1 Corintios 10:32 - Nuevo Testamento Uwotjüja

³² Judío'i̧nä̧, judío pokotürü'i̧nä̧, ja̧'wa̧ta̧nü̧ Dio iäre igresia isotürü'i̧nä̧ surojü jü̧nä̧ jȩ'kuä̧tu̧kuä̧.

TÄ̧DO Ä̧CUÄ̧ I̧HUȨNȨ

³² Korotömä judíos ttö̧ja̧'i̧nä̧, judíos huocotö'inä, Diosrö esetätö'inä ttä'ca jo̧mȩttö̧ suronä jȩcu̧'ä̧tu̧cuä̧', jahuätö'inä suronä jȩcu̧'ä̧tu̧cua̧'a̧ topi'ö'cotö suronä jȩtta̧'a̧cu̧.

1 Corintios 10:32 Referans Kwoze

1 Corintios 10:33

O'kajuiyünä̧tä̧ jȩchü̧mä̧, o'katoi'ünä̧rü̧ ttesewomȩnä̧ jȩcha̧ pä'üsä, ttürütä ppädütämä̧kü̧, rekuätürü ppädü, juätü'i̧nä̧ surojüttü ttü̧ja̧kui̧'a̧ pä'ü.

Hechos 20:28

Ja̧'wa̧nü̧ ja̧'a̧ttü̧ to̧pä̧rä̧kuä̧u̧ kka̧kuä̧tu̧kui̧, Epíritu Sa̧tu̧ igresia-nä̧ pató-tü̧ päi'ünä̧ tta̧kuä̧rä̧tu̧kua̧ pä'ü iyina̧'a̧mä̧, Tu̧ru̧wa̧ ukuojanä̧ i̧mi̧täwina̧'a̧ttü̧.

Romanos 14:13

Ja̧'wa̧nü̧ ja̧'a̧ttü̧, kkorotü kkorotünü̧mä̧ pätä'chäkuäu juiyü'anü̧ ja̧'a̧. Ja̧'wa̧nü̧ ja̧jü̧jueimä̧, kua̧wa̧ru̧wa̧ kui̧jä̧wa̧rü̧mä̧ tto̧ȩpä̧rä̧kuä̧wo̧kü̧tä̧ ja̧'wa̧ta̧nü̧ ma̧ä̧chü̧nä̧ jȩä̧kuä̧wo̧kü̧tä̧ jȩpü̧ ku̧ja̧kuä̧tu̧kua̧ pä'ätukui.

2 Corintios 6:3

Ya̧tȩ'i̧nä̧ suronä̧ ukuokua pä'okotüjä̧ ujutu taditäwämä̧ ja̧'wa̧nü̧ ji̧yä̧u̧ adiutä aditätüjä̧ suronä̧ ti̧jȩpü̧ juiya pä'ü.

1 Corintios 8:13

Ja̧'wa̧nü̧ ja̧'a̧ttü̧, chu̧kuȩ jäwänä̧ chi̧jä̧wa̧rü̧ surojünä̧ ma̧ä̧chü̧nä̧ jȩchü̧ttü̧mä̧, idepämä̧ yorisotä chuku juiyü'anü̧ ja̧'a̧.

Hechos 24:16

Ja̧'wa̧nü̧ ja̧'a̧ttü̧, Dio ä'ka jo̧mȩttü̧'i̧nä̧, ttü̧ja̧ ttä'ka jo̧mȩttü̧'i̧nä̧ 'kuäopünä̧tä̧, chunä̧ surojü chȩnä̧ra̧mä̧ pä'oküsä.

1 Timoteo 3:15

Rekuo mo̧ro̧ todeputtü'i̧nä̧, Dio 'kuäopünä̧ kkü̧ umüwäyotü igresia wotürü adiu juekuȩpä̧rä̧kua̧'a̧nü̧. 'Chu̧'ä̧rä̧kuä̧u̧ ja̧'wa̧ta̧nü̧ isopäi'ünä̧ wȩnȩ ja̧'a̧ pä'ätümä̧.

1 Corintios 11:22

¿Ukutumä̧ kuojusodetuku jui'ätüjä̧ tä̧jí̧, ku̧kuȩ kukuätukuomȩmä̧ ja̧'wa̧ta̧nü̧ kuäwätukuomȩmä̧? ¿Tta̧'a̧nü̧ pä'ü Dio iäre igresia suronä̧ jȩ'kuä̧tu̧kua̧'a̧jä̧ttü̧ ja̧'wa̧ta̧nü̧ usurä isotürü dä'ä ttukuepätukua'ajä̧ttü̧? ¿Däjé pädätukuäkuttü̧? ¿pi̧yȩ jȩ'kuä̧tu̧kua̧'a̧mä̧ adiwa'a pä'ü, chesewa'a ukuturumä̧?

