1 Corintios 3:21 - Nuevo Testamento Uwotjüja

²¹ Ja̧'wa̧nü̧ ja̧'a̧ttü̧, pi̧jä̧ ttü̧ja̧ ttu̧ju̧nä̧rü̧mä̧ kueseäkuäwätukuä; jua̧u̧mä̧, o'kajuiyünä̧ ukututä jäwätä ja̧'a̧:

TÄ̧DO Ä̧CUÄ̧ I̧HUȨNȨ

²¹ Ja̧'hua̧nö̧ ja̧'a̧ttö̧ pi̧jä̧ ttö̧ja̧rö̧ esetö, yoröiso a'cuoyäunu cuamöcuädätucuä'. Iso päi'önä o'ca juiyönä pi̧jä̧nä̧ ka̧cu̧ ucutu cuhuäretucu päi'önä ku̧nä̧rä̧tö̧jä̧.

1 Corintios 3:21 Referans Kwoze

Romanos 8:32

Dio-mä̧, ja̧'wa̧nü̧ jo̧ka̧'a̧ Chutä I̧tti̧rü̧'i̧nä̧ repeoka'a ujutu o'katoi'ünä̧ jäwänä̧ wa'ü ikunä̧ iyina̧'a̧mä̧ ¿Toku pä'ü kkorojuei o'kajuiyünä̧, chutäku yo̧mȩtȩnä̧ i̧yo̧ko̧u̧ täkua'ajä̧ttü̧?

1 Corintios 4:6

Chawaruwä chi̧jä̧wa̧tü̧, pi̧yȩ ukuturu ukuokuäjisä, ujututä wȩnȩku̧, ttütä chütü'kü'i̧nä̧ ja̧'wa̧ta̧nü̧ Aporo ütü'kü'i̧nä̧, jü̧nä̧ ukuturu repeta'attü̧. Kkorojuei päkuätukuomȩnä̧, wȩyu̧kuä̧ wȩnȩ päomȩttü̧'i̧nä̧ abonä̧nü̧ päkuätuku juiya pä'ü, ya̧tȩ Dio i̧wȩnȩ jiäkuäwä i̧sa̧mä̧, kkorotüttü'i̧nä̧ u̧wä̧mȩnä̧ wa̧sä̧ pä'ü amükuädäkuäu juiya pä'ü.

Romanos 8:28

Ja̧'wa̧ta̧nü̧ wo̧juä̧tü̧jä̧, Dio-rü repe'ü esewätürümä̧ o'kajuiyünä̧tä̧ adiu ppä̧dä̧u̧ pä'ü, churutä pä̧wä̧rü̧jo̧mȩnä̧ woinä̧u̧ru̧mä̧.

Apocalipsis 21:7

Surojü abo 'kuä'o'ümä̧ pi̧yȩ o'kajuiyünä̧ üäre jä̧kua̧'a̧; ttü jä̧kua̧'a̧ ü̧ä̧nä̧wa̧ Dio-mä̧ ja̧'wa̧ta̧nü̧ pärokua'akumä̧ chi̧tti̧ jä̧kua̧'a̧.

Romanos 4:13

Isopäi'ünä̧ Abraha̧-rü̧ i̧rȩjä̧, churutä'i̧nä̧ iyü kkä̧nü̧, i̧tti̧mü̧rü̧'i̧nä̧ Dio iya pä'ina̧'a̧mä̧, weäwä wȩnȩ ukuotomȩttü̧mä̧ jo̧ka̧'a̧ ji̧na̧'a̧. Jua'amä̧ Dio-rü, churutä a̧'kua̧ u̧wȩnä̧ro̧mȩttü̧ ji̧na̧'a̧; Dio adiwä i̧sa̧ jü̧nä̧ pärotü ikumä̧.

2 Corintios 4:5

Ujututä ta̧mü̧nä̧ pa̧ja̧tü̧mä̧ ji'äwokotüjä̧, ji̧nä̧somä̧ Jesucrito-mä̧, Tu̧ru̧wa̧ ja̧'a̧ pä'ü ji'äu kkä̧nü̧, ukutumä̧ ku̧wo̧juȩtä̧u̧jä̧ pä'ätüjä̧, Crito-rü eseu repeta'attü̧.

2 Corintios 4:15

Pi̧yȩmä̧ o'kajuiyünä̧ 'kuä'opätüjä̧ ukutu adiwä juei kuȩmä̧tu̧kua̧ pä'ü. Isopäi'ünä̧ rekuätü Dio rȩrü̧jü̧ topü eseu ttȩmü̧ttü̧mä̧, rekuätü jä̧kua̧'a̧ Dio ü̧rü̧ä̧ eseäkuäwätümä̧.

2 Corintios 6:10

Tta̧'kua̧ tta̧'ȩkuä̧tü̧ 'kua̧ra̧'a̧nä̧, 'kuäopünä̧tä̧ esewätüjä̧; usurä isotü 'kua̧ra̧'a̧nä̧, rekuätü ruwotü juottünä̧ ppä'ädätüjä̧; yoriso jui'ätü 'kua̧ra̧'a̧nä̧, o'kajuiyünä̧ kku̧nä̧rä̧tü̧jä̧.