1 Corintios 16:12 - Nuevo Testamento Uwotjüja

¹² Ta̧wa̧ru̧wa̧ ti̧jä̧wa̧ Aporo ütü'kü'i̧nä̧ pä'üsä, jua̧u̧mä̧ kuawaruwärü to'kua täi ti̧jä̧wa̧tu̧ku̧ päda'anä̧, jitätämä̧ i̧'cha̧ pä'okü päjí, kko̧ro̧nü̧ ichü'anü̧ jo̧mȩnä̧tä̧ i̧chä̧kua̧.

TÄ̧DO Ä̧CUÄ̧ I̧HUȨNȨ

¹² Ja̧'hua̧ta̧nö̧ tö̧jä̧hua̧ Apolosrö rö̧ȩnä̧ ucuocuinösä, korotö tö̧jä̧hua̧tö̧cu̧ i̧'cha̧ pä'ö ucuturu topö. Ja̧'hua̧nö̧ ja̧'a̧nä̧ i̧'cha̧ pä'ocö pi̧nö̧do jitätämä. Koronö mo̧ro̧ päi'omenä i̧'chä̧cua̧do.

1 Corintios 16:12 Referans Kwoze

1 Corintios 1:12

Ukututtü, yotüte pättü pä'üsä: «Ttümä̧ Pauru umüwäyotü i̧sa̧sä̧»; kkorotü pä'ätü: «Ttümä̧ Aporo umüwäyotü i̧sa̧sä̧»; kkorotütä pä'ätü: «Ttümä̧ Cefa umüwäyotü i̧sa̧sä̧,» ja̧'wa̧ta̧nü̧ ttümä̧: «Crito umüwäyotü i̧sa̧sä̧,» jü̧nä̧.

1 Corintios 3:5

Jua̧u̧nu̧mä̧ ¿Däjé jȩä̧kuä̧wä̧ i̧sa̧jä̧ttü̧ Aporo-mä̧? ja̧'wa̧ta̧nü̧ ¿Pauru'i̧nä̧ jü̧nä̧mä̧? Suro, ujutumä̧ Dio weinü̧tä̧ jȩä̧kuä̧wä̧ isotüjä̧, ujutunä̧tä̧ Jesucrito-rümä̧ esetinä̧tü̧jä̧. Jua'amä̧, ujutumä̧, yotukunä̧ Tu̧ru̧wa̧ weinü̧tä̧ aditinä̧tü̧jä̧:

Tito 3:4

Ja̧'wa̧nü̧ ja̧'a̧nä̧ tü̧ä̧nä̧wa̧ Dio surojüttü tü̧ji̧pü̧nä̧ ppädäkuäwä i̧sa̧mä̧, ttü̧ja̧rü̧ rȩrü̧jü̧nü̧ toäkuäwä'i̧nä̧, eseäkuäwä'i̧nä̧ i̧jȩpi̧nü̧,

1 Corintios 3:22

Pauru ja̧ pä'ü'i̧nä̧, Aporo ja̧ pä'ü'i̧nä̧, Cefa ja̧ pä'ü'i̧nä̧, pi̧jä̧ jäwä ja̧ pä'ü'i̧nä̧, tta̧'kua̧rü̧ ja̧ pä'ü'i̧nä̧, wa'are ja̧ pä'ü'i̧nä̧, jitä kka̧ku̧'i̧nä̧, yodoji rȩbȩä̧kuä̧wä̧kuȩ'i̧nä̧. Ukututä jäwätä ja̧'a̧;

Hechos 18:24

Ja̧'wa̧nü̧ ja̧'a̧, ya̧tȩ judío i̧sa̧ Aporo pä'ü mi̧kua̧, Alejandría ütawiyä i̧sa̧ Éfeso ütawiyänä̧ rȩbȩwi̧nü̧, ukuokuäkuäwä wo̧jua̧ ja̧'wa̧ta̧nü̧ Wȩyu̧kuä̧ Wȩnȩ'i̧nä̧ rü̧ȩnä̧ adiu wo̧jua̧.

Hechos 24:25

Ja̧'wa̧nü̧ ja̧'a̧nä̧ Pauru-mä̧ adiwomȩnä̧ jȩpü̧ kkä̧kuä̧wä̧'i̧nä̧, surojuoepokomȩnä̧ kkä̧kuä̧wä̧'i̧nä̧, yodoji Dio ro̧ȩpä̧kuȩ'i̧nä̧ jiäwomȩnä̧ ye'i'ü, Felíx-mä̧ päinä̧ku̧: —Täkü täi, pä'äjita'anü̧tä̧ wochakujä̧.

San Marcos 6:21

Ja̧'wa̧nü̧ ja̧'a̧nä̧ ru̧wa̧ Herode uwäpächinü̧ pä'kärinä̧, Galirea-ttü ruwotüku, su̧ro̧do̧u̧ tturuwotüku ja̧'wa̧ta̧nü̧ ukuo isotüku ttu̧kuȩ ttukuomȩnä̧. Herodía-mä̧ Ju̧a̧-rü̧ kuä'ü ttikua pä'ü jo̧mȩmä̧, jua̧u̧ mo̧ro̧tä̧ ja̧'a̧ topinä̧ju̧.

Hechos 19:1

Aporo-mä̧, Corinto ütawiyänä̧ ü̧ja̧'a̧nä̧, Pauru-mä̧ müä'kiyu ja̧'a̧nä̧ 'kuä'opäji̧'ka̧ Éfeso ütawiyänä̧ i̧rȩbȩwi̧'o̧mȩnä̧, juorü Jesucrito-rü esetätürü po̧kui̧pü̧,

Tito 3:13

O'kajuiyünä̧ jȩ'ku̧'a̧nü̧ jü̧mä̧ abogado Zena-rü̧'i̧nä̧, Apororü'i̧nä̧ ppä'ädi, tti̧'cho̧mȩnä̧ rekuä rü̧jü̧ juiyäkua'anü̧, juätürü rekuä rü̧jü̧ iyü ppä'ädi.

Hechos 15:34

Ja̧'wa̧nü̧ ja̧'a̧nä̧ Sira-mä̧ juȩnȩtä̧ kki̧'i̧pi̧nü̧.]