1 Corintios 16:1 - Nuevo Testamento Uwotjüja

¹ Ja̧'wa̧ta̧nü̧ surojüttü rä'epü ikuinä̧u̧ru̧ ppädäkuäwä ofrenda-mä̧, ukutu'i̧nä̧ jȩpä̧tu̧kui̧ Galacia igresia isotürü wedinü̧ta'anü̧.

TÄ̧DO Ä̧CUÄ̧ I̧HUȨNȨ

¹ Pärätä cu̧ca̧ca̧tä̧tu̧cuo̧mȩnä̧, Diosrö esetätörö cuiyätucua pä'ö, Galacia rȩjȩ ttö̧ja̧ iglesia ruhuärö jidähuinö ta'anö jȩpä̧tu̧cui̧.

1 Corintios 16:1 Referans Kwoze

1 Juan 3:17

Isopäi'ünä̧, yotüte ttiäre pärätä kku̧nä̧rä̧tü̧, tta̧wa̧ru̧wa̧ tti̧jä̧wa̧rü̧ rekuä rü̧ja̧'a̧ totta'anä̧; jua̧u̧ru̧ re ttü̧jü̧ juiyüttümä̧, ¿Toku kkä̧kua̧'a̧jä̧ttü̧, tta̧mi̧so'kinä̧mä̧, Dio eseu repeü jäwämä̧?

Romanos 12:13

Crito-rü esetätümä̧ rekuä rü̧jo̧mȩnä̧ ppä'ädäkuäu tätukui; do'ächü ttichomȩnä̧, kuojusodenä̧ ttä'a pä'ü we'ätukui.

Gálatas 2:10

Ji̧yȩtȩtä̧ jättepinä̧u̧jä̧, usurä isotürü tamükuäda pä'ütä; Jua̧u̧mä̧, iweye jȩchä̧'i̧jü̧tä̧.

Hechos 24:17

Rekuo años jo̧mȩnä̧ kkoro rȩjȩra̧'a̧ kue'ächinü̧'ka̧, chi̧rȩjä̧ra̧'a̧ usurä isotürü ppädäkuäwä'i̧nä̧, ofrendas'i̧nä̧ iyü ichäjisä.

Filemón 1:7

Isopäi'ünä̧ cha̧wa̧ru̧wa̧ chi̧jä̧wa̧, ukú Filemó̧-rü̧ rü̧ȩnä̧ eseusä kkorotü tawaruwä tü̧jä̧wa̧tü̧rü̧ eseu ppäkuäda'a ä̧ju̧ku̧.

Filemón 1:5

ukú Tu̧ru̧wa̧ Jesucrito-rü kua̧'kua̧ ku̧wȩnä̧rü̧'i̧nä̧ ja̧'wa̧ta̧nü̧ o'katoi'ünä̧ tawaruwä tü̧jä̧wa̧tü̧rü̧ eseu repekua'a'i̧nä̧ chä̧ju̧kua̧'a̧ttü̧.

Hebreos 6:10

Isopäi'ünä̧ Dio-mä̧ suronä̧ jȩä̧kuä̧wä̧ i̧sa̧mä̧kü̧ ja̧'a̧ttü̧, Chutä i̧mi̧ eseu, jȩ'kuä̧'i̧jä̧tu̧ku̧mä̧ ja̧'wa̧ta̧nü̧ umüwäyotü ȩmi̧nä̧u̧rü̧ ppäkuädä'ijätuku'i̧nä̧, yabonü̧ jitä jȩ'kuä̧tu̧ku̧'i̧nä̧ yorisotä u̧ni̧chi'okü.

Hechos 11:30

Ja̧'wa̧nü̧ pärätä ppä'ädümä̧, Bernawé'i̧nä̧, Sauro'i̧nä̧ ȩpü̧ iyinätü̧ Jerusarȩ́ igresia-ttü a̧ci̧a̧nu̧ wotü ttu̧mü̧nä̧.

Hechos 16:6

Frigia rȩjȩnä̧'i̧nä̧, Galacia rȩjȩnä̧'i̧nä̧ 'kuättopomȩnä̧ Epíritu Sa̧tu̧mä̧, Dio i̧wȩnȩ jittäu juiyünä̧ päinä̧u̧ Asia-nä̧mä̧.

