̧tti̧mü̧ 'kua̧rü̧nä̧ ukuturu repeda'attü̧, ukutu Crito jü̧ta̧'a̧nü̧ juokuächätukuomȩbü päi'ünä̧ pä'äjita'anü̧ usurä ȩmä̧u̧sä̧, muchaju ku̧kuä̧ba̧ barawäkua usurä kkȩmä̧wa̧'a̧ 'kua̧rü̧nä̧.

1 Corintios 3:10

Ttümä̧, Dio-rü pä̧wä̧rü̧jo̧mȩnä̧, juode kkada'ka 'chu̧ä̧ro̧mȩ jȩpü̧ kku̧ni̧nü̧sä̧: Jesucrito jäwä jareü wȩnȩ ji'äu. Ja̧'wa̧nü̧ ji̧na̧'a̧, kkorotümä̧ juȩnȩ wä̧mȩnä̧ aditätü. Ja̧'wa̧nü̧ ji̧na̧'a̧ttü̧, yotukunä̧ juȩnȩ wä̧mȩnä̧ aditätümä̧ ttu̧'ȩpä̧rü̧nü̧, aditätukui.

1 Corintios 9:23

Pi̧yȩ o'kajuiyünä̧ jȩpü̧sä̧, jareü wȩnȩ jäwänä̧, jua̧u̧ jäwä ji̧nä̧ ji̧yȩtȩnä̧ cha pä'ü.

1 Corintios 9:14

Ja̧'wa̧nü̧ jü̧ta̧'a̧nü̧, Tu̧ru̧wa̧'i̧nä̧ we'inü̧, Dio i̧wȩnȩ ji'äwätürümä̧, jua̧u̧ jittäuttü kuä̧nü̧ ttü̧ja̧kua̧ pä'ü.

1 Pedro 1:23

Ja̧'wa̧nü̧ ja̧'a̧ttü̧ ukutumä̧ pä'äjita'anü̧ uwäpächinä̧tü̧jä̧, pi̧yȩnä̧mä̧ kuä̧o̧tu̧ku̧ pi̧jä̧ ttü̧ja̧ 'korujuo'ächätüttümä̧ uwäpächokotüjä̧, ja̧'wa̧nü̧ ja̧jü̧jueimä̧ Dio i̧wȩnȩ toe'ächokü 'kuäopünä̧ kkü̧nä̧tä̧.

Santiago 1:18

Chutämä̧, ja̧'wa̧nü̧tä̧ pä̧wä̧rü̧ji̧nä̧ku̧, isopäi'ünä̧ wȩnȩnä̧tä̧ kkä̧kuä̧wä̧ i'komä̧ iyinä̧u̧jä̧, uwäbe'inä̧u̧ttü̧ ä̧kuo̧mȩnä̧ u̧wä̧ju̧ wotüta pä'ümä̧.

Filemón 1:19

Ttü Pauru, wȩyu̧tu̧ we'üsä; jua'akumä̧ ttütä chi̧mi̧tä̧kua̧jä̧ (ji̧nä̧, uku'i̧nä̧ ttürü kuimi̧ppota'a, pä'ü jui'ü).

Tito 1:4

Tito, Jesucrito-nä̧ kua̧'kua̧ ku̧wȩnä̧ra̧ pä'ü ppädädinä̧ku̧jä̧ ja̧'wa̧nü̧ ja̧'a̧ttü̧ isopäi'ünä̧ chi̧tti̧ jä̧'i̧nü̧'a̧nü̧ wa̧jä̧. Ttü'i̧nä̧ uku'i̧nä̧ Dio-rü ta̧'kua̧ tu̧wȩnä̧ro̧mȩttü̧ jua̧u̧ru̧mä̧ jä'epüsä Tä'o jo̧mȩttü̧ ja̧'wa̧ta̧nü̧ tu̧ru̧wa̧ Jesucrito ra̧wä̧pi̧jü̧ttü̧ tü̧ji̧pü̧nä̧ ppädäkuäwä i̧sa̧rü̧mä̧ eseäkuäwä'i̧nä̧ unichä̧rü̧ kkä̧kuä̧wä̧'i̧nä̧ ttiyäku pä'ü.

2 Timoteo 4:3

Ja̧'wa̧ta̧nü̧ adiwäjuei wȩnȩ ttä̧ju̧kuo̧mȩnä̧ ttü̧ja̧ tta̧mi̧ 'kittächi'okü mo̧ro̧'i̧nä̧ rȩbȩwä̧kua̧'a̧; tta̧mi̧'kittächi'ajueimä̧ jitürütä pä̧wä̧rü̧ja̧'a̧ku̧, wo̧juȩkuä̧ isotü rekuätürü ttusäkuotü jitütä ttä̧ju̧kua̧ pättütä ttu̧wo̧juȩta̧tü̧ pä'ü.

1 Corintios 9:18

¿Ja̧'wa̧nü̧ ja̧'a̧mä̧, ti̧yȩjä̧ttü̧ ttü mikuä chȩmä̧kuȩmä̧? Jua̧u̧mä̧ Crito weinü̧ mipponä̧ jidäutä ja̧'a̧, jareü wȩnȩ jidäwomȩnä̧ mikuä chȩma̧ pä'ü ji̧nü̧mä̧ chȩmo̧ka̧'a̧tä̧.

