1 Corintios 15:1 - Nuevo Testamento Uwotjüja

¹ Jitämä̧, chawaruwä chi̧jä̧wa̧tü̧, jareü wȩnȩ jidäwinü̧ kuamükuädätukua pä'üsä. Pi̧yȩtä̧ ja̧'a̧ jareü wȩnȩ esetinü̧'kotü, ji̧yȩnä̧tä̧ 'kiyünä̧ ku̧ja̧kuä̧tu̧ku̧mä̧.

TÄ̧DO Ä̧CUÄ̧ I̧HUȨNȨ

¹ Jitämä chö̧jä̧hua̧tö̧, ttö̧ja̧ suronä jȩttö̧ jȩpö̧ icu huȩnȩ jidähuinömä, pä'äji ta'anö cuamöcuädätucua pä'ösä. Ucutu esetinätöjä ja̧u̧ huȩnȩmä̧. Ja̧'hua̧ta̧nö̧ ja̧u̧ huȩnȩ esetö, cuami 'qui'ächi'ö ka̧cuä̧tö̧jä̧.

1 Corintios 15:1 Referans Kwoze

1 Pedro 5:12

Silvano, chi̧jä̧wa̧ a̧'kua̧ wȩnä̧rü̧ pädäkunä̧ ukuturu a̧'u̧ku̧nä̧tä̧ wȩyu̧tu̧ we'üsä, ro̧'ȩpü̧ ji'äu kkä̧nü̧, ja̧'wa̧ta̧nü̧ pi̧yȩ ja̧'a̧ isopäi'ünä̧ Dio mipponä̧ iyinü̧ ukutunä̧ kkü̧mä̧ pä'ü jidäwipa pä'ümä̧.

1 Tesalonicenses 1:6

Ukutumä̧, ujutu jȩpü̧ tü̧ja̧kui̧nü̧ta̧'a̧nü̧'i̧nä̧, Tu̧ru̧wa̧ jȩi̧nü̧ta̧'a̧nü̧'i̧nä̧ jȩpä̧tü̧jä̧, wȩnȩ rü̧ȩnä̧ usurä kuȩmä̧wä̧tu̧kua̧'a̧nä̧'i̧nä̧, Epíritu Sa̧tu̧ kuesewätukunä̧ iyomȩnä̧.

2 Corintios 1:24

Ukutu kua̧'kua̧ ku̧wȩnä̧rä̧tu̧ku̧nä̧ wetamä̧ pätoka'anä̧, yabonü̧ kuesewätukunä̧ ppätäda pä'ätüjä̧, täkü 'kiyünä̧ kua̧'kua̧ wȩnä̧rü̧ ku̧jä̧tu̧kua̧'a̧ topü.

2 Tesalonicenses 3:6

Chi̧jä̧wa̧tü̧, Tu̧ru̧wa̧ Jesucrito i̧mi̧nä̧ jätepä̧u̧jä̧, kua̧wa̧ru̧wa̧ Igresia-ttü weäwä wȩnȩ ukuotokü ja̧'wa̧ta̧nü̧ ujutu tu̧wo̧juȩti̧nü̧ esetokotüttümä̧ 'kȩi̧pä̧chä̧tu̧kui̧.

1 Tesalonicenses 4:1

Ja̧'wa̧ta̧nü̧ chawaruwä chi̧jä̧wa̧tü̧ kkoro päi'ünä̧ ukuturu Tu̧ru̧wa̧ Jesucrito i̧mi̧nä̧ jätepümä̧. Ujututtü ku̧wo̧jui̧'i̧nä̧tu̧ku̧'a̧kuä̧, Dio-rü pä̧wä̧rü̧jo̧mȩnä̧ ku̧ja̧kuä̧tu̧kua̧ pä'ätüjä̧, jitä jȩpü̧ ku̧ja̧kuä̧tu̧ku̧ta̧'a̧nü̧.

1 Tesalonicenses 2:13

Ja̧'wa̧nü̧ ja̧'a̧ttü̧, 'kuäopünä̧ Dio-rümä̧ eseunu̧ ukuokuätüjä̧. Jua'amä̧ Dio i̧wȩnȩ jitäwomȩnä̧ ttü̧ja̧ tti̧wȩnȩ 'kua̧rü̧nä̧ kuä̧ju̧kuä̧tu̧kuo̧ka̧'a̧, Dio i̧wȩnȩ jü̧nä̧tä̧, kuesetinä̧tu̧kua̧'a̧ttü̧, iweye ja̧'wa̧nü̧ ja̧'a̧tä̧mä̧. Jua̧u̧ wȩnȩtä̧ ja̧'a̧ isopäi'ünä̧ ukutu esetätünä̧ aditümä̧.

