1 Corintios 12:4 - Nuevo Testamento Uwotjüja

⁴ Igresia-ttü wo̧juȩku̧nä̧ adikuämä̧ rü̧ȩnä̧ ja̧'a̧nä̧, jua̧u̧ iyümä̧ ya̧tȩ Epíritu Sa̧tu̧tä̧ ja̧'a̧.

TÄ̧DO Ä̧CUÄ̧ I̧HUȨNȨ

⁴ Iso päi'önä ujutumä ka̧ra̧'i̧nä̧, ka̧ra̧'i̧nä̧ i̧mi̧cu̧nä̧ ȩmä̧tö̧jä̧ Espíritu Santo iyähuä. Juhuorö'inä i̧mi̧cu̧nä̧ tȩmo̧mȩnä̧, ya̧tȩtä̧ ja̧'a̧ Espíritu Santomä ujuturu iyömä.

1 Corintios 12:4 Referans Kwoze

1 Pedro 4:10

Yotükupünä̧ Dio mipponä̧ iyü kuȩmi̧nä̧tu̧ku̧mä̧, kkorotüku ppä'ädü aditätukui adiunä̧ juȩ'ȩpä̧rü̧ adikuä isotü jü̧nä̧.

1 Corintios 12:28

Dio-mä̧, igresia-nä̧mä̧ kku̧ni̧nü̧, ä̧kuo̧mȩnä̧mä̧ apótore pä̧ttä̧u̧ru̧; juȩnȩ o'komȩnä̧mä̧, profetas pättä̧u̧ru̧; wäbodäkuä päi'ünä̧mä̧ wo̧juȩkuä̧ isotürü; jua̧u̧ o'komȩnä̧mä̧ jȩtto̧kü̧ juei jȩpä̧tü̧rü̧; kkorotümä̧ na̧'ä̧chä̧tü̧rü̧ aditü ikuätürü'i̧nä̧; kkorotümä̧ ppädäkuäwä isotürü'i̧nä̧; kkorotümä̧ juȩpä̧rä̧kuä̧wä̧ isotürü'i̧nä̧ ja̧'wa̧ta̧nü̧ kkorotümä̧ kkorotü tti̧wȩnȩ wäjuönä̧ ukuokuätürü'i̧nä̧.

Hebreos 2:4

Juätünä̧tä̧, Dio-mä̧ ji'äwinü̧ ttieruwü'i̧nä̧ tottünä̧ i̧jȩpü̧kkä̧nü̧, na̧nȩttü̧'i̧nä̧ aditü ikukkä̧nü̧, Epíritu Sa̧tu̧rü̧'i̧nä̧ iyinä̧u̧ a̧'kua̧ iweyenä̧tä̧.

Efesios 4:11

Jua̧u̧tä̧ ji̧na̧'a̧, jȩttü̧'a̧nü̧ jü̧ iyinü̧mä̧, yotüterümä̧ apótore tta pä'ü'i̧nä̧, kkorotürümä̧ profetas tta pä'ü'i̧nä̧; kkorotürümä̧ jareü wȩnȩ jiäkuäwä isotü tta pä'ü'i̧nä̧; kkorotürümä̧ patóre tta pä'ü'i̧nä̧ ja̧'wa̧ta̧nü̧ kkorotürümä̧ wo̧juȩkuä̧ isotü tta pä'ü'i̧nä̧, jü̧nä̧.

1 Corintios 7:7

Ttütämä̧, o'katoi'ünä̧ u̧mä̧tü̧mä̧ ttü chü'anü̧tä̧ kuätukua pä̧wä̧rü̧jä̧ku̧sä̧; ja̧'wa̧nü̧ ja̧'a̧nä̧ Dio-mä̧ yotukunä̧rü̧ tti̧mi̧ku̧ pünä̧ ttü̧ja̧ pä'ü iyinü̧, yotukunä̧mä̧ i̧mi̧ku̧nä̧ tta'anä̧, kkorotütä i̧mi̧ku̧nä̧ jü̧nä̧.

1 Corintios 12:1

Chawaruwä chi̧jä̧wa̧tü̧, Epíritu Sa̧tu̧ jȩtta̧ pä'ü iyü jäwä ku̧wo̧juä̧tu̧kua̧ pä'üsä.

1 Corintios 12:5

Ja̧'wa̧ta̧nü̧ aditü kkä̧kuä̧wä̧mä̧ rü̧ȩnä̧ ja̧'a̧nä̧, U̧ru̧wa̧mä̧ ji̧nä̧ ya̧tȩtä̧ ja̧'a̧.