1 Corintios 11:26 - Nuevo Testamento Uwotjüja

²⁶ Ja̧'wa̧nü̧ ja̧'a̧ttü̧, 'kuäopünä̧tä̧ trigo i̧ri̧si̧, pi̧si̧ kukuätukuomȩnä̧mä̧ ja̧'wa̧ta̧nü̧ po̧'ta̧ isoya kuäwätukuomȩnä̧mä̧, Tu̧ru̧wa̧ 'korujuoächinü̧ ji'äwätüjä̧, Chutä ichomȩbü päi'ünä̧.

TÄ̧DO Ä̧CUÄ̧ I̧HUȨNȨ

²⁶ Ja̧'hua̧nö̧ ja̧'a̧ttö̧ Tu̧ru̧hua̧ ichäcuome jubö päi'önä, pi̧yȩ i̧ri̧si̧ cuä̧nö̧, i̧so̧'ta̧'i̧nä̧ au jȩcu̧'ä̧tu̧cuo̧mȩnä̧, chutä 'corupäi'ina'a huȩnȩ huo̧juȩtö̧ jȩpä̧tö̧jä̧.

1 Corintios 11:26 Referans Kwoze

Apocalipsis 1:7

¡Crito-mä̧ ajiya isoppanä̧ i̧chä̧kua̧! O'katoi'ünä̧ tottä̧kua̧, Churutä dakuodänä̧ ta'inä̧tü̧'i̧nä̧ tottä̧kua̧; Ja̧'wa̧ta̧nü̧ o'katoi'ünä̧ pi̧jä̧ ttü̧ja̧mä̧ jua̧u̧ru̧ topü ttajuäkuäwäkuotü. Ja̧'wa̧nü̧ ji̧yä̧u̧. Amȩ́.

Hebreos 9:28

Ja̧'wa̧ta̧nü̧ Crito'i̧nä̧ ya'utenä̧tä̧ usurä ȩmä̧u̧ iyäwinü̧, rekuätü suronä̧ jȩttü̧ jȩpü̧ ikua pä'ümä̧. Juȩnȩ o'komȩnä̧mä̧ i̧chä̧kua̧, täkü surojü jȩpü̧ ikumä̧kü̧, Churutä tta̧'a̧rä̧tü̧rü̧ rä'epü iku ichütä.

San Juan 14:3

Ja̧'wa̧nü̧ ku̧jä̧tu̧kuä̧kuo̧mȩ aditü kku̧nu̧ i̧u̧ i̧wi̧pü̧'ka̧, pä'äjita'anü̧, ttütä ukuturu ȩmü̧ chi̧chä̧kua̧sä̧, ukutu'i̧nä̧ ttü chü̧jo̧mȩ ku̧ja̧kuä̧tu̧kuä̧kua̧'a̧nü̧.

1 Juan 2:28

Ja̧'wa̧nü̧ ja̧'a̧ttü̧, chi̧tti̧mü̧ wotü, Chutä Crito-nä̧ kka̧kuä̧tu̧kui̧. Jua̧u̧ ichü mo̧ro̧ päi'omȩnä̧ jo̧mȩnü̧ kua̧'kua̧ wȩnä̧rü̧ kui̧jȩkuä̧tu̧kuä̧kua̧'a̧nü̧, dä'ä ttukuätuku juiyäkua'anü̧.

Hechos 1:11

Pättinä̧u̧: —Galirea ttü̧ja̧, ¿tta̧'a̧nü̧ pä'ü mo̧ro̧jä̧ra̧'a̧ to̧pä̧rü̧ ku̧ja̧kuä̧tu̧kua̧'a̧jä̧ttü̧? Pide Jesú, ukutu ku'kä̧tȩtu̧ku̧ttü̧ mo̧ro̧jä̧ra̧'a̧ ȩmä̧wi̧'ä̧jä̧ku̧mä̧, käekuächa'a to'kuäjätukuta'anü̧, pä'äjita'anü̧'i̧nä̧ ja̧'wa̧nü̧tä̧ i̧chä̧kua̧.

2 Pedro 3:10

Ja̧'wa̧nü̧ ja̧'a̧nä̧ Tu̧ru̧wa̧ u̧mo̧ro̧ päi'omȩnä̧mä̧ nä̧u̧kuä̧rä̧wä̧ i̧sa̧ 'kua̧rü̧nä̧ i̧chä̧kua̧. Ja̧'wa̧nü̧ päi'omȩnä̧ mo̧ro̧jä̧mä̧ rü̧ä̧nä̧ yettünä̧ päi'ünä̧ rä̧mi̧pü̧nä̧ jȩä̧chä̧kua'a, juä̧jä̧nä̧ rü̧jü̧'i̧nä̧ okurä kkuwü ikuomȩnä̧ to̧ȩ'ä̧chä̧kuȩ, ja̧'wa̧ta̧nü̧ rȩjȩ'i̧nä̧, o'kajuiyünä̧ juä̧jä̧nä̧ kka̧ku̧mä̧ kuo'ü i̧kuä̧kuȩ.

