1 Corintios 14:3 - Nuevo Testamento Uwotjüja

³ Ja̧'wa̧nü̧ ja̧'a̧nä̧, Dio i̧mi̧nä̧ jiäkuäwämä̧ ttü̧ja̧rü̧ äräbe'ü kkä̧nü̧, ro̧'ȩpü̧'i̧nä̧ ro̧'ȩpü̧ kkä̧nü̧, ttajuäkuäu'i̧nä̧ jȩpü̧ ikua'a.

TÄ̧DO Ä̧CUÄ̧ I̧HUȨNȨ

³ Juhuorö'inä ya̧tȩ Dios iyähuä huȩnȩ jiähuomenä, korotörö ppä'ädö ji'äu. Ja̧'hua̧ta̧nö̧ adiu ttesetäcua'a̧nö̧ ji'äu. Ja̧'hua̧ta̧nö̧ tta̧'cua̧ tta̧ttȩcu̧ juiya pä'ö ji'äu.

1 Corintios 14:3 Referans Kwoze

1 Corintios 14:12

Ja̧'wa̧nü̧ ja̧'a̧ttü̧, epíritu iyü jäwä ku̧ju̧nä̧ra̧ päkuätukua'amä̧, yabonü̧tä̧ usätukui igresia ä̧rä̧mü̧nä̧ pädü jäwätä.

1 Timoteo 4:13

Do'ächü Chichäkua'a ä'kanä̧mä̧, wȩyu̧kuä̧ wȩnȩ o'katoi'ünä̧ ttä̧ju̧ku̧nä̧ ukuokui, kuawaruwä ku̧jä̧wo̧tü̧ eseu kättädi'ü juiyünä̧ wo̧juȩti̧.

Judas 1:20

Ja̧'wa̧nü̧ ja̧'a̧nä̧, chawaruwä chi̧jä̧wa̧tü̧ ukutumä̧, yabokutä Dio-rü kua̧'kua̧ wȩnä̧rü̧ tätukui. Epíritu Sa̧tu̧ juȩpä̧ra̧'a̧nä̧, Dio-rü ukuokuätukui.

Tito 1:9

Isopäi'ünä̧ wȩnȩ ukuru u̧wo̧juȩti̧nü̧'a̧kuä̧ kkä̧wi̧, kkorotürü'i̧nä̧ ja̧u̧ adiwäjuei wȩnȩnä̧ ttesewächi'äkua'anü̧ ja̧'wa̧ta̧nü̧ to'ija̧'a̧ku̧ ukuokuätürü'i̧nä̧ ttesetipünä̧ ji'äwi.

Efesios 6:22

Jua̧u̧ru̧ we'üsä ujutu tütü'kü ku̧wo̧juä̧tu̧kua̧ pä'ü ja̧'wa̧ta̧nü̧ kua̧'kua̧ tta̧kuȩkuä̧tu̧ku̧ juiyünä̧ jiäwa pä'ü.

2 Timoteo 4:2

Pi̧yȩ Dio i̧wȩnȩmä̧ jikuäwajä̧ ttä̧ju̧kua̧ pättomȩnä̧'i̧nä̧, ja̧'wa̧ta̧nü̧ ttä̧ju̧kua̧ pättokomȩnä̧'i̧nä̧. Tesetipünä̧'i̧nä̧, ro̧'ȩpü̧'i̧nä̧ ja̧'wa̧ta̧nü̧ ttesewipünä̧ o'kajuiyünä̧ kua̧mi̧ 'ki'ächi'ü ku̧wo̧juȩta̧ja̧.

Tito 2:6

Ja̧'wa̧ta̧nü̧ müäyotürü'i̧nä̧ wo̧juȩku̧nä̧ ttü̧ja̧kua̧ pä'ü ji'äwitü.

1 Corintios 14:31

Pa̧'a̧nü̧ jȩpä̧tu̧kui̧ o'katoi'ünä̧ yotüku pünä̧, o'katoi'ünä̧ ä̧ju̧ku̧ ttu̧wo̧jui̧'ä̧kua̧'a̧nü̧.

1 Corintios 14:26

¿Toku päta'ajä̧ttü̧ chawaruwä chü̧jä̧wa̧tü̧?, ka̧ka̧kui̧pü̧ ukutu, yotukunä̧ salmos ra̧tto̧mȩnä̧, kkorotümä̧ kkä̧kuä̧wä̧ ttu̧wo̧juȩto̧mȩnä̧ ja̧'wa̧ta̧nü̧ tti̧wȩnȩ jo̧kü̧nä̧ ttukuokuomȩnä̧, Dio i̧jȩpü̧ jittäwomȩnä̧, rä'epü iku jittäwomȩnä̧mä̧. Jȩpä̧tu̧kui̧, ja̧'wa̧nü̧ ja̧'a̧nä̧ o'kajuiyünä̧tä̧ ukuturu äräbe'ütä.

