1 Corintios 3:13 - Nuevo Testamento Uwotjüja

¹³ Ttaditäwämä̧ wäjuönä̧ i̧jȩkuä̧chä̧kua̧'a̧ jȩtti̧nü̧'a̧kuä̧ ü'ojo'ü mo̧ro̧ päi'omȩnä̧; isopäi'ünä̧ jua̧u̧nü̧ mo̧ro̧mä̧ okuränä̧tä̧ i̧jȩkuä̧chä̧kua̧'a̧; ja̧'wa̧nü̧ ja̧'a̧ttü̧ yotukunä̧ jȩtti̧nü̧mä̧ okuränä̧tä̧ kka̧kuä̧mü̧ toäkuäwäkua'a.

TÄ̧DO Ä̧CUÄ̧ I̧HUȨNȨ

¹³ Yodoji Dios ttö̧ja̧rö̧ pojocuä mo̧ro̧ päi'omenä, o'ca juiyönä taditinömä adiu totäcuotöjä. Ja̧u̧nu̧ mo̧ro̧ ocuräcu ichäcua'a. Ja̧'hua̧nö̧ päi'omenä, ocuränä ka̧cuä̧mi̧pä̧cua̧'a̧ o'ca juiyönä taditinömä, iso päi'önä adiu taditinaja pä'ö tota pä'ö.

1 Corintios 3:13 Referans Kwoze

1 Pedro 1:7

Isopäi'ünä̧ kua̧'kua̧ ku̧wȩnä̧rä̧tu̧ku̧mä̧ oro jä̧'i̧nü̧'a̧nü̧ jü̧: üadiwämä̧ ukuränä̧ kka̧kuä̧mü̧ tottü jä̧'i̧nü̧'a̧nü̧ ja̧'a̧. Tta̧'kua̧ wȩnä̧rü̧ tta̧mi̧ 'kittächi'ümä̧ oro toe'ächüttü'i̧nä̧ u̧wä̧mȩnä̧nü̧ mikuäu ja̧'a̧. Ja̧'wa̧nü̧ ja̧'a̧ttü̧ Jesucrito i̧jȩkuä̧cho̧mȩnä̧mä̧ Dio-rü kua̧'kua̧ ku̧wȩnä̧rä̧tu̧ku̧mä̧ adiutä ttukuokuäkuotü, isopäi'ünä̧ tta̧'kua̧ wȩnä̧rä̧kuä̧wä̧ kka̧kuä̧mü̧ toäkuäwänä̧ 'kuäopümä̧, ttesewa pä'ü jü̧ ja̧'a̧.

Apocalipsis 20:12

Ja̧'wa̧nü̧ ja̧'a̧ topinü̧sä̧ wa'ü ikuinä̧tü̧rü̧'i̧nä̧, tä̧mü̧rü̧'i̧nä̧, ppo̧'ä̧tü̧rü̧'i̧nä̧, ruwo dȩä̧kä̧ ä'ka jo̧mȩ ttü̧ja̧kua̧'a̧; kuyäru o'tä bawekuächina̧'a̧, ja̧'wa̧ta̧nü̧ kkoro'tä, kkä̧kuä̧wä̧ kuyäru'tä'i̧nä̧ bawekuächina̧'a̧. Wa'inä̧tü̧mä̧ jȩtti̧nü̧'a̧kuä̧ päwi'inä̧u̧, jua̧u̧ kuyäru o'tänä̧ pä'ü rütäwuö'akuä.

1 Corintios 4:5

Ja̧'wa̧nü̧ ja̧'a̧ttü̧, ji̧nä̧ ä'kanä̧mä̧ jȩttä̧'i̧jü̧ wȩnȩmä̧ päkuätukuä, Tu̧ru̧wa̧ ichomȩnä̧tä̧ jiäwä̧kua̧ uwäwokü'i̧nä̧ ja̧'wa̧ta̧nü̧ jakuänä̧ tȩnä̧rü̧'i̧nä̧, jü̧nä̧. Ja̧'wa̧nü̧ jo̧mȩnä̧ yotukunä̧rü̧ jȩtti̧nü̧'a̧kuä̧ Dio-mä̧ ȩsȩwä̧kuä̧u̧.

