1 Corintios 12:13 - Nuevo Testamento Uwotjüja

¹³ Ujututtümä̧ judío'i̧nä̧, judío pokotü'i̧nä̧, Grecia ttü̧ja̧'i̧nä̧, esclavo jü̧nä̧ ttumüwäyotü'i̧nä̧, esclavo jü̧nä̧ ttu̧wo̧juȩtä̧u̧ pokotü'i̧nä̧ ji̧nä̧ yotütetä päti'ünä̧, Epíritu-nä̧ bautizo jȩpä̧kuä̧wi̧nä̧tü̧jä̧, ji̧yȩtȩ igresia päti'ünä̧, ji̧nä̧ yotüte wotütä, ji̧nä̧ ya̧tȩ Epíritu Sa̧tu̧rü̧ iyinä̧u̧jä̧ Dio-mä̧.

TÄ̧DO Ä̧CUÄ̧ I̧HUȨNȨ

¹³ Ujutumä o'ca toi'önä judíos ttö̧ja̧'i̧nä̧, griegos ttö̧ja̧'i̧nä̧, ka̧ra̧ hueähuä i̧sa̧cu̧ aditätö'inä, korotö ja̧'hua̧nö̧ aditocotö'inä bautizando päti'omenä, ji̧nä̧ ji̧yȩtȩ huotö pä'i'ätöjä Espíritu Santonä. Ja̧'hua̧ta̧nö̧ o'ca toi'önä ji̧nä̧ ji̧yȩtȩ Espíritu Santottö ahuätöjä.

1 Corintios 12:13 Referans Kwoze

Efesios 4:5

ja̧'wa̧ta̧nü̧ Tu̧ru̧wa̧mä̧ ji̧nä̧ya̧tȩtä̧ ja̧'a̧, tta̧'kua̧ wȩnä̧rä̧kuä̧wä̧'i̧nä̧ ji̧nä̧ ji̧yȩtȩtä̧ ja̧'a̧, bautizo jȩä̧kuä̧wä̧'i̧nä̧ ji̧yȩtȩtä̧ ja̧'a̧;

Colosenses 3:11

Ja̧'wa̧nü̧ ja̧'a̧ttü̧, judío i̧sa̧ ja̧ pä'ü'i̧nä̧, Grecia i̧sa̧ ja̧ pä'ü'i̧nä̧, circuncisión jȩpä̧kuä̧wa̧ ja̧ pä'ü'i̧nä̧, circuncisión jȩpä̧kuä̧wo̧kü̧ ja̧ pä'ü'i̧nä̧, esclavo pättäku ja̧ pä'ü'i̧nä̧, esclavo pättäku wokü ja̧ pä'ü'i̧nä̧ Crito-nä̧mä̧ o'kajuiyünä̧ jo̧mȩnü̧ wotüjä̧, o'kajuiyünä̧tä̧ ü̧ja̧'a̧ttü̧.

Gálatas 3:28

Ja̧'wa̧nü̧ ja̧'a̧ttü̧, täkü toa'a judío'i̧nä̧, Grecia ttü̧ja̧'i̧nä̧, ttu̧wo̧juȩtä̧u̧ esclavo wotü'i̧nä̧, ttu̧ru̧wa̧ to'ätü'i̧nä̧, ubo'i̧nä̧, isaju'i̧nä̧, jü̧nä̧; isopäi'ünä̧ Crito Jesú-nä̧mä̧, ukutu o'katoi'ünä̧ ji̧nä̧ ya̧tȩ wotüjä̧.

1 Pedro 3:21

Ja̧'wa̧nü̧ ja̧'a̧ttü̧ ajiya ji̧no̧yamä̧ bautizo päwoya jü̧nä̧ wȩnȩkuä̧chi̧na̧'a̧, jitämä̧ ja̧u̧nä̧tä̧ suronä̧ jȩtä̧i'jü̧ttü̧mä̧ kka̧kui̧pä̧tü̧jä̧. Bautizo-mä̧ jättäpäyotümä̧ tükächi'okü, ja̧'wa̧nü̧ ja̧jü̧jueimä̧ adiu amükuädütä Dio-rümä̧ jä'epätukui, Jesucrito tto'ächäji̧'ka̧,

Romanos 3:29

¿Dio-mä̧, judío ttü̧ja̧tä̧tä̧ ttü̧ä̧nä̧wa̧ Dio tä̧jí̧? ¿Judío pokotü'i̧nä̧ ttü̧ä̧nä̧wa̧, Dio-mä̧kü̧ tä̧jí̧? A̧, judío pokotü'i̧nä̧ ttü̧ä̧nä̧wa̧ Dio ja̧'a̧.

