1 Corintios 13:4 - Nuevo Testamento Uwotjüja

⁴ Eseu re kkä̧kuä̧wä̧mä̧ usurä ȩmä̧kuä̧wä̧ ja̧'a̧; adiutä jȩä̧kuä̧wä̧ ja̧'a̧; kka̧ra̧ u̧ju̧nä̧ro̧mȩnä̧ ttüjü'kü juiyünä̧ toäkuäwokü ja̧'a̧; u̧wä̧mȩnä̧ wa̧sä̧ päwokü ja̧'a̧, ukuomä̧ te'äkuäwokü ja̧'a̧,

TÄ̧DO Ä̧CUÄ̧ I̧HUȨNȨ

⁴ Ya̧tȩ o'ca toi'önärö repe'ömä, a̧'cua̧ pö̧nö̧ kö̧. Adiu jȩpö̧ o'ca toi'önärö. Korotö ttu̧ju̧nä̧rö̧mä̧, pä̧huä̧ rö̧jö̧nä̧ topocö. Chutä korotöttö'inä abonänö adihuä i̧sa̧sä̧ pä'ömä amöcuädocö. A'cuoyäunu topocö korotörö.

1 Corintios 13:4 Referans Kwoze

1 Pedro 4:8

Ja̧'wa̧ta̧nü̧ ukutunä̧ rü̧ȩnä̧ eseäkuäwä kkä̧kua̧'a̧nü̧, isopäi'ünä̧ eseu repeäkuäwämä̧ rü̧ȩnä̧ suronä̧ jü̧ttü̧'i̧nä̧ jȩpü̧ iku.

Efesios 4:32

Pärokua'aku, rettü ppä'ädütä, mikuä suronä̧ päkuätukuoka'a unichi'ütä, suronä̧ jȩ'kuä̧'i̧jä̧tu̧ku̧ u̧ni̧chi'ü, Dio Crito-nä̧ unichi'inüta'anü̧ jȩpü̧ kka̧kuä̧tu̧kui̧ ukutu'i̧nä̧.

Colosenses 3:12

Dio-mä̧ ukuturu repe'ü, ȩmi̧nä̧u̧jä̧ i̧tti̧mü̧ kuätukua pä'ü. Ja̧'wa̧nü̧ ja̧'a̧ttü̧ kkorotürü esewätukui, adiunä̧tä̧, ukuo tekuäwätukuoka'a, kua̧'kua̧pü̧nü̧ kkä̧nü̧ ja̧'wa̧ta̧nü̧ kua̧mi̧ 'ki'ächi'ü kka̧kuä̧tu̧kui̧.

1 Juan 4:11

Chawaruwä chi̧jä̧wa̧tü̧, isopäi'ünä̧ Dio ja̧'wa̧nü̧ ujuturu eseu repeinüttü̧mä̧, ja̧'wa̧ta̧nü̧ ujutu'i̧nä̧ yotukunä̧ eseu repetäkuäwa pä'ü ja̧'a̧.

1 Pedro 3:8

Rüjinä̧mä̧, o'katoi'ünä̧tä̧ eseäkuäwänä̧ kka̧kuä̧tu̧kui̧, ji̧nä̧ ji̧yȩtȩnä̧tä̧ amükuädü, ja̧'wa̧ta̧nü̧ tti̧jä̧wa̧tü̧ 'kua̧rü̧nä̧ repe'äkuäunü̧. Adiwä isotü jü̧nä̧tä̧, ukuo tekuäwätukuoka'atä.

1 Tesalonicenses 5:14

Ja̧'wa̧ta̧nü̧ jä̧tȩpä̧u̧jä̧, chawaruwä chi̧jä̧wa̧tü̧, ütäwätürü jikuäwätukua pä'ü'i̧nä̧, 'kuä'ächi'inä̧tü̧rü̧ ttujuru ichi'ünä̧ jikuäwätukua pä'ü'i̧nä̧, juiyupätürü ppäkuädätukua pä'ü'i̧nä̧, o'katoi'ünä̧rü̧ kua̧mi̧ 'kikuächi'ätukua pä'ü'i̧nä̧, jü̧nä̧.

