1 Corintios 13:5 - Nuevo Testamento Uwotjüja

⁵ surojuoepümä̧ jȩä̧kuä̧wo̧kü̧ ja̧'a̧; tta̧mü̧nä̧ pa̧ja̧tü̧ jäwämä̧ usäwokü ja̧'a̧; a̧mü̧nä̧tä̧ jo̧mȩnä̧ ra̧wä̧ri̧pä̧rä̧kuä̧wo̧kü̧ ja̧'a̧, pä̧i̧ 'chu'ädü kku̧nä̧wo̧kü̧ ja̧'a̧;

TÄ̧DO Ä̧CUÄ̧ I̧HUȨNȨ

⁵ Ja̧'hua̧ta̧nö̧ ahuaruhuärö repe'ömä, suronämä ucuocuocö. Ja̧'hua̧ta̧nö̧ ahuaruhuärö repe'ömä: “Ttötä chöäremä iyocösä korotörö” pä'ocö. O'ca päi'önä ra̧huä̧ri̧po̧cö̧. Korotömä suronä jȩtto̧mȩnä̧, jurunä unichi'ö jȩttä̧ji̧mä̧, recuo ö̧ra̧huä̧ro̧ca̧'a̧.

1 Corintios 13:5 Referans Kwoze

1 Corintios 10:24

Ja̧'wa̧nü̧ ja̧'a̧ttü̧, kua̧mü̧nä̧tu̧ku̧ rekuä rü̧jü̧tä̧mä̧ kuamükuädätukuä, ji̧nä̧somä̧ kkorotürü rekuä rü̧jü̧ amükuädätukui.

Santiago 1:19

Chawaruwä chü̧jä̧wa̧tü̧ pi̧yȩ amükuädätukui: o'katoi'ünä̧ kuä̧ju̧kuä̧tu̧kua̧ pä'ümä̧ jo̧mȩnü̧ ku̧ja̧kuä̧tu̧kua̧'anü̧ ja̧'a̧; ja̧'wa̧nü̧ ja̧'a̧nä̧ rü̧ä̧nä̧mä̧ kukuokuätukuä ja̧'wa̧ta̧nü̧ jurunä̧mä̧ ku̧ra̧wä̧ri̧'ä̧tu̧kuä̧.

Filipenses 2:21

Isopäi'ünä̧ o'katoi'ünä̧ jitürütä pä̧wä̧rü̧jü̧tä̧ usú jȩpä̧tü̧, ja̧'wa̧nü̧ ja̧'a̧nä̧ Jesucrito-rü pä̧wä̧rü̧jü̧mä̧ jȩpo̧ko̧tü̧.

Filipenses 4:8

Chawaruwä chi̧jä̧wa̧tü̧ amükuädätukui jueü wȩnȩnä̧tä̧, yapareäkuäwokünä̧tä̧, adiwomȩnä̧ jȩä̧kuä̧wä̧nä̧tä̧, surojü juiyünä̧ jȩä̧kuä̧wä̧nä̧tä̧, eseu ppädäkuäwänä̧tä̧, adiu ukuowunä̧tä̧. O'kajuiyünä̧ adiwäjuei oäwänänä̧tä̧ amükuädü jȩpä̧tu̧kui̧, üadiwä eseäkuäu ttü̧ja̧'a̧nü̧ jü̧nä̧tä̧.

Gálatas 5:13

Chawaruwä chi̧jä̧wa̧tü̧, 'chu̧ä̧rü̧ juiyünä̧ ku̧jä̧tu̧kua̧ pä'ü woinä̧u̧jä̧. Ja̧'wa̧nü̧ ja̧'a̧nä̧, jua̧u̧ 'chu̧ä̧ro̧kü̧nä̧ kkä̧nü̧mä̧ kuidepätuku wea'aku jȩpü̧ ku̧ja̧kuä̧tu̧kuä̧. Pärokuänä̧tä̧, yotukunä̧ eseu repe'äkuäutä kka̧kuä̧tu̧kui̧.

1 Corintios 12:25

Jua'amä̧ ji̧nä̧ ya̧tȩtä̧ jäwämä̧, i̧mi̧ku̧nä̧ 'kȩkuä̧chü̧ juiya pä'ü. Ji̧nä̧ ya̧tȩ jäwämä̧, jua̧u̧ jä̧ttä̧pä̧ya̧rü̧ todeunä̧ kka̧'a̧ttü̧, jua̧u̧ttü̧ i̧mi̧ku̧nä̧ päi'omȩnä̧mä̧ kkoro jua̧u̧nä̧ kka̧ku̧mä̧ baraunä̧tä̧ ja̧'a̧.

2 Corintios 5:19

Dio-mä̧, Crito-nä̧tä̧ a̧mü̧nä̧ pa̧ja̧tü̧ pi̧jä̧ ttü̧ja̧rü̧ esekuinü̧, suronä̧ jȩttä̧'i̧jü̧mä̧ toäkuäwä juiyünä̧, ujuturumä̧ eseku ikuäwä wȩnȩ jitäwiyarü pä'ü we'inü̧.

1 Corintios 10:33

O'kajuiyünä̧tä̧ jȩchü̧mä̧, o'katoi'ünä̧rü̧ ttesewomȩnä̧ jȩcha̧ pä'üsä, ttürütä ppädütämä̧kü̧, rekuätürü ppädü, juätü'i̧nä̧ surojüttü ttü̧ja̧kui̧'a̧ pä'ü.