1 Pedro 4:12

Chi̧jä̧wa̧tü̧, yekuekui'ätukuä ku'kä̧tȩtu̧ku̧ttü̧ ukuturu kka̧kuä̧mȩ'ü̧ toümä̧, to'kuätukuokü jä̧'i̧jü̧ 'kua̧rü̧nä̧mä̧.

2 Pedro 3:10

Ja̧'wa̧nü̧ ja̧'a̧nä̧ Tu̧ru̧wa̧ u̧mo̧ro̧ päi'omȩnä̧mä̧ nä̧u̧kuä̧rä̧wä̧ i̧sa̧ 'kua̧rü̧nä̧ i̧chä̧kua̧. Ja̧'wa̧nü̧ päi'omȩnä̧ mo̧ro̧jä̧mä̧ rü̧ä̧nä̧ yettünä̧ päi'ünä̧ rä̧mi̧pü̧nä̧ jȩä̧chä̧kua'a, juä̧jä̧nä̧ rü̧jü̧'i̧nä̧ okurä kkuwü ikuomȩnä̧ to̧ȩ'ä̧chä̧kuȩ, ja̧'wa̧ta̧nü̧ rȩjȩ'i̧nä̧, o'kajuiyünä̧ juä̧jä̧nä̧ kka̧ku̧mä̧ kuo'ü i̧kuä̧kuȩ.

Romanos 2:16

Dio ro̧ȩpü̧ mo̧ro̧ rȩbȩä̧kuä̧wä̧kua̧'a̧, ttü̧ja̧ ttü̧dä̧pä̧rȩ, ttü jidäu Jesucrito i̧wȩnȩ jareü wȩnȩnä̧.

2 Timoteo 1:18

Tü̧ä̧nä̧wa̧tä̧ ji̧yȩnü̧ mo̧ro̧ rȩrü̧jü̧ toäkuäwä ü̧'o̧kui̧'ü̧nä̧ ppä̧dä̧kua̧. Täkü ukumä̧ wo̧jua̧jä̧, Onesíforo ujuturu Éfeso ütawiyättü ppädinü̧mä̧.

1 Corintios 1:8

Dio-mä̧, ukuturumä̧ pi̧jä̧ beipächomȩbü päi'ünä̧ 'kiyünä̧ ku̧jä̧tu̧ku̧nä̧ tta̧wä̧rä̧kuä̧u̧jä̧, Tu̧ru̧wa̧ Jesucrito pä'äjita'anü̧ ichomȩnä̧, surojü jȩ'kuä̧tu̧ku̧mä̧, ya̧tȩrü̧'i̧nä̧ päwi'ü juiyäkua'anü̧.

Romanos 2:5

Ja̧'wa̧nü̧ ja̧'a̧nä̧, surojü käkuädi'ätukuoka'a, yaboku jarodi'ü jȩ'kuä̧tu̧ku̧ttü̧mä̧ Dio-mä̧ ukuturu ro̧ȩpä̧kuȩmä̧ yabonü̧ rü̧ä̧dä̧kua̧. Rüjí mo̧ro̧ päi'omȩnä̧ o'katoi'ünä̧rü̧ suronä̧ jȩtti̧nü̧ttü̧'i̧nä̧, adiu jȩtti̧nü̧ttü̧'i̧nä̧, jȩtti̧nü̧'a̧kuä̧ Dio-mä̧ pä'ü u̧ju̧nä̧kuä̧u̧,

San Lucas 2:35

Pi̧yȩmä̧ ukurumä̧ kua̧mi̧'iso'kinä̧ kurodä 'kuäo'a'a jä̧'i̧nü̧'a̧nü̧ jä̧kua̧'a̧. Rekuätü tta̧mi̧'iso'kinä̧ ttü̧da̧jä̧rä̧'i̧jü̧ i̧jȩkuä̧cha̧ pä'ü.

2 Timoteo 3:9

Ja̧'wa̧nü̧ ja̧'a̧nä̧ yaboku rekuo mo̧ro̧mä̧ kko̧ko̧tü̧ ttäkuotü, ja̧'wa̧ta̧nü̧ pi̧jä̧ ttü̧ja̧ o'katoi'ünä̧ ttu̧wo̧juä̧chi̧'ä̧kuo̧tü̧ jerupätü 'kua̧rü̧nä̧ jȩtta̧'a̧mä̧, ja̧'wa̧nü̧ yotüte ta̧ju̧ Moisé-rü ukuotokotü pinä̧tü̧rü̧ 'kuäopinü̧ta'anü̧ jä̧kua̧'a̧.

