1 Corintios 12:11 - Nuevo Testamento Uwotjüja

¹¹ Ja̧'wa̧nü̧ ja̧'a̧ttü̧, pi̧yȩmä̧ o'kajuiyünä̧tä̧ Epíritu, ya̧tȩtä̧ yotüku pünä̧rü̧ iyä'chü jȩpü̧, Churutä pä̧wä̧rü̧jo̧mȩnä̧.

TÄ̧DO Ä̧CUÄ̧ I̧HUȨNȨ

¹¹ O'ca juiyö pi̧yȩmä̧ iyö ya̧tȩtä̧ ji̧yȩä̧cuȩtä̧ Espíritu Santotä. Ja̧u̧tä̧ ka̧ra̧rö̧'i̧nä̧, ka̧ra̧rö̧'i̧nä̧ churutä pä̧huä̧ rö̧jo̧mȩnä̧ iyö, adiu jȩttä̧cua̧'a̧nö̧.

1 Corintios 12:11 Referans Kwoze

1 Corintios 12:4

Igresia-ttü wo̧juȩku̧nä̧ adikuämä̧ rü̧ȩnä̧ ja̧'a̧nä̧, jua̧u̧ iyümä̧ ya̧tȩ Epíritu Sa̧tu̧tä̧ ja̧'a̧.

Hebreos 2:4

Juätünä̧tä̧, Dio-mä̧ ji'äwinü̧ ttieruwü'i̧nä̧ tottünä̧ i̧jȩpü̧kkä̧nü̧, na̧nȩttü̧'i̧nä̧ aditü ikukkä̧nü̧, Epíritu Sa̧tu̧rü̧'i̧nä̧ iyinä̧u̧ a̧'kua̧ iweyenä̧tä̧.

2 Corintios 10:13

Ja̧'wa̧ta̧nü̧ jȩcho̧kü̧ jä̧'i̧jü̧, jȩtta̧'a̧ 'kua̧rü̧nä̧mä̧ amükuädoküsä. Ja̧'wa̧nü̧ ja̧'a̧nä̧, ji̧yȩtȩ ukuo tedäu kkü̧ttü̧mä̧, Dio ttürü chadita pä'ü weinü̧tä̧ ja̧'a̧. ¡Jua̧u̧ chaditäwä ju'tomä̧, ukutu ja̧'a̧!

Efesios 4:7

Ujutu yotukunä̧rü̧mä̧ iyäwi'inä̧u̧jä̧ Dio jäwä, Crito mippoünä̧ iya päinü̧'a̧kuä̧.

1 Corintios 12:6

Ja̧'wa̧ta̧nü̧ ujurumä̧ rü̧ȩnä̧ jo̧mȩnä̧ i̧jȩkuä̧cha̧'a̧nä̧, Dio jua̧u̧ o'kajuiyünä̧ jȩpü̧mä̧, ji̧nä̧ ya̧tȩtä̧ ja̧'a̧.

Santiago 1:18

Chutämä̧, ja̧'wa̧nü̧tä̧ pä̧wä̧rü̧ji̧nä̧ku̧, isopäi'ünä̧ wȩnȩnä̧tä̧ kkä̧kuä̧wä̧ i'komä̧ iyinä̧u̧jä̧, uwäbe'inä̧u̧ttü̧ ä̧kuo̧mȩnä̧ u̧wä̧ju̧ wotüta pä'ümä̧.

Efesios 1:11

Ja̧'wa̧ta̧nü̧ Crito-nä̧mä̧, Chutä iäre tȩma̧ pä'ü ä'kojitä päi'ünä̧ ü'ojo'inä̧u̧jä̧, Chutä o'kajuiyünä̧ jȩpü̧ ja̧'a̧ttü̧, churutä pä̧wä̧rü̧jo̧mȩnä̧tä̧.

