1 Corintios 10:14 - Nuevo Testamento Uwotjüja

¹⁴ Ja̧'wa̧nü̧ ja̧'a̧ttü̧ chawaruwä chi̧jä̧wa̧tü̧, ttü̧ä̧nä̧wo̧tü̧rü̧ ukuokuä'chümä̧ jȩ'kuä̧tu̧kuä̧.

TÄ̧DO Ä̧CUÄ̧ I̧HUȨNȨ

¹⁴ Ja̧'hua̧nö̧ ja̧'a̧ttö̧ adihuä chö̧jä̧hua̧tö̧, ttu̧mö̧nä̧ adicuä juäi esetäcuähuämä, jaropi'ätucui.

1 Corintios 10:14 Referans Kwoze

Apocalipsis 21:8

Ja̧'wa̧nü̧ ja̧'a̧nä̧ ye'ekuätü'i̧nä̧, esetokotü'i̧nä̧, kkü'kokotü'i̧nä̧, ttü̧ja̧rü̧ kuä'äwätü'i̧nä̧, nä̧tü̧rü̧ u̧mä̧tü̧rü̧ jȩpä̧'chä̧tü̧'i̧nä̧, märipä jȩpä̧tü̧'i̧nä̧, tta̧'kua̧juä̧ jü̧'a̧kuä̧ tätäwä'ka esetätü'i̧nä̧ ja̧'wa̧ta̧nü̧ yaparewätü'i̧nä̧ o'katoi'ünä̧; okurä Azufre pättü kuoarära̧'a̧ tti̧'chä̧kuo̧tü̧, yȩnȩta̧'a̧nü̧ wa'ü ikuäwomȩ ja̧'a̧, juȩnȩmä̧.»

1 Juan 5:21

Chi̧tti̧mü̧ wotü, yaparewätü ttü̧ä̧nä̧wo̧tü̧rü̧ kuesetätukuä.

1 Pedro 2:11

Chi̧jä̧wa̧tü̧, ro̧'ȩpü̧ ji̧dä̧wä̧u̧jä̧ kko̧ro̧jä̧ttü̧ ichäkuäwotü pi̧jä̧nä̧ kue'ächätürü 'kua̧rü̧nä̧, ttidepä kkü'kekunä̧mä̧ kuiyäwätukuä tta̧'kua̧rü̧ rowäwukumä̧.

Apocalipsis 22:15

Ja̧'wa̧nü̧ ja̧'a̧nä̧ suropätü'i̧nä̧, märipä jȩpä̧'chä̧tü̧'i̧nä̧, nä̧tü̧rü̧ u̧mä̧tü̧rü̧ jȩpä̧'chä̧ttü̧'i̧nä̧, ttü̧ja̧rü̧ kuä'äwätü'i̧nä̧, tätäwä'kiyu esetätü'i̧nä̧ ja̧'wa̧ta̧nü̧ o'katoi'ünä̧ eseu, yapareäkuäwänä̧ kka̧kuä̧tü̧'i̧nä̧ u̧mi̧nä̧tä̧ ttü̧ja̧kui̧'ä̧kuo̧tü̧.

2 Corintios 7:1

Isopäi'ünä̧ chawaruwä chi̧jä̧wa̧tü̧ ja̧'wa̧nü̧ jua̧u̧ i̧yä̧kuȩ ukuokuina̧'a̧ttü̧, Dio ȩma̧tü̧ pä'ümä̧ surojümä̧ jȩtü̧ juiyü'anü̧ ja̧'a̧, surojüttü i̧mi̧ku̧nä̧ tü̧ja̧ pä'ü. Dio-rümä̧ eseu tukuotätukua, ye'ekunü̧ surojü juitächächünä̧; Chutä surojü jui̧'a̧ jü̧ta̧'a̧nü̧.