Romanos 2:16

Dio ro̧ȩpü̧ mo̧ro̧ rȩbȩä̧kuä̧wä̧kua̧'a̧, ttü̧ja̧ ttü̧dä̧pä̧rȩ, ttü jidäu Jesucrito i̧wȩnȩ jareü wȩnȩnä̧.

Hechos 11:1

Apótore'i̧nä̧, kkorotü Jesucrito-rü esetätü'i̧nä̧ Judea-nä̧ kka̧kuä̧tü̧mä̧ ä̧ju̧kui̧nä̧tü̧, Judío pokotü'i̧nä̧ Dio i̧wȩnȩ ä̧ju̧kuä̧tü̧do pä'ü ukuowi'a'a.

San Juan 12:48

Ttürü kkü'kü jui'ü, chi̧wȩnȩ esetokürü, usurä ȩmä̧u̧nä̧ ro̧ȩpä̧kuȩmä̧ täkü kka̧'a̧: Ji̧yȩtä̧ chi̧wȩnȩ chukuokutä jä̧kua̧'a̧, usurä ttȩmä̧u̧nä̧ ro̧ȩpä̧kuȩmä̧, rüjí mo̧ro̧ päi'omȩnä̧.

1 Corintios 3:6

Ttümä̧ Jesucrito jäwä jareü wȩnȩ jidäwa'anä̧ Aporo-mä̧ yabonü̧ Jesucrito-rü tta̧'kua̧ ttu̧wȩnä̧rü̧nä̧ wo̧juȩti̧nü̧ ja̧'wa̧nü̧ ja̧'a̧nä̧ ji̧nä̧so tä̧mü̧ juottünä̧ jȩpi̧nü̧mä̧ Dio-tä ja̧'a̧.

Romanos 5:2

Jua̧u̧ Jesucrito-nä̧tä̧, ta̧'kua̧ tu̧wȩnä̧ro̧mȩnä̧, re ü̧ji̧nü̧nä̧ dodepinä̧tü̧jä̧, jitä ta̧mi̧ 'ki'ächi'ü tü̧ja̧ku̧nä̧mä̧, ja̧'wa̧nü̧ jo̧mȩttü̧ eseäkuäwätüjä̧, ujutu'i̧nä̧ Dio ukuo jäwänä̧ päti'äkuotüjä̧ pä'ü, tta̧'ä̧rü̧ kkä̧nü̧.

Hechos 2:41

Ja̧'wa̧nü̧ jiäu esetäjätümä̧, bautizo jȩtti̧nä̧u̧, jua̧u̧nü̧ mo̧ro̧tä̧mä̧ tres mil-nü̧ jo̧mȩnä̧ ji̧na̧'a̧, Jesucrito-rü esetätümä̧.

Romanos 11:20

¡Iweye adiwa'a!; ttesetokomȩttü̧ yawokuinä̧u̧ ja̧'wa̧nü̧ ja̧'a̧nä̧ ukumä̧ kua̧'kua̧ ku̧wȩnä̧ro̧mȩttü̧ ji̧nä̧ todeunä̧ kkü̧jä̧. Ja̧'wa̧nü̧ ja̧'a̧ttü̧ ukuo tekuäwoka'a, ye'ekutä ukuoti.

1 Corintios 4:15

Ja̧'wa̧nü̧ ja̧'a̧ttü̧ ukutumä̧, Crito-nä̧mä̧ diez mil-nü̧ jo̧mȩnä̧ wo̧juȩkuä̧ isotürü ku̧ju̧nä̧rä̧tu̧kua̧ja̧ pä'ü'i̧nä̧, kuä'otü̧mä̧ rekuätümä̧ to'ätüjä̧. Kuä'otuku jü̧nä̧ wa̧mä̧ ttütäsä, isopäi'ünä̧ Crito jäwä, jareü wȩnȩnä̧ chi̧tti̧mü̧ pä'i'inä̧tü̧jä̧.

1 Corintios 16:13

Kua̧'kua̧ ku̧wȩnä̧rä̧tu̧ku̧mä̧, to̧pä̧rä̧kuä̧u̧ 'kiyünä̧ kka̧kuä̧tu̧kui̧. Kujurutuku kkü̧nä̧ kka̧kuä̧tu̧kui̧, u̧mä̧tü̧ 'kua̧rü̧nä̧.