Hechos 1:5

Isopäi'ünä̧ Ju̧a̧-mä̧ ajiyanä̧tä̧ bautizo jȩpi̧nü̧, ja̧'wa̧nü̧ ja̧'a̧nä̧ a̧'u̧kua̧'a̧tä̧ mo̧ro̧ o'ka'a ukutumä̧ Epíritu Sa̧tu̧nä̧ bautizo jȩä̧kuä̧u̧jä̧.

San Juan 4:10

Päjiyäku, Jesú-mä̧ ädätinä̧kua̧: —Isopäi'ünä̧, Dio rettü iyü'i̧nä̧ ja̧'wa̧ta̧nü̧ ukuru, ajiya chawa iyittü pä'ürü'i̧nä̧ ku̧wo̧juö̧ttü̧mä̧, ukutätä jua̧u̧ru̧ jä'epajajujä̧, jäkuepäkumä̧ ajiya a̧'kua̧rü̧ kkoya iyakuajä̧,

San Lucas 3:16

Jua̧u̧ topü Ju̧a̧-mä̧ päinä̧u̧: Ttümä̧, isopäi'ünä̧ ukuturumä̧ ajiyanä̧tä̧ bautizo jȩpü̧sä̧; ja̧'wa̧nü̧ ja̧'a̧nä̧, ttüttü'i̧nä̧ abonä̧nü̧ ujuru kku̧nä̧rü̧ ichü; jua̧u̧ ü̧jä̧pü̧ isäya isappä chejädü juiyü'anü̧ wa̧sä̧. Jua̧u̧tä̧tä̧ jä̧kua̧'a̧ ukuturu Epíritu Sa̧tu̧nä̧'i̧nä̧, okuränä̧'i̧nä̧ bautizo jȩä̧kuä̧mä̧.

San Mateo 3:11

Isopäi'ünä̧ ttümä̧, Dio-ku ppa̧kuä̧chä̧tu̧kua̧'a̧ kui̧jȩkuä̧tu̧kua̧ pä'ümä̧ ajiyanä̧tä̧ bautizo jȩpü̧sä̧; ja̧'wa̧nü̧ ja̧'a̧nä̧ ttü cho'komȩnä̧ ichümä̧ Epíritu Sa̧tu̧nä̧'i̧nä̧, okurä jäwänä̧'i̧nä̧ bautizo jȩä̧kua̧. Jua̧u̧mä̧ ttüttü'i̧nä̧ abonä̧nü̧ ujuru kku̧nä̧rü̧, jua̧u̧ ü̧jä̧pü̧ isäya chȩpü̧ juiyü'anü̧'i̧nä̧ wa̧sä̧.

Efesios 5:26

Surojü juiyünä̧tä̧ 'kȩ'ȩpü̧ kku̧ni̧nü̧ igresia-rü, ajiyanä̧ aje i'ü tükü iku, chutä i̧wȩnȩ päomȩnä̧.

San Juan 4:14

Ja̧'wa̧nü̧ ja̧'a̧nä̧, ttü chiyoyattü awätümä̧, yorisotä ttawa a̧di̧ri̧jo̧ko̧u̧ ttäkuotü; pärokua'aku ttü chiyoya ajiyamä̧, jitünä̧tä̧ rȩjȩ jakuättü räopoya jä̧'i̧jü̧'a̧nü̧ jä̧kuä̧u̧, kkä̧kuä̧wä̧ i'kora̧'a̧ku̧tä̧ ȩpa̧'a̧ttü̧.

San Juan 3:5

Jesú ädätinä̧ku̧: —Isopäi'ünätä̧ pädäkujä̧, ajiyattü'i̧nä̧, Epíritu-ttü'i̧nä̧ uwäpächokümä̧ Ru̧wa̧ Dio weomȩmä̧ do'ächokü jä̧kua̧.

San Juan 1:33

Ja̧'wa̧ta̧nü̧ ttütä'i̧nä̧ chieruwinä̧ku̧; ja̧'wa̧nü̧ ja̧'a̧nä̧ ajiyanä̧ bautizo jȩcha̧ pä'ü we'inü̧mä̧, päinä̧ku̧sä̧: «Epíritu mȩyȩwi̧'ü̧ ü̧jä̧mä̧da̧'a̧ to'kuäku jä̧kua̧'a̧, Epíritu Sa̧tu̧nä̧ bautizo jȩä̧kua̧mä̧.»