2 Corintios 6:17

Ja̧'wa̧nü̧ ja̧'a̧ttü̧, Tu̧ru̧wa̧mä̧ pä'ü: «Juätüttümä̧ rä'opächü, 'kȩ'i̧pä̧chä̧tu̧kui̧, Surojümä̧ mȩkuä̧tu̧kuä̧, ja̧'wa̧nü̧ jȩ'kuä̧tu̧kuo̧mȩnä̧, Ttümä̧ chȩmä̧kuä̧u̧jä̧,»

Apocalipsis 13:8

Ja̧'wa̧nü̧ ja̧'a̧ttü̧, pi̧jä̧ ä̧kuo̧mȩnä̧ adikui'ino̧mȩttü̧ päi'ünä̧, usurä ȩmä̧u̧ to'e'ächinü̧, oweja mü̧ä̧ya̧ wa̧ üäre kuyäru'tä kkä̧kuä̧wä̧ kkä'tänä̧ tti̧mi̧ jui'ätümä̧, jua̧u̧ru̧ ttiwe'kiyunä̧ pȩjä̧mü̧ eseäkuäwinä̧tü̧.

Apocalipsis 2:14

Ja̧'wa̧nü̧ ja̧'a̧nä̧, ji̧yȩtȩ kkorojuei a̧'u̧ku̧nä̧ jȩpü̧jä̧, ttü chüjü'kokü jäwä: Balac jȩpü̧ ü̧ji̧nü̧ jȩpä̧tü̧rü̧ kku̧nä̧rü̧jä̧, jua̧u̧mä̧ wo̧juȩti̧nü̧ Barac-rümä̧, Irae ttü̧ja̧rü̧ ma̧ttä̧chü̧nä̧ jȩa̧ pä'ü. Ja̧'wa̧nü̧ jȩpü̧mä̧ ttü̧ä̧nä̧wo̧tü̧ tti̧mi̧nä̧ ukuoku jȩä̧kuä̧wä̧ ttukunä̧'i̧nä̧, nä̧tü̧ku̧ jȩttä̧'chä̧kuä̧u̧nä̧'i̧nä̧ we'inü̧.

1 Corintios 10:7

Ja̧'wa̧nü̧ ja̧'a̧ttü̧, ukutumä̧ ttü̧ä̧nä̧wo̧tü̧rü̧ esetäkuäwämä̧, kuesetätukuä, juätüttü yotukunä̧ jȩtti̧nü̧'a̧kuä̧mä̧, wȩyu̧kuä̧ wȩnȩmä̧ pä'a: «Ttü̧ja̧mä̧ ttu̧kuȩ kuä̧nü̧'i̧nä̧, tta̧wȩ au'i̧nä̧ pȩjä̧mü̧, eseäkuäwuö tü'inä̧tü̧, juätü ttü̧ä̧nä̧wo̧tü̧rü̧ eseäkuäwuö,» jü̧nä̧.

2 Corintios 11:11

¿Jua'amä̧, ta̧'a̧nü̧ pä'ü päda'ajä̧ttü̧? ¿ukuturu repe'ü jui'ü? ja̧'wa̧nü̧mä̧kü̧ Dio-mä̧ o'kajuiyütä wo̧jua̧ ukuturu eseu repedümä̧.

Romanos 12:19

Suronä̧ jȩtto̧mȩnä̧, ukututä kua̧mü̧nä̧ pa̧ja̧tü̧ kuimitäwi'ätukua päkuätukuä ja̧'wa̧nü̧ ja̧jü̧jueimä̧ Dio ro̧ȩpa̧tä̧ iyipätukui; isopäi'ünä̧ wȩyu̧kuä̧ wȩnȩmä̧ pä'a: «Ttü ja̧'a̧ mikuä jȩchä̧kua̧mä̧ ja̧'wa̧nü̧ ja̧'a̧ttü̧ ttü ja̧'a̧ chimi̧tä̧kua̧mä̧ pä'ü.»

Filipenses 4:1

Ja̧'wa̧nü̧ ja̧'a̧ttü̧, chawaruwä chi̧jä̧wa̧tü̧ ukutumä̧ rü̧ȩnä̧ rȩpȩdä̧u̧ kuätukua'attü, ya̧tȩtä̧ Tu̧ru̧wa̧nä̧ yaboku tätukui. Ukuturumä̧ jäwänä̧mä̧ mikuäwächäku eseusä.

2 Corintios 12:15

Ja̧'wa̧nü̧ ja̧'a̧ttü̧, eseunü̧tä̧ bedekuä̧kua̧sä̧ ttü chiärettümä̧ ja̧'wa̧ta̧nü̧ ttütä'i̧nä̧ be'ipächüsä ukuturu ppä'ädümä̧. Isopäi'ünä̧ ukuturu rü̧ȩnä̧ eseu repeda'anä̧ ¿tta̧'a̧nü̧ pä'ü a̧'u̧ku̧nä̧tä̧ kuesewätukuäkusättü̧?

