1 Corintios 2:6 - Nuevo Testamento Uwotjüja

⁶ Ja̧'wa̧nü̧ ja̧'a̧nä̧, wo̧juä̧wä̧ wȩnȩ ukuokuätüjä̧ tta̧'kua̧ wȩnä̧rä̧kuä̧wä̧nä̧ büó juo'inä̧tü̧rü̧. Ja̧'wa̧nü̧ tukuokumä̧, pi̧jä̧ ttü̧ja̧ ttu̧wo̧juö̧mä̧kü̧ ja̧'wa̧ta̧nü̧ pi̧jä̧ ruwotü ttu̧wo̧juö̧ toe'ächümä̧kü̧.

TÄ̧DO Ä̧CUÄ̧ I̧HUȨNȨ

⁶ Ja̧'hua̧ta̧nö̧ ujutumä huo̧ju̧nä̧ ucuocuätöjä korotöcu, Diosrö rö̧ȩnä̧ esetätöcu. Juhuorö'inä ujutumä pi̧jä̧ ttö̧ja̧ ttucuocu'inä, pi̧jä̧ ruhuotö ttucuocu'inä ucuocuocotöjä. Jahuätömä bettipächäcuotö.

1 Corintios 2:6 Referans Kwoze

Hebreos 5:14

Ja̧'wa̧nü̧ ja̧'a̧nä̧ ttu̧kuȩ 'kiyümä̧, tä̧mü̧ juo'inä̧tü̧ ttu̧kuȩ ja̧'a̧, adiu'i̧nä̧, surojü'i̧nä̧ pojokunä̧ amükuädätü.

Santiago 3:15

Isopäi'ünä̧ pi̧yȩ wo̧juä̧wä̧ wȩnȩmä̧ Dio-ttümä̧ ichokü, ja̧u̧ ja̧jü̧jueimä̧ pi̧jä̧ ttü̧ja̧ ttu̧wo̧juö̧ttü̧tä̧, ttü̧ja̧sa̧ amükuädüttütä, ja̧'wa̧ta̧nü̧ chutä äwettättütä ichü ja̧'a̧.

2 Corintios 4:4

Ja̧'wa̧nü̧ ja̧'a̧ttü̧, esetokotürümä̧, pi̧jä̧nä̧ttü̧ ttü̧ä̧nä̧wa̧mä̧ ttu̧wo̧juö̧ juiyünä̧ ä̧to̧dü̧ ikuinä̧u̧, jareü wȩnȩ i̧tȩya̧u̧ Crito üadiwä kkä̧dȩpü̧ juiyatü pä'ü, jua̧u̧mä̧ Dio a̧'kua̧juä̧ ja̧'a̧ttü̧.

1 Pedro 5:10

Ja̧'wa̧nü̧ ja̧'a̧nä̧ ukutu usurä kuȩmä̧wä̧tu̧kua̧'a̧ttü̧mä̧ a̧'u̧kua̧'a̧tä̧ mo̧ro̧ o'ka'a Dio-mä̧ surojü juikuätukunä̧'i̧nä̧, 'kiyünä̧ ku̧jä̧tu̧ku̧nä̧'i̧nä̧, kujuruwätukunä̧'i̧nä̧ ja̧'wa̧ta̧nü̧ jo̧mȩnü̧ kuätukunä̧'i̧nä̧ jȩä̧kuä̧u̧jä̧. Dio-mä̧ chutätä Crito-nä̧ rü̧ȩnä̧ eseunä̧ uruwo beipokü ku̧ju̧nä̧rä̧tu̧kua̧ pä'ü woinä̧u̧jä̧.

1 Corintios 2:8

Pi̧yȩ wo̧juä̧wä̧mä̧ jitä pi̧jä̧nä̧ we'ätü ruwotümä̧ ttu̧wo̧jui̧po̧kü̧ ji̧nü̧ ja̧'a̧; ja̧'wa̧nü̧ jo̧ka̧'a̧ ta̧'kua̧rü̧ u̧ru̧wa̧rü̧ ttu̧wo̧jui̧pi̧nü̧ttü̧mä̧ ü̧jo̧kä̧nü̧ jäinä̧mä̧ kuä'ümä̧ ttikuokoku pi̧na̧jü̧.

1 Corintios 1:28

Ja̧'wa̧ta̧nü̧ pi̧jä̧ttü̧ usurä isotürü ja̧'wa̧ta̧nü̧ ttü̧jü̧'ko̧ko̧u̧ru̧ Dio-mä̧ pojopü ȩmi̧nü̧, ja̧'wa̧nü̧ wotüjä̧ pättü jȩpü̧ ikua pä'ümä̧.

