1 Corintios 1:5 - Nuevo Testamento Uwotjüja

⁵ Isopäi'ünä̧ epíritu jäwä ru̧kuä̧chä̧tu̧ku̧nä̧, Dio-mä̧ jua̧u̧nä̧tä̧ iyinä̧u̧jä̧ jo̧mȩnü̧ kukuokuätukua pä'ü'i̧nä̧, ku̧wo̧juä̧tu̧kua̧ pä'ü'i̧nä̧, jü̧nä̧.

TÄ̧DO Ä̧CUÄ̧ I̧HUȨNȨ

⁵ Cristorö cuesetätucuomenä, Dios rö̧ȩnä̧ ppä'ädinö ucuturu o'ca juiyönä cucuocuätucu'inä, cu̧huo̧juä̧tu̧cu̧'i̧nä̧.

1 Corintios 1:5 Referans Kwoze

2 Corintios 9:11

Ja̧'wa̧nü̧ jo̧mȩnä̧ rü̧ȩnä̧ kku̧ju̧nä̧rä̧kuo̧tü̧jä̧, adiu o'kajuiyünä̧ ppäkuäda päkuätukumä̧, jua̧u̧nä̧tä̧ icha'a Dio-rü teseumä̧.

2 Corintios 8:7

Ja̧'wa̧nü̧ ja̧'a̧ttü̧ tta̧'kua̧ wȩnä̧rä̧kuä̧wä̧ ku̧ju̧nä̧rä̧'i̧jä̧tu̧ku̧ta'anü̧, wo̧juä̧wä̧ wȩnȩ, ku̧wo̧jui̧'i̧nä̧tu̧ku̧, ppä'ädäkuäu jȩ'kuä̧'i̧jä̧tu̧ku̧ta'anü̧, pi̧yȩ ppädäkuäwä'i̧nä̧ jȩpä̧tu̧kui̧.

Colosenses 2:3

O'kajuiyünä̧ jua̧u̧nä̧tä̧ kka̧'a̧ wo̧juä̧wä̧ wȩnȩ'i̧nä̧ ja̧'wa̧ta̧nü̧ ttu̧ȩpä̧rä̧kuä̧wä̧ wȩnȩ'i̧nä̧ jü̧nä̧.

Filipenses 1:9

Ja̧'wa̧ta̧nü̧ Dio-rü chukuokuomȩnä̧mä̧ pi̧yȩ jä'epä'ijüsä: Ukutu eseu repekuäwätuku yaboku rü̧ä̧chä̧tu̧kua̧ku̧ pä'ü'i̧nä̧, o'katoi'ünä̧ yaboku adiwomȩnä̧ jȩä̧kuä̧wä̧ ku̧wo̧juä̧chä̧tu̧kua̧ pä'ü'i̧nä̧, jü̧nä̧.

Romanos 15:14

Chawaruwä chü̧jä̧wa̧tü̧ ukuturumä̧ isopäi'ünä̧ wo̧jua̧sä̧ adiwä juei jȩ'kuä̧tu̧ku̧'i̧nä̧, jo̧mȩnü̧ ku̧wo̧juä̧tu̧ku̧'i̧nä̧, jü̧nä̧. Ja̧'wa̧ta̧nü̧ isopäi'ünä̧ ji'äkuä̧wä̧rü̧ kka̧kuä̧tü̧jä̧.

Santiago 3:13

Ukututtü ya̧tȩ wo̧juȩku̧nä̧ amükuädü ja̧'wa̧ta̧nü̧ wo̧jui̧pä̧rü̧ ü̧jü̧ttü̧mä̧, ukuo teäkuäwoka'a adiu jȩpü̧ kkä̧nü̧ i̧jȩpü̧'a̧nü̧ ja̧'a̧ u̧wo̧juö̧ wȩnȩ iyäwi'inü̧mä̧.

Colosenses 3:10

täkü pärokuä 'ka̧tä̧wä̧tu̧kui̧. Isopäi'ünä̧ pi̧yȩmä̧, Dio ukuturu uwäbe'inü̧ a̧'kua̧juä̧, yabonü̧ rü̧ä̧chä̧kua̧'a̧nü̧, Churutä jo̧mȩnü̧ ku̧wo̧juä̧chä̧tu̧ku̧nä̧.

Efesios 6:19

Ja̧'wa̧ta̧nü̧ ttü chütü'kü'i̧nä̧ Dio-rü ukuokuätukui, yä̧wä̧i̧ jäwä jareü wȩnȩ jidäwa pä'ü chä yädepomȩnä̧ wo̧juȩku̧nä̧ jidäunä̧ Dio iyattü.

Efesios 1:17

Tu̧ru̧wa̧ Jesucrito jä'o Dio-rü, ja̧'wa̧ta̧nü̧ ukuou'i̧nä̧ jä'orü jä'epüsä, wo̧juä̧wä̧ iyü kkä̧nü̧ ja̧'wa̧ta̧nü̧ churutä ku̧wo̧juä̧chä̧tu̧ku̧nä̧ jiäwätukuaku pä'ü.

1 Corintios 12:8

Isopäi'ünä̧ Epíritumä̧, yotüterümä̧ iyü wo̧juȩku̧nä̧ ttukuokua pä'ü; ja̧'wa̧ta̧nü̧ jua̧u̧ Epíritu-tä ja̧'a̧ kkorotürü'i̧nä̧, chutä üjü'komȩnä̧ wo̧juä̧wä̧ wȩnȩ iyümä̧.

2 Pedro 3:18

Ja̧'wa̧nü̧ ja̧'a̧nä̧ Tu̧ru̧wa̧ Jesucrito surojüttü kki̧'ä̧kuä̧wa̧rü̧tä̧ adiunä̧nü̧ wo̧juä̧tü̧kui̧ ja̧'wa̧ta̧nü̧ eseäkuäwänä̧ büó juo'ätukui. Jua̧u̧ru̧mä̧ jitä'i̧nä̧, yodoji'i̧nä̧ tesewarüjä̧. Amȩ́.

Efesios 3:8

Ttümä̧ o'katoi'ünä̧ Dio pojopü weinä̧u̧ttü̧'i