Filemón 1:1

Ttü Pauru, Jesucrito jäwänä̧ kärenä̧ pä̧nü̧ kkä̧nü̧ ja̧'wa̧ta̧nü̧ cha̧wa̧ru̧wa̧ chi̧jä̧wa̧ Timoteo-ku te'äusä, ujuturu ppä'ädä̧rä̧'i̧jü̧ Filemó̧-rü̧,

2 Corintios 12:19

Suronä̧ jȩpi̧nü̧'kotü, ujuturu adiku iku jä'epätü päkuätuku'anü̧, ja̧'a̧nä̧ ja̧'wa̧nü̧mä̧ jo̧ka̧'a̧. Ujutumä̧ Dio ä'ka jo̧mȩttü̧ ukuokuätüjä̧, Crito-nä̧tä̧. Ja̧'wa̧nü̧ ja̧'a̧ttü̧, pi̧yȩ o'kajuiyünä̧, chawaruwä chi̧jä̧wa̧tü̧ juȩnȩ ttü̧ja̧ kuä̧rä̧mä̧tu̧kua̧ pä'ü ja̧'a̧.

Hechos 15:20

Suro, ttü̧ä̧nä̧wo̧tü̧rü̧ wȩnȩtü̧ ukuokuäkuäwa'a ttukutä, ttü'käwoka'a ttü̧jä̧'chü̧'tä̧ ja̧'wa̧ta̧nü̧ nu̧'ä̧wo̧tü̧rü̧ ttukutä, isotü ttukuoja ttukutä, kättädäkuäwa pä'ü wȩyu̧kuojänä̧ wȩyu̧tu̧ wȩtta̧ja̧u̧,

1 Corintios 5:11

Ja̧'wa̧ta̧nü̧ pä'üsä, wȩyu̧tu̧ we'inü̧sä̧ Crito-nä̧ chi̧jä̧wa̧tü̧ tta'anä̧, tti̧rȩkua̧mü̧ wokotüku jȩä̧'chä̧kuä̧wä̧nä̧'i̧nä̧, ruwotü juotta pä'ü tta̧'kua̧ roekuäkuäwänä'i̧nä̧, ttü̧ä̧nä̧wo̧tü̧rü̧ kku̧nä̧rä̧'chä̧kuä̧wä̧nä̧'i̧nä̧; surojuo'epü pä'chäkuäwänä̧'i̧nä̧, tä̧mä̧'chä̧kuä̧wä̧nä̧'i̧nä̧, nä̧u̧kuä̧rä̧kuä̧wä̧nä̧'i̧nä̧ kka̧kuä̧tü̧rü̧. Ja̧'wa̧nü̧ wa̧ku̧mä̧ ttu̧kuȩ'i̧nä̧, ttüku juiya pä'ü.

1 Corintios 10:15

Ukuturu wo̧juȩku̧nä̧ amükuädätürü ukuokusä: Pi̧yȩ pädü, adiwomȩnä̧ ukututä amükuädü topätukui.

1 Corintios 10:19

¿Toku pä'ü päda'ajä̧ttü̧? ¿Ttü̧ä̧nä̧wo̧tü̧rü̧ ukuokuäkuäwämä̧ abonä̧nü̧ mikuäu pä'ü? ja̧'wa̧nü̧ jü̧ juiya pä'ü'i̧nä̧ ¿ttü̧ä̧nä̧wo̧tü̧rü̧ wȩnȩtü̧ ukuokuäkuäwä ji̧yȩtä̧mä̧, abonä̧nü̧ mikuäu pä'ü? ja̧'wa̧nü̧mä̧kü̧.

Hebreos 6:9

Ja̧'wa̧nü̧ ukuturumä̧ tukuokua'anä̧ chawaruwä chü̧jä̧wa̧tü̧; ukutumä̧ Dio-rü esetätü pä'ü wo̧juä̧tü̧jä̧, surojüttü kki̧'ä̧kuä̧wä̧ ttȩmä̧kuo̧tü̧ pä'ü wo̧juä̧tü̧jä̧.