1 Corintios 4:1 - Nuevo Testamento Uwotjüja

¹ Ja̧'wa̧nü̧ ja̧'a̧ttü̧, ujuturumä̧ Crito aditäwä ppä'ädä̧rä̧tü̧ jü̧nä̧tä̧ topätukuitü, Dio jäwä ttieruwü wȩnȩ adikuä isotü jü̧nä̧tä̧.

TÄ̧DO Ä̧CUÄ̧ I̧HUȨNȨ

¹ Iso päi'önä jahuätömä Dios i̧huȩnȩ, ttö̧ja̧ ttieru huȩnȩ, jittähua pä'ö Cristo hue'ähuotödo pä'ö cuamöcuädätucuaja ujuturu.

1 Corintios 4:1 Referans Kwoze

1 Pedro 4:10

Yotükupünä̧ Dio mipponä̧ iyü kuȩmi̧nä̧tu̧ku̧mä̧, kkorotüku ppä'ädü aditätukui adiunä̧ juȩ'ȩpä̧rü̧ adikuä isotü jü̧nä̧.

Tito 1:7

Dio-mä̧ we'inü̧ Pató-tü̧rü̧mä̧ o'katoi'ünä̧ ttaditäwä to̧ttä̧ra̧ pä'ü, o'kajuiyünä̧ adiwomȩnä̧ ttadita pä'ü; ja̧'wa̧nü̧ ja̧'a̧ttü̧ kkorotürü pä'ä'chokürü, ra̧wä̧ri̧pä̧ro̧kü̧rü̧, tä̧'ä̧mä̧'cho̧kü̧rü̧. Surojümä̧ jȩpo̧kü̧rü̧, tä̧'ä̧mä̧'cho̧kü̧rü̧, pä̧i̧ a̧wa̧ru̧wa̧ pokürü, iäre'i̧nä̧ yapare jȩpü̧ 'choipä'chokürü.

1 Timoteo 3:9

Kkoromä̧ 'kuäopünä̧tä̧ Dio i̧wȩnȩ jareü wȩnȩ iyinü̧mä̧ o'kajuiyünä̧tä̧ tteseta pä'ü ja̧'a̧, ja̧'wa̧ta̧nü̧ tta̧mü̧kuädünä̧mä̧ surojü tta̧mü̧kuädoka'a kkä̧nü̧tä̧.

2 Corintios 4:5

Ujututä ta̧mü̧nä̧ pa̧ja̧tü̧mä̧ ji'äwokotüjä̧, ji̧nä̧somä̧ Jesucrito-mä̧, Tu̧ru̧wa̧ ja̧'a̧ pä'ü ji'äu kkä̧nü̧, ukutumä̧ ku̧wo̧juȩtä̧u̧jä̧ pä'ätüjä̧, Crito-rü eseu repeta'attü̧.

Efesios 6:19

Ja̧'wa̧ta̧nü̧ ttü chütü'kü'i̧nä̧ Dio-rü ukuokuätukui, yä̧wä̧i̧ jäwä jareü wȩnȩ jidäwa pä'ü chä yädepomȩnä̧ wo̧juȩku̧nä̧ jidäunä̧ Dio iyattü.

Colosenses 2:2

Kua̧mi̧so'kitukunä̧ esewächi'ü, ji̧nä̧ yo̧mȩtȩnä̧ repe'äkuäu, jo̧mȩnü̧ 'kukuächi'ünä̧ ku̧wo̧juä̧chä̧tu̧kua̧ pä'üsä. Ja̧'wa̧nü̧ jo̧mȩnä̧ Dio yä̧wȩi̧nä̧ u̧ju̧nä̧ri̧nü̧ ku̧wo̧jui̧päkuo̧tü̧jä̧. Jua̧u̧mä̧ Crito ja̧'a̧.

Romanos 16:25

¡Dio-rü teseäkuäwätukua! jua̧u̧tä̧ ja̧'a̧ yaboku kui'chä̧tu̧ku̧nä̧ ppä'ädümä̧ jareü wȩnȩ jidäu ja̧'wa̧nü̧ pä'a ja̧'wa̧ta̧nü̧ Jesucrito'i̧nä̧ ja̧'wa̧nü̧tä̧ wo̧juȩti̧nü̧. Ja̧'wa̧nü̧tä̧ ja̧'a̧ Dio ttieruwuönä̧ amükuädinü̧mä̧, mo̧ täbokü pi̧jä̧ kkä̧kua̧'a̧ a'kojitä päi'ünä̧ wo̧jui̧'ä̧kuä̧wo̧kü̧ ji̧nü̧.

Colosenses 4:3

Ja̧'wa̧nü̧ kukuokuätukuomȩnä̧mä̧ ujuturu'i̧nä̧ Dio-rü ukuokuätukui, Tu̧ru̧wa̧ bawepätü, Crito amükuädinü̧ ttieruwuö wȩnȩ jitäwa, ttü'i̧nä̧ jua̧u̧ jäwänä̧tä̧ kärenä̧ pü̧sä̧.