Romanos 14:19

Ja̧'wa̧nü̧ ja̧'a̧ttü̧, wȩnȩ juiyünä̧ kkä̧kuä̧wä̧nä̧tä̧ jȩpü̧ ti̧'chä̧tu̧kua̧ ja̧'wa̧ta̧nü̧ ujutu tä̧rä̧mü̧nä̧ ppädünä̧tä̧.

Hechos 13:15

Weäwä wȩnȩ'i̧nä̧, profeta-tü̧ wȩyu̧kuä̧'i̧nä̧ to̧pä̧rü̧ ttukuokuäji o'ka'a, sinagoga isode uruwotümä̧ jättepinä̧u̧: —Chawaruwä chi̧jä̧wa̧tü̧, ttü̧ja̧rü̧ jikuäwa päkuätuku kkü̧ttü̧mä̧ jitätä ji'äwätukui, pättinä̧u̧.

Tito 2:9

Umüwäyotürümä̧ ro̧'ȩpü̧ ji'äwi ttu̧ru̧wa̧ weü o'kajuiyünä̧ ukuotü; eseunu̧ ttädätä̧ro̧ka̧'a̧ ttaditäkua'anü̧.

1 Tesalonicenses 2:3

Ujutu jitäumä̧ jäyä jäwämä̧ jo̧ka̧'a̧ ja̧'wa̧ta̧nü̧ surojükumä̧ wiwawoka'a ja̧'wa̧ta̧nü̧ yaparetü'i̧nä̧ ji'äwokotüjä̧.

1 Corintios 10:23

Iweye, o'kajuiyünä̧ jȩcha̧ pä'ümä̧ wa̧sä̧ ja̧'wa̧nü̧ ja̧'a̧nä̧ o'kajuiyünä̧mä̧ jȩä̧kuä̧wo̧kü̧ ja̧'a̧; o'kajuiyünä̧mä̧ jȩcha̧ pä'ü ja̧'a̧nä̧, o'kajuiyünä̧mä̧ ttürü äräbe'okü jäwä ja̧'a̧.

1 Pedro 5:12

Silvano, chi̧jä̧wa̧ a̧'kua̧ wȩnä̧rü̧ pädäkunä̧ ukuturu a̧'u̧ku̧nä̧tä̧ wȩyu̧tu̧ we'üsä, ro̧'ȩpü̧ ji'äu kkä̧nü̧, ja̧'wa̧ta̧nü̧ pi̧yȩ ja̧'a̧ isopäi'ünä̧ Dio mipponä̧ iyinü̧ ukutunä̧ kkü̧mä̧ pä'ü jidäwipa pä'ümä̧.

Hebreos 13:22

Chawaruwä chü̧jä̧wa̧tü̧, pi̧yȩ a̧'u̧ku̧nä̧ ro̧'ȩpü̧nü̧ ukuoku chi̧wȩyu̧tä̧ji̧, kua̧mi̧ 'ki'ächi'ünü̧ kuä̧ju̧kuä̧tu̧kua̧ pä'üsä.

Hebreos 10:25

Ka̧ka̧kuä̧rü̧ jȩpä̧tu̧kui̧, kkorotü jȩpü̧ weyejuottinü̧'a̧nü̧mä̧ ku̧ka̧ka̧kuä̧rä̧tu̧kuo̧ka̧'a̧mä̧ jȩ'kuä̧'chä̧tu̧kuä̧, ji'äkuäu wo̧juȩtü̧ jȩpä̧tu̧kui̧; Tu̧ru̧wa̧ u̧mo̧ro̧mä̧, täkü tü'kü ja̧'a̧.

Tito 2:15

Pi̧yȩ ja̧'a̧ o'kajuiyünä̧ ukuo kkü̧nä̧ ku̧wo̧juȩtü̧mä̧, ttesewächi'ünä̧ ja̧'wa̧ta̧nü̧, tä̧bo̧tü̧nü̧ ya̧tȩ'i̧nä̧ üjü'kü juiyünä̧mä̧ toü juiyäkua'anü̧.

