1 Corintios 10:33 - Nuevo Testamento Uwotjüja

³³ O'kajuiyünä̧tä̧ jȩchü̧mä̧, o'katoi'ünä̧rü̧ ttesewomȩnä̧ jȩcha̧ pä'üsä, ttürütä ppädütämä̧kü̧, rekuätürü ppädü, juätü'i̧nä̧ surojüttü ttü̧ja̧kui̧'a̧ pä'ü.

TÄ̧DO Ä̧CUÄ̧ I̧HUȨNȨ

³³ Ttömä 'cuäopönä jȩcha̧ pä'ösä o'ca toi'önä ttesehuäcua'anö̧. Ttötä chamönämä amöcuädäcuähuocösä. Korotörö amöcuädösä, jahuätö'inä ttesetäcuä'a̧nö̧.

1 Corintios 10:33 Referans Kwoze

Gálatas 1:10

Ja̧'wa̧nü̧ ja̧'a̧ttü̧ ttü̧ja̧rü̧ pä̧wä̧rü̧jü̧ jȩcha̧ pä'ümä̧ usoküsä, Dio-rü pä̧wä̧rü̧jü̧tä̧ jȩcha̧ pä'ü wa̧sä̧. Ja̧'wa̧nü̧ ttü̧ja̧rü̧ pä̧wä̧rü̧jü̧ jȩchü̧ttü̧mä̧, Crito-mä̧ u̧mü̧wä̧ya̧mä̧ poküsä.

1 Corintios 10:24

Ja̧'wa̧nü̧ ja̧'a̧ttü̧, kua̧mü̧nä̧tu̧ku̧ rekuä rü̧jü̧tä̧mä̧ kuamükuädätukuä, ji̧nä̧somä̧ kkorotürü rekuä rü̧jü̧ amükuädätukui.

2 Corintios 12:19

Suronä̧ jȩpi̧nü̧'kotü, ujuturu adiku iku jä'epätü päkuätuku'anü̧, ja̧'a̧nä̧ ja̧'wa̧nü̧mä̧ jo̧ka̧'a̧. Ujutumä̧ Dio ä'ka jo̧mȩttü̧ ukuokuätüjä̧, Crito-nä̧tä̧. Ja̧'wa̧nü̧ ja̧'a̧ttü̧, pi̧yȩ o'kajuiyünä̧, chawaruwä chi̧jä̧wa̧tü̧ juȩnȩ ttü̧ja̧ kuä̧rä̧mä̧tu̧kua̧ pä'ü ja̧'a̧.

Romanos 11:14

Ja̧'wa̧nü̧ ja̧'a̧nä̧ jua'amä̧ chawaruwä ttä'kuoyäwächi'a pä'ü pä'üsä, ja̧'wa̧nü̧ jo̧mȩnä̧ Dio-mä̧ juätürü'i̧nä̧ ra̧wä̧pi̧jü̧ttü̧ ttü̧ji̧pü̧nä̧ ppädäkua'anü̧.

Romanos 12:5

Ja̧'wa̧nü̧ jü̧ta̧'a̧nü̧, rekuätü ta'anä̧ ujutu'i̧nä̧ Crito-nä̧mä̧ ji̧nä̧ya̧tȩtä̧ wotüjä̧ ja̧'wa̧ta̧nü̧ kkorotükumä̧ todepätüjä̧.

1 Corintios 13:5

surojuoepümä̧ jȩä̧kuä̧wo̧kü̧ ja̧'a̧; tta̧mü̧nä̧ pa̧ja̧tü̧ jäwämä̧ usäwokü ja̧'a̧; a̧mü̧nä̧tä̧ jo̧mȩnä̧ ra̧wä̧ri̧pä̧rä̧kuä̧wo̧kü̧ ja̧'a̧, pä̧i̧ 'chu'ädü kku̧nä̧wo̧kü̧ ja̧'a̧;

2 Corintios 12:14

Täkü jo̧mȩnü̧ wa̧sä̧, wäbodäkuä päi'ünä̧ ukuturu do'ächü chichäkua'amä̧; jitä'i̧nä̧ ukuturu jä̧'ȩpä̧ro̧kü̧ chä̧kua̧sä̧. Ukutu ku̧ju̧nä̧rä̧tu̧ku̧ jädepa pä'ümä̧ usoküsä, ji̧nä̧somä̧ ukuturu ususä; isopäi'ünä̧ ttä̧'o̧tü̧tä̧ ja̧'a̧ tti̧tti̧mü̧ ttiäre pärätä ka̧ka̧tä̧tü̧mä̧, pärokua'aku tti̧tti̧mü̧mä̧, ttä̧'o̧tü̧ ttiäremä̧ ka̧ka̧to̧ko̧tü̧.

Filipenses 2:21

Isopäi'ünä̧ o'katoi'ünä̧ jitürütä pä̧wä̧rü̧jü̧tä̧ usú jȩpä̧tü̧, ja̧'wa̧nü̧ ja̧'a̧nä̧ Jesucrito-rü pä̧wä̧rü̧jü̧mä̧ jȩpo̧ko̧tü̧.

1 Tesalonicenses 2:16

Judío pokotürü, ra̧wä̧pi̧jü̧ttü̧ ttü̧ja̧kui̧'a̧ pä'ü, jitäu juiyünä̧ jȩttä̧u̧jä̧. Ja̧'wa̧nü̧ jȩtto̧mȩnä̧mä̧, suronä̧ jȩttä̧'i̧jü̧mä̧ yaboku rü̧ä̧chä̧u̧. Ja̧'wa̧nü̧ ja̧'a̧nä̧, täkü rüjí mo̧ro̧mä̧ Dio-mä̧ usurä ttȩmä̧u̧nä̧ ro̧ȩpä̧kuä̧u̧.