Colosenses 4:12

Kui̧rȩjä̧tu̧ku̧ i̧sa̧, Crito-rü esetü, yaboku Dio-rü pä̧wä̧rü̧jo̧mȩnä̧ kui̧'chä̧tu̧kua̧ pä'ü Dio-rü ukuokuä'ijü, Epafra'i̧nä̧ ukuturu te'äu.

Efesios 2:2

Mo̧ täbokümä̧ jua̧u̧nä̧tä̧ kue'ächinä̧tü̧jä̧, pi̧jä̧nä̧ isoppanä̧ we'ü wea'akutä. Epíritu jü̧nä̧ uwäpokü jua̧u̧mä̧ jitä'i̧nä̧ ukuotokotürü we'ü.

San Mateo 5:48

Ja̧'wa̧nü̧ ja̧'a̧ttü̧ Kuä'otuku mo̧ro̧jä̧nä̧ kkü̧ surojü jui̧'a̧ jü̧ta̧'a̧nü̧ ukutu'i̧nä̧ surojü juiyünä̧ jȩpä̧tu̧kui̧.

2 Corintios 1:12

Isopäi'ünä̧ ujutumä̧ ukuo te'äkuäu eseäkuäwätüjä̧, pi̧jä̧ ttü̧ja̧ ttä'ka jo̧mȩttü̧ amükuädü totomȩnä̧ wȩnȩ jui̧yä̧u̧ ja̧'wa̧ta̧nü̧ ukutu kuä'katukuttü'i̧nä̧ surojü juiyomȩnä̧, jueünä̧tä̧ Dio päü'a̧kuä̧ jȩti̧na̧'a̧ttü̧, pi̧jä̧ ttü̧ja̧ ttu̧wo̧juo̧mȩnä̧mä̧kü̧; ujututä tu̧wo̧juo̧ko̧mȩnä̧ Dio ppädomemȩnä̧tä̧ jȩti̧na̧'a̧ttü̧.

Santiago 3:2

O'katoi'ünä̧tä̧ surojümä̧ jȩpä̧tü̧jä̧; Jua̧u̧nu̧mä̧ ya̧tȩ ukuokunä̧ surojü päoka'a jü̧ttü̧mä̧, jua̧u̧mä̧ adiu kkü̧, ja̧'wa̧ta̧nü̧ jä̧ttä̧pä̧ya̧mä̧ o'kajuiyünä̧tä̧ juȩ'ȩpä̧rä̧kuä̧wa̧'a̧ wa̧.

2 Corintios 13:11

Täkü kkoromä̧ juiya'a, chawaruwä chi̧jä̧wa̧tü̧, eseäkuäwuötä, jue'ekuächünü̧tä̧, ro̧'ȩku̧tä̧, ji̧nä̧ ji̧yȩtȩnä̧tä̧, wȩnȩ juiyünä̧tä̧ kka̧kuä̧tu̧kui̧; wȩnȩ jui̧'a̧, eseäkuäwä kkä̧ku̧ Dio-tä ü̧jä̧kua̧ ukutunä̧mä̧.

1 Corintios 14:20

Chawaruwä chi̧jä̧wa̧tü̧, ppo̧'ä̧tü̧ jä̧'i̧nü̧'a̧nü̧ amükuädätukui surojünä̧mä̧; ja̧'wa̧nü̧ ja̧'a̧nä̧ kuamükuädätukunä̧mä̧ tä̧mü̧ 'kua̧rü̧nä̧ amükuädätukui.

1 Corintios 2:13

Jua̧u̧ tü'kümä̧ ukuokuätüjä̧, jua̧u̧ tukuokumä̧ ta̧mü̧nä̧ pa̧ja̧tü̧ tu̧wo̧juö̧ wȩnȩnä̧mä̧kü̧ ja̧'a̧, jua'amä̧ Dio i̧sa̧ Epíritu u̧wo̧juȩta̧'a̧ku̧ ukuokuätüjä̧, Epíritu jäwämä̧.

1 Corintios 2:1

Ja̧'wa̧nü̧ ja̧'a̧ttü̧ chawaruwä chi̧jä̧wa̧tü̧, Dio ütü'kü ji'äu chi̧wä̧chi̧nü̧mä̧, adiu a̧'kua̧ku̧nä̧ aditü ikumä̧ ji'äwokü pinü̧sä̧.

