1 Corintios 16:16 - Nuevo Testamento Uwotjüja

¹⁶ Ja̧'wa̧ta̧nü̧ ukutu'i̧nä̧ juätürü kukuotätukua pä̧wä̧rü̧jä̧ku̧sä̧ ja̧'wa̧ta̧nü̧ o'katoi'ünä̧rü̧ Dio jäwänä̧ ppä̧'ä̧dä̧rü̧ aditätürümä̧.

TÄ̧DO Ä̧CUÄ̧ I̧HUȨNȨ

¹⁶ Ucuturu ji'äusä iso päi'önä jahuätö'inä, korotö jahuätöcu aditätö'inä ttu̧huo̧juȩtö̧mä̧ adiu jȩcu̧'ä̧tu̧cua̧ pä'ö.

1 Corintios 16:16 Referans Kwoze

Hebreos 13:17

Ukuturu tta̧'a̧rä̧tü̧ pató-tü̧rü̧ ukuotü esetätukui, jua'amä̧ Dio-rü tti̧jȩpä̧kua̧'a̧ ukuturu 'kuäopünä̧ tta̧ttä̧ra̧'a̧ttü̧ kuesewätukuäkua'anü̧; surojü juiyünä̧, adiunä̧ jü̧tä̧ jȩpä̧tu̧kui̧, surojümä̧ ppädokü ja̧'a̧ttü̧.

1 Tesalonicenses 5:12

Chawaruwä chi̧jä̧wa̧tü̧, ukutuku aditü, igresia-nä̧ Tu̧ru̧wa̧ jäwä ji'äu o'ipätürü ukuotätukui.

3 Juan 1:8

Ja̧'wa̧nü̧ ja̧'a̧ttü̧ ujutumä̧, juätü ttaditäwämä̧ ppätädü'anü̧ ja̧'a̧, juätümä̧ ujututä ppätädäu̧ jü̧nä̧tä̧.

Apocalipsis 2:3

Ja̧'wa̧ta̧nü̧ ttü chi̧mi̧ eseu repe'ümä̧ rü̧ȩnä̧ usurä ȩmä̧u̧, käkuädi'oka'a aditä'ijüjä̧.

1 Pedro 5:5

Ja̧'wa̧ta̧nü̧ ukutu mü̧ä̧yotü'i̧nä̧ igresia-ttü a̧ci̧a̧nu̧tu̧ru̧mä̧ ukuotätukui. O'katoi'ünä̧tä̧ kkorotümä̧ kkorotüku ukuo tekuäwätukuoka'a ukuotätukui, Isopäi'ünä̧: Dio-mä̧ ttukuo te'äkuäwätürümä̧ kkü'kokü, ja̧'wa̧nü̧ ja̧'a̧nä̧ ttukuo te'äkuäwokotürütä adiwäjuei iyü ppä'ädü.

Hebreos 6:10

Isopäi'ünä̧ Dio-mä̧ suronä̧ jȩä̧kuä̧wä̧ i̧sa̧mä̧kü̧ ja̧'a̧ttü̧, Chutä i̧mi̧ eseu, jȩ'kuä̧'i̧jä̧tu̧ku̧mä̧ ja̧'wa̧ta̧nü̧ umüwäyotü ȩmi̧nä̧u̧rü̧ ppäkuädä'ijätuku'i̧nä̧, yabonü̧ jitä jȩ'kuä̧tu̧ku̧'i̧nä̧ yorisotä u̧ni̧chi'okü.

1 Timoteo 5:17

Igresia-ttü a̧ci̧a̧nu̧ wotü adiu aditätümä̧, todäre jo̧mȩnä̧ mikuä ttȩma̧ pä'ü ja̧'a̧ ji̧nä̧somä̧ Dio i̧wȩnȩ ji'äu wo̧juȩtä̧tü̧rü̧ ja̧'a̧.

1 Tesalonicenses 2:9

Chawaruwä chi̧jä̧wa̧tü̧ ukutu kuamükuädätukuttümä̧ wo̧juä̧tü̧jä̧, ujutu taditinü̧'i̧nä̧, usurä tȩmä̧wi̧nü̧'i̧nä̧, jü̧nä̧. Mo̧ro̧'i̧nä̧, yodo'i̧nä̧, aditinä̧tü̧jä̧ ukuturu jä̧'ȩpä̧rü̧ jui'ümä̧, Dio i̧wȩnȩ, jareü wȩnȩ jitäwa'a rekuä rü̧jä̧u̧mä̧.

