1 Corintios 15:13 - Nuevo Testamento Uwotjüja

¹³ Jua̧u̧nu̧mä̧, wa'arettü ttoächäkuäwä juiyüttümä̧. Crito'i̧nä̧ wa'arettümä̧ ttoächü juiyinü̧'a̧nü̧ ja̧'a̧;

TÄ̧DO Ä̧CUÄ̧ I̧HUȨNȨ

¹³ Ja̧'hua̧nö̧ pä'ö iso päi'önä pättöttömä, Cristo'inä 'corupä'i'äji'ca̧ tto'ächocö pi̧na̧ji̧do.

1 Corintios 15:13 Referans Kwoze

Romanos 8:11

Isopäi'ünä̧ Jesú-ru wa'arettü tto'ädinü̧ Epíritu ukutunä̧ ü̧jo̧mȩnä̧mä̧, ukutu kuidepätuku wa'are jäwä'i̧nä̧ tto̧ä̧dä̧kua̧, chutä a̧'kua̧rü̧ i̧sa̧ Epíritu ukutunä̧ ü̧ja̧'a̧ttü̧.

1 Tesalonicenses 4:14

Isopäi'ünä̧ Jesucrito-mä̧ 'korujuo'ächäji̧'ka̧mä̧, tto'ächinü̧ pä'ü tesetüttümä̧. Dio-mä̧ ja̧'wa̧ta̧nü̧ tto̧ä̧dä̧kua̧ Jesú-ru esetü kkä̧nü̧ 'korujuo'ächinä̧tü̧rü̧mä̧.

Apocalipsis 1:18

ja̧'wa̧ta̧nü̧ jitämä̧ a̧'kua̧rü̧sä̧, ya'utenä̧mä̧ 'korujuo'ächinü̧sä̧; ja̧'wa̧nü̧ ji̧na̧'a̧nä̧ jitämä̧, mo̧ro̧ kki̧ä̧mü̧nä̧ kkü̧sä̧. Ja̧'wa̧ta̧nü̧ wa'are ujuru u̧wä̧mȩnä̧ wa̧sä̧, chujurumä̧.

1 Pedro 1:3

Tu̧ru̧wa̧ Jesucrito jä'o Dio-rü tesewätukua, rü̧ä̧nä̧ rȩrü̧jü̧ toa'a'ttü̧ Jesucrito ttoächinünä̧ jareünä̧ tuwäpächünä̧ jȩi̧nä̧u̧jä̧, pi̧yȩ ja̧'a̧ tta̧wa̧rä̧kuä̧wä̧ iyümä̧,

Hebreos 13:20

Jua̧u̧ Dio eseäkuäwä ru̧wa̧, Tu̧ru̧wa̧ Jesucrito-rü tto'ädinü̧, oweja-tü̧ ttu̧ru̧wa̧ ukuo i̧sa̧, ukuojanä̧tä̧ 'kuäopünä̧ jü̧nä̧tä̧ esekuinü̧tä̧,

Hebreos 2:14

Ja̧'wa̧ta̧nü̧ ji̧nä̧ ya̧tȩ i̧tti̧mü̧, ttidepättü'i̧nä̧, ttukuojattü'i̧nä̧ ji̧nä̧ ji̧yȩtȩnä̧ ttä'ijüta'anü̧, Jesú'i̧nä̧ ttü̧ja̧ ttidepänä̧'i̧nä̧, ukuojanä̧'i̧nä̧ winü̧; wa'ü ikuomȩnä̧ ji̧yȩnä̧tä̧ wa'are ujuru kkȩdü̧ ikua pä'ümä̧, jua̧u̧mä̧ äwettärü ji̧na̧'a̧.

2 Timoteo 4:8

Jitämä̧ ji̧yȩnü̧ mo̧ro̧ chu̧ru̧wa̧ Juez premio pättüjuei i̧yä̧kuȩ chȩma̧ pä'ü tta̧wä̧rä̧ku̧sä̧, ttürütämä̧ iyokü jä̧kua̧ ja̧u̧ ja̧jü̧jueimä̧ o'katoi'ünä̧ i̧chä̧kuȩ mo̧ro̧ eseunu̧ tta̧'a̧rä̧tü̧rü̧'i̧nä̧ i̧yä̧kua̧.

1 Corintios 15:20

Ja̧'wa̧nü̧ jü̧'a̧nü̧ ja̧'a̧nä̧, Crito-mä̧ wa'arettü ttoächina̧'a̧tä̧ ja̧'a̧. Jua̧u̧tä̧ ji̧na̧'a̧ ä̧kuo̧mȩnä̧ i̧sa̧ jü̧nä̧ wa'arettü tto'ächinü̧mä̧.

Romanos 8:23

Suro, pi̧jä̧ jäwätämä̧ usurä ȩmä̧wo̧ka̧'a̧, ujutu Epíritu Sa̧tu̧rü̧ kku̧nä̧rä̧tü̧mä̧ usurä ȩmä̧wä̧tü̧jä̧, Dio i̧yä̧kuȩmä̧ tȩmä̧kuo̧tü̧ ta'anä̧. Jakuänä̧mä̧ amükuä̧rä̧tü̧jä̧ Dio i̧tti̧mü̧ päi'ünä̧ jo̧mȩnü̧ ȩmä̧kuȩ mo̧ro̧.

Hechos 23:8

Jua'amä̧, saduceo wotümä̧ 'korujuo'ächätümä̧ tto'ächokotü, Á̧gȩrȩ'i̧nä̧ toa'a, epíritu-tu̧'i̧nä̧ toa'a pä'ü ttesetoka'attü̧. Pärokua'aku, fariseo wotümä̧ jua̧u̧ o'kajuiyünä̧tä̧ tteseta'attü̧.

1 Corintios 15:12

Ja̧'wa̧nü̧ ja̧'a̧nä̧, ujutu Crito wa'arettü ttoächinü̧ wȩnȩ jitäwa'a ja̧'a̧mä̧ ¿tta̧'a̧nü̧ pä'ü ukututtü yotukunä̧mä̧, wa'arettümä̧ ttoächäkuäwokü pätta'a jä̧ttü̧?

1 Corintios 15:14

ja̧'wa̧ta̧nü̧ Crito wa'arettü ttoächü juiyinü̧ttü̧mä̧, jitäu wȩnȩ'i̧nä̧, ja̧'wa̧ta̧nü̧ kua̧'kua̧ ku̧wȩnä̧rä̧tu̧ku̧'i̧nä̧ yoriso mikuäwokütä jü̧'a̧nü̧ ja̧'a̧.