1 Corintios 4:11 - Nuevo Testamento Uwotjüja

¹¹ Jitä mo̧ro̧bü päi'ünä̧ ppäi'i̧nä̧, ppäi ttu'ätüjä̧, ttawa'i̧nä̧ a̧di̧rü̧jä̧u̧jä̧, tü̧'ka̧tä̧wä̧ti̧yu̧'i̧nä̧ jui'ätüjä̧; ti'ebabanä̧ kuäkuättä̧u̧jä̧, tü̧ja̧kuo̧mȩ'i̧nä̧ jui'ätüjä̧.

TÄ̧DO Ä̧CUÄ̧ I̧HUȨNȨ

¹¹ Jitä mo̧ro̧ päi'önä ppäi ttu'u, tu̧cuȩ'i̧nä̧, tahua'inä jui'ätöjä. Tö̧'ca̧tä̧huä̧ti̧yu̧'i̧nä̧ jui'ätöjä. Ttö̧ja̧'i̧nä̧ suronä jȩpä̧tö̧ ujuturu. Tojusode'inä jui'ätöjä.

1 Corintios 4:11 Referans Kwoze

Romanos 8:35

¿Ditä jä̧kua̧'a̧jä̧ttü̧ Crito eseu repeüttü ujuturu 'kȩ'ȩpü̧ i̧kuä̧kua̧mä̧? ¿Usurä ȩmä̧kuä̧wä̧, jȩtü̧ juiyünä̧ jü̧, kuä'ü ttikua pä'ü ttu̧sä̧rü̧, ppäi ttuäwä, tü̧'ka̧tä̧wä̧ti̧yu̧ juitü, ra̧wä̧pi̧jü̧, wa'are?

Filipenses 4:12

Usurä i̧sa̧ jü̧nä̧ kkä̧kuä̧wä̧'i̧nä̧, rü̧ȩnä̧ kku̧nä̧rü̧ kkä̧kuä̧wä̧'i̧nä̧ wo̧jua̧sä̧. O'kajuiyünä̧tä̧ kkä̧kuä̧wä̧ wo̧juȩkua̧sä̧, chu̧kuȩ ppäittuda pä'ü'i̧nä̧, chu̧kuȩ chu̧ju̧nä̧ra̧ pä'ü'i̧nä̧, jü̧nä̧.

2 Timoteo 3:11

Ja̧'wa̧ta̧nü̧ Antioquía-ttü'i̧nä̧, Iconiottü̧'i̧nä̧, ja̧'wa̧ta̧nü̧ Ritra ütawiyättü'i̧nä̧ ttürü kuäkuätta'a, usurä chȩmä̧wi̧nü̧mä̧ wo̧jua̧jä̧, ja̧'wa̧nü̧ ja̧'a̧nä̧ chu̧ru̧wa̧ Jesucrito-mä̧ ja̧u̧ttü̧mä̧ o'kajuiyünä̧tä̧ rä'epü ikuinä̧ku̧sä̧.

San Mateo 8:20

Päku, Jesú-mä̧ ädätinü̧: —A̧wa̧ri̧tü̧mä̧ ttäjuwiyä kku̧nä̧rä̧tü̧ ja̧'wa̧ta̧nü̧ ppi̧yu̧'i̧nä̧ ttä̧'ti̧yu̧ kku̧nä̧rä̧tü̧. Ja̧'wa̧nü̧ ja̧'a̧nä̧, ubo I̧tti̧mä̧ ä'ü ü̧jo̧mȩ'i̧nä̧ jui̧'a̧.

2 Corintios 4:8

Ja̧'wa̧nü̧ ja̧'a̧ttü̧, o'kajuiyünä̧tä̧ usurä tȩmä̧wa̧'a̧nä̧, kkȩdü̧mä̧ ikuoko̧u̧jä̧; jurunä̧ jȩta̧'a̧nä̧, ta̧'kua̧ ro'eku usurä ȩmä̧wo̧ko̧tü̧jä̧.

1 Corintios 9:4

¿Ujutumä̧ tu̧kuȩ tukua pä'ümä̧, tawa pä'ümä̧ wokotüjä̧ tä̧jí̧,

Hechos 23:2

Ja̧'wa̧nü̧ ja̧'a̧ sacerdote-tü̧ ttu̧ru̧wa̧, Ananía pä'ü mi̧kua̧mä̧ ippeyänä̧ pȩjä̧tü̧rü̧, Pauru-rü änä̧ kuättarü pä'ü we'inü̧.

Hechos 16:23

Ja̧'wa̧nü̧ rü̧ȩnä̧ kuäkuättünä̧ we'äjä'kotü, kärenä̧ rütü, juȩnȩ tta̧wä̧rä̧kuä̧wä̧ i̧sa̧rü̧ adiu tta̧wä̧rü̧nä̧ wettinä̧ku̧.

Hechos 14:19

Ja̧'wa̧nü̧ ja̧'a̧ jakuänä̧ Antioquía-ttü'i̧nä̧, Iconiottü̧'i̧nä̧ Judío-mä̧ ichi'ü ttü̧ja̧rü̧ esekuinä̧tü̧; ttesekuä̧u̧ Pauru-rü inä̧dunä̧ ikuäu ikuäjä'kotü, täkü 'koru pä'i'äjikü̧ pä'ü, ütawiyättü dodopü rä'epü ttikuinä̧ku̧.

2 Corintios 11:20

Ukutumä̧ ja̧'a̧tä̧ topätüjä̧ esclavo jü̧nä̧ wetta'anä̧'i̧nä̧, kkoro juei 'chottipa'anä̧'i̧nä̧, ttüyaparewa'anä̧'i̧nä̧, ttüjü'koka'anä̧'i̧nä̧, kui'ätukunä̧ kuättaja pä'ü'i̧nä̧.