San Juan 21:22

Päiyäku, Jesú-mä̧ ädätinä̧ku̧: —Jua̧u̧mä̧ ttü ppa̧dä̧chomȩbü päi'ünä̧ ü̧ja̧ pädüttümä̧ttü̧, ¿ja̧'wa̧nü̧ ja̧'a̧nä̧ ukú jäwämä̧kü̧? Ukumä̧, cho'ka'anä̧tä̧ ichi.

Apocalipsis 22:20

Pi̧yȩ jiäumä̧, pä'ü: «A̧, jitätä ja̧'a̧ku̧ ichüsä.» ¡Amȩ́! a̧, chu̧ru̧wa̧ Jesú, ichi.

Judas 1:14

Ja̧'wa̧ta̧nü̧ mo̧ täbokütä päi'ünä̧, Adá̧ o'komenä̧ttü̧ kko̧ro̧mü̧ttü̧nü̧ todärenä̧ päi'ünä̧ winü̧ Enoc pinü̧mä̧, juätü ttütü'kü pä'inü̧: «Topätukui, Tu̧ru̧wa̧ rekuätü á̧gȩrȩ-ku̧ icha'a,

1 Tesalonicenses 4:16

Chutä Tu̧ru̧wa̧tä̧ mo̧ro̧jä̧ra̧'a̧ttü̧ i̧wȩnȩku̧ we'ünü̧, Á̧gȩrȩ-tü̧ ttu̧ru̧wa̧ i̧wȩnȩku̧ ja̧'wa̧ta̧nü̧ Dio we'äwotü ttiäre trompeta rä̧mi̧pü̧nä̧ i̧mȩyȩwä̧kua̧. Ja̧'wa̧nü̧ päi'omȩnä̧, Crito-nä̧ 'korujuo'ächinä̧tü̧mä̧, ä̧kuo̧mȩnä̧ ttottächipäkuotü;

1 Corintios 15:23

Ja̧'wa̧nü̧ ja̧'a̧nä̧ yotukunä̧rü̧ pä'ü rütäu'akuä jä̧kua̧'a̧: Ä̧kuo̧mȩnä̧mä̧ Crito ji̧na̧'a̧, jua̧u̧nü̧ o'ka'amä̧ Crito-rü esetätürü jä̧kua̧'a̧, Chutä ichomȩnä̧.

2 Tesalonicenses 1:10

Ji̧yȩnü̧ mo̧ro̧ Tu̧ru̧wa̧ ichü mo̧ro̧ umüwäyotü pojopü ȩmi̧nä̧u̧ surojü jui'ätü eseäkuäu ukuo tettäwarü pä'ü. Isopäi'ünä̧ ukutu'i̧nä̧ juätü jü̧ta̧'a̧nü̧ pojopü ȩmi̧nä̧u̧jä̧ esetinä̧tü̧jä̧ adiwäjuei jareü wȩnȩ ujutu jitäwomȩnä̧.

1 Corintios 4:5

Ja̧'wa̧nü̧ ja̧'a̧ttü̧, ji̧nä̧ ä'kanä̧mä̧ jȩttä̧'i̧jü̧ wȩnȩmä̧ päkuätukuä, Tu̧ru̧wa̧ ichomȩnä̧tä̧ jiäwä̧kua̧ uwäwokü'i̧nä̧ ja̧'wa̧ta̧nü̧ jakuänä̧ tȩnä̧rü̧'i̧nä̧, jü̧nä̧. Ja̧'wa̧nü̧ jo̧mȩnä̧ yotukunä̧rü̧ jȩtti̧nü̧'a̧kuä̧ Dio-mä̧ ȩsȩwä̧kuä̧u̧.

San Juan 21:23

Ja̧'wa̧nü̧ päjiyä̧u̧, jua̧u̧ u̧mü̧wä̧ya̧ pä'ijü ütü'kümä̧, jitütä u̧wo̧juȩtä̧u̧mä̧ juo'ekuinä̧tü̧, jua̧u̧mä̧ wa'ü ikuoküdo pä'ü. Ja̧'wa̧nü̧ ja̧'a̧nä̧ Jesú-mä̧ 'korujuoächokä̧kua̧ pä'ümä̧ pä'okü pinü̧, ji̧nä̧somä̧ pä'inü̧: «Jua̧u̧rü̧mä̧, ttü chichomebü päi'ünä̧ ü̧ja̧ pädüttümä̧ttü̧, ¿Ukú jäwämä̧kü̧?», jü̧nä̧tä̧.