Colosenses 1:27

Dio-mä̧ pi̧yȩ bäreu eseäkuäwä jäwämä̧ pi̧jä̧ o'kajuiyünä̧ ttü̧ja̧rü̧ iyinü̧, jua̧u̧mä̧ pi̧yȩ ja̧'a̧: Dio-mä̧ Crito-rü we'inü̧ ukutu ku̧'kä̧tȩtu̧ku̧nä̧ ü̧ja̧ pä'ü. Ja̧'wa̧nü̧ kkä̧nü̧ Dio ujuru'i̧nä̧, ukuo jäwä'i̧nä̧ iya pä'ü.

Efesios 3:6

Jua̧u̧mä̧, pi̧yȩ ja̧'a̧: judío pokotü'i̧nä̧, irae ttü̧ja̧ku̧ yo̧mȩtȩnä̧ Dio jäwä ttȩmä̧kuo̧tü̧, ji̧nä̧ ya̧tȩnä̧tä̧ ji̧nä̧ yotüte ttäkuotü, Crito-nä̧ iya päinü̧mä̧ ttȩmä̧kuo̧tü̧, jareü wȩnȩnä̧.

Gálatas 3:23

Tta̧'kua̧ wȩnä̧rä̧kuä̧wä̧ ichäkua'a ä'kanä̧mä̧, weäwä wȩnȩtä̧ tta̧wä̧ri̧nä̧u̧jä̧ kärenä̧ ttü̧'a̧'a̧ jä̧'i̧nü̧'a̧nü̧, tta̧'kua̧ wȩnä̧rä̧kuä̧wä̧ i̧jȩkuä̧chü̧nä̧ ichomȩbü päi'ünä̧.

1 Corintios 10:2

Ja̧'wa̧nü̧tä̧, Moisé-ku o'katoi'ünä̧ rü̧ä̧ duborattü'i̧nä̧, ajiya isoppattü'i̧nä̧ bautizo päwi'inä̧u̧.

San Juan 6:63

Epíritu ja̧'a̧ a̧'kua̧rä̧kuä̧wä̧ iyümä̧; ttidepo'tämä̧ ji̧ya̧'a̧kuä̧ra̧'a̧tä̧ kka̧'a̧; ja̧'wa̧nü̧ ja̧'a̧ttü̧ ttü pädäjimä̧ epíritu ja̧'a̧nä̧, tta̧'kua̧rü̧'i̧nä̧ jü̧.

Efesios 6:8

Isopäi'ünä̧ yotukunä̧ adiu jȩ'kuä̧tu̧ku̧mä̧, Tu̧ru̧wa̧ttü̧ mikuä kuȩmä̧kuo̧tü̧jä̧, pi̧jä̧nä̧ttü̧ u̧ru̧wa̧ kku̧nä̧rü̧ ja̧ pä'ü'i̧nä̧, u̧ru̧wa̧ to̧'a̧ ja̧ pä'ü'i̧nä̧, jü̧nä̧.

Romanos 4:11

Isopäi'ünä̧ Abraha̧-mä̧ circuncisión pättüjuei jȩtti̧nä̧ku̧, Dio-rü, churutä a̧'kua̧ u̧wȩnä̧rä̧jä̧ku̧, sello jä̧'i̧nü̧'a̧nü̧ ttu̧wo̧jua̧rü̧ pä'ütä. Ja̧'wa̧nü̧ jo̧mȩnä̧ Abraha̧-mä̧, pärowächinü̧ o'katoi'ünä̧ Dio-rü tta̧'kua̧ wȩnä̧rä̧tü̧mä̧ ttä'o jü̧nä̧tä̧, circuncisió̧-mä̧ jȩttä̧kuä̧wo̧ka̧'a̧nä̧. Ja̧'wa̧nü̧ ja̧'a̧ttü̧ Dio-mä̧ adiu jȩpä̧tü̧ jü̧nä̧tä̧ to̧ä̧u̧.

San Juan 1:16

Isopäi'ünä̧ Jua̧u̧ u̧ju̧nä̧rü̧ttü̧tä̧ o'katoi'ünä̧ ȩmi̧nä̧tü̧jä̧, rettü ppädina̧'a̧mä̧, jua'a yabo ppädinä̧u̧jä̧.

Romanos 3:22

O'katoi'ünä̧ Jesucrito-rü esetü tta̧'kua̧ wȩnä̧rä̧tü̧rü̧mä̧, Dio-mä̧ adiwä juei isotü jü̧nä̧ juo'epü. Judío'i̧nä̧, judío pokotürü'i̧nä̧ yoräteunä̧tä̧,