1 Corintios 16:22 - Nuevo Testamento Uwotjüja

²² Ya̧tȩ, Tu̧ru̧wa̧ Jesucrito-rü eseu repe'okümä̧, su̧ro̧pa̧tä̧ wa̧. ¡Tu̧ru̧wa̧mä̧ täkü i̧chä̧kua̧!

TÄ̧DO Ä̧CUÄ̧ I̧HUȨNȨ

²² Ya̧tȩ Tu̧ru̧hua̧ Jesucristorö repe'ocömä, chutä Tu̧ru̧hua̧tä̧ ro̧ȩpä̧cua̧. Tu̧ru̧hua̧, ¡jurunä ichi!

1 Corintios 16:22 Referans Kwoze

Efesios 6:24

Tu̧ru̧wa̧ ujuturu rȩrü̧jü̧ toinü̧, repeü beipokümä̧ ukutu o'katoi'ünä̧rü̧ kkü̧nä̧ ku̧jä̧tu̧kua̧ pä'üsä.

San Juan 14:21

Ttü wedü wȩnȩ kku̧nä̧rü̧, ukuotümä̧, jua̧u̧ ja̧'a̧ ttürü eseu repe'ümä̧. Ja̧'wa̧nü̧ ttürü eseu repe'ürümä̧, Chä'o'i̧nä̧ eseu rȩpȩä̧kua̧; ja̧'wa̧ta̧nü̧ ttü'i̧nä̧ eseu repe'ü, jua̧u̧ru̧ chi̧jȩkuä̧kua̧sä̧.

1 Juan 5:1

O'katoi'ünä̧ Jesú-ru, Crito ja̧'a̧ pä'ü esetätümä̧, Dio-ttü uwäpächinä̧tü̧ ja̧'a̧; ja̧'wa̧ta̧nü̧ o'katoi'ünä̧ Jä'orü eseu repe'ätümä̧, i̧tti̧rü̧'i̧nä̧ eseu repe'ätü.

1 Juan 4:19

Ujutumä̧ tawaruwä tü̧jä̧wa̧tü̧rü̧ eseu repe'ätüjä̧. Jua'amä̧, ä̧kuo̧mȩnä̧mä̧ ujuturu eseu Dio repeina̧'a̧ttü̧.

San Juan 8:42

Pättiyäku Jesú-mä̧ ädätinä̧u̧: —Isopäi'ünä̧ Dio kuä'otuku jü̧ttü̧mä̧, ttürü eseu repe'atüjä̧; ttümä̧ jua̧u̧ttü̧ rä'opü chichina̧'a̧ttü̧. Ttümä̧, cha̧mü̧nä̧ amükuädümä̧ ichokü pinü̧sä̧, pärokua'aku Dio-tä ja̧'a̧ ttürü we'inü̧mä̧.

San Mateo 10:37

Jä'orü'i̧nä̧, ja̧ju̧ru̧'i̧nä̧ ttüttü abonä̧nü̧ eseu repeüttümä̧, ttü i̧sa̧mä̧ pä'i'okü; i̧tti̧rü̧'i̧nä̧, ittijuru'i̧nä̧ ttüttü abonä̧nü̧ eseu repeüttümä̧, ttü i̧sa̧mä̧ wokü jä̧kua̧;

Apocalipsis 22:20

Pi̧yȩ jiäumä̧, pä'ü: «A̧, jitätä ja̧'a̧ku̧ ichüsä.» ¡Amȩ́! a̧, chu̧ru̧wa̧ Jesú, ichi.

1 Pedro 2:7

Ukuturu esetätürümä̧ juo'ki ino'kimä̧ rü̧ȩnä̧ mikuäwo'ki ja̧'a̧, ja̧'wa̧nü̧ ja̧'a̧nä̧ esetokotürümä̧ wȩyu̧kuä̧ wȩnȩ pä'ijü'akuä 'kuäopa'a: «I̧no̧'ki adikuä ttü̧ja̧ ttüjü'koko'ki ji̧no̧'kimä̧ ä̧kuo̧mȩnä̧ iso'ki jü̧nä̧ pärowächina̧'a̧,»

1 Pedro 1:8

Ukutumä̧ Jesucrito-rü to'kuätukuoka'a jä̧'i̧ja̧'a̧nä̧ eseu repe'ätüjä̧; ja̧'wa̧ta̧nü̧ to'kuätukuokoku ja̧'a̧nä̧ esetü, rü̧ä̧nä̧ eseäkuäwänä̧ esewätüjä̧ tti̧wȩnȩnä̧'i̧nä̧ jittäu juiyünä̧ jü̧nä̧.

