1 Corintios 11:17 - Nuevo Testamento Uwotjüja

¹⁷ Pi̧yȩ, yaboku jäwä chi̧wȩyu̧to̧mȩnä̧mä̧, chesewo̧ko̧u̧jä̧; isopäi'ünä̧ ji̧nä̧ ji̧yȩtȩnä̧ ku̧ka̧ka̧kuä̧tu̧kuo̧mȩnä̧mä̧, adiu jȩtta̧jü̧ jueimä̧ yaboku surojuo'ekutä jȩ'kuä̧tu̧kua̧'a̧ttü̧.

TÄ̧DO Ä̧CUÄ̧ I̧HUȨNȨ

¹⁷ Jitämä pi̧yȩmä̧ chi̧huȩyu̧to̧mȩnä̧, eseunu huȩyu̧to̧cö̧sä̧. Ucutumä ppäsähuipö cucuocuätucuomenä, adiunä jö̧ juiyönä, surojö a̧'cua̧rö̧nä̧ jȩpä̧tö̧jä̧.

1 Corintios 11:17 Referans Kwoze

1 Pedro 2:14

ruwo we'ürü'i̧nä̧ jua̧u̧mä̧ suronä̧ jȩpä̧tü̧rü̧ ro̧ȩpa̧ pä'ü wȩ'ä̧wa̧ jo̧mȩttü̧ ja̧'wa̧nü̧ ja̧'a̧nä̧ adiu jȩpä̧tü̧rü̧mä̧ eseu.

Hebreos 10:25

Ka̧ka̧kuä̧rü̧ jȩpä̧tu̧kui̧, kkorotü jȩpü̧ weyejuottinü̧'a̧nü̧mä̧ ku̧ka̧ka̧kuä̧rä̧tu̧kuo̧ka̧'a̧mä̧ jȩ'kuä̧'chä̧tu̧kuä̧, ji'äkuäu wo̧juȩtü̧ jȩpä̧tu̧kui̧; Tu̧ru̧wa̧ u̧mo̧ro̧mä̧, täkü tü'kü ja̧'a̧.

1 Corintios 14:23

Isopäi'ünä̧ igresia isotü ka̧ka̧kui̧'ä̧jä̧'kotü ttü̧'ȩjo̧mȩ, ya̧tȩ jȩru̧pa̧, Dio-rü esetokü, o'katoi'ünä̧ tti̧wȩnȩ pünä̧ ttukuokua'a do'ächi'ü ä̧ju̧ku̧ttü̧mä̧ ¿jitüjamä̧ tä̧'ä̧mä̧kuä̧wä̧tü̧ ja̧'a̧, pä'ümä̧ amükuädokü tä̧jí̧?

1 Corintios 11:22

¿Ukutumä̧ kuojusodetuku jui'ätüjä̧ tä̧jí̧, ku̧kuȩ kukuätukuomȩmä̧ ja̧'wa̧ta̧nü̧ kuäwätukuomȩmä̧? ¿Tta̧'a̧nü̧ pä'ü Dio iäre igresia suronä̧ jȩ'kuä̧tu̧kua̧'a̧jä̧ttü̧ ja̧'wa̧ta̧nü̧ usurä isotürü dä'ä ttukuepätukua'ajä̧ttü̧? ¿Däjé pädätukuäkuttü̧? ¿pi̧yȩ jȩ'kuä̧tu̧kua̧'a̧mä̧ adiwa'a pä'ü, chesewa'a ukuturumä̧?

1 Corintios 14:26

¿Toku päta'ajä̧ttü̧ chawaruwä chü̧jä̧wa̧tü̧?, ka̧ka̧kui̧pü̧ ukutu, yotukunä̧ salmos ra̧tto̧mȩnä̧, kkorotümä̧ kkä̧kuä̧wä̧ ttu̧wo̧juȩto̧mȩnä̧ ja̧'wa̧ta̧nü̧ tti̧wȩnȩ jo̧kü̧nä̧ ttukuokuomȩnä̧, Dio i̧jȩpü̧ jittäwomȩnä̧, rä'epü iku jittäwomȩnä̧mä̧. Jȩpä̧tu̧kui̧, ja̧'wa̧nü̧ ja̧'a̧nä̧ o'kajuiyünä̧tä̧ ukuturu äräbe'ütä.

1 Corintios 11:2

Chawaruwä chi̧jä̧wa̧tü̧ ukuturu eseusä o'kajuiyünä̧tä̧ ttürü amükuädü jȩ'kuä̧tu̧kua̧'a̧ttü̧, chu̧wo̧juȩti̧nü̧'i̧nä̧ ukuotü jȩ'kuä̧tu̧kua̧'a̧ttü̧.

1 Corintios 11:34

Ja̧'wa̧ta̧nü̧ yotukunä̧ ttukua ppä̧i̧rü̧jü̧ttü̧mä̧, kuojusodetukuttü kuätukui, kuä̧tȩkuä̧tu̧ku̧ jäwä ku̧ka̧ka̧kuä̧tu̧ku̧ juiya pä'ümä̧. Kkoromä̧ topü chichomȩnä̧tä̧, adiwomȩnä̧ jȩpü̧ chu̧ju̧nä̧kua̧sä̧.

1 Corintios 11:20

Ja̧'wa̧nü̧ ja̧'a̧ttü̧, ka̧ka̧ku̧ kukuätukuomȩnä̧mä̧, Tu̧ru̧wa̧ u̧kuȩ ukuinü̧ cena-mä̧ kuokotüjä̧.

Romanos 13:3

isopäi'ünä̧ ruwo we'ätümä̧ adiu jȩpä̧tü̧rü̧ yettepä'cha pä'ümä̧ pȩjo̧ko̧tü̧, pärokua'aku suronä̧ jȩpä̧tü̧rü̧ to̧ttä̧ra̧ pä'ü wotü. ¿Ruwo we'ätürü yekuekuoka'a ku̧ja̧ pä'üjä̧? adiutä jȩpü̧ kkä̧wi̧ ja̧'wa̧nü̧ jo̧mȩnä̧ ruwotümä̧ ttȩsȩwä̧kua̧jä̧,