2 Pedro 1:7

ja̧'wa̧ta̧nü̧ rȩrü̧jü̧ toäkuäwätä ttawaruwäku eseäkuäwära̧'a̧; ja̧'wa̧ta̧nü̧ ttawaruwäku eseäkuäwätä eseunu̧ repeäkuäwära̧'a̧.

Efesios 4:2

Ukuo tekuäwätukuoka'a, kurowäwätukuoka'a, kua̧mi̧ 'ki'ächi'ü, eseunu̧ repe'äkuäu ppä'ädäkuäwätukui;

2 Corintios 6:6

ja̧'wa̧ta̧nü̧ surojü juiyünä̧ tü̧jo̧mȩnä̧'i̧nä̧, tu̧wo̧juo̧mȩnä̧'i̧nä̧, ta̧mi̧'kitächi'omȩnä̧'i̧nä̧, re tü̧jo̧mȩnä̧'i̧nä̧, Epíritu Sa̧tu̧nä̧ tü̧jo̧mȩnä̧'i̧nä̧, jueünä̧ eseu repetomȩnä̧'i̧nä̧;

Colosenses 1:11

Ja̧'wa̧nü̧ jo̧mȩnä̧, Chutä adiwä juei ujurunä̧tä̧ kujuruwätukuäkuotüjä̧, surojü 'kuäopomȩnä̧ ma̧kuä̧chä̧tu̧ku̧ juiya pä'ümä̧.

Gálatas 5:26

Ukuo te'äkuäumä̧ türowäu juiyätukua, mi̧kuä̧ri̧yä̧kuä̧u̧ pä'ä'chäkuäumä̧, kkorotü ttu̧ju̧nä̧ra̧'a̧ topümä̧, ttu̧wä̧mȩnä̧ wotüjä̧ pä'ümä̧.

1 Corintios 4:6

Chawaruwä chi̧jä̧wa̧tü̧, pi̧yȩ ukuturu ukuokuäjisä, ujututä wȩnȩku̧, ttütä chütü'kü'i̧nä̧ ja̧'wa̧ta̧nü̧ Aporo ütü'kü'i̧nä̧, jü̧nä̧ ukuturu repeta'attü̧. Kkorojuei päkuätukuomȩnä̧, wȩyu̧kuä̧ wȩnȩ päomȩttü̧'i̧nä̧ abonä̧nü̧ päkuätuku juiya pä'ü, ya̧tȩ Dio i̧wȩnȩ jiäkuäwä i̧sa̧mä̧, kkorotüttü'i̧nä̧ u̧wä̧mȩnä̧ wa̧sä̧ pä'ü amükuädäkuäu juiya pä'ü.

2 Timoteo 4:2

Pi̧yȩ Dio i̧wȩnȩmä̧ jikuäwajä̧ ttä̧ju̧kua̧ pättomȩnä̧'i̧nä̧, ja̧'wa̧ta̧nü̧ ttä̧ju̧kua̧ pättokomȩnä̧'i̧nä̧. Tesetipünä̧'i̧nä̧, ro̧'ȩpü̧'i̧nä̧ ja̧'wa̧ta̧nü̧ ttesewipünä̧ o'kajuiyünä̧ kua̧mi̧ 'ki'ächi'ü ku̧wo̧juȩta̧ja̧.

2 Timoteo 3:10

Ja̧'wa̧nü̧ ja̧'a̧nä̧ ukumä̧ chu̧wo̧juȩti̧nü̧nä̧'i̧nä̧ jȩpü̧ chü̧jä̧'i̧jü̧nä̧'i̧nä̧, chamükuädä'ijü̧nä̧'i̧nä̧, Dio-rü cha̧'kua̧ chu̧wȩnä̧rä̧'i̧jü̧nä̧'i̧nä̧, cha̧mi̧ 'kidächi'ünä̧'i̧nä̧, cheseunä̧'i̧nä̧ ja̧'wa̧ta̧nü̧ cha̧mi̧ 'kidächi'a pä'ü chujuruwä'ijü adiu 'chä̧'i̧jü̧jä̧.