1 Tesalonicenses 1:3

Tä'o Dio ä'ka jo̧mȩ tukuokuomȩnä̧mä̧ amükuädätü̧jä̧, kua̧'kua̧ wȩnä̧rü̧ kuaditä'ijätuku'i̧nä̧, eseu kuaditä'ijätuku'i̧nä̧ ja̧'wa̧ta̧nü̧ 'kiyünä̧, Tu̧ru̧wa̧ Jesucrito surojüttü kki̧'ä̧kuä̧wä̧ i̧yä̧kuȩ tta̧kuä̧rä̧tu̧ku̧'i̧nä̧, jü̧nä̧.

Filipenses 4:3

Ja̧'wa̧ta̧nü̧ uku, ttürü ppä'ädä̧rä̧'i̧jü̧rü̧'i̧nä̧ jä'epüsä, juätü nä̧tü̧rü̧ ppäkuäda pä'ü. Juätümä̧ adiwä wȩnȩ jidäwomȩnä̧ ppä'ädäri̧nä̧tü̧, ja̧'wa̧ta̧nü̧ Clemente'i̧nä̧, kkorotü'i̧nä̧ aditinä̧tü̧. Juätü o'katoi'ünä̧ tti̧mi̧pi̧yä̧mä̧ wȩyu̧tu̧ rütäwa'a pa̧'a̧, kkä̧kuä̧wä̧ i'ko kuyäru'tänä̧.

Efesios 5:21

Dio-rü ukuotätümä̧, jikuäkuäwätukumä̧ ukuotäkuäu kka̧kuä̧tu̧kui̧.

1 Corintios 12:28

Dio-mä̧, igresia-nä̧mä̧ kku̧ni̧nü̧, ä̧kuo̧mȩnä̧mä̧ apótore pä̧ttä̧u̧ru̧; juȩnȩ o'komȩnä̧mä̧, profetas pättä̧u̧ru̧; wäbodäkuä päi'ünä̧mä̧ wo̧juȩkuä̧ isotürü; jua̧u̧ o'komȩnä̧mä̧ jȩtto̧kü̧ juei jȩpä̧tü̧rü̧; kkorotümä̧ na̧'ä̧chä̧tü̧rü̧ aditü ikuätürü'i̧nä̧; kkorotümä̧ ppädäkuäwä isotürü'i̧nä̧; kkorotümä̧ juȩpä̧rä̧kuä̧wä̧ isotürü'i̧nä̧ ja̧'wa̧ta̧nü̧ kkorotümä̧ kkorotü tti̧wȩnȩ wäjuönä̧ ukuokuätürü'i̧nä̧.

1 Corintios 3:9

Isopäi'ünä̧ ujutumä̧, Dio aditäwätä adikuä isotüjä̧ ja̧'wa̧ta̧nü̧ ukutumä̧ Dio u̧kuȩ kuäwä jü̧nä̧, ojusode jü̧nä̧ wotüjä̧.

Romanos 16:12

Trifena-rü̧'i̧nä̧, Trifosa-rü'i̧nä̧ tu̧ru̧wa̧ weäwä aditä'ijätürü te'äwiyätukuittü; tawaruwaju tüjäwaju Pésida-rü'i̧nä̧, Tu̧ru̧wa̧ aditäwä rü̧ä̧nä̧ aditä'ijürü'i̧nä̧, jü̧nä̧.

Romanos 16:9

Te'äwiyätukuittü Urbano-rü̧, Crito weinü̧nä̧ taditomȩnä̧ ppä'ädä̧rä̧'i̧jü̧rü̧ ja̧'wa̧ta̧nü̧ repedäku Estaqui-rü'i̧nä̧.

Romanos 16:6

Ja̧'wa̧ta̧nü̧ te'äwiyätukuittü María-rü, ukuturu ppä̧'ä̧dä̧rü̧ aditä'ijäjuru.

Romanos 16:3

Priscirarü'i̧nä̧, Aquira-rü'i̧nä̧, te'äwiyätukuittü Crito weäwä chaditomȩnä̧ ppä'ädärä̧'i̧jä̧tü̧rü̧.

Hebreos 13:24

O'katoi'ünä̧rü̧, kuruwotuku pató-tü̧rü̧'i̧nä̧ ja̧'wa̧ta̧nü̧ o'katoi'ünä̧ esetinä̧tü̧rü̧mä̧ te'äwiyätukuittü. Ja̧'wa̧ta̧nü̧ Itaria rȩjȩ ttü̧ja̧'i̧nä̧, pottümä̧ tettäwä̧u̧jä̧.