1 Corintios 2:7 - Nuevo Testamento Uwotjüja

⁷ Ja̧'wa̧nü̧ ja̧'a̧ttü̧ ukuokuätüjä̧, Dio jäwä wo̧juä̧wä̧ wȩnȩ wo̧jui̧'ä̧kuä̧wo̧kü̧. Mo̧ täbokütä päi'ünä̧ ttieruwomȩnä̧ amükuädü u̧ju̧ni̧nü̧ chutä uruwo ujuturu iya pä'ü.

TÄ̧DO Ä̧CUÄ̧ I̧HUȨNȨ

⁷ Ujutumä ji'ähuätöjä Dios u̧huo̧ju̧nä̧ pi̧jä̧ ttö̧ja̧ ttierunä. Ja̧'hua̧ta̧nö̧ pi̧jä̧ aditäcua'a ä'canä, Dios ja̧u̧ u̧huo̧ju̧mä̧ ku̧nä̧ri̧nö̧do ujuturu iya pä'ö, suronä jȩtö̧ jȩpö̧ icua pä'ö.

1 Corintios 2:7 Referans Kwoze

2 Pedro 1:3

Dio-mä̧, ujurunä̧ o'kajuiyünä̧ ta̧'kua̧rü̧nä̧ rekuä rü̧jü̧'i̧nä̧, rȩrü̧jü̧ toäkuäwä'i̧nä̧ iyinä̧u̧jä̧, chutä ü̧rü̧ä̧nä̧ adiwäjuei aditäwänä̧ ujuturu wopinü̧rü̧ tu̧wo̧jua̧ pä'ümä̧.

San Mateo 13:35

Pi̧yȩmä̧ profeta, pa̧'a̧nü̧ ukuokuinü̧ta'anü̧ 'kuäopina̧'a̧: «Chänä̧mä̧ wȩnȩtä̧rü̧tä̧ chu̧kuo̧kuä̧kua̧sä̧; Dio pi̧jä̧ uwäbe'inomȩttü̧ päi'ünä̧, yä̧wä̧i̧nä̧ jä̧'i̧jü̧mä̧ ttu̧wo̧jui̧pü̧nä̧ ji̧dä̧wä̧kua̧sä̧.»

San Mateo 11:25

Ji̧yȩnü̧ mo̧ro̧ Jesú-mä̧ ädätinü̧: Chä'o, uku mo̧ro̧jä̧'i̧nä̧ pi̧jä̧'i̧nä̧ u̧ru̧wa̧rü̧ eseusä, isopäi'ünä̧ wo̧juä̧wä̧ kku̧nä̧rä̧tü̧ ttu̧wo̧jui̧pü̧ juiyünä̧ dajü kku̧nu̧, ppo̧'ä̧tü̧rü̧tä̧ ttu̧wo̧jui̧pü̧nä̧ i̧jȩpi̧nü̧jä̧.

1 Pedro 5:10

Ja̧'wa̧nü̧ ja̧'a̧nä̧ ukutu usurä kuȩmä̧wä̧tu̧kua̧'a̧ttü̧mä̧ a̧'u̧kua̧'a̧tä̧ mo̧ro̧ o'ka'a Dio-mä̧ surojü juikuätukunä̧'i̧nä̧, 'kiyünä̧ ku̧jä̧tu̧ku̧nä̧'i̧nä̧, kujuruwätukunä̧'i̧nä̧ ja̧'wa̧ta̧nü̧ jo̧mȩnü̧ kuätukunä̧'i̧nä̧ jȩä̧kuä̧u̧jä̧. Dio-mä̧ chutätä Crito-nä̧ rü̧ȩnä̧ eseunä̧ uruwo beipokü ku̧ju̧nä̧rä̧tu̧kua̧ pä'ü woinä̧u̧jä̧.

Efesios 1:4

Dio-mä̧ pi̧jä̧ uwäbe'äkua'a ä'kanä̧, Crito-nä̧mä̧ pojopü ȩmi̧nä̧u̧jä̧, chutä ä'ka jo̧mȩ surojü juiyünä̧, chutä üjü'komȩnä̧ tü̧ja̧kui̧ya̧rü̧ pä'ü. Rȩrü̧jü̧ toa'attü̧,

Apocalipsis 13:8

Ja̧'wa̧nü̧ ja̧'a̧ttü̧, pi̧jä̧ ä̧kuo̧mȩnä̧ adikui'ino̧mȩttü̧ päi'ünä̧, usurä ȩmä̧u̧ to'e'ächinü̧, oweja mü̧ä̧ya̧ wa̧ üäre kuyäru'tä kkä̧kuä̧wä̧ kkä'tänä̧ tti̧mi̧ jui'ätümä̧, jua̧u̧ru̧ ttiwe'kiyunä̧ pȩjä̧mü̧ eseäkuäwinä̧tü̧.

1 Pedro 1:11

Crito i̧sa̧ Epíritumä̧ profeta wotünä̧ ttu̧wo̧juö̧nä̧ jiäwinä̧u̧ Crito usurä ȩmä̧wä̧kuȩ'i̧nä̧ ja̧'wa̧ta̧nü̧ usurä ȩmä̧u̧ o'ka'a uruwo i̧chä̧kuȩ'i̧nä̧; ja̧'wa̧nü̧ ja̧'a̧ttü̧ juätümä̧ jitünä̧tä̧ kkü̧ Epíritu jiäwa'anä̧, 'kuäopä̧kuȩ mo̧ro̧ ttü̧'o̧kui̧'a̧ pä'ü usinä̧tü̧.