Efesios 1:9

Dio yä̧wä̧i̧nä̧ ä'kojitä päi'ünä̧ amükuädinü̧mä̧, Crito-nä̧tä̧ tu̧wo̧jui̧pü̧nä̧ jȩi̧näu̧jä Churutä pä̧wä̧rü̧jo̧mȩnä̧.

2 Corintios 12:6

Ja̧'wa̧nü̧ ja̧'a̧nä̧ cha̧mü̧nä̧ ukuo tedäkuäwuöttü'i̧nä̧, tä̧'ä̧mü̧ 'kua̧rü̧nä̧mä̧ ukuokuokü pajüsä, isopäi'ünä̧tä̧ chukuokua'attü̧. Ja̧'wa̧nü̧ ja̧'a̧nä̧ jȩpo̧kü̧sä̧, ya̧tȩ'i̧nä̧ ttürü tottä'ijümä̧, ttä̧ju̧kuä̧'i̧jü̧mä̧, u̧wä̧mȩnä̧ tta̧mü̧kuädü juiyäkua'anü̧.

2 Corintios 11:23

Juätü'i̧nä̧, Crito aditäwä aditätü jü̧ttü̧mä̧; (ttu̧'ȩpä̧ro̧kü̧ 'kua̧rü̧nä̧ pä'üsä) ttümä̧, abonä̧nü̧ wa̧sä̧; adikuättümä̧, juätüttü'i̧nä̧ abonä̧nü̧ aditä'ijüsä; juätüttü'i̧nä̧ abonä̧nü̧ kuäkuättinä̧ku̧sä̧; kärenä'i̧nä̧ rü̧ȩnä̧ pinü̧sä̧; tode'ächü'anü̧ jü̧'i̧nä̧ rü̧ȩnä̧ 'kuä'opinü̧sä̧.

San Lucas 12:42

Päiyäku Jesú-mä̧ ädätinä̧ku̧: ¿Dí ja̧'a̧jä̧ttü̧ ukututtü u̧ru̧wa̧ iäre adiu wo̧juȩku̧nä̧ tta̧wä̧ra̧ pä'ü u̧ju̧nä̧kua̧mä̧, jua̧u̧ ichomȩnä̧ aditäwä jä̧jí̧ i̧mi̧tarü pä'ü?

San Mateo 24:45

¿Tideja̧'a̧jä̧ttü̧ u̧mü̧wä̧ya̧ ttu̧'ȩpä̧rü̧nü̧ ukuotümä̧? jua̧u̧mä̧ chú jä̧kua̧'a̧, u̧ru̧wa̧ ojusodenä̧ we'ü u̧ju̧ni̧'ä̧ku̧, ttu̧kuȩ iyäwomȩ pätekuächomȩnä̧ iyiyarü pä'ü.

1 Timoteo 3:16

Jeruwoka'a ttesetinü̧ttü̧mä̧ isopäi'ünä̧ jü̧ i̧jȩkuä̧chü̧mä̧ ji̧yȩtȩ rü̧ä̧u̧ jäwä ja̧'a̧: Crito-mä̧, pi̧jä̧ra̧'a̧ ichümä̧ ttü̧ja̧sa̧ jü̧nä̧tä̧ ichinü̧, Epíritu ji̧na̧'a̧ surojümä̧ jui̧'a̧ pä'ü ji'äwinü̧mä̧ Ja̧'wa̧ta̧nü̧ á̧gȩrȩ'i̧nä̧ tottinä̧ku̧. Ruwäkuiyä pa̧ja̧ku̧nä̧ i̧wȩnȩ jittäwomȩnä̧ Pi̧jä̧ ttü̧ja̧mä̧ esetinä̧tü̧, ja̧'wa̧ta̧nü̧ mo̧ro̧jä̧ra̧'a̧ kä'ekuächinü̧.

1 Timoteo 3:6

Ja̧'wa̧nü̧ ja̧'a̧ttü̧ jareünä̧ Dio-rü esetü ikumä̧ ttü̧ja̧rü̧mä̧ juȩpä̧rü̧ juiya'anü̧ ja̧'a̧, ja̧'wa̧nü̧ jü̧ttü̧mä̧ chutä a̧mü̧nä̧ ukuo kku̧nä̧u̧ äwettä ma̧ä̧chi̧no̧mȩ okurära̧'a̧ ma̧ä̧cha̧'a̧ku̧.