1 Timoteo 3:5

Isopäi'ünä̧ ya̧tȩ a̧mü̧nä̧ pa̧ja̧tü̧ ojusode'i̧nä̧ tta̧wä̧rä̧kuä̧wä̧ ieruwa'amä̧, ¿Tta̧'a̧nü̧ tta̧wä̧rä̧kua̧'a̧jä̧ttü̧ Dio i̧tti̧mü̧rü̧mä̧?

Filipenses 1:10

Jua'amä̧ adiwäjuei ku̧wo̧juä̧tu̧kua̧ pä'ü. Ja̧'wa̧nü̧ kuätukuttümä̧ Jesucrito ichü mo̧ro̧ päi'omȩnä̧ surojü juikuätukuäkuotüjä̧ ya̧tȩ'i̧nä̧ surojü jȩ'kuȩ'i̧jü̧ päü juiyäkua'anü̧.

1 Corintios 7:17

Ja̧'wa̧nü̧ ja̧'a̧nä̧, yotukunä̧rü̧ Tu̧ru̧wa̧ jȩ'kuä̧tu̧ku̧'a̧nü̧ jü̧ iyinü̧'a̧kuä̧ ja̧'wa̧ta̧nü̧ Dio ukuturu woinü̧ ku̧ja̧kui̧nä̧tu̧ku̧ta̧'a̧nü̧, jȩpü̧ kka̧kuä̧tu̧kui̧: Pi̧yȩtä̧tä̧, we'üsä o'katoi'ünä̧ igresia wotürü.

1 Corintios 12:28

Dio-mä̧, igresia-nä̧mä̧ kku̧ni̧nü̧, ä̧kuo̧mȩnä̧mä̧ apótore pä̧ttä̧u̧ru̧; juȩnȩ o'komȩnä̧mä̧, profetas pättä̧u̧ru̧; wäbodäkuä päi'ünä̧mä̧ wo̧juȩkuä̧ isotürü; jua̧u̧ o'komȩnä̧mä̧ jȩtto̧kü̧ juei jȩpä̧tü̧rü̧; kkorotümä̧ na̧'ä̧chä̧tü̧rü̧ aditü ikuätürü'i̧nä̧; kkorotümä̧ ppädäkuäwä isotürü'i̧nä̧; kkorotümä̧ juȩpä̧rä̧kuä̧wä̧ isotürü'i̧nä̧ ja̧'wa̧ta̧nü̧ kkorotümä̧ kkorotü tti̧wȩnȩ wäjuönä̧ ukuokuätürü'i̧nä̧.

1 Corintios 15:9

Jua'amä̧, ttümä̧ apótorettümä̧ juiyo a̧'u̧kua̧sä̧, apóto pättü juiyü'anü̧'i̧nä̧ wa̧sä̧, Dio iäre igresia isotürü suronä̧ jȩttü̧nä̧ wedina̧'a̧ttü̧.

2 Corintios 1:1

Ttü pauru, apóto jü̧nä̧ Jesucrito ȩmi̧nä̧ku̧, Dio-rü pä̧wä̧rü̧jo̧mȩnä̧ ja̧'wa̧ta̧nü̧ cha̧wa̧ru̧wa̧ chi̧jä̧wa̧ Timoteo-ku te'äwätüjä̧, Dio-rü esetätü Corinto ütawiyänä̧ kkä̧tü̧rü̧'i̧nä̧ ja̧'wa̧ta̧nü̧ Acaya rȩjȩnä̧ kka̧kuä̧tü̧rü̧'i̧nä̧ o'katoi'ünä̧rü̧.

Gálatas 1:13

Isopäi'ünä̧ ukutumä̧ ä̧ju̧kui̧nä̧tü̧jä̧ judío jäwänä̧ kkä̧nü̧, ä'koji jȩchi̧nü̧mä̧ ja̧'wa̧ta̧nü̧ wo̧juä̧tü̧jä̧ Dio-rü esetätürü si'epü chikua pä'ü suronä̧ jȩchi̧nü̧'i̧nä̧.

Filipenses 3:6

Päte'üra̧'a̧ esetü, igresia wotürü suronä̧ jȩpü̧ ru̧'ä̧ri̧nü̧sä̧, weäwä wȩnȩ ukuotü. Ja̧'wa̧nü̧ ja̧'a̧ttü̧ weäwä wȩnȩ chukuotokü ji̧nü̧ pä'ätümä̧ ya̧tȩ'i̧nä̧ toa'a.

1 Tesalonicenses 2:14

Isopäi'ünä̧ chawaruwä chi̧jä̧wa̧tü̧, ukutumä̧, Judea-ttü Dio-rü esetätürü 'kuäopinü̧ta'anü̧ usurä ȩmä̧wä̧tü̧jä̧, jua'amä̧ juätü ji̧nü̧ta'anü̧ kui̧rȩjä̧tu̧ku̧ ttü̧ja̧ judío suronä̧ jȩtta̧'a̧ usurä kuȩmä̧wä̧tu̧kua̧'a̧ttü̧.