1 Corintios 10:13 - Nuevo Testamento Uwotjüja

¹³ Ukutumä̧ kkorotü ttü̧ja̧ usurä ttȩmä̧wä̧'i̧jü̧ jueitä 'kuäopä̧u̧jä̧; ja̧'wa̧nü̧ ja̧'a̧nä̧ Dio-rümä̧ kua̧'kua̧ wȩnä̧rä̧tu̧kui̧, kua̧mi̧ 'kikuächi'ätuku juiyünä̧ jü̧ 'kuäkuopätukua'anä̧ ja̧'a̧tä̧mä̧ tooko̧u̧ kuäkuotüjä̧. Jua̧u̧ yabonä̧, usurä kuȩmä̧wä̧tu̧ku̧ ichomȩnä̧mä̧, ji̧yȩtä̧ku̧ yo̧mȩtȩnä̧, jua̧u̧ttü̧ räkuopächätuku'i̧nä̧ iyü kkä̧nü̧, kua̧mi̧'kikuächi'ätukumä̧ iyäkuä̧u̧jä̧.

TÄ̧DO Ä̧CUÄ̧ I̧HUȨNȨ

¹³ Ucuturu suronä 'cuäopömä, korotörö'inä 'cuäopa'a ja̧'hua̧ta̧nö̧. Dios päömä jȩpö̧. Ja̧'a̧tä̧ topocö ucuturu suronä 'cuäopomenä, cuami 'quicuhuächi'ätucu juiyönä päi'omenä. Cujurutucu i̧yä̧cua̧ Dios, suronä 'cuäopomenä, cuami 'qui'ächi'ö cu̧jä̧tu̧cuä̧cua̧'a̧nö̧.

1 Corintios 10:13 Referans Kwoze

2 Pedro 2:9

Tu̧ru̧wa̧mä̧ wo̧jua̧ churutä iyäwinü̧'kotü kka̧kuä̧tü̧rü̧mä̧, ji̧nä̧ iweyettü jȩä̧'chä̧ku̧rü̧ rä'epü ikua pä'ümä̧, ja̧'wa̧ta̧nü̧ wo̧jua̧ suronä̧ jȩpä̧tü̧rü̧ pojokuä mo̧ro̧ päi'omȩnä̧ ro̧ȩpä̧kua̧'a̧ kku̧nä̧rä̧kuä̧wä̧'i̧nä̧.

2 Timoteo 4:18

Ja̧'wa̧ta̧nü̧ Chu̧ru̧wa̧mä̧ surojü aditäwättümä̧ rä'epü ikuinä̧ku̧sä̧ Dio Ru̧wa̧ weomȩ ȩpo̧mȩbü päi'ünä̧. ¡Jua̧u̧mä̧ 'kuäopünä̧tä̧ tesewarü pä̧wä̧rü̧jä̧ku̧!

2 Tesalonicenses 3:3

Ja̧'wa̧nü̧ ja̧'a̧nä̧ Tu̧ru̧wa̧mä̧ adiwä i̧sa̧, kua̧mi̧ 'ki'ächi'ü ku̧ja̧kuä̧tu̧ku̧nä̧ jȩä̧kuä̧u̧jä̧ surojü 'kuäopomȩnä̧'i̧nä̧ tta̧wä̧rä̧kuä̧u̧jä̧.

Hebreos 12:4

Isopäi'ünä̧ surojüku rowäu usurä kuȩmä̧wä̧tu̧kua̧'a̧nä̧; Jua̧u̧ ji̧nü̧'a̧nü̧mä̧ wa'arera̧'a̧bü päi'ünä̧mä̧ rȩbȩwo̧ko̧tü̧jä̧,

1 Tesalonicenses 5:24

Ukuturu wopinü̧mä̧, jȩa̧ päinü̧mä̧ jȩä̧kua̧, jueünä̧tä̧ ukuoku ja̧'a̧ttü̧.

