1 Corintios 11:19 - Nuevo Testamento Uwotjüja

¹⁹ ¡Isopäi'ünä̧ ukutu pä'ä'chäkuäu 'kȩkui̧pä̧chä̧tu̧ku̧mä̧ ja̧'wa̧nü̧tä̧ 'kuäopa pä'ü ja̧'a̧, yotüku pünä̧ isopäi'ünä̧ Crito-rü kuesetätuku i̧jȩkuä̧cha̧ pä'ü!

TÄ̧DO Ä̧CUÄ̧ I̧HUȨNȨ

¹⁹ Iso päi'önä ja̧'hua̧nö̧mä̧ i̧mi̧cu̧nä̧ cuamöcuädäcuotöjä, adiu esetätörö cu̧huo̧juä̧tu̧cuä̧cua̧'a̧nö̧.

1 Corintios 11:19 Referans Kwoze

1 Juan 2:19

Juätümä̧ ujututtü rättopina̧'a̧nä̧; isopäi'ünä̧mä̧ ujutu isotümä̧ pokotü pinä̧tü̧. Isopäi'ünä̧ ujutu isotü ttinü̧ttü̧mä̧, jitä'i̧nä̧ ujutuku kka̧ja̧tü̧; ja̧'wa̧nü̧ ja̧'a̧ttü̧ ujututtü rä'ächinä̧tü̧, jua'amä̧ o'katoi'ünä̧ ujutuku ttü̧ka̧ka̧kuä̧rä̧'i̧ja̧'a̧nä̧, o'katoi'ünä̧mä̧ ujutuku isotümä̧kü̧ ja̧'a̧ pä'ü tu̧wo̧jua̧ pä'ü.

Tito 3:10

Ya̧tȩ Dio-rü esetinä̧tü̧rü̧ 'kȩ'ttȩkuä̧chü̧nä̧ jȩpü̧rü̧mä̧, ya'utenä̧ jikuäu o'ka'a, todärenä̧ jikuäwomȩnä̧ üarodüttümä̧ juorümä̧ rä'epü ikuirü.

Hechos 20:30

Ja̧'wa̧ta̧nü̧ ukututtütä'i̧nä̧ rättopäkuotü, yapareu wȩnȩ wo̧juȩtä̧tü̧, Jesucrito-rü esetätürü 'kȩ'ȩpü̧ iku ottipächa pä'ü.

San Lucas 17:1

Jesú-mä̧ u̧wo̧juȩtä̧u̧rü pä'inü̧: surojüra̧'a̧ ma̧ttä̧cha̧ pä'ü kkü'kekumä̧ juiyokü jä̧kuȩ, ja̧'wa̧nü̧ ja̧'a̧nä̧ surojüra̧'a̧ ma̧ttä̧chü̧nä̧ jȩpü̧rü̧mä̧; ¡isottü̧! jua̧u̧ru̧ juiyo ra̧wä̧pi̧ja̧'a̧.

San Mateo 18:7

¡Pi̧jä̧ jäwämä̧, suroja'a pi̧jä̧ ttü̧ja̧rü̧ surojüku mattä̧chä̧'chü̧nä̧ jȩo̧mȩttü̧! iweye 'kuäopa pä'ü ja̧'a̧ ja̧'wa̧nü̧ ja̧'a̧nä̧ ¡juiyo ra̧wä̧pi̧ja̧'a̧ ya̧tȩ surojüku ma̧ttä̧chü̧nä̧ jȩpü̧rü̧mä̧!

Gálatas 5:20

tätäwä o'ka esetäkuäwä'i̧nä̧, märipänä̧ kkä̧kuä̧wä̧; kkü'käwokü'i̧nä̧, rowäkuäwä'i̧nä̧, ä'kuoyäkuäwä'i̧nä̧, pä̧i̧'i̧nä̧, tturuwonä̧ rowäkuäu, 'kȩ'ȩkuä̧chä̧'chü̧ jȩpü̧'i̧nä̧,

Hechos 28:22

Ja̧'wa̧nü̧ ja̧'a̧nä̧ ukuttütä tä̧ju̧kua̧ pä'ätüjä̧, jua̧u̧ tü'kü toku päkuaja pä'ü. Pi̧jä̧ pa̧ja̧kuä̧chü̧nä̧ ukuowa'a ä̧ju̧kuä̧tü̧jä̧, jua̧u̧ jareünä̧ esetäkuäwä ttü̧ja̧ ttüjü'koka'a ttukuokua'amä̧.

