1 Corintios 16:11 - Nuevo Testamento Uwotjüja

¹¹ Ja̧'wa̧nü̧ ja̧'a̧ttü̧ ja̧'a̧tä̧mä̧ to'kuätukuärü, adiutä wȩnȩ juiyünä̧ ppä'ädätukuirü, ttürü topü icha'amä̧, pa̧nä̧ttü̧mä̧ chawaruwä chi̧jä̧wa̧tu̧ku̧ tta̧tä̧rä̧ku̧.

TÄ̧DO Ä̧CUÄ̧ I̧HUȨNȨ

¹¹ Ja̧'hua̧nö̧ ja̧'a̧ttö̧ ucututtu korotö suronä ttamöcuädö juiya pä'ätucuirö. Pärocua'attö ppä'ädätucuirö adiunä eseunu ichäcua'a̧nö̧ ttörö topö. Ttöcu korotö tö̧jä̧hua̧tö̧cu̧ ja̧u̧ru̧ tta̧'ä̧rä̧tö̧jä̧.

1 Corintios 16:11 Referans Kwoze

1 Timoteo 4:12

Ya̧tȩ'i̧nä̧ mü̧ä̧ya̧ pä'ü kkü'kü jui'ü pättä'cha'anä̧mä̧ kuiyäwä; ja̧'wa̧nü̧ ja̧jü̧ jueimä̧ kukuokunä̧'i̧nä̧, jȩpü̧ku̧ju̧nä̧'i̧nä̧, eseu repekunä̧'i̧nä̧, kua̧'kua̧rü̧nä̧'i̧nä̧, kua̧'kua̧ ku̧wȩnä̧rü̧nä̧'i̧nä̧, ja̧'wa̧ta̧nü̧ surojü juiyünä̧tä̧ ku̧ju̧ta̧'a̧nü̧ Crito-rü esetätümä̧ jȩpü̧ ttü̧jä̧kua̧'a̧nü̧ jȩpü̧ kkä̧wi̧.

Hechos 15:33

Ja̧'wa̧nü̧ ja̧'a̧ rekuinü̧ o'ka'a, juorü Jesucrito-rü esetätümä̧, juätürümä̧, pä'äji ji̧nü̧ta'anü̧ ppa̧ttä̧chü̧nä̧ we'ü ikuinä̧tü̧, ä'koji ji̧nü̧ta'anü̧ we'inä̧tü̧ ttü̧ja̧kua̧'a̧ku̧. [

Tito 2:15

Pi̧yȩ ja̧'a̧ o'kajuiyünä̧ ukuo kkü̧nä̧ ku̧wo̧juȩtü̧mä̧, ttesewächi'ünä̧ ja̧'wa̧ta̧nü̧, tä̧bo̧tü̧nü̧ ya̧tȩ'i̧nä̧ üjü'kü juiyünä̧mä̧ toü juiyäkua'anü̧.

1 Corintios 16:10

Timoteo jua'a i̧rȩbȩwi̧'ü̧ttü̧mä̧ adiu esewomȩnä̧ jȩpä̧tu̧kui̧rü̧, jua̧u̧'i̧nä̧ ttüta'a̧nü̧ Tu̧ru̧wa̧ aditäwä aditü.

1 Corintios 16:6

Ukututäku'i̧nä̧ chü̧ji̧pä̧kua̧sä̧ 'kua̧ra̧'a̧, a̧'ȩmä̧ juȩnȩtä̧ 'kuädopa pä'ü; ja̧'wa̧nü̧ jü̧ttü̧mä̧ adiwäkua'a chi̧'cha̧'a̧ ppäkuädätukuattü pä'ü.

3 Juan 1:6

Juätümä̧, eseu repekua'amä̧ ttü̧ja̧ ttä'ka jo̧mȩttü̧ igresia-rü, ukuokuäjätü. Juätürü kkara'a tti̧'cha̧'a̧ rekuä rü̧jü̧mä̧ ppä'äditü, Dio esewomenä̧ jä̧kua̧'a̧nü̧.

1 Tesalonicenses 4:8

Ja̧'wa̧nü̧ ja̧'a̧ttü̧, pi̧yȩ kkü'kokümä̧, ttü̧ja̧sa̧rü̧mä̧ ya'okuokü; Dio-rütä ya'oku, Epíritu Sa̧tu̧rü̧ iyinü̧rü̧.

San Lucas 10:16

«Ukuturu ä̧ju̧kuä̧tü̧mä̧, ttürü'i̧nä̧ ä̧ju̧kuä̧tü̧; ja̧'wa̧ta̧nü̧ ukuturu kkü'kokotümä̧, ttürü'i̧nä̧ kkü'kokotü; ja̧'wa̧ta̧nü̧ ttürü kkü'kokotümä̧, ttürü we'inü̧rü̧'i̧nä̧, kkü'kokotü.»

Hechos 15:3

Ja̧'wa̧nü̧ pä'ü, igresia jü̧nä̧ wȩttä̧jä̧u̧mä̧, Fenicia rȩjȩnä̧'i̧nä̧, Samaria rȩjȩnä̧'i̧nä̧ 'kuä'opü ji'äwinä̧tü̧ judío pokotü Jesucrito-rü jareünä̧ esetü ttiku wȩnȩmä̧; jua̧u̧ ä̧ju̧ku̧ Jesucrito-rü esetätümä̧ rü̧ȩnä̧ eseäkuäwinä̧tü̧.

2 Corintios 1:16

juorü kkä̧nü̧mä̧, Macedonia rȩjȩra̧'a̧ i̧wo̧po̧'ü̧ i̧wi̧pü̧'ka̧, ukutu ku̧jä̧tu̧kuo̧mȩnä̧ pä'äjita'anü̧ 'kuädopa pä'ü, Judea rȩjȩra̧'a̧ chi̧'cho̧mȩmä̧ ukututä ppäkuädätukuattü pä'ü.