1 Pedro 2:1

Ja̧'wa̧nü̧ ja̧'a̧nä̧, surojümä̧ o'kajuiyünä̧tä̧ ya'okuätukui, yaparetäkuäwä'i̧nä̧, ä'kayättütä jȩä̧'chä̧kuä̧wä̧'i̧nä̧, kkü'käwokü'i̧nä̧ ja̧'wa̧ta̧nü̧ o'kajuiyünä̧ suräjuei wȩnȩ'i̧nä̧.

Tito 3:3

Isopäi'ünä̧ ujutu'i̧nä̧ ä'kojimä̧, amükuädäwä̧mä̧ jui'inä̧tü̧jä̧ ja̧'wa̧ta̧nü̧ pä̧i̧kui̧nä̧tü̧jä̧; re'tewächinä'kotü kue'ächü kkä̧nü̧ tidepä weü ujuturu kkü'kekutä o'kajuiyünä̧ jȩpü̧ kka̧kui̧nä̧tü̧jä̧. Surojünä̧ kkä̧nü̧, kkorotü ttu̧ju̧nä̧ri̧yä̧u̧ kkü'kokotü pinä̧tü̧jä̧, ttüjü'koko̧u̧mä̧, kkorotüku pä'ä'chäkuäutä kka̧kui̧nä̧tü̧jä̧.

1 Corintios 3:3

Jitä'i̧nä̧, kuidepä wea'anä̧tä̧ kka̧kuä̧tü̧jä̧!; ji̧nä̧ ukutunä̧ kka̧'a̧ kuä'kuoyäwätuku, kurowäwätuku'i̧nä̧, päkuä'chäkuäwätuku'i̧nä̧, jü̧nä̧ ja̧'wa̧nü̧ jȩpü̧ pi̧jä̧ jäwänä̧tä̧ kuidepä wea'anä̧ kka̧kuä̧tü̧jä̧.

Hechos 7:9

Pitü ttä̧'o̧tü̧ ttäkuotü pinä̧tü̧mä̧, tti̧jä̧wa̧ José-rü kkü'kü jui'ü, mikuä pä'ü iyü ikuinä̧tü̧ Egito-ra̧'a̧. Ja̧'wa̧nü̧ ja̧'a̧nä̧, Dio-mä̧ José-rü tta̧'ä̧ri̧nü̧,

2 Timoteo 2:25

to'ija̧'a̧ku̧ pä'ätürümä̧ tta̧mi̧so'kinä̧ ukuo tettäwoka'a jua'a yabonü̧ jȩttü̧ juiya pä'ü jittäwa'anü̧ ja̧'a̧, chutä Dio-ku ppa̧ttä̧cho̧mȩnä̧, isopäi'ünä̧ wȩnȩ ttu̧wo̧juä̧chi̧'ü̧nä̧ jȩa̧'a̧nä̧ tta̧'a̧rü̧ kkä̧nü̧.

1 Timoteo 6:4

Jua̧u̧mä̧ wo̧jua̧sä̧ pä'ü ukuo teäwa'anä̧ yoriso jȩru̧pa̧. Jua̧u̧ru̧ pä'chäkuäwämä̧ mä̧richei jä̧'i̧nü̧'a̧nü̧ wa̧ttü̧mä̧; kkü'käwokü, ra̧wä̧rä̧kuä̧wä̧tä̧, tta̧'kua̧ wȩnä̧rä̧kuä̧wo̧kü̧tä̧ icha'a,

1 Corintios 8:1

Ja̧'wa̧ta̧nü̧ ttu̧kuȩ, ttü̧ä̧nä̧wo̧tü̧ tti̧mi̧nä̧ ukuoku jȩä̧kuä̧wä̧ tü'kümä̧, isopäi'ünä̧ o'katoi'ünä̧tä̧ wo̧juä̧tü̧jä̧. Ja̧'wa̧nü̧ ja̧'a̧nä̧, wo̧juä̧wä̧mä̧ ukuo tettäunä̧tä̧ juoepü, pärokua'aku eseäkuäwämä̧, äräbe'ü wȩnȩ ja̧'a̧.