San Mateo 10:15

Isopäi'ünä̧ pädäu̧jä̧, ü'ojo'ü mo̧ro̧ päi'omȩnä̧mä̧ Sodoma rȩjȩ ttü̧ja̧rü̧ ji̧no̧mȩttü̧'i̧nä̧, Gomorra rȩjȩ ttü̧ja̧rü̧ ji̧no̧mȩttü̧'i̧nä̧ abonä̧nü̧ usurä ttȩmä̧wä̧kuo̧tü̧ juȩnȩ ütawiyä ttü̧ja̧mä̧.

San Mateo 16:27

Isopäi'ünä̧ ttü, ubo I̧tti̧mä̧ Chä'o uruwoku'i̧nä̧, á̧gȩrȩ-ku̧'i̧nä̧ chichomȩnä̧ yotukunä̧ jȩtti̧nü̧ mikuämä̧ chi̧yä̧kua̧sä̧, adiu jȩtti̧na̧ja̧ pä'ü'i̧nä̧, suronä̧ jȩtti̧na̧ja̧ pä'ü'i̧nä̧, jü̧nä̧.

1 Corintios 3:12

Ja̧'wa̧nü̧ ja̧'a̧nä̧, pide kkada'ka 'chu̧'ä̧rü̧ u̧wä̧mȩ, oro-ttü'i̧nä̧, pärätättü'i̧nä̧, rü̧ȩnä̧ mikuäu ido'kiyättü'i̧nä̧, dauwiyättü'i̧nä̧, isä'kuattü'i̧nä̧, caña pättü o̧na̧ttü̧'i̧nä̧ taditüttümä̧;

2 Timoteo 1:12

Ja̧'wa̧nü̧ jo̧mȩttü̧ pi̧yȩttü̧mä̧ usurä ȩmä̧u̧sä̧. Ja̧'wa̧nü̧ ja̧'a̧nä̧ ja̧'wa̧nü̧ 'kuäopünä̧mä̧ dä'ä ttu'oküsä, jua'amä̧ cha̧'kua̧ chu̧wȩnä̧rä̧ku̧ru̧mä̧ chu̧wo̧jua̧'a̧ttü̧; Ja̧'wa̧ta̧nü̧ adiu wo̧jua̧sä̧ rüjí mo̧ro̧bü päi'ünä̧ jareü wȩnȩmä̧ yabokutä jittäunä̧ jȩa̧ pä'ü'i̧nä̧ ujuru kku̧nä̧rü̧ pä'ümä̧.

2 Timoteo 4:8

Jitämä̧ ji̧yȩnü̧ mo̧ro̧ chu̧ru̧wa̧ Juez premio pättüjuei i̧yä̧kuȩ chȩma̧ pä'ü tta̧wä̧rä̧ku̧sä̧, ttürütämä̧ iyokü jä̧kua̧ ja̧u̧ ja̧jü̧jueimä̧ o'katoi'ünä̧ i̧chä̧kuȩ mo̧ro̧ eseunu̧ tta̧'a̧rä̧tü̧rü̧'i̧nä̧ i̧yä̧kua̧.

Hebreos 10:25

Ka̧ka̧kuä̧rü̧ jȩpä̧tu̧kui̧, kkorotü jȩpü̧ weyejuottinü̧'a̧nü̧mä̧ ku̧ka̧ka̧kuä̧rä̧tu̧kuo̧ka̧'a̧mä̧ jȩ'kuä̧'chä̧tu̧kuä̧, ji'äkuäu wo̧juȩtü̧ jȩpä̧tu̧kui̧; Tu̧ru̧wa̧ u̧mo̧ro̧mä̧, täkü tü'kü ja̧'a̧.

2 Pedro 3:7

Ja̧'wa̧nü̧ ja̧'a̧nä̧ mo̧ro̧jä̧'i̧nä̧, rȩjȩ'i̧nä̧ jitä kkä̧jä̧mä̧, i̧wȩnȩnä̧ okuränä̧ kkuwü ttikua pä'ütä jȩpü̧ kku̧nä̧wa̧'a̧. Jȩtti̧nü̧'a̧kuä̧ pojokuä mo̧ro̧ päi'omȩnä̧ ja̧'wa̧ta̧nü̧ suropätü totte'ächü mo̧ro̧ juarä okurämä̧ kkuwü ikuäkua'a.