Gálatas 1:2

Te'äwuösä ji̧nä̧ yo̧mȩtȩnä̧, chawaruwä chi̧jä̧wa̧tu̧ku̧ ukuturu Galacia rȩjȩttü̧, igresia wotürü:

Hechos 18:23

Juȩnȩ a̧'u̧kua̧'a̧tä̧ kkä̧ji̧'ka̧, esetinä̧tü̧rü̧ yaboku wo̧juȩtü̧ 'chä̧nü̧ rä'opinü̧ Galacia rȩjȩnä̧'i̧nä̧ ja̧'wa̧ta̧nü̧ Frigia rȩjȩnä̧'i̧nä̧, ji̧yȩku̧pü̧nä̧.

Hechos 11:28

Juätüttü ya̧tȩ, Agabo pä'ü mi̧kua̧ ä̧rä̧mi̧'ü̧ Epíritu Sa̧tu̧ a̧'kua̧ iweyenä̧ ukuokuinü̧: pi̧jä̧ ttü̧ja̧ ttü̧ja̧kuo̧mȩ pünä̧mä̧ o'kajuiyünä̧ ppäi mo̧ro̧ rȩbȩä̧kuä̧wä̧kua̧'a̧ pä'ü; Ja̧'wa̧nü̧ jiäwinü̧ o'ka'a, ru̧wa̧ Emperador Claudio ü̧'ü̧ pä̧nä̧, päinü̧ta'anü̧ 'kuäopina̧'a̧.

Hechos 9:41

Ja̧'wa̧nü̧ ja̧'a̧ kku̧mü̧ttü̧ 'chu'ädü äräbe'äji̧'ka̧; Crito-rü esetätürü'i̧nä̧, rȩkua̧mü̧rü̧'i̧nä̧ wopo'ü a̧'kua̧räju̧ru̧tä̧ iyinä̧u̧.

Hechos 9:13

Pä'ü weäku Ananía-mä̧ pä'inü̧: Chu̧ru̧wa̧, päkuäku ütü'kümä̧ rü̧ȩnä̧ ä̧ju̧kuä̧'i̧jü̧sä̧ ja̧'wa̧ta̧nü̧ Jerusarȩ́-ttü̧ uku kuȩmi̧nä̧u̧ru̧ suronä̧ jȩa̧'a̧'i̧nä̧ ä̧ju̧kuä̧'i̧jü̧sä̧;

1 Corintios 4:17

Ja̧'wa̧nü̧ ja̧'a̧ttü̧ Timoteo-rü wedinä̧u̧jä̧, Chu̧ru̧wa̧nä̧ chi̧tti̧ ukuotä'ijü rȩni̧'a̧rü̧. Jua̧u̧tä̧ jiäwäkuä̧u̧jä̧ Crito-nä̧ jȩpü̧ chü̧jä̧'i̧jü̧ wȩnȩmä̧, kkoromȩ pünä̧, kkoro igresia pünä̧ chu̧wo̧juȩtä̧'i̧jü'a̧kuä̧.

1 Corintios 11:34

Ja̧'wa̧ta̧nü̧ yotukunä̧ ttukua ppä̧i̧rü̧jü̧ttü̧mä̧, kuojusodetukuttü kuätukui, kuä̧tȩkuä̧tu̧ku̧ jäwä ku̧ka̧ka̧kuä̧tu̧ku̧ juiya pä'ümä̧. Kkoromä̧ topü chichomȩnä̧tä̧, adiwomȩnä̧ jȩpü̧ chu̧ju̧nä̧kua̧sä̧.

1 Corintios 16:15

Chawaruwä chi̧jä̧wa̧tü̧, ukutumä̧ wo̧juä̧tü̧jä̧ Estéfana i̧tti̧mü̧ku̧ ä̧kuo̧mȩnä̧ Acaya rȩjȩttü̧ Dio-rü esetinä̧tü̧ pä'ümä̧ ja̧'wa̧ta̧nü̧ juätütä ja̧'a̧ Dio-rü esetinä̧tü̧rü̧ ppä'ädätümä̧.