1 Corintios 16:18 - Nuevo Testamento Uwotjüja

¹⁸ Juätümä̧ cheseunä̧ jȩpi̧nä̧tü̧, ukuturu'i̧nä̧ kuesewätukunä̧, juätürümä̧ ppä'ädätukui.

TÄ̧DO Ä̧CUÄ̧ I̧HUȨNȨ

¹⁸ Cha̧'cua̧ esehuächi'önä ppättädäjäcusä. Ttörö'inä, ucuturu'inä ppä'ädinätö. Iso päi'önä jahuätö ta'anö huotörö adiu cucuotätucuaja.

1 Corintios 16:18 Referans Kwoze

Filemón 1:7

Isopäi'ünä̧ cha̧wa̧ru̧wa̧ chi̧jä̧wa̧, ukú Filemó̧-rü̧ rü̧ȩnä̧ eseusä kkorotü tawaruwä tü̧jä̧wa̧tü̧rü̧ eseu ppäkuäda'a ä̧ju̧ku̧.

2 Corintios 7:13

Ja̧'wa̧nü̧ ja̧'a̧ttü̧, teseunä̧ päi'inä̧u̧jä̧; ja̧'wa̧nü̧ ja̧'a̧nä̧ yabonä̧nü̧ esewätüjä̧, Tito-rü yaboku i̧'chü̧nä̧ ppäkuädinä̧tu̧kuä̧ku̧ esewiyä̧u̧. Jua̧u̧ ja̧'a̧ yaboku teseumä̧.

1 Tesalonicenses 5:12

Chawaruwä chi̧jä̧wa̧tü̧, ukutuku aditü, igresia-nä̧ Tu̧ru̧wa̧ jäwä ji'äu o'ipätürü ukuotätukui.

Colosenses 4:8

Ja̧'wa̧nü̧ ji̧yä̧ku̧ jua̧u̧ru̧ wȩdä̧u̧jä̧, ujutu tü̧ja̧ku̧ tü'kü'i̧nä̧ ji'äu kkä̧nü̧, kua̧'kua̧ tta̧kuȩkuä̧tu̧ku̧ juiyünä̧ jiäwätukuaku pä'ü.

Romanos 15:32

Dio-rü pä̧wä̧rü̧jo̧mȩnä̧tä̧, ku̧jä̧tu̧kuo̧mȩ eseunu̧ rȩbȩu̧, ukutuku yo̧mȩtȩnä̧ esewi'ü 'kuädopäkua'anü̧.

3 Juan 1:4

Chi̧tti̧mü̧ wotü jueü wȩnȩnä̧ päü'anü̧ ttü̧ja̧kua̧'a̧ ä̧ju̧ku̧mä̧, kkorottü'i̧nä̧ abonä̧nü̧ eseusä.

Filemón 1:20

Cha̧wa̧ru̧wa̧ chi̧jä̧wa̧ pi̧yȩ jädepü, ppä'ädittü, Tu̧ru̧wa̧rü̧ repekua'attü̧; jua̧u̧tä̧tä̧ ppä'ädittü cheseunä̧.

Hebreos 13:7

Amükuädätukui kuruwotü pató-tü̧, Dio i̧wȩnȩ jittäwinü̧mä̧; jȩpü̧ ttü̧jo̧mȩnä̧ tti̧rȩbȩwi̧na̧'a̧ttü̧ topü, tta̧'kua̧ ttu̧wȩnä̧ri̧nü̧'a̧kuä̧ ukutu'i̧nä̧ kua̧'kua̧ wȩnä̧rü̧ jȩpä̧tu̧kui̧.