Hebreos 6:10

Isopäi'ünä̧ Dio-mä̧ suronä̧ jȩä̧kuä̧wä̧ i̧sa̧mä̧kü̧ ja̧'a̧ttü̧, Chutä i̧mi̧ eseu, jȩ'kuä̧'i̧jä̧tu̧ku̧mä̧ ja̧'wa̧ta̧nü̧ umüwäyotü ȩmi̧nä̧u̧rü̧ ppäkuädä'ijätuku'i̧nä̧, yabonü̧ jitä jȩ'kuä̧tu̧ku̧'i̧nä̧ yorisotä u̧ni̧chi'okü.

Romanos 9:3

Isopäi'ünä̧ chidepättü chawaruwärümä̧ rü̧ȩnä̧ repeda'amä̧, wä̧i̧nä̧ suronä̧ pättäku chüttü'i̧nä̧, Crito-ttü 'kȩdi̧pä̧chü̧ttü̧'i̧nä̧ wä̧i̧nä̧ wa̧sä̧ rettü chawaruwärü ppädäda pä'ümä̧.

Gálatas 5:6

Isopäi'ünä̧ Crito-nä̧ kkä̧kuä̧wä̧mä̧, circuncisión pättü jȩ'kuä̧kuä̧wa̧ja̧ pä'ü'i̧nä̧, jȩ'kuä̧kuä̧wuö̧ juiyaja pä'ü'i̧nä̧ mikuäwoka'a, ji̧nä̧somä̧ Crito-rü ta̧'kua̧ wȩnä̧rü̧ eseu jȩpü̧ tü̧jü̧tä̧ ja̧'a̧.

1 Corintios 12:3

Ja̧'wa̧nü̧ ja̧'a̧ttü̧, ukuturu ku̧wo̧juä̧tu̧kua̧ pä'ü pä'üsä, ya̧tȩ'i̧nä̧ Dio i̧sa̧ Epíritu-nä̧mä̧, Jesú-ru su̧ro̧pa̧ päa pä'ümä̧ juiya'a; ja̧'wa̧ta̧nü̧ ya̧tȩ'i̧nä̧ toa'a, ¡Jesú-ru Chu̧ru̧wa̧! pä'ümä̧, Epíritu Sa̧tu̧ toünä̧mä̧.

Hechos 23:14

Juätümä̧, sacerdote-tü̧'i̧nä̧, a̧ci̧a̧nu̧tu̧'i̧nä̧ ttä'ka jo̧mȩ 'chä̧wi̧'ü̧, pä'inä̧tü̧: —Ujutumä̧, suronä̧ pä'äu kku̧nä̧jä̧tü̧jä̧, tu̧kuȩ ta̧do̧chi̧'a̧ pä'ü, Pauru-rü kuä'ü tikuomȩbü päi'ünä̧.

San Juan 16:14

Jua̧u̧mä̧ chukuo jäwä i̧jȩpä̧kua̧, jua'amä̧ ttü chiärettü ȩmü̧, ukuturu i̧jȩpä̧kua̧ ku̧wo̧jui̧pä̧tu̧ku̧nä̧.

San Juan 15:24

Surojü jȩttü̧mä̧ jui'ajatü, ttü̧'kä̧tȩttü̧ ya̧tȩ'i̧nä̧ jȩo̧kü̧ ja̧jü̧ juei jȩcho̧ka̧'a̧ jä̧'i̧jü̧ttü̧mä̧; ja̧'wa̧nü̧ ja̧'a̧nä̧, jitämä̧ topä'ijätü ja̧'wa̧nü̧ topü ttürü'i̧nä̧ ttüjü'koka'amä̧, chä'orü'i̧nä̧ kkü'kokotü.

San Juan 14:23

Jesú ädätinä̧ku̧: —Ttürü eseu repe'ümä̧, ttü chi̧wȩnȩ ukuotä̧kua̧; ja̧'wa̧nü̧ jo̧mȩnä̧ Chä'o'i̧nä̧ eseu rȩpȩä̧kua̧ ja̧'wa̧nü̧ ja̧'a̧ttü̧ jua̧u̧nä̧ ichü tü̧ja̧kuä̧kuo̧tü̧jä̧.

San Juan 14:15

Isopäi'ünä̧ ttürü eseu repekuätukuttümä̧, wedümä̧ kukuotäkuotüjä̧.

Filipenses 4:5

Ukutu eseu jȩ'kuä̧tu̧ku̧mä̧ kkorotü o'katoi'ünä̧ tu̧wo̧juö̧nä̧ kka̧kuä̧tu̧kui̧. Tu̧ru̧wa̧ ichäkuomȩmä̧ täkü tü'küwächa'a.