1 Corintios 3:19 - Nuevo Testamento Uwotjüja

¹⁹ Isopäi'ünä̧ pi̧jä̧ttü̧ wo̧juä̧wä̧ wȩnȩmä̧, Dio-rümä̧ suräjuä wȩnȩtä̧ ja̧'a̧. Ja̧'wa̧nü̧ ja̧'a̧ttü̧ wȩyu̧kuä̧mä̧ pä'a: «Dio-mä̧, wo̧juä̧wä̧ wȩnȩ kku̧nä̧rä̧tü̧rü̧mä̧, ji̧yȩtä̧ ttu̧wo̧juö̧nä̧ 'chu̧ä̧dä̧u̧,» jü̧nä̧.

TÄ̧DO Ä̧CUÄ̧ I̧HUȨNȨ

¹⁹ Dios ä'ca jo̧mȩttö̧ pi̧jä̧ttö̧ huo̧juä̧huä̧ yoröiso ttu̧'ȩpä̧ro̧co̧tö̧ ttucuocu'a̧nö̧ jö̧. Huȩyu̧cuä̧ Huȩnȩ päa'a: “Pi̧jä̧ ttö̧ja̧ pi̧jä̧ttö̧ rö̧ȩnä̧ ttu̧huo̧jua̧'a̧nä̧ jȩpö̧, Dios jȩä̧u̧ jitötä tta̧mö̧nä̧ jȩpö̧ tottei'a pä'ö.”

1 Corintios 3:19 Referans Kwoze

1 Corintios 2:6

Ja̧'wa̧nü̧ ja̧'a̧nä̧, wo̧juä̧wä̧ wȩnȩ ukuokuätüjä̧ tta̧'kua̧ wȩnä̧rä̧kuä̧wä̧nä̧ büó juo'inä̧tü̧rü̧. Ja̧'wa̧nü̧ tukuokumä̧, pi̧jä̧ ttü̧ja̧ ttu̧wo̧juö̧mä̧kü̧ ja̧'wa̧ta̧nü̧ pi̧jä̧ ruwotü ttu̧wo̧juö̧ toe'ächümä̧kü̧.

1 Corintios 4:6

Chawaruwä chi̧jä̧wa̧tü̧, pi̧yȩ ukuturu ukuokuäjisä, ujututä wȩnȩku̧, ttütä chütü'kü'i̧nä̧ ja̧'wa̧ta̧nü̧ Aporo ütü'kü'i̧nä̧, jü̧nä̧ ukuturu repeta'attü̧. Kkorojuei päkuätukuomȩnä̧, wȩyu̧kuä̧ wȩnȩ päomȩttü̧'i̧nä̧ abonä̧nü̧ päkuätuku juiya pä'ü, ya̧tȩ Dio i̧wȩnȩ jiäkuäwä i̧sa̧mä̧, kkorotüttü'i̧nä̧ u̧wä̧mȩnä̧ wa̧sä̧ pä'ü amükuädäkuäu juiya pä'ü.

Efesios 4:14

Ja̧'wa̧nü̧ jo̧mȩnä̧mä̧ ppo̧'ä̧tü̧ tta̧mi̧ 'kuä'ätü jä̧'i̧nü̧'a̧nü̧, kkoro ttu̧wo̧juȩtü̧ jü̧'a̧kuä̧mä̧ kue'ächü kko̧ko̧tü̧ täkuotüjä̧. Pi̧jä̧ ttü̧ja̧ tta̧mü̧kuäda'aku ma̧ttä̧chü̧nä̧ jȩpä̧'chä̧tü̧ku̧mä̧.

Santiago 3:15

Isopäi'ünä̧ pi̧yȩ wo̧juä̧wä̧ wȩnȩmä̧ Dio-ttümä̧ ichokü, ja̧u̧ ja̧jü̧jueimä̧ pi̧jä̧ ttü̧ja̧ ttu̧wo̧juö̧ttü̧tä̧, ttü̧ja̧sa̧ amükuädüttütä, ja̧'wa̧ta̧nü̧ chutä äwettättütä ichü ja̧'a̧.