1 Corintios 11:18

Ä̧kuo̧mȩnä̧mä̧ pä'üsä, ukutu igresia isotü ku̧ka̧ka̧kui̧'ä̧tu̧kuo̧mȩnä̧mä̧, pä'ä'chäkuäu 'kȩkui̧pä̧chä̧tu̧ku̧ ä̧ju̧ku̧; ja̧'wa̧nü̧ jo̧mȩnä̧ ji̧yȩku̧nä̧mä̧ chesetünä̧ ja̧'a̧.

San Mateo 5:22

Ja̧'wa̧nü̧ ji̧na̧'a̧nä̧ ttümä̧ ukuturu pä'üsä, ya̧tȩ ü̧jä̧wa̧rü̧ ü̧ra̧wä̧rü̧ttü̧mä̧, weäwä wȩnȩnä̧tä̧ ro̧ȩkui̧'ä̧kua̧, jü̧nä̧. Ja̧'wa̧ta̧nü̧ ü̧jä̧wa̧rü̧ ttu̧'ȩpä̧ro̧kü̧jä̧ päüttümä̧ ukuo isotü ttä'ka jo̧mȩ ȩkuä̧kua̧ tä̧bo̧kui̧'a̧rü̧ pä'ü; ja̧'wa̧ta̧nü̧ ü̧jä̧wa̧rü̧ «Kuamükuädü jui̧'a̧jä̧» päüttümä̧ okurä na̧wi̧po̧karänä̧ usurä ȩmä̧wa̧ pä'ütä, pä̧wi̧'ä̧kua̧.

San Lucas 7:39

Ja̧'wa̧nü̧ jȩja̧'a̧ topü, fariseo wa̧ ji̧nä̧so ä̧tȩpä̧ji̧mä̧, a̧'kua̧nä̧ amükuädinü̧: Isopäi'ünä̧, pidemä̧ profeta wa̧ jü̧ttü̧mä̧, paju jȩjü̧'i̧nä̧, yajurutä'i̧nä̧ wo̧jua̧jü̧ 'kua̧ra̧'a̧, surojü jȩpä̧'i̧jä̧ju̧ mȩjä̧ku̧sä̧ pä'ü.

San Marcos 3:5

Ja̧'wa̧nü̧ jä̧ku̧, Jesú-mä̧ juȩnȩ kka̧kuä̧tü̧rü̧ üjü'kü juiyünä̧ toa'anä̧, a̧'kua̧tta̧nü̧'i̧nä̧ toinä̧u̧, ttesetü juiyünä̧ juottächini̧yä̧ku̧. Ja̧'wa̧nü̧ ja̧'a̧nä̧ päinä̧ku̧: —Ku̧mü̧ te'ädi. Päku, teädomȩnä̧ u̧mü̧nä̧ adiwächi'inä̧ku̧.

2 Tesalonicenses 3:7

Isopäi'ünä̧ ukutumä̧ wo̧juä̧tü̧jä̧ ujutu to'ka'anä̧ tti̧'cha̧ pä'ü kkä̧kuä̧wä̧mä̧: ujutumä̧ ukutu ku̧'kä̧tȩtu̧ku̧ttu̧mä̧ ütäwe'ä'chü taditoka'amä̧ kko̧ko̧tü̧ pinä̧tü̧jä̧,

1 Corintios 7:36

Ya̧tȩ ittiju mü̧ä̧yaju, kkirekuorü kkȩma̧ päjü mo̧ro̧ 'kuäo'äkua, kkȩma̧ päjüttümä̧ wä̧i̧nä̧ pä̧wä̧rü̧jo̧mȩnä̧ jȩpä̧ju̧, wä̧i̧nä̧ ȩmä̧wi̧'ü̧ kka̧kuä̧tü̧, surojoka'a.

San Mateo 9:4

Ja̧'wa̧nü̧ ji̧yä̧ku̧ Jesú-mä̧ tta̧mü̧kuädü u̧wo̧jua̧'a̧ttü̧ jä'epü ä̧ju̧kui̧nä̧u̧: —¿Tta̧'a̧nü̧ pä'ü kua̧mi̧so'kitukunä̧mä̧, surojütä amükuädätüjä̧ttü̧?

2 Timoteo 2:10

Ja̧'wa̧nü̧ jo̧mȩttü̧ o'kajuiyünä̧ usurä chȩmä̧u̧nä̧ Dio pojopü ȩmi̧nä̧u̧rü̧ adiwomȩnä̧ cha̧mi̧ 'ki'ächi'üsä, juätü'i̧nä̧ surojüttü kki̧'i̧kuä̧ra̧'a̧ rȩbȩu̧ Crito-nä̧ kkä̧kuä̧wä̧ i'ko ttȩmä̧kua̧'a̧nü̧.

2 Timoteo 4:16

Ä̧kuo̧mȩnä̧ ukuo isotü ttä'ka jo̧mȩttü̧ chukuokuomȩnä̧mä̧ ya̧tȩ päü'i̧nä̧ ppättädajueimä̧ o'katoi'ünä̧tä̧ ttikuipinä̧ku̧sä̧, ja̧'wa̧nü̧ jȩtti̧na̧'a̧nä̧ ro̧ȩpü̧ juiyatü pä'ütä Dio-rümä̧ jä'epüsä.