San Lucas 22:46

Ja̧'wa̧nü̧ ji̧yä̧ku̧ päinä̧u̧: —¿Tta̧'a̧nü̧ pä'ü ä'eku ku'ȩjä̧tu̧kua̧'a̧jä̧ttü̧? ä̧rä̧mi̧'ü̧ Dio-rü ukuokuätukui, tta̧mi̧ 'kuäwänä̧ ma̧kuä̧chä̧tu̧ku̧ juiyäkua'anü̧.

2 Corintios 1:10

Jua̧u̧tä̧tä̧ ja̧'a̧ ra̧wä̧pi̧jü̧ttü̧ rä'epü ikuinü̧mä̧, rä'epü ikumä̧, ja̧'wa̧ta̧nü̧ 'kuäopünä̧tä̧ ra̧wä̧pi̧jü̧ttü̧ rä'epü i̧kuä̧kua̧mä̧;

Apocalipsis 3:10

Ttü kua̧mi̧ 'kikuächi'ätukunä̧ wedinü̧mä̧ kukuotinä̧tu̧kua̧'a̧ttü̧, pi̧jä̧ ttü̧ja̧ o'katoi'ünä̧rü̧ kka̧kuä̧mü̧ toäkuäwä mo̧ro̧ päi'omȩnä̧'i̧nä̧ ttümä̧ tta̧dä̧rä̧kuä̧u̧jä̧.

Apocalipsis 2:10

Usurä kuȩmä̧wä̧kuȩmä̧ yekuekuätukuä. Äwettämä̧ ukututtü yotüterü kärenä̧ra̧'a̧ 'chuttädünä̧ jȩä̧kua̧, kka̧kuä̧mü̧ toätukuaku pä'ü ja̧'wa̧ta̧nü̧ to̧mü̧rȩ mo̧ro̧ jo̧mȩnä̧ usurä kuȩmä̧wä̧kuo̧tü̧jä̧. Wa'ü kuikuomȩbü päi'ünä̧, kua̧mi̧ 'ki'ächi'ü kkä̧wi̧ ja̧'wa̧nü̧ jo̧mȩnä̧ a̧'kua̧rä̧kuä̧wä̧ premio pättü chi̧yä̧kua̧jä̧.

1 Pedro 4:19

Ja̧'wa̧nü̧ ja̧'a̧nä̧ Dio-rü pä̧wä̧rü̧jo̧mȩnä̧ usurä ȩmä̧wä̧tü̧mä̧, yabonü̧tä̧ adiu jȩtta̧ pä'ü ja̧'a̧, tta̧'kua̧rü̧mä̧ uwäbe'inü̧ Dio u̧mü̧nä̧tä̧ iyü kku̧nu̧, jua̧u̧mä̧ adiwomȩnä̧tä̧ jȩä̧kua̧'a̧nü̧.

1 Juan 1:9

Isopäi'ünä̧ suronä̧ jȩta̧'a̧, iweye ja̧'wa̧nü̧tä̧ wa̧sä̧ pätäuttümä̧, Dio-mä̧ adiwä juei, ppä'ädü ja̧'a̧ttü̧, suronä̧ jȩtä̧'i̧jü̧mä̧ aditü i̧kuä̧u̧jä̧.

1 Corintios 1:9

Dio-mä̧ iya päinü̧mä̧ iyü, Jua̧u̧tä̧ ja̧'a̧ chutä I̧tti̧, Tu̧ru̧wa̧ Jesucrito-ku ji̧nä̧ ji̧yȩtȩnä̧ ku̧ja̧kuä̧tu̧kua̧ pä'ü wopinü̧mä̧.

Hebreos 11:11

Ja̧'wa̧ta̧nü̧ kka̧'kua̧ ku̧wȩnä̧ro̧mȩttü̧, Sara-mä̧, kki̧tti̧mü̧ to'aju kka'anä̧, kkujuru ȩmi̧nä̧ju̧, kki̧tti̧rü̧ o'kaju juoja pä'ümä̧, täkü kkubüäkuächina̧'a̧nä̧. Jua'amä̧, ttürü ukuokuinü̧mä̧, päinü̧ta'anü̧ jȩä̧kua̧ pä'ü kkeseta'attü.