San Lucas 16:8

Ja̧'wa̧nü̧ ja̧'a̧ttü̧, suronä̧mä̧ jȩä̧'i̧ja̧'a̧nä̧ ja̧'wa̧nü̧ jȩä̧ji̧yä̧ku̧ u̧ru̧wa̧mä̧ rü̧ȩnä̧ esewinä̧ku̧. Isopäi'ünä̧ pi̧jä̧ jäwä i̧tti̧mü̧mä̧, jitütä ttaditäwä jo̧mȩnä̧mä̧, tȩya̧u̧ i̧tti̧mü̧ttü̧'i̧nä̧ abonä̧nü̧ ttawaruwärümä̧ adiwa'a, 'kua̧rü̧nä̧ jȩpä̧tü̧.

San Mateo 19:21

Päku Jesú-mä̧ ädätinä̧ku̧: —O'kajuiyünä̧ jo̧mȩnü̧ kua päkuttümä̧, ku̧ju̧nä̧rü̧ kuiäre mikuä pä'ü iyä'chü ikui, usurä isotürü ppäkuäda. Ja̧'wa̧nü̧ jȩ'ku̧ttü̧mä̧, mo̧ro̧jä̧ra̧'a̧ttü̧ rü̧ȩnä̧ mikuäu ku̧ju̧nä̧rä̧kua̧jä̧. Ja̧'wa̧nü̧ jȩpü̧, cho'ka'anä̧ ichi.

San Mateo 13:22

Ja̧'wa̧ta̧nü̧ so̧ä̧'kua 'kä̧tȩ jo̧mȩ ma̧ä̧chi̧nü̧ u̧wä̧ju̧ jä̧ji̧mä̧, Dio i̧wȩnȩ ttä̧ju̧kua̧'a̧nä̧, pi̧jä̧ jäwänä̧tä̧, pärätä ruwonä̧tä̧ tta̧'kua̧ ro'ekuätürü wȩnȩkuä̧cha̧'a̧; ttä̧ju̧kuä̧ji̧mä̧ a̧ttä̧di̧'ä̧u̧ u̧wä̧ju̧ iyü juiyünä̧ wotürü.

1 Corintios 3:1

Ja̧'wa̧nü̧ ja̧'a̧ttü̧, chawaruwä chi̧jä̧wa̧tü̧, ttümä̧ epíritu jäwänä̧ kka̧kuä̧tü̧ jü̧nä̧mä̧ chukuokuoko̧u̧ pinä̧tü̧jä̧, ja̧'wa̧nü̧ jo̧ka̧'a̧ ttidepä weünä̧ kka̧kuä̧tü̧ jü̧nä̧tä̧, Crito jäwänä̧mä̧ ppo̧'ä̧tü̧ jü̧nä̧tä̧ chukuokuinä̧u̧jä̧.

1 Corintios 12:8

Isopäi'ünä̧ Epíritumä̧, yotüterümä̧ iyü wo̧juȩku̧nä̧ ttukuokua pä'ü; ja̧'wa̧ta̧nü̧ jua̧u̧ Epíritu-tä ja̧'a̧ kkorotürü'i̧nä̧, chutä üjü'komȩnä̧ wo̧juä̧wä̧ wȩnȩ iyümä̧.

2 Corintios 4:3

Ja̧'wa̧nü̧ ja̧'a̧nä̧, jareü wȩnȩ jitäu wo̧jui̧'o̧ko̧tü̧mä̧, surojüttü kka̧kui̧po̧ko̧tü̧tä̧ ja̧'a̧,

Colosenses 1:28

Jua̧u̧ Crito-rü ja̧'a̧ ujutu jitäumä̧ o'katoi'ünä̧rü̧ tä̧bo̧tü̧, o'kajuiyünä̧ wo̧juȩku̧nä̧, Crito jü̧ta̧'a̧nü̧ jo̧mȩnü̧ wotü juottächa pä'ü.

Hebreos 6:1

Ja̧'wa̧nü̧ ja̧'a̧ttü̧, ä̧kuo̧mȩnä̧ Crito ütü'kü ku̧wo̧jui̧'i̧nä̧tu̧ku̧mä̧ pporädo'ü kku̧nu̧, yabokutä adiwä jueinä̧ jo̧mȩnü̧ juokuätukunä̧ päi'ünä̧ ti̧'chä̧tu̧kua̧; pä'äji ji̧nü̧ta'anü̧mä̧, ppa̧'a̧dü̧mä̧ surojüttü räopächäkuäwämä̧, Dio-rü tta̧'kua̧ wȩnä̧rä̧kuä̧wä̧mä̧ kukuokuätukuä, wa'ü tiku juiyäkua'anü̧, täkü jua̧u̧mä̧ kukuokuätukuä, jua'amä̧ yabonü̧ Dio-rümä̧ ta̧'kua̧ tu̧wȩnä̧ra̧'a̧ttü̧,