1 Corintios 11:34 - Nuevo Testamento Uwotjüja

³⁴ Ja̧'wa̧ta̧nü̧ yotukunä̧ ttukua ppä̧i̧rü̧jü̧ttü̧mä̧, kuojusodetukuttü kuätukui, kuä̧tȩkuä̧tu̧ku̧ jäwä ku̧ka̧ka̧kuä̧tu̧ku̧ juiya pä'ümä̧. Kkoromä̧ topü chichomȩnä̧tä̧, adiwomȩnä̧ jȩpü̧ chu̧ju̧nä̧kua̧sä̧.

TÄ̧DO Ä̧CUÄ̧ I̧HUȨNȨ

³⁴ Ya̧tȩ ppäi rö̧jä̧cu̧mä̧, chutä ojusodenä u̧cuȩ ucuäcua'a̧nö̧, Dios ro̧ȩpö̧ juiya pä'ö ucuturu cuppäsähui'ätucuomenä. Koro juäi huȩnȩ ttötä chichomenä, chu̧cuo̧cuä̧cua̧sä̧.

1 Corintios 11:34 Referans Kwoze

1 Corintios 7:17

Ja̧'wa̧nü̧ ja̧'a̧nä̧, yotukunä̧rü̧ Tu̧ru̧wa̧ jȩ'kuä̧tu̧ku̧'a̧nü̧ jü̧ iyinü̧'a̧kuä̧ ja̧'wa̧ta̧nü̧ Dio ukuturu woinü̧ ku̧ja̧kui̧nä̧tu̧ku̧ta̧'a̧nü̧, jȩpü̧ kka̧kuä̧tu̧kui̧: Pi̧yȩtä̧tä̧, we'üsä o'katoi'ünä̧ igresia wotürü.

1 Corintios 4:19

Ja̧'wa̧nü̧ ja̧'a̧nä̧, Chu̧ru̧wa̧rü̧ pä̧wä̧rü̧jü̧ttü̧mä̧, a̧'u̧kua̧'a̧tä̧ jü̧ o'ka'a do'ächü chichäkua̧sä̧. Ja̧'wa̧nü̧ chichomȩnä̧tä̧ tochäkua̧sä̧, yotukunä̧ ukuo te'äkuäu pättü, isopäi'ünä̧ tȩnȩbütä jȩpü̧ pättaja pä'ü.

Tito 1:5

Creta kkä'ko i̧sä̧sa̧nä̧ chu̧ju̧ni̧'i̧nü̧mä̧, adikuokü kka̧kui̧pi̧nü̧ kuadita pä'ü ja̧'wa̧ta̧nü̧ weinü̧'a̧kuä̧ ütawiyä pünä̧ Igresia-ttü tturuwotürü ku̧ju̧nä̧'cha̧ pä'ü chu̧ju̧ni̧'i̧nä̧ku̧jä̧.

1 Corintios 16:2

Semana-ttü̧mä̧ domiku̧ jü̧ta̧'a̧nü̧, 'kȩ'ȩpü̧ rütätukui, kuȩmä̧jä̧tu̧ku̧'a̧kuä̧, wa'adü rütätukui, jua'amä̧ chichomȩnä̧mä̧ täkü ku̧ka̧ka̧kuä̧tu̧ku̧ juiyäkua'anü̧.

1 Corintios 16:5

Jua'amä̧ chichi'äkua̧sä̧, Macedonia rȩjȩnä̧ 'kuä'opi'ü'ka̧tä̧, Macedonia-nä̧ 'kuädopa pä'ü'i̧nä̧ rekuä rü̧ja̧'a̧ttü̧, juȩnȩ o'komȩnä̧ Corinto-ra̧'a̧ chi̧rȩbȩwi̧'a̧ pä'ümä̧.

1 Corintios 4:17

Ja̧'wa̧nü̧ ja̧'a̧ttü̧ Timoteo-rü wedinä̧u̧jä̧, Chu̧ru̧wa̧nä̧ chi̧tti̧ ukuotä'ijü rȩni̧'a̧rü̧. Jua̧u̧tä̧ jiäwäkuä̧u̧jä̧ Crito-nä̧ jȩpü̧ chü̧jä̧'i̧jü̧ wȩnȩmä̧, kkoromȩ pünä̧, kkoro igresia pünä̧ chu̧wo̧juȩtä̧'i̧jü'a̧kuä̧.

1 Corintios 11:33

Ja̧'wa̧nü̧ ja̧'a̧ttü̧, chawaruwä chi̧jä̧wa̧tü̧, kukuätukua pä'ü ka̧ka̧kui̧pü̧mä̧, o'katoi'ünä̧ ji̧nä̧ yo̧mȩtȩ pättia'anä̧ tta̧'a̧rä̧tu̧kui̧.

1 Corintios 16:1

Ja̧'wa̧ta̧nü̧ surojüttü rä'epü ikuinä̧u̧ru̧ ppädäkuäwä ofrenda-mä̧, ukutu'i̧nä̧ jȩpä̧tu̧kui̧ Galacia igresia isotürü wedinü̧ta'anü̧.