1 Corintios 14:1 - Nuevo Testamento Uwotjüja

¹ Eseu repeäkuäwänä̧tä̧ tätukui ja̧'wa̧ta̧nü̧ epíritu jäwä adikuä Dio iyätukuaku usätukui ja̧'wa̧nü̧ ja̧'a̧nä̧, ji̧nä̧somä̧ Dio i̧mi̧nä̧ jiäkuäwätä.

TÄ̧DO Ä̧CUÄ̧ I̧HUȨNȨ

¹ Cuahuaruhuärö repecuhuätucuäcua'a̧nö̧ jä'epätucui. Ja̧'hua̧ta̧nö̧ Diosrö jä'epätucui churutä pä̧huä̧ rö̧jo̧mȩnä̧ iyätucuacu pä'ö Espíritu Santo jähuä. Chutä iyähuä huȩnȩ jicuhuähuätucua pä'ö jä'epätucui.

1 Corintios 14:1 Referans Kwoze

1 Corintios 14:39

Ja̧'wa̧nü̧ ja̧'a̧ttü̧, chawaruwä chi̧jä̧wa̧tü̧, Dio i̧mi̧nä̧ ukuokuäkuäwä yabonü̧, usätukui ja̧'wa̧nü̧ ja̧'a̧nä̧ kkoro wȩnȩnä̧ ukuokuäkuäwämä̧, tto̧kuȩpä̧rä̧tu̧kuä̧;

Hebreos 12:14

O'katoi'ünä̧ku̧ wȩnȩ juiyünä̧ ku̧jä̧tu̧kua̧ usätukui, surojü juiyünä̧ kka̧kuä̧tu̧kui̧; jua̧u̧ juiyünä̧mä̧, Tu̧ru̧wa̧rü̧mä̧ toäkuäwoka'a jä̧kua̧'a̧.

1 Timoteo 4:14

Jȩ'ku̧'a̧nü̧ ukunä̧ kka̧ku̧nä̧mä̧ aditi, Dio ukuokuomȩnä̧, igresia-ttü a̧ci̧a̧nu̧ wotü kunä̧ mȩ'ü̧ ttukuokuomȩnä̧ Dio iyinü̧mä̧.

1 Corintios 16:14

O'kajuiyünä̧ jȩ'kuä̧tu̧ku̧mä̧, eseutätä jȩpä̧tu̧kui̧.

1 Corintios 12:1

Chawaruwä chi̧jä̧wa̧tü̧, Epíritu Sa̧tu̧ jȩtta̧ pä'ü iyü jäwä ku̧wo̧juä̧tu̧kua̧ pä'üsä.

1 Corintios 13:13

Ja̧'wa̧nü̧ ja̧'a̧ttü̧, jitämä̧ wäbodäkuä jo̧mȩnä̧ kka̧'a̧ 'kuäopünä̧: Tta̧'kua̧ wȩnä̧rä̧kuä̧wä̧'i̧nä̧, tta̧'ä̧rü̧ kkä̧kuä̧wä̧'i̧nä̧ eseu repe'ü kkä̧kuä̧wä̧'i̧nä̧, jü̧nä̧; ja̧'wa̧nü̧ ja̧'a̧nä̧, pi̧yȩ wäbodäkuättü yabonä̧nü̧ jü̧mä̧ eseu repe'ü kkä̧kuä̧wä̧tä̧ ja̧'a̧.

1 Tesalonicenses 5:20

Dio i̧wȩnȩ (jä̧kuȩ wȩnȩ) jittäwomȩnä̧ esetätukui.

1 Timoteo 6:11

Ja̧'wa̧nü̧ ja̧'a̧nä̧ uku Dio u̧mü̧wä̧ya̧mä̧, o'kajuiyünä̧ pi̧yȩ surojüttü̧mä̧ 'kȩ'i̧pä̧chi̧, 'kȩ'i̧pä̧chü̧mä̧ adiu jȩä̧kuä̧wä̧tä̧, rȩrü̧jü̧ toäkuäwänä̧tä̧, tta̧'kua̧ wȩnä̧rä̧kuä̧wä̧nä̧tä̧, eseu repeäkuäwänä̧tä̧, usurä ttȩmä̧wo̧mȩnä̧ tta̧mi̧ 'kiächi'äkuä̧wä̧nä̧tä̧ ja̧'wa̧ta̧nü̧ kkorotürü'i̧nä̧ kua̧mi̧so'kittü rȩrü̧jü̧ toäkuäwänä̧tä̧ täi.

1 Corintios 14:37

Ja̧'wa̧ta̧nü̧ ya̧tȩ profeta-sä päüttümä̧ ja̧'wa̧ta̧nü̧ Epíritu ukuokuäkusä päüttümä̧, pi̧yȩ chi̧wȩyu̧tu̧mä̧, Tu̧ru̧wa̧ weinü̧ ja̧'a̧ pä'ü wo̧jua̧.

1 Timoteo 5:10

Kkaditäwä adiwäjuei jȩjü̧ttü̧ ttu̧wo̧juä̧kuo̧ju̧, kki̧tti̧mü̧rü̧ adiu kku'utädinomettü̧; kkojusodenä̧ rȩbȩwä̧tü̧rü̧ adiu dojädino̧mȩttü̧; surojü jui'ätürü ttü̧jä̧pi̧yä̧ kkütükinomȩttü̧ ja̧'wa̧ta̧nü̧ usurä ȩmä̧wä̧tü̧rü̧ ppäjädinomȩttü̧. Rüjinä̧mä̧ kkorottü'i̧nä̧ abonä̧nü̧ kkorojuei o'kajuiyünä̧ adiu jȩji̧nomȩttü̧.

