1 Corintios 14:15 - Nuevo Testamento Uwotjüja

¹⁵ ¿Jua̧u̧nu̧mä̧ tokutä jȩchä̧kua̧'a̧jä̧ttü̧? toku ttoka'anü̧, cha̧'kua̧rü̧ i̧sa̧nä̧ chukuokua'anä̧'i̧nä̧, chamükuädünä̧mä̧ chu̧wo̧jua̧ pä'ü ja̧'a̧; cha̧'kua̧rü̧ i̧sa̧nä̧ ra̧da̧'a̧nä̧'i̧nä̧, chamükuädünä̧mä̧ chu̧wo̧jua̧ pä'ü ja̧'a̧.

TÄ̧DO Ä̧CUÄ̧ I̧HUȨNȨ

¹⁵ Ja̧'hua̧nö̧ ja̧'a̧ttö̧ ¿tta̧'a̧nö̧ jȩchä̧tto̧? Cha̧'cua̧ru̧hua̧nä̧'i̧nä̧, chu̧huo̧jua̧'a̧nä̧'i̧nä̧ Diosrö chucuocuomenä, adihua'a. Ja̧'hua̧ta̧nö̧ cha̧'cua̧ru̧hua̧nä̧'i̧nä̧ chu̧huo̧jua̧'a̧nä̧'i̧nä̧ ra̧do̧mȩnä̧, adihua'a.

1 Corintios 14:15 Referans Kwoze

Colosenses 3:16

Adiwäjuei Crito u̧wo̧juȩti̧nü̧mä̧ ku̧ni̧chi'ätukuä. Yotukunä̧ wo̧juȩtü̧'i̧nä̧, ro̧'ȩku̧'i̧nä̧ jȩ'kuä̧tu̧kuo̧mȩnä̧mä̧, wo̧juȩku̧nä̧ jȩpä̧tu̧kui̧. Dio-rü eseu ra̧'ä̧tu̧kui̧ kua̧mi̧'iso'kitukunä̧, salmos'i̧nä̧, ra̧wä̧wä̧ otoü'i̧nä̧, epíritu-nä̧ ra̧wä̧wä̧'i̧nä̧, jü̧nä̧.

Efesios 6:18

'Kuäopünä̧tä̧ Dio-rü ukuokuätukui: Epíritu-nä̧ ajuäkuäunü̧ jä'epätukui; ji̧nä̧yo̧mȩtȩnä̧, 'kuäkuächi'ätukuoka'a'i̧nä̧, kuä'i'ätukuoka'a'i̧nä̧ ukuokuätukui o'katoi'ünä̧ Dio ȩmi̧nä̧u̧ru̧mä̧.

Judas 1:20

Ja̧'wa̧nü̧ ja̧'a̧nä̧, chawaruwä chi̧jä̧wa̧tü̧ ukutumä̧, yabokutä Dio-rü kua̧'kua̧ wȩnä̧rü̧ tätukui. Epíritu Sa̧tu̧ juȩpä̧ra̧'a̧nä̧, Dio-rü ukuokuätukui.

1 Corintios 14:19

Ja̧'wa̧nü̧ ja̧'a̧nä̧, igresia-nä̧mä̧ ji̧mü̧tȩ jäwätä chukuokua pä'üsä, wäjuönä̧ cha̧ju̧ku̧tä̧, diez mil-nü̧ jo̧mȩnä̧ chi̧wȩnȩmä̧ pädaja pä'ü'i̧nä̧, ttieruwa'attü̧.

1 Corintios 10:19

¿Toku pä'ü päda'ajä̧ttü̧? ¿Ttü̧ä̧nä̧wo̧tü̧rü̧ ukuokuäkuäwämä̧ abonä̧nü̧ mikuäu pä'ü? ja̧'wa̧nü̧ jü̧ juiya pä'ü'i̧nä̧ ¿ttü̧ä̧nä̧wo̧tü̧rü̧ wȩnȩtü̧ ukuokuäkuäwä ji̧yȩtä̧mä̧, abonä̧nü̧ mikuäu pä'ü? ja̧'wa̧nü̧mä̧kü̧.

