1 Corintios 10:23 - Nuevo Testamento Uwotjüja

²³ Iweye, o'kajuiyünä̧ jȩcha̧ pä'ümä̧ wa̧sä̧ ja̧'wa̧nü̧ ja̧'a̧nä̧ o'kajuiyünä̧mä̧ jȩä̧kuä̧wo̧kü̧ ja̧'a̧; o'kajuiyünä̧mä̧ jȩcha̧ pä'ü ja̧'a̧nä̧, o'kajuiyünä̧mä̧ ttürü äräbe'okü jäwä ja̧'a̧.

TÄ̧DO Ä̧CUÄ̧ I̧HUȨNȨ

²³ Iso päi'önä pättö huȩnȩ päa'a: “Ya̧tȩ chutä amöcuädö jȩö̧'a̧nö̧ ja̧'a̧.” Juhuorö'inä o'ca juiyönä jȩö̧ttö̧mä̧ adihuoca'a. Ya̧tȩ o'ca juiyönä chutä amöcuädö jȩö̧'a̧nö̧ ja̧'a̧to. Ja̧'hua̧nö̧ jȩo̧mȩnä̧, o'ca juiyönä ppädoca'ato.

1 Corintios 10:23 Referans Kwoze

1 Corintios 6:12

Pa̧'a̧nü̧ pä'ä'ijätü: o'kajuiyünä̧tä̧ jȩpü̧ mȩda̧ pä'ü ja̧'a̧nä̧, o'kajuiyünä̧mä̧ ttürü ppädokü ja̧'a̧; o'kajuiyünä̧tä̧ jȩpü̧ mȩda̧ pä'ü ja̧'a̧nä̧, o'kajuiyünä̧mä̧ ttürü wea'anä̧mä̧ chiyäwokä̧kua̧sä̧.

1 Corintios 8:9

Ja̧'wa̧nü̧ ja̧'a̧nä̧, ukutu unichä̧rü̧ jȩpü̧ ku̧jä̧tu̧ku̧mä̧, jiyüpätürü kkä'ü kuikuätuku juiyünä̧ kka̧kuä̧tu̧kui̧.

Efesios 4:29

Surojümä̧ kukuokuä, pärokua'aku adiwäjuei ppädütä ukuokuätukui, ä̧ju̧kuä̧rä̧tü̧rü̧ ppädomȩnä̧.

1 Tesalonicenses 5:11

Ja̧'wa̧nü̧ ja̧'a̧ttü̧, yotükupünä̧ esewächi'ätukui, yabonü̧ kujuru ȩmä̧tu̧kui̧, täkü jȩ'kuä̧tu̧ku̧ta̧'a̧nü̧.

Romanos 14:15

Ja̧'wa̧nü̧ ja̧'a̧nä̧ kua̧wa̧ru̧wa̧ kui̧jä̧wa̧ ku̧kuȩtu̧ku̧ jäwänä̧ a̧'kua̧ tta̧wȩku̧ttü̧mä̧, täkü eseu kkä̧kuä̧wä̧nä̧ kko̧kü̧. Ttu̧kuȩ jäwänä̧, Crito usurä ȩmä̧u̧ 'korujuoächinä̧ku̧ru̧mä̧ toe'ächünämä̧ jȩ'kuä̧tu̧kuä̧.

1 Corintios 14:17

¡Isopäi'ünä̧tä̧! Dio-rü kukuokumä̧ adiwa'anä̧, kka̧ra̧rü̧mä̧ ppädü juiyünä̧ ja̧'a̧.

1 Corintios 14:26

¿Toku päta'ajä̧ttü̧ chawaruwä chü̧jä̧wa̧tü̧?, ka̧ka̧kui̧pü̧ ukutu, yotukunä̧ salmos ra̧tto̧mȩnä̧, kkorotümä̧ kkä̧kuä̧wä̧ ttu̧wo̧juȩto̧mȩnä̧ ja̧'wa̧ta̧nü̧ tti̧wȩnȩ jo̧kü̧nä̧ ttukuokuomȩnä̧, Dio i̧jȩpü̧ jittäwomȩnä̧, rä'epü iku jittäwomȩnä̧mä̧. Jȩpä̧tu̧kui̧, ja̧'wa̧nü̧ ja̧'a̧nä̧ o'kajuiyünä̧tä̧ ukuturu äräbe'ütä.

1 Timoteo 1:4

täbokü wȩnȩ, tä̧do̧tü̧ mi̧nä̧ ttü̧ja̧kui̧nü̧ wȩnȩ'i̧nä̧, yotukunä̧ yapare wȩnȩ ttu̧wo̧juȩtü̧ juiyünä̧ jikuäwäkua'anü̧. Ja̧u̧mä̧ pä'ä'chäkuäu kkä̧kuä̧wä̧ra̧'a̧tä̧ oipü, ja̧'wa̧ta̧nü̧ Dio amükuädinü̧nä̧, tta̧'kua̧ wȩnä̧rü̧ kkä̧kuä̧wä̧ ttu̧wo̧jui̧pa̧ pä'ümä̧ ppädokü.

1 Corintios 14:12

Ja̧'wa̧nü̧ ja̧'a̧ttü̧, epíritu iyü jäwä ku̧ju̧nä̧ra̧ päkuätukua'amä̧, yabonü̧tä̧ usätukui igresia ä̧rä̧mü̧nä̧ pädü jäwätä.

1 Corintios 8:1

Ja̧'wa̧ta̧nü̧ ttu̧kuȩ, ttü̧ä̧nä̧wo̧tü̧ tti̧mi̧nä̧ ukuoku jȩä̧kuä̧wä̧ tü'kümä̧, isopäi'ünä̧ o'katoi'ünä̧tä̧ wo̧juä̧tü̧jä̧. Ja̧'wa̧nü̧ ja̧'a̧nä̧, wo̧juä̧wä̧mä̧ ukuo tettäunä̧tä̧ juoepü, pärokua'aku eseäkuäwämä̧, äräbe'ü wȩnȩ ja̧'a̧.

2 Corintios 12:19

Suronä̧ jȩpi̧nü̧'kotü, ujuturu adiku iku jä'epätü päkuätuku'anü̧, ja̧'a̧nä̧ ja̧'wa̧nü̧mä̧ jo̧ka̧'a̧. Ujutumä̧ Dio ä'ka jo̧mȩttü̧ ukuokuätüjä̧, Crito-nä̧tä̧. Ja̧'wa̧nü̧ ja̧'a̧ttü̧, pi̧yȩ o'kajuiyünä̧, chawaruwä chi̧jä̧wa̧tü̧ juȩnȩ ttü̧ja̧ kuä̧rä̧mä̧tu̧kua̧ pä'ü ja̧'a̧.