1 Corintios 15:10 - Nuevo Testamento Uwotjüja

¹⁰ Ja̧'wa̧nü̧ ja̧'a̧nä̧ Dio-mä̧ ttürü re ü̧ji̧no̧mȩttü̧tä̧, pa̧'a̧nü̧ wa̧sä̧; jua̧u̧ re ü̧ji̧nü̧mä̧ yaparemä̧ jo̧ka̧'a̧ ji̧na̧'a̧ ttürümä̧. Ja̧'wa̧nü̧ ja̧'a̧nä̧, ttümä̧ juätü o'katoi'ünä̧ttü̧'i̧nä̧ abonä̧nü̧ aditinü̧sä̧; ja̧'wa̧nü̧ ja̧'a̧nä̧ ttümä̧kü̧ ja̧'a̧, ji̧nä̧somä̧ Dio ttürü re ü̧ji̧nü̧ kka̧'a̧ ttünä̧.

TÄ̧DO Ä̧CUÄ̧ I̧HUȨNȨ

¹⁰ Juhuorö'inä Dios ttörö ppäda'attö, o'ca juiyönä jȩchö̧mä̧ jȩpö̧sä̧. Ja̧'hua̧ta̧nö̧ Diosrö pä̧huä̧ rö̧jo̧mȩnä̧ jȩpö̧sä̧. Ja̧'hua̧nö̧ ja̧'a̧nä̧ korotö Jesús hue'ähuotöttö'inä abonänö rö̧ȩnä̧ aditinösä. Juhuorö'inä ttötä chamönä jȩcho̧ca̧'a̧nä̧, Dios ppädomenätä jȩpi̧nö̧sä̧.

1 Corintios 15:10 Referans Kwoze

Filipenses 4:13

Crito-nä̧mä̧ o'kajuiyünä̧tä̧ iso juo'epüsä, chujuru iya'attü.

2 Corintios 3:5

Ujututä ta̧mü̧nä̧ pa̧ja̧tü̧, jȩtü̧'a̧nü̧ jü̧mä̧ jui'ätüjä̧; ujutu jȩtü̧mä̧, jȩtü̧nä̧ Dio iyomȩttü̧tä̧ jȩpä̧tü̧jä̧.

Filipenses 2:13

Isopäi'ünä̧ Dio-tä ja̧'a̧, ukuturu adiu jȩ'kuä̧tu̧kua̧ pä'ü kuju'kätukunä̧'i̧nä̧, adiu jȩ'kuä̧tu̧ku̧nä̧'i̧nä̧ jȩpü̧mä̧.

Gálatas 2:8

Isopäi'ünä̧, judío-rü apóto päi'ünä̧ jiäwa pä'ü Peduru-rü we'inü̧ Dio-tä ttürü'i̧nä̧ weinä̧ku̧ cha'attü judío pokotürü apóto jü̧nä̧, jidäwiyarü pä'ü.

Romanos 12:3

Dio re kkä̧nü̧ apóto jü̧nä̧ ü̧ji̧ni̧nä̧ku̧ pä'üsä, ukuturu'i̧nä̧ Dio mippoünä̧ iyinü̧ kka̧'a̧ttü̧, u̧wä̧mȩnä̧mä̧ kuamükuädäwätukuä. Yotukunä̧ jȩ'kuä̧tu̧kuä̧kuȩ Dio iyina̧'a̧ku̧tä̧, kua̧'kua̧ wȩnä̧rü̧ amükuädätukui.

2 Corintios 12:11

Amükuädokotü 'kua̧rü̧nä̧ jȩpü̧sä̧, jua'amä̧ ukutu ja̧'a̧ ja̧'wa̧nü̧ jȩchü̧nä̧ jȩpi̧nä̧tü̧mä̧. Isopäi'ünä̧ ukutu ja̧'a̧, ji̧nä̧so ttü chütü'kü adiu ukuokuajatümä̧; ja̧'wa̧nü̧ ja̧'a̧ttü̧ ttümä̧, juätü «apótore ukuo isotü» tti̧dȩ'a̧nä̧mä̧ woküsä, jua'akumä̧ mikuäwokü cha'anä̧.

2 Corintios 6:1

Ja̧'wa̧nü̧ Dio aditäwä ppä̧dä̧rä̧kuä̧wä̧ isotü ta'attü̧, ukuturu jä'epätüjä̧, Dio rettü iyinü̧mä̧, mikuäwokü jäwä 'kua̧rü̧nä̧mä̧ kuȩmä̧tu̧ku̧ juiya pä'ü.