2 Timoteo 1:9

Dio-mä̧ surojüttü tü̧ji̧pü̧nä̧ ppädinä̧u̧jä̧, ja̧'wa̧nü̧ ppä'ädü umüwäyotü surojü jui'ätü jü̧nä̧ woinä̧u̧jä̧, ujutu adiu jȩtü̧nä̧mä̧kü̧ ja̧'wa̧nü̧ ja̧jü̧ jueimä̧ Dio ä̧kuo̧mȩnä̧ttü̧ kkä̧mä̧dü̧ rȩrü̧jü̧ topü Jesucrito-nä̧ amükuädü uju̧ni̧nü̧'a̧kuä̧ ji̧na̧'a̧.

1 Pedro 5:1

Jitämä̧ igresia-ttü a̧ci̧a̧nu̧tu̧ru̧ ttü'i̧nä̧ juätü jü̧ta̧'a̧nü̧ A̧ci̧a̧nu̧tu̧ wa̧, ro̧'ȩpü̧ ji'äu kkä̧nü̧, Crito usurä ȩmä̧wi̧nü̧'i̧nä̧ jidäwa pä'üsä, ja̧'wa̧ta̧nü̧ ppa̧'ä̧chü̧ ü̧rü̧ä̧ i̧jȩpo̧mȩnä̧ ja̧u̧ jäwä chu̧ju̧nä̧rä̧kua̧'a̧ttü̧.

Romanos 8:29

Isopäi'ünä̧ ä'kanä̧ u̧wo̧jui̧nä̧u̧ru̧mä̧, ä'kojitä jȩpü̧ u̧ju̧ni̧nä̧u̧ I̧tti̧ jü̧ta̧'a̧nü̧ juottächa pä'ü, jua̧u̧ru̧mä̧ juätümä̧ ttä'kanä̧ ttubüo jü̧nä̧tä̧ jä̧kua̧'a̧nü̧.

Romanos 8:30

Ja̧'wa̧nü̧ ä'kanä̧ jo̧mȩnü̧ jȩi̧nä̧u̧ru̧mä̧, juätürütä wopinü̧; juätü woinä̧u̧ru̧mä̧, adiwä isotütä päi'ünä̧ pärotü ikuinä̧u̧; ja̧'wa̧ta̧nü̧ adiwä isotütä päi'ünä̧ ü'ärotinä̧u̧ru̧mä̧ chutä üadiwä iyinä̧u̧.

Romanos 11:25

Chawaruwä chü̧jä̧wa̧tü̧ pi̧yȩ Dio ttieruwuönä̧ amükuädinü̧mä̧ kuieruwätukuamä̧ pä'oküsä, kua̧mü̧nä̧ pa̧ja̧tü̧ ukuotekuäwätuku juiyäkua'anü̧. Judío yotukunä̧mä̧ rü̧ȩnä̧ tta̧mi̧ 'ki'ächächinü̧'kotü Jesucrito-rü tteseta pä'okotü; ja̧'wa̧nü̧ ja̧'a̧nä̧ iweye ja̧'wa̧ta̧nü̧tä̧ ttäkuotü judío pokotü i̧tti̧mü̧ pätti'omȩbü päi'ünä̧;

1 Corintios 2:1

Ja̧'wa̧nü̧ ja̧'a̧ttü̧ chawaruwä chi̧jä̧wa̧tü̧, Dio ütü'kü ji'äu chi̧wä̧chi̧nü̧mä̧, adiu a̧'kua̧ku̧nä̧ aditü ikumä̧ ji'äwokü pinü̧sä̧.

Efesios 3:10

Jua'amä̧ jȩpi̧nü̧ Dio rü̧ȩnä̧ u̧wo̧juö̧ iäre igresia-nä̧tä̧ i̧jȩkuä̧cha̧ pä'ü, tturuwo kku̧nä̧rä̧tü̧rü̧'i̧nä̧, mo̧ro̧jä̧nä̧ tturuwo kku̧nä̧rä̧tü̧rü̧'i̧nä̧, jü̧nä̧.

Hebreos 1:2

Jitä rüjí mo̧ro̧mä̧, Dio-mä̧ I̧tti̧nä̧tä̧ ukuokuinä̧u̧jä̧. Jua'amä̧ o'kajuiyünä̧tä̧ jua̧u̧ I̧tti̧nä̧tä̧ aditina̧'a̧ttü̧; o'kajuiyünä̧ u̧ru̧wa̧ päi'ünä̧ jȩpü̧ kku̧nu̧, Jua̧u̧ru̧mä̧.

Hebreos 11:3

Ta̧'kua̧ wȩnä̧rä̧tü̧jä̧, Dio-mä̧ pi̧jä̧mä̧ i̧wȩnȩnä̧tä̧ aditinü̧ pä'ü ja̧'wa̧nü̧ ja̧'a̧ttü̧ jitä totümä̧, toäkuäwokü ji̧nü̧ttü̧ adikui'inü̧do pä'ü.