Hechos 26:5

Ja̧'wa̧ta̧nü̧ wo̧juä̧tü̧ ä̧kuo̧mȩnä̧ttü̧tä̧ päi'ünä̧, fariseo wotü jü̧nä̧ chesetina̧'a̧mä̧, jittäwa pättüttümä̧ ji'äwätü, juätütä ja̧'a̧ 'kiyünä̧ Dio-rü esetätümä̧.

Hechos 24:14

Ja̧'wa̧nü̧ ja̧'a̧nä̧ isopäi'ünä̧ pä'üsä, surojü esetü pätta'amä̧, tü̧tä̧mü̧ mi̧nä̧ ji̧nü̧ta'anü̧ Chä'o Dio-rümä̧ esetüsä, weäwä wȩnȩ päü'a̧kuä̧ ja̧'wa̧ta̧nü̧ profetas tti̧wȩyu̧ti̧nü̧ o'kajuiyünä̧ päü'a̧kuä̧, jü̧nä̧.

Hechos 24:5

Pide ütü'kü wo̧jui̧'i̧nä̧tü̧jä̧ pi̧jä̧ o'kajuiyünä̧, ttü̧ja̧rü̧ surojuoepümä̧ ja̧'wa̧ta̧nü̧ judío-rü rowäkuäu 'kȩttȩkuä̧chü̧nä̧ aditü'i̧nä̧, nazarenos ttu̧ru̧wa̧ jü̧nä̧ aditü kue'ächü jȩa̧'a̧mä̧.

Hechos 15:5

Ja̧'wa̧nü̧ jittäwa'a ä̧ju̧ku̧, Fariseo wotü ja̧'a̧nä̧ Jesucrito-rü esetätü yotukunä̧mä̧ pä'inä̧tü̧: —Judío pokotü, Jesucrito-rü esetü ikuätümä̧, Moisé weinü̧, circuncisión jȩttä̧kuä̧wa̧ pä'ü'i̧nä̧ ja̧'wa̧ta̧nü̧ weäwä wȩnȩ ttukuota pä'ü'i̧nä̧ ja̧'a̧.

Hechos 5:17

Ja̧'wa̧nü̧ ja̧'a̧, sacerdote ttu̧ru̧wa̧mä̧ ja̧'wa̧ta̧nü̧ saduceo wotü'i̧nä̧ juȩnȩ kka̧kuä̧tü̧mä̧ kkü'kü jui'ü ra̧wä̧ri̧nä̧tü̧.

San Lucas 2:35

Pi̧yȩmä̧ ukurumä̧ kua̧mi̧'iso'kinä̧ kurodä 'kuäo'a'a jä̧'i̧nü̧'a̧nü̧ jä̧kua̧'a̧. Rekuätü tta̧mi̧'iso'kinä̧ ttü̧da̧jä̧rä̧'i̧jü̧ i̧jȩkuä̧cha̧ pä'ü.

1 Corintios 11:20

Ja̧'wa̧nü̧ ja̧'a̧ttü̧, ka̧ka̧ku̧ kukuätukuomȩnä̧mä̧, Tu̧ru̧wa̧ u̧kuȩ ukuinü̧ cena-mä̧ kuokotüjä̧.

2 Corintios 12:20

Ja̧'wa̧nü̧ ja̧'a̧ttü̧ yȩ'ȩkua̧sä̧ chi̧rȩbȩwi̧'o̧mȩnä̧, chüjü'koka'aku jȩpü̧ ku̧jä̧tu̧ku̧ 'kua̧ra̧'a̧ pä'ü ja̧'wa̧ta̧nü̧ ttü'i̧nä̧ ukutu kuju'kätukuokomȩnä̧ jȩchü̧ 'kua̧ra̧'a̧ pä'ü; rowäkuäwänä̧tä̧, ttu̧ju̧nä̧ri̧yä̧u̧ kkü'käwokünä̧tä̧, pä̧i̧nä̧tä̧, i̧mi̧ku̧ juoächäkuäwänä̧tä̧, suronä̧ pä'chäkuäwänä̧tä̧, jarode'äkuäwänä̧tä̧ ja̧'wa̧ta̧nü̧ wȩnȩ jü̧nä̧ kkä̧kuä̧wä̧nä̧tä̧, jü̧nä̧;