1 Corintios 4:7

Ja̧'wa̧nü̧ ja̧'a̧ttü̧ ¿Díjä̧ttü̧ ukuru, kkorotüttü'i̧nä̧ abonä̧nü̧ kua pä'ü iyinü̧mä̧? ¿Ja̧'wa̧ta̧nü̧ däjetäjä̧ttü̧ ukuru Dio iyokü ji̧nü̧mä̧? Jua̧u̧ o'kajuiyünä̧ Dio-tä iyinü̧ttü̧mä̧, ¿Tta̧'a̧nü̧ pä'ü kua̧mü̧nä̧ pa̧ja̧tü̧ ku̧'o̧kui̧'i̧nü̧ 'kua̧rü̧nä̧ ukuo te'äkuäujä̧ttü̧?

1 Corintios 15:2

Ja̧'wa̧ta̧nü̧ pi̧yȩ jareü wȩnȩnä̧tä̧ ja̧'a̧ kuesetätukuttümä̧, ji̧yȩnä̧tä̧ ku̧ji̧pä̧tu̧kuä̧kua̧'a̧mä̧ surojü ra̧wä̧pi̧jü̧ttü̧; ja̧'wa̧nü̧ jo̧ka̧'a̧ jü̧ttü̧mä̧, yaparetä esetinä̧tü̧jä̧.

Romanos 11:1

Ja̧'wa̧nü̧ ji̧yä̧ku̧ pä'üsä: ¿Dio-mä̧ umüwäyotü pinä̧tü̧rü̧mä̧ do'opü ikuina̧'a̧ tä̧jí̧? ¡Isokü̧, ja̧'wa̧nü̧mä̧kü̧! Ttütä'i̧nä̧ Irae ttü̧ja̧sa̧sä̧, Abraha̧ isotü i̧sa̧, Benjamín isotü i̧sa̧.

San Mateo 10:20

Isopäi'ünä̧, ukutumä̧ ukuokuokotü kuäkuotüjä̧, Dio i̧sa̧ Epíritu jä̧kua̧'a̧ ukutunä̧ ukuokuäkua̧mä̧.

1 Corintios 3:6

Ttümä̧ Jesucrito jäwä jareü wȩnȩ jidäwa'anä̧ Aporo-mä̧ yabonü̧ Jesucrito-rü tta̧'kua̧ ttu̧wȩnä̧rü̧nä̧ wo̧juȩti̧nü̧ ja̧'wa̧nü̧ ja̧'a̧nä̧ ji̧nä̧so tä̧mü̧ juottünä̧ jȩpi̧nü̧mä̧ Dio-tä ja̧'a̧.

1 Corintios 3:10

Ttümä̧, Dio-rü pä̧wä̧rü̧jo̧mȩnä̧, juode kkada'ka 'chu̧ä̧ro̧mȩ jȩpü̧ kku̧ni̧nü̧sä̧: Jesucrito jäwä jareü wȩnȩ ji'äu. Ja̧'wa̧nü̧ ji̧na̧'a̧, kkorotümä̧ juȩnȩ wä̧mȩnä̧ aditätü. Ja̧'wa̧nü̧ ji̧na̧'a̧ttü̧, yotukunä̧ juȩnȩ wä̧mȩnä̧ aditätümä̧ ttu̧'ȩpä̧rü̧nü̧, aditätukui.

1 Corintios 15:11

Ja̧'wa̧nü̧ ja̧'a̧nä̧, ttü jidäwaja pä'ü'i̧nä̧, juätü jittäwina̧ja̧ pä'ü'i̧nä̧, ji̧nä̧somä̧ jua̧u̧tä̧tä̧ ja̧'a̧, jua̧u̧ jitäwinü̧tä̧ esetinä̧tü̧jä̧ ukuturu'i̧nä̧.

1 Tesalonicenses 5:12

Chawaruwä chi̧jä̧wa̧tü̧, ukutuku aditü, igresia-nä̧ Tu̧ru̧wa̧ jäwä ji'äu o'ipätürü ukuotätukui.

1 Timoteo 4:10

Ja̧'wa̧nü̧ jo̧mȩttü̧ yabokutä aditätüjä̧, ja̧'wa̧ta̧nü̧ ta̧'kua̧ tu̧wȩnä̧rü̧mä̧ Dio wa'ikuokünä̧tä̧ kka̧kua̧'a̧. Jua̧u̧mä̧ o'katoi'ünä̧rü̧ ra̧wä̧pi̧jü̧ttü̧ ttü̧ji̧pü̧nä̧ jȩpi̧nü̧. Ji̧nä̧somä̧ churutä esetätürü ppä'ädinü̧.

San Mateo 25:16

Ja̧'wa̧nü̧ jä̧ja̧'a̧, u̧mü̧wä̧ya̧ Cinco mil-nü̧ pärätä ȩmä̧ji̧ päjimä̧, ji̧yȩnä̧tä̧ aditü, yabonä̧nü̧ kkoro cinco mil-nü̧ jo̧mȩnä̧ pärätämä̧ ȩmi̧nü̧.