Romanos 1:29

Ja̧'wa̧nü̧ jo̧mȩnä̧ surojü o'kajuiyütä jȩpä̧tü̧, tti̧rȩkua̧mü̧ pokotüku ä'ä'chäkuäwätä, surojuoächäkuäwätä, kkorojuei kkü'käwätä, surojü jȩä̧kuä̧wä̧tä̧; ttawaruwärü kkü'käwokütä, kuäwätä, rowäkuäwätä, yapare wȩnȩtä̧, ma̧ttä̧chü̧nä̧ tto̧ȩpä̧rä̧kuä̧wä̧tä̧.

Santiago 4:5

Ji̧yȩtȩ pätetü pä'a wȩyu̧kuä̧ wȩnȩmä̧: «Dio-mä̧ eseu repe'ünü̧ ä'kuoyäu Epíritu ujutunä̧ u̧ju̧ni̧nä̧ku̧ru̧mä̧.»

1 Corintios 4:18

Ukututtü yotukunä̧mä̧, täkü topü ichokü pä'ü pä̧wä̧rü̧ja̧'a̧ku̧ kka̧kuä̧tü̧;

Romanos 13:13

Mo̧ro̧ kuettächa'a jä̧'i̧nü̧'a̧nü̧ kuetächätukua, adiwomȩnä̧tä̧ amükuädü. Tu̧kuȩ rü̧ȩnä̧ abo 'kuäo'ünä̧ kuä̧nü̧, tä̧'ä̧mä̧'chü̧mä̧kü̧, nä̧tü̧rü̧ jȩpä̧'chü̧mä̧kü̧, rowäkuäumä̧kü̧, kka̧ra̧ u̧ju̧nä̧rü̧ mȩ'o̧pä̧rü̧mä̧kü̧.

Colosenses 2:18

Ja̧'wa̧nü̧ ja̧'a̧ttü̧ adiwä juei kuȩmä̧tu̧kuä̧kuȩ, kuȩmä̧tu̧ku̧ juiyünä̧ jȩtta̧'a̧nä̧ ja̧'a̧tä̧ to'kuätukuä, juätü á̧gȩrȩ-tü̧rü̧ esetü, adiu esetätü 'kua̧rü̧nä̧ jȩpä̧tü̧rü̧mä̧. Visión pättü topätüjä̧ pä'ü ukuo te'äutä suronä̧ jȩpä̧tü̧rü̧mä̧.

Filipenses 1:15

Isopäi'ünä̧ yotukupünä̧mä̧ Crito ütü'kü ji'äwätü, ttürü tta̧mi̧suru topütä, ä'kuoyäutä ja̧'wa̧nü̧ ja̧'a̧nä̧ kkorotümä̧ eseunü̧tä̧ adiu ji'äwätü.

2 Corintios 12:20

Ja̧'wa̧nü̧ ja̧'a̧ttü̧ yȩ'ȩkua̧sä̧ chi̧rȩbȩwi̧'o̧mȩnä̧, chüjü'koka'aku jȩpü̧ ku̧jä̧tu̧ku̧ 'kua̧ra̧'a̧ pä'ü ja̧'wa̧ta̧nü̧ ttü'i̧nä̧ ukutu kuju'kätukuokomȩnä̧ jȩchü̧ 'kua̧ra̧'a̧ pä'ü; rowäkuäwänä̧tä̧, ttu̧ju̧nä̧ri̧yä̧u̧ kkü'käwokünä̧tä̧, pä̧i̧nä̧tä̧, i̧mi̧ku̧ juoächäkuäwänä̧tä̧, suronä̧ pä'chäkuäwänä̧tä̧, jarode'äkuäwänä̧tä̧ ja̧'wa̧ta̧nü̧ wȩnȩ jü̧nä̧ kkä̧kuä̧wä̧nä̧tä̧, jü̧nä̧;

1 Corintios 5:2

Ja̧'wa̧ta̧nü̧ ¡ukutumä̧ ukuo te'äkuäwätüjä̧! Ja̧'wa̧nü̧ jo̧mȩnä̧ tta̧'kua̧ tta̧'ȩku̧, jua̧u̧ jȩpü̧rü̧ ukututtü rä'epü ttikuaju jueimä̧.

San Mateo 27:18

isopäi'ünä̧ kkü'kü jui'ü iyu ttikuäku pä'ü u̧wo̧jua̧'a̧ttü̧.