1 Timoteo 6:2

Ja̧'wa̧ta̧nü̧ yotüte Dio-rü esetätürü tturuwotü päi'ünä̧ kku̧nä̧rä̧tü̧mä̧ ttukuotoka'amä̧ jȩttä̧'chü̧ juiyü'anü̧ ja̧'a̧, tta̧'kua̧ wȩnä̧rä̧kuä̧wä̧nä̧ ttawaruwä ttü̧jä̧wa̧tü̧ jo̧mȩttü̧. Ja̧'wa̧nü̧ jȩtta̧jueimä̧ yabonä̧nü̧ adiunä̧nü̧tä̧ ppättädä̧rü̧'a̧nü̧ ja̧'a̧, jua'amä̧ Crito-rü esetätütä ja̧'wa̧ta̧nü̧ ttawaruwä ttü̧jä̧wa̧tu̧ku̧ eseu repe'ätütä ja̧'a̧ttü̧ adiwäjuei adikuä ȩmä̧tü̧mä̧. Pi̧yȩmä̧ ji'äu wo̧juȩti̧:

1 Timoteo 1:4

täbokü wȩnȩ, tä̧do̧tü̧ mi̧nä̧ ttü̧ja̧kui̧nü̧ wȩnȩ'i̧nä̧, yotukunä̧ yapare wȩnȩ ttu̧wo̧juȩtü̧ juiyünä̧ jikuäwäkua'anü̧. Ja̧u̧mä̧ pä'ä'chäkuäu kkä̧kuä̧wä̧ra̧'a̧tä̧ oipü, ja̧'wa̧ta̧nü̧ Dio amükuädinü̧nä̧, tta̧'kua̧ wȩnä̧rü̧ kkä̧kuä̧wä̧ ttu̧wo̧jui̧pa̧ pä'ümä̧ ppädokü.

2 Tesalonicenses 3:12

Ja̧'wa̧nü̧ ttaditoka'a kka̧kuä̧tü̧rü̧ Tu̧ru̧wa̧ Jesucrito i̧mi̧nä̧ jä'epünü̧ ttadita pä'ü we'ätüjä̧, tta̧mü̧nä̧ ttaditäwä mikuätä kuä̧nü̧ unichä̧rü̧ ttü̧ja̧kua̧ pä'ü.

1 Tesalonicenses 4:18

Ja̧'wa̧nü̧ ja̧'a̧ttü̧, pi̧yȩ ji'äkuäu, kuawaruwärümä̧ eseäkuäwätukui.

1 Tesalonicenses 4:1

Ja̧'wa̧ta̧nü̧ chawaruwä chi̧jä̧wa̧tü̧ kkoro päi'ünä̧ ukuturu Tu̧ru̧wa̧ Jesucrito i̧mi̧nä̧ jätepümä̧. Ujututtü ku̧wo̧jui̧'i̧nä̧tu̧ku̧'a̧kuä̧, Dio-rü pä̧wä̧rü̧jo̧mȩnä̧ ku̧ja̧kuä̧tu̧kua̧ pä'ätüjä̧, jitä jȩpü̧ ku̧ja̧kuä̧tu̧ku̧ta̧'a̧nü̧.

1 Tesalonicenses 3:2

Ja̧'wa̧nü̧ jä̧u̧, ta̧wa̧ru̧wa̧ ti̧jä̧wa̧ Dio i̧wȩnȩ, Crito i̧wȩnȩ jareü wȩnȩ jiäkuäwä ppä'ädä̧ri̧'i̧jü̧, Timoteo-rütä, ukuturu we'ätüjä̧ ppädätukuaku pä'ü.

1 Tesalonicenses 2:11

Ja̧'wa̧ta̧nü̧ wo̧juä̧tü̧jä̧ ukutu ya̧ku̧nä̧rü̧mä̧ yabokutä eseunu̧ kui̧'chä̧tu̧kua̧ pä'ütä Jitäwä'i̧jä̧u̧jä̧, ya̧tȩ ttä'o jü̧nä̧ wa̧ i̧tti̧mü̧rü̧ täbotü ji̧'ä̧wä̧rü̧ jä'i̧nü̧'a̧nü̧.

Colosenses 4:8

Ja̧'wa̧nü̧ ji̧yä̧ku̧ jua̧u̧ru̧ wȩdä̧u̧jä̧, ujutu tü̧ja̧ku̧ tü'kü'i̧nä̧ ji'äu kkä̧nü̧, kua̧'kua̧ tta̧kuȩkuä̧tu̧ku̧ juiyünä̧ jiäwätukuaku pä'ü.

Efesios 4:29

Surojümä̧ kukuokuä, pärokua'aku adiwäjuei ppädütä ukuokuätukui, ä̧ju̧kuä̧rä̧tü̧rü̧ ppädomȩnä̧.

2 Corintios 2:7

Ja̧'wa̧nü̧ ja̧'a̧ttü̧, eseku ikutä ppä'ädätukuirü, jua'a yabo a̧'kua̧ tta̧'ȩku̧ surojuoeku juiyäkua'anü̧.

2 Corintios 1:4

Jua̧u̧tä̧tä̧ ja̧'a̧ ujutu usurä tȩmä̧wo̧mȩnä̧'i̧nä̧ ppä'ädümä̧, ujuturu ppädä'ijüta'anü̧ usurä ȩmä̧wä̧tü̧rü̧ ppätäda pä'ü.