1 Corintios 7:17

Ja̧'wa̧nü̧ ja̧'a̧nä̧, yotukunä̧rü̧ Tu̧ru̧wa̧ jȩ'kuä̧tu̧ku̧'a̧nü̧ jü̧ iyinü̧'a̧kuä̧ ja̧'wa̧ta̧nü̧ Dio ukuturu woinü̧ ku̧ja̧kui̧nä̧tu̧ku̧ta̧'a̧nü̧, jȩpü̧ kka̧kuä̧tu̧kui̧: Pi̧yȩtä̧tä̧, we'üsä o'katoi'ünä̧ igresia wotürü.

1 Corintios 7:7

Ttütämä̧, o'katoi'ünä̧ u̧mä̧tü̧mä̧ ttü chü'anü̧tä̧ kuätukua pä̧wä̧rü̧jä̧ku̧sä̧; ja̧'wa̧nü̧ ja̧'a̧nä̧ Dio-mä̧ yotukunä̧rü̧ tti̧mi̧ku̧ pünä̧ ttü̧ja̧ pä'ü iyinü̧, yotukunä̧mä̧ i̧mi̧ku̧nä̧ tta'anä̧, kkorotütä i̧mi̧ku̧nä̧ jü̧nä̧.

Romanos 12:6

Yotukunä̧ jȩtä̧kuȩmä̧, chutä Dio-rü pä̧wä̧rü̧jo̧mȩnä̧ iyinü̧'a̧kuä̧ wotüjä̧. Dio i̧mi̧nä̧ jikuäwiyarü pä'ü iyinü̧ttü̧mä̧ ji'äwi, kua̧'kua̧ ku̧wȩnä̧ro̧mȩnä̧,

Romanos 9:18

Ja̧'wa̧nü̧ ja̧'a̧ttü̧, Dio-mä̧ rȩrü̧jü̧ toäkurumä̧, re kkü̧ ja̧'wa̧ta̧nü̧ a̧mi̧ poekunä̧ esetü juiyünä̧ jȩä̧ku̧ru̧'i̧nä̧, jȩpü̧.

San Juan 5:21

Isopäi'ünä̧ Jä'omä̧ wa'inä̧tü̧rü̧ tto'ädü, tta̧'kua̧rü̧ iyüta'anü̧; I̧tti̧'i̧nä̧ tta̧'kua̧rü̧ iya pä̧u̧ru̧mä̧ iyü.

San Juan 3:27

Pättiyäku, Ju̧a̧-mä̧ päinä̧u̧: —Ttü̧ja̧sa̧rü̧ kkorojuei Dio iyoka'a jo̧mȩnä̧mä̧, yoriso u̧ju̧nä̧ra̧ pä'ümä̧ jui̧'a̧.

San Juan 3:8

Kkä̧rü̧'koppamä̧ pä̧wä̧rü̧ja̧'a̧ku̧ttu̧, kkä̧rü̧'ko̧wa̧'a̧; jua'akumä̧ juoppa icha'a kuä̧ju̧kua̧'a̧nä̧, jua'attü icha'a; Ja̧'wa̧ta̧nü̧ jua'aku 'cha̧'a̧ pä'ümä̧ jȩru̧pa̧jä̧. Ja̧'wa̧nü̧ wotü ja̧'a̧, o'katoi'ünä̧ Epíritu-ttü uwäpächätümä̧.

San Mateo 20:15

Ttütä chiäre pärätämä̧, ttürütä pä̧wä̧rü̧jo̧mȩnä̧ jȩpü̧sä̧. ¿Adiu jȩcha̧'a̧mä̧, uku kuju'kü juiyünä̧ ja̧'a̧ tä̧jí̧?

San Mateo 11:26

Iweye ja̧'wa̧nü̧tä̧ ja̧'a̧ Chä'o, ukumä̧ ja̧'wa̧nü̧tä̧ eseujä̧.

1 Corintios 12:18

Ja̧'wa̧nü̧ ja̧'a̧ttü̧, Dio-mä̧ ya̧tȩnä̧mä̧ todeu ji̧yȩku̧nä̧ kku̧ni̧nü̧, Churutä adiwomȩnä̧.