Romanos 3:5

(Ttü̧ja̧sa̧ jü̧nä̧tä̧ pädäu̧jä̧) Dio adiwomȩnä̧ jȩü̧mä̧ ujutu suronä̧ jȩti̧yä̧ku̧, a̧mi̧ surächi'äku ro̧ȩpo̧mȩnä̧ i̧jȩkuä̧cha̧'a̧. ¿Ja̧'wa̧nü̧ ro̧ȩpo̧mȩnä̧, Dio-mä̧ suronä̧ jȩpü̧ pätäkua'a tä̧jí̧?

Romanos 1:9

Dio-tä ja̧'a̧ wo̧jua̧mä̧ cha̧'kua̧rü̧ eseunä̧ chadita'amä̧; Churutä Dio-rü chukuokuta'anü̧, 'kuäopünä̧ ukutu kutü'kütuku 'kuäopünä̧ chukuokua'amä̧.

Filipenses 1:18

Ja̧'wa̧nü̧ ja̧'a̧nä̧ ¿wä̧i̧nä̧ ja̧'a̧? täkü rüjinä̧mä̧, jueünä̧ jittäwaja pä'ü'i̧nä̧, ä'kuoyäwä'chü jittäwaja pä'ü'i̧nä̧, ji̧nä̧somä̧ Crito ütü'kü jittäwa'amä̧ adiwa'a. Ja̧'wa̧nü̧ ja̧'a̧ttü̧ eseusä. Ja̧'wa̧ta̧nü̧ yaboku chesewä̧kua̧sä̧,

Romanos 8:31

Ja̧'wa̧nü̧ ja̧'a̧ttü̧ ¿pi̧yȩ tü'kümä̧ toku pätäkua'ajä̧ttü̧? Dio ujutuku ü̧ja̧'a̧mä̧, ¿Ditä jä̧ttü̧ ujuturu suronä̧ jȩpü̧mä̧?

Hechos 21:22

¿Ja̧'wa̧nü̧ ja̧'a̧mä̧, toku jä̧kua̧'a̧jä̧ttü̧? ichi'äji pätta'a ä̧ju̧ku̧, ttü̧ja̧mä̧ ttü̧ka̧ka̧kui̧'ä̧kuo̧tü̧.

1 Corintios 14:14

Ja̧'wa̧ta̧nü̧ chi̧wȩnȩ jo̧kü̧nä̧ Dio-rü chukuokuttümä̧, cha̧'kua̧rü̧ i̧sa̧mä̧ ukuokua'anä̧ chukuokumä̧ wo̧jui̧'o̧kü̧sä̧.

1 Corintios 14:26

¿Toku päta'ajä̧ttü̧ chawaruwä chü̧jä̧wa̧tü̧?, ka̧ka̧kui̧pü̧ ukutu, yotukunä̧ salmos ra̧tto̧mȩnä̧, kkorotümä̧ kkä̧kuä̧wä̧ ttu̧wo̧juȩto̧mȩnä̧ ja̧'wa̧ta̧nü̧ tti̧wȩnȩ jo̧kü̧nä̧ ttukuokuomȩnä̧, Dio i̧jȩpü̧ jittäwomȩnä̧, rä'epü iku jittäwomȩnä̧mä̧. Jȩpä̧tu̧kui̧, ja̧'wa̧nü̧ ja̧'a̧nä̧ o'kajuiyünä̧tä̧ ukuturu äräbe'ütä.

Santiago 5:13

Ukututtü ya̧tȩ a̧'kua̧ tta̧wȩku̧ttü̧mä̧, Dio-rü ukuokui, ja̧'wa̧ta̧nü̧ ya̧tȩ a̧'kua̧ adiuttümä̧, eseu ra̧'i̧.