Hebreos 10:23

Käkuädi'ätukuoka'a kka̧kuä̧tu̧kui̧ kua̧'kua̧ wȩnä̧rü̧nü̧ Tesetinü̧ pätünä̧mä̧, isopäi'ünä̧ Dio ujuturu iya päinü̧mä̧, i̧yä̧kua̧.

San Lucas 11:4

Ja̧'wa̧ta̧nü̧ suronä̧ jȩtä̧'i̧jü̧mä̧, pärokua'aku mikuä juiyünä̧tä̧ jȩpi̧tü̧, Ja̧'wa̧ta̧nü̧ ujuturu suronä̧ jȩpä̧tü̧ o'katoi'ünä̧rü̧, pärokua'aku mikuä juiyünä̧tä̧ jȩtü̧ta̧'a̧nü̧ jȩpi̧tü̧. Ta̧mi̧ 'kuätünä̧ ma̧tä̧cha̧'a̧nä̧mä̧ ja̧'a̧tä̧mä̧ to'kuätü, surojüku ma̧tä̧chü̧ juiyünä̧tä̧ ppä'äditü.

Hebreos 6:18

Ja̧'wa̧nü̧ Dio yaparewokü ja̧'a̧mä̧; juramento pättünä̧ iya päinü̧'i̧nä̧, wȩnȩtü̧ i̧mi̧nä̧ päinü̧'i̧nä̧ yoriso pärowächoka'a. Ja̧'wa̧nü̧ jo̧mȩttü̧ eseu ta̧'kua̧ wȩnä̧rä̧tü̧jä̧ Chutä ujuturu tta̧wä̧rü̧'i̧nä̧ ja̧'wa̧ta̧nü̧ ujuturu i̧yä̧kuȩ'i̧nä̧, jü̧nä̧.

Apocalipsis 19:11

Ja̧'wa̧ta̧nü̧ mo̧ro̧jä̧ bawekua'a topinü̧sä̧; juȩnȩ cabayu tȩ'a̧rü̧ ü̧ja̧'a̧ topinü̧sä̧, jua̧u̧ u̧wä̧mȩ wü̧mä̧ mikuinü̧, päümä̧ jȩpü̧ ja̧'wa̧ta̧nü̧ jueü wȩnȩtä̧ wa̧, isopäi'ünä̧ jueünä̧tä̧ we'ü, kurä ürowäwa'attü.

San Lucas 16:26

Suro jua̧u̧tä̧mä̧kü̧ ja̧'a̧, ji̧yȩtȩ ukuturu'i̧nä̧, ujuturu'i̧nä̧ tto̧ȩpä̧rü̧ kka̧'a̧; ja̧'wa̧nü̧ ja̧'a̧ttü̧ jua̧dä̧ttü̧mä̧ ttüjü'ka'anä̧ poku 'kuäkuo'ätuku juiyünä̧tä̧ ja̧'wa̧ta̧nü̧ pa̧nä̧ttü̧dä̧jä̧ jua'aku 'kuäto'ü juiyünä̧tä̧.

Hechos 27:44

Ja̧'wa̧nü̧ ja̧'a̧ttü̧, kkorotümä̧ kuo'inä̧tü̧jä̧ tabla odiyänä'i̧nä̧, ja̧'a̧tä̧ woi'ka jäwänä̧'i̧nä̧ rȩjȩra̧'a̧ tu̧wä̧mi̧'a̧ pä'ümä̧. Ja̧'wa̧nü̧ jȩpü̧ o'katoi'ünä̧ tote'oka'a rȩba̧nä̧ wȩjä̧mi̧nä̧tü̧jä̧.

San Mateo 6:13

Ja̧'wa̧ta̧nü̧ äwettä kka̧kuä̧mü̧ toatü pä'ümä̧ kuȩpä̧tü̧, ja̧u̧ ja̧jü̧ jueimä̧ su̧ro̧pa̧ttü̧ rätopächünä̧tä̧ ppä'äditü. [Isopäi'ünä̧ Mo̧ro̧ kki̧ä̧mü̧nä̧ o'kajuiyünä̧tä̧ ukú kujurutä, kuruwotä, ukú ru̧wa̧ wekutä ja̧'a̧. Amén.]