2 Corintios 6:4

Pärokua'aku o'kajuiyünä̧tä̧ i̧jȩpä̧tü̧jä̧, Dio aditäwä aditätü pättünä̧, rü̧ȩnä̧ ta̧mi̧'ki'ächi'ätüjä̧, usurä tȩmä̧wo̧mȩnä̧, rekuä rü̧jo̧mȩnä̧, ta̧'kua̧ tta̧tȩkuo̧mȩnä̧;

1 Corintios 4:13

Ujuturu suronä̧ pä'ü wotta'anä̧, pärokua'akumä̧ adiunä̧tä̧ tä̧dä̧tä̧u̧. Pi̧jä̧nä̧ttü̧mä̧ do'opü ikuäwotü, suropätü jü̧nä̧tä̧ pä̧ttä̧u̧jä̧, jitä mo̧ro̧bü päi'ünä̧tä̧.

1 Corintios 3:5

Jua̧u̧nu̧mä̧ ¿Däjé jȩä̧kuä̧wä̧ i̧sa̧jä̧ttü̧ Aporo-mä̧? ja̧'wa̧ta̧nü̧ ¿Pauru'i̧nä̧ jü̧nä̧mä̧? Suro, ujutumä̧ Dio weinü̧tä̧ jȩä̧kuä̧wä̧ isotüjä̧, ujutunä̧tä̧ Jesucrito-rümä̧ esetinä̧tü̧jä̧. Jua'amä̧, ujutumä̧, yotukunä̧ Tu̧ru̧wa̧ weinü̧tä̧ aditinä̧tü̧jä̧:

1 Corintios 2:7

Ja̧'wa̧nü̧ ja̧'a̧ttü̧ ukuokuätüjä̧, Dio jäwä wo̧juä̧wä̧ wȩnȩ wo̧jui̧'ä̧kuä̧wo̧kü̧. Mo̧ täbokütä päi'ünä̧ ttieruwomȩnä̧ amükuädü u̧ju̧ni̧nü̧ chutä uruwo ujuturu iya pä'ü.

San Marcos 4:11

Juätürü pä'inü̧: «Ukuturumä̧ Ru̧wa̧ Dio weü ttieruwuönä̧ jü̧ ku̧wo̧juä̧tu̧ku̧nä̧ iyinä̧u̧jä̧; ja̧'wa̧nü̧ ja̧'a̧nä̧ u̧mi̧nä̧ kka̧kuä̧tü̧rü̧mä̧ wȩnȩtü̧tä̧ ji'äkuäwa'a.

San Mateo 13:11

Pättäku ädätinä̧u̧: Ukuturumä̧ i̧yä̧wi̧'i̧nä̧u̧jä̧ mo̧ro̧jä̧ ru̧wa̧ weü wo̧juä̧wo̧kü̧ ku̧wo̧juä̧tu̧kua̧ pä'ü; ja̧'wa̧nü̧ ja̧'a̧nä̧ jitüjarümä̧ i̧yä̧wi̧'o̧ko̧u̧ pinä̧tü̧.

San Lucas 8:10

Juätürü pä'inü̧: Ukuturumä̧, Dio weü wo̧juä̧wo̧kü̧mä̧ ku̧wo̧juä̧tu̧ku̧nä̧ iyinä̧u̧jä̧; ja̧'wa̧nü̧ ja̧'a̧nä̧ kkorotürümä̧ wȩnȩtä̧rü̧tä̧ ukuokusä, jua'amä̧ topätürümä̧, totta'anä̧'i̧nä̧ tottü juiya pä'ü ja̧'wa̧ta̧nü̧ ttä̧ju̧kua̧'a̧nä̧'i̧nä̧, ttu̧wo̧jui̧pü̧ juiya pä'ü.

San Lucas 1:2

Ä̧kuo̧mȩnä̧ttü̧ kkä̧mä̧dü̧ tti'ärenä̧ tottinü̧'a̧kuä̧, Dio i̧wȩnȩ ji'äwinä̧tü̧.

Romanos 11:25

Chawaruwä chü̧jä̧wa̧tü̧ pi̧yȩ Dio ttieruwuönä̧ amükuädinü̧mä̧ kuieruwätukuamä̧ pä'oküsä, kua̧mü̧nä̧ pa̧ja̧tü̧ ukuotekuäwätuku juiyäkua'anü̧. Judío yotukunä̧mä̧ rü̧ȩnä̧ tta̧mi̧ 'ki'ächächinü̧'kotü Jesucrito-rü tteseta pä'okotü; ja̧'wa̧nü̧ ja̧'a̧nä̧ iweye ja̧'wa̧ta̧nü̧tä̧ ttäkuotü judío pokotü i̧tti̧mü̧ pätti'omȩbü päi'ünä̧;

1 Corintios 4:2

Ja̧'wa̧nü̧ ja̧'a̧ttü̧, adikuä 'chu̧'ä̧rä̧tü̧rü̧mä̧, ttaditäwä jȩpü̧ ttü̧ja̧ pä'ütä ja̧'a̧.