1 Corintios 15:6 - Nuevo Testamento Uwotjüja

⁶ Jua̧u̧nü̧ o'ka'amä̧, quinientos'i̧nä̧ yabonä̧ wotü tawaruwä ti̧jä̧wa̧tü̧rü̧'i̧nä̧ i̧jȩkui̧nü̧, juätüttümä̧ ji̧nä̧ a̧'kua̧rä̧tü̧, kkorotümä̧ 'korujuottächina̧'a̧nä̧.

TÄ̧DO Ä̧CUÄ̧ I̧HUȨNȨ

⁶ Ja̧u̧nu̧ o'ca'a'inä, Diosrö esetätörö, recuätörö quinientos jo̧mȩnä̧ abonänö i̧jȩcui̧nö̧do. Iso päi'önä jahuätöttö, recuätömä ji̧nä̧ a̧'cua̧rä̧tö̧. Korotö'inä hua'ö icuinätödo.

1 Corintios 15:6 Referans Kwoze

San Mateo 28:10

Ja̧'wa̧nü̧ ja̧'a̧ Jesú-mä̧ päinä̧u̧: —Yekuekuätukuä chu̧wo̧juȩtä̧u̧rü Galirea rȩjȩra̧'a̧ tti̧'cha̧ ji'äwätukui, jua'attü tottattü.

San Marcos 16:7

Ja̧'wa̧nü̧ ja̧'a̧nä̧, Peduru-rü'i̧nä̧, u̧wo̧juȩtä̧u̧ pä'ijätürü'i̧nä̧ ji'äwäjätukui, Galirea-ra̧'a̧ kuä'katukunä̧ 'chü̧ pä'ü; jua'attütä to'kuätukuä̧kua̧ päinü̧ta'anü̧ pä'inä̧tü̧.

Hechos 13:36

Isopäi'ünä̧ Dawi-mä̧, Dio-rü pä̧wä̧rü̧jo̧mȩnä̧ ukuojattü awaruwärü ppä'ädinü̧ ja̧'wa̧nü̧ ja̧'a̧ 'korujuoächomȩnä̧mä̧, idepä pparuwächinä̧ku̧.

2 Pedro 3:4

pättäkuotü: «¿Toku ji̧na̧'a̧kuä̧ttü̧ Crito chichäkua̧sä̧ päina̧'a̧mä̧? Tä̧do̧tü̧ mi̧nä̧mä̧ täkü wa'ü ikuinä̧tü̧ ja̧'wa̧ta̧nü̧ o'kajuiyünä̧ pi̧jä̧ uwäbe'inomȩttü̧tä̧ kkä̧mä̧dü̧ yoräteunä̧tä̧ 'cha̧'a̧.»

1 Corintios 15:18

Ja̧'wa̧nü̧ jü̧ttü̧mä̧, Crito-rü esetätü 'korujuo'ächinä̧tü̧'i̧nä̧ totte'ächina̧'a̧tä̧ ja̧'a̧.

Hechos 7:60

Ja̧'wa̧nü̧ ja̧'a̧ iwe'kiyunä̧ ma̧'ä̧mü̧, pä̧i̧ku̧nä̧ wopi'inü̧; ¡Chu̧ru̧wa̧, pi̧yȩ suronä̧ jȩttü̧mä̧ mikuämä̧ jȩ'kuä̧tü̧!, pi̧yȩ pä'ipütä 'koru pä'i'inü̧.

1 Tesalonicenses 4:15

Ja̧'wa̧nü̧ ja̧'a̧ttü̧ Tu̧ru̧wa̧ Jesú päinü̧, ukuturu pä'ätüjä̧: Isopäi'ünä̧ ujutu a̧'kua̧rä̧tü̧mä̧, Tu̧ru̧wa̧ ichomȩbü päi'ünä̧ kka̧kui̧pi̧nä̧tü̧mä̧ Tu̧ru̧wa̧ku̧ tü̧ka̧ka̧kui̧'ä̧kuo̧tü̧jä̧; 'korujuo'ächinä̧tü̧ Tu̧ru̧wa̧ku̧ ttü̧ka̧ka̧kui̧'ü̧ o'komȩnä̧.

1 Tesalonicenses 4:13

Ja̧'wa̧ta̧nü̧ chawaruwä chi̧jä̧wa̧tü̧, 'korujuo'ächinä̧tü̧ ttütü'kümä̧ kuieruwätukuamä̧ pä'okotüjä̧. Kuieruwätukuttümä̧ kua̧'kua̧ tta̧kuȩkuä̧kuo̧tü̧jä̧, tta̧wä̧räkuä̧wä̧ wȩnȩ jui'ätü 'kua̧rü̧nä̧tä̧.

1 Corintios 15:20

Ja̧'wa̧nü̧ jü̧'a̧nü̧ ja̧'a̧nä̧, Crito-mä̧ wa'arettü ttoächina̧'a̧tä̧ ja̧'a̧. Jua̧u̧tä̧ ji̧na̧'a̧ ä̧kuo̧mȩnä̧ i̧sa̧ jü̧nä̧ wa'arettü tto'ächinü̧mä̧.