1 Corintios 14:17

¡Isopäi'ünä̧tä̧! Dio-rü kukuokumä̧ adiwa'anä̧, kka̧ra̧rü̧mä̧ ppädü juiyünä̧ ja̧'a̧.

1 Corintios 8:1

Ja̧'wa̧ta̧nü̧ ttu̧kuȩ, ttü̧ä̧nä̧wo̧tü̧ tti̧mi̧nä̧ ukuoku jȩä̧kuä̧wä̧ tü'kümä̧, isopäi'ünä̧ o'katoi'ünä̧tä̧ wo̧juä̧tü̧jä̧. Ja̧'wa̧nü̧ ja̧'a̧nä̧, wo̧juä̧wä̧mä̧ ukuo tettäunä̧tä̧ juoepü, pärokua'aku eseäkuäwämä̧, äräbe'ü wȩnȩ ja̧'a̧.

Romanos 15:2

Ujutu yotukunä̧mä̧ ta̧wa̧ru̧wa̧rü̧mä̧ adiwä jueitä jȩtü̧'a̧nü̧ ja̧'a̧, ä̧rä̧ma̧ pä'ü ppä'ädütä.

Romanos 12:8

kkorotürü ro̧kuȩpa̧ pä'ü, ro̧ȩkuä̧ iyinü̧ttü̧mä̧, ro̧'ȩpi̧. Iyü ppäda pä'ü iyinä̧ku̧mä̧, repekuoka'a ppä'ädi; kkorotürü oikuä iyinä̧ku̧mä̧, eseunu̧ o'ipi; rekuä rü̧jä̧u̧ru̧ ppädäkuäwä iyinä̧ku̧mä̧, eseunü̧tä̧ ppä'ädi.

Hechos 15:32

Ja̧'wa̧ta̧nü̧ Juda-mä̧, Sira-ku, profetas wotü ja̧'a̧, Jesucrito-rü esetätürü rü̧ȩnä̧ ji'äwinä̧tü̧ tteseäkuäwünä̧.

Hechos 14:22

Jua̧u̧ ütawiyä pünä̧ rȩbȩä̧kuä̧u̧mä̧, ttesetäjinä̧ tta̧'kua̧ wȩnä̧rü̧ yaboku tti̧'chü̧nä̧ jittäwinä̧u̧; jua̧u̧ ji'äumä̧ pättinä̧u̧: Dio weomȩ dodeta pä'ümä̧, rü̧ȩnä̧ usurä ȩmä̧u̧tä̧ dotächa pä'ü rekuä rü̧ja̧'a̧, pä'ü jittäwinä̧u̧.

Hechos 9:31

Ja̧'wa̧nü̧ jo̧mȩnä̧, Judea rȩjȩttü̧'i̧nä̧, Galirea rȩjȩttü̧'i̧nä̧ ja̧'wa̧ta̧nü̧ Samaria rȩjȩttü̧'i̧nä̧ o'katoi'ünä̧ igresia wotümä̧ rü̧ȩnä̧ eseäkuäwä kku̧nä̧ri̧nä̧tü̧; Dio-rü ukuotäkuäwänä̧ ttä̧rä̧ma̧'a̧ttü̧, Epíritu Sa̧tu̧ ppädäkuäwänä̧ yaboku rü̧'ä̧chi̧nä̧tü̧.

San Lucas 3:18

Ju̧a̧-mä̧, pa̧'a̧nü̧'i̧nä̧ ja̧'wa̧ta̧nü̧ kkoromȩnä̧'i̧nä̧ ujuruku wo̧juȩtü̧nü̧ ttü̧ja̧rü̧mä̧ adiwäjuei jareü wȩnȩ ji'äwinü̧.

Hebreos 3:13

Jua̧u̧ jü̧ juiyünä̧tä̧, mo̧ro̧ ji̧nü̧ a̧'u̧kuä̧ ji'äkuäu tätukui, wȩyu̧kuä̧ wȩnȩ päü'a̧kuä̧: «jitä mo̧ro̧» surojü yapareunä̧ juokuächätuku juiyäkua'anü̧.

Hechos 4:36

Ja̧'wa̧nü̧ jȩpi̧nü̧, ya̧tȩ Rewi isotü i̧sa̧, José pä'ü mi̧kua̧, Chipre i̧sä̧sa̧ kkä'kosä̧sa̧ i̧sa̧, Apótore-mä̧ Bernawé pä'ü ottinä̧ku̧ (Jua̧u̧ pä'ümä̧: A̧'u̧ ro̧ȩkuä̧ i̧tti̧ pä'ü päwä ji̧nü̧).