1 Corintios 12:26 - Nuevo Testamento Uwotjüja

²⁶ Ja̧'wa̧nü̧ jü̧ta̧'a̧nü̧ ja̧'a̧, ji̧yȩtȩ jua̧u̧nä̧ todewäji usurä ȩmä̧wo̧mȩnä̧mä̧, o'kajuiyünä̧ jua̧u̧ttü̧ todeumä̧ usurä ȩmä̧wa̧'a̧ ja̧'wa̧ta̧nü̧ ji̧yȩtȩ jua̧u̧ttü̧ todeunä̧ adiwä juei 'kuäopomȩnä̧mä̧, o'kajuiyünä̧ adiunä̧tä̧ ja̧'a̧.

TÄ̧DO Ä̧CUÄ̧ I̧HUȨNȨ

²⁶ Ja̧'hua̧ta̧nö̧ korottö jättäpäyotöttö barauttumä, o'ca juiyönä barahua'a. Ja̧'hua̧ta̧nö̧ korottö jättäpäyotöttö adiu jȩttö̧ttö̧mä̧, o'ca juiyönä esehua'a.

1 Corintios 12:26 Referans Kwoze

Romanos 12:15

Eseäkuäwätuku, esewätukui; ja̧'wa̧ta̧nü̧ ajuäkuäwätukumä̧, ajuäwätukui.

Gálatas 6:2

Ya̧tȩ ȩpü̧mä̧, kkorotü'i̧nä̧ ppä'ädäkuäu ȩpä̧tu̧kui̧, ja̧'wa̧nü̧ jȩpü̧tä̧ Crito aditinü̧mä̧ kuaditäkuotüjä̧.

Hebreos 13:3

Ja̧'wa̧ta̧nü̧ kärenä̧ pȩjä̧tü̧rü̧ amükuädätukui, ukutu'i̧nä̧ juätütäku ttü̧'ȩja̧'a̧ 'kua̧rü̧nä̧. Ja̧'wa̧ta̧nü̧ suronä̧ jȩttä̧'i̧jä̧u̧rü'i̧nä̧ amükuädätukui, ukutu'i̧nä̧ juätütäku ku̧jä̧tu̧kua̧'a̧ 'kua̧rü̧nä̧.

1 Pedro 3:8

Rüjinä̧mä̧, o'katoi'ünä̧tä̧ eseäkuäwänä̧ kka̧kuä̧tu̧kui̧, ji̧nä̧ ji̧yȩtȩnä̧tä̧ amükuädü, ja̧'wa̧ta̧nü̧ tti̧jä̧wa̧tü̧ 'kua̧rü̧nä̧ repe'äkuäunü̧. Adiwä isotü jü̧nä̧tä̧, ukuo tekuäwätukuoka'atä.

San Mateo 3:15

Päomȩnä̧, Jesú-mä̧ ädätinä̧ku̧: —Jitätämä̧ wä̧i̧nä̧ja̧'a̧ Dio weinü̧tä̧ jȩta̧ pä'i. Päomȩnä̧, Ju̧a̧-mä̧ «ye pä'ü esetinä̧ku̧.»

San Mateo 5:29

Ja̧'wa̧nü̧ ja̧'a̧ttü̧ ku̧wo̧jua̧'a̧ku̧nä̧ kui'äre, surojünä̧ ma̧kuä̧chü̧nä̧ jȩü̧ttü̧mä̧ baroku iku, ukuttütä otó do'opü ikui. Kuidepättü ji̧yȩtȩ toe'omȩnä̧mä̧ adiwa'a ja̧'wa̧nü̧ jo̧ka̧'a̧, kuidepä jättäji okurära̧'a̧ do'opü ikuäwi'üttütä, juiyo surojü'anü̧ ja̧'a̧.

1 Corintios 12:25

Jua'amä̧ ji̧nä̧ ya̧tȩtä̧ jäwämä̧, i̧mi̧ku̧nä̧ 'kȩkuä̧chü̧ juiya pä'ü. Ji̧nä̧ ya̧tȩ jäwämä̧, jua̧u̧ jä̧ttä̧pä̧ya̧rü̧ todeunä̧ kka̧'a̧ttü̧, jua̧u̧ttü̧ i̧mi̧ku̧nä̧ päi'omȩnä̧mä̧ kkoro jua̧u̧nä̧ kka̧ku̧mä̧ baraunä̧tä̧ ja̧'a̧.

1 Corintios 12:27

Ukutu'i̧nä̧ Crito-nä̧ todepätüjä̧ ja̧'wa̧nü̧ jo̧mȩnä̧ igresia-nä̧mä̧ ji̧nä̧ yotüte jü̧nä̧ todepätüjä̧, yotukunä̧ ttaditäwä kkü̧nä̧.