1 Corintios 9:12

Kkorotü'i̧nä̧, ukututtü pi̧yȩ pädü ttȩmä̧'i̧ja̧'a̧mä̧, juȩnȩ yabonä̧ ujutumä̧ tȩma̧ pä'ü ja̧'a̧. Ja̧'wa̧nü̧ ja̧'a̧nä̧'i̧nä̧, ujutumä̧ pi̧yȩttü̧mä̧ tȩmo̧ka̧'a̧ usurä ȩmä̧wä̧'i̧jä̧tü̧jä̧, Crito i̧wȩnȩ jareü jitäu ttoepü juiyäkua'anü̧ pä'ü.

1 Corintios 3:6

Ttümä̧ Jesucrito jäwä jareü wȩnȩ jidäwa'anä̧ Aporo-mä̧ yabonü̧ Jesucrito-rü tta̧'kua̧ ttu̧wȩnä̧rü̧nä̧ wo̧juȩti̧nü̧ ja̧'wa̧nü̧ ja̧'a̧nä̧ ji̧nä̧so tä̧mü̧ juottünä̧ jȩpi̧nü̧mä̧ Dio-tä ja̧'a̧.

Romanos 15:20

Ja̧'wa̧nü̧ ja̧'a̧ttü̧, aditinü̧sä̧, jareü wȩnȩmä̧ ä'koji Crito ütü'kü jittäwokomȩ jä̧'i̧jo̧mȩ pünä̧tä̧, kkorotü jittäwä'ijü wä̧mȩtü̧ jidäu juiya pä'ü.

1 Corintios 1:30

Ja̧'wa̧nü̧ ja̧'a̧nä̧, Chutä Dio-tä ja̧'a̧ ukuturu Jesucrito-ku ji̧nä̧ ji̧yȩtȩ päi'ünä̧ jȩpi̧nü̧mä̧ ja̧'wa̧nü̧ jȩpü̧ Crito-nä̧mä̧ wo̧juä̧wä̧ kkü̧nä̧, adiwomȩnä̧ jȩä̧kuä̧wä̧ kkü̧nä̧, 'kȩ'ȩpü̧ ȩmä̧wo̧tü̧ jü̧nä̧'i̧nä̧ ja̧'wa̧ta̧nü̧ mitäu ȩmi̧nä̧u̧ jü̧nä̧'i̧nä̧, jȩi̧nä̧u̧jä̧.

1 Corintios 3:8

Ja̧'wa̧nü̧ ja̧'a̧ttü̧ jiäkuäwä i̧sa̧'i̧nä̧, tta̧'kua̧ ttu̧wȩnä̧rü̧nä̧ wo̧juȩtü̧'i̧nä̧ ji̧nä̧ ji̧yȩtȩtä̧ wotü, jua'akumä̧ yotukunä̧ ttaditäwä jü̧'a̧kuä̧ mikuä ttȩmä̧kua̧'a̧nä̧.

1 Corintios 9:16

Ja̧'wa̧ta̧nü̧ ttümä̧ jareü wȩnȩ jidäwa'amä̧ eseäkuäwoküsä, isopäi'ünä̧ jua̧u̧mä̧ rekuä rü̧ji̧yä̧ku̧ weina̧'a̧ttü̧. ¡Jua̧u̧ jareü wȩnȩ jidäwoka'a jü̧ttü̧mä̧, isottü̧ ttüwe! pä'äusä.

1 Corintios 15:1

Jitämä̧, chawaruwä chi̧jä̧wa̧tü̧, jareü wȩnȩ jidäwinü̧ kuamükuädätukua pä'üsä. Pi̧yȩtä̧ ja̧'a̧ jareü wȩnȩ esetinü̧'kotü, ji̧yȩnä̧tä̧ 'kiyünä̧ ku̧ja̧kuä̧tu̧ku̧mä̧.

2 Corintios 4:5

Ujututä ta̧mü̧nä̧ pa̧ja̧tü̧mä̧ ji'äwokotüjä̧, ji̧nä̧somä̧ Jesucrito-mä̧, Tu̧ru̧wa̧ ja̧'a̧ pä'ü ji'äu kkä̧nü̧, ukutumä̧ ku̧wo̧juȩtä̧u̧jä̧ pä'ätüjä̧, Crito-rü eseu repeta'attü̧.

Gálatas 3:24

Weäwä wȩnȩmä̧ wo̧juȩkuä̧ i̧sa̧ jä̧'i̧nü̧'a̧nü̧tä̧ ȩpi̧nä̧u̧jä̧ Jesucrito-bümä̧, Jua̧u̧ru̧ ta̧'kua̧ tu̧wȩnä̧ro̧mȩnä̧ Dio ȩma̧tü̧ pä'ümä̧.

Gálatas 3:25

Ja̧'wa̧nü̧ ja̧'a̧nä̧, ta̧'kua̧ tu̧wȩnä̧rä̧ku̧ Crito ichinü̧ o'ka'amä̧, täkü rekuä rü̧jo̧ko̧u̧jä̧ weäwä wȩnȩ wo̧juȩtä̧rü̧ oipatü pä'ümä̧.