Efesios 1:3

Tu̧ru̧wa̧ Jesucrito, Jä'o Dio-rü tesewätukua, Jua̧u̧ Crito-nä̧mä̧ epíritu jäwä mo̧ro̧jä̧ra̧'a̧ttü̧ i'chächü iyinä̧u̧ ta'attü̧.

1 Corintios 12:31

Ja̧'wa̧nü̧ ja̧'a̧ttü̧ jȩ'kuä̧tu̧kuä̧kuȩmä̧ abonä̧nü̧ adiutätä usätukui. Ja̧'wa̧nü̧ ja̧'a̧ttü̧, ttümä̧ mä̧nä̧ ji̧mä̧tȩ juiyo a̧di̧wä̧mä̧ chu̧wo̧juȩtä̧u̧jä̧.

3 Juan 1:11

Cha̧wa̧ru̧wa̧ chi̧jä̧wa̧, surojü jȩttü̧ ji̧yȩta̧'a̧kuä̧mä̧ jȩ'kuä̧. Adiwä juei jȩpü̧mä̧ Dio-rü wo̧jua̧ ja̧'a̧ ja̧'wa̧nü̧ ja̧'a̧nä̧ surojü jȩpü̧mä̧ Dio-rü jȩru̧pa̧ ja̧'a̧.

2 Pedro 1:7

ja̧'wa̧ta̧nü̧ rȩrü̧jü̧ toäkuäwätä ttawaruwäku eseäkuäwära̧'a̧; ja̧'wa̧ta̧nü̧ ttawaruwäku eseäkuäwätä eseunu̧ repeäkuäwära̧'a̧.

Romanos 12:6

Yotukunä̧ jȩtä̧kuȩmä̧, chutä Dio-rü pä̧wä̧rü̧jo̧mȩnä̧ iyinü̧'a̧kuä̧ wotüjä̧. Dio i̧mi̧nä̧ jikuäwiyarü pä'ü iyinü̧ttü̧mä̧ ji'äwi, kua̧'kua̧ ku̧wȩnä̧ro̧mȩnä̧,

2 Timoteo 2:22

Ja̧'wa̧ta̧nü̧ mü̧ä̧yotü ttidepä kkü'kekuttümä̧ tü'ipächi, tü'ipächümä̧ adiu jȩä̧kuä̧wä̧tä̧, tta̧'kua̧ wȩnä̧rä̧kuä̧wä̧tä̧, eseäkuäwätä ja̧'wa̧ta̧nü̧ unichä̧rü̧ kkä̧kuä̧wä̧tä̧ usí, tta̧mi̧so'ki teünä̧ kka̧kuä̧tü̧, ttu̧ru̧wa̧rü̧ ppädatü pä'ü jä'epätuku yo̧mȩtȩnä̧.

Romanos 9:30

¿Jua̧u̧nu̧mä̧, pi̧yȩ tü'kümä̧ toku pätäkua'ajä̧ttü̧? Judío pokotü adiwä wȩnȩnä̧ 'cho̧ko̧tü̧ pinä̧tü̧ ja̧'a̧nä̧, adiwä wȩnȩ po̧kui̧pi̧nä̧tü̧, tta̧'kua̧ ttu̧wȩnä̧ra̧'a̧ttü̧;

Romanos 14:19

Ja̧'wa̧nü̧ ja̧'a̧ttü̧, wȩnȩ juiyünä̧ kkä̧kuä̧wä̧nä̧tä̧ jȩpü̧ ti̧'chä̧tu̧kua̧ ja̧'wa̧ta̧nü̧ ujutu tä̧rä̧mü̧nä̧ ppädünä̧tä̧.

1 Corintios 13:2

Ja̧'wa̧ta̧nü̧ Dio i̧mi̧nä̧ jiäkuäwä chu̧ju̧nä̧ra̧ja̧ pä'ü'i̧nä̧, ttu̧wo̧juo̧kü̧ jäwä o'kajuiyünä̧ chu̧wo̧jua̧ja̧ pä'ü'i̧nä̧, wo̧juä̧wä̧ wȩnȩ chu̧wo̧juo̧ttü̧'i̧nä̧, müä'ka'i̧nä̧ pporächi'ünä̧ cha̧'kua̧ chu̧wȩnä̧rü̧ttü̧'i̧nä̧, eseu repeäkuäwä juidüttümä̧, ttümä̧ mikuäwokütä jȩpü̧sä̧.

1 Corintios 14:22

Ja̧'wa̧nü̧ ja̧'a̧ttü̧, kkoro wȩnȩnä̧ ukuokuäkuäwämä̧ Dio-rü esetokotü totta pä'ü jü̧ ja̧'a̧. Ja̧'wa̧nü̧ ja̧'a̧nä̧ Dio i̧mi̧nä̧ ukuokuäkuäwämä̧ Dio-rü esetätürü ja̧'a̧tȩ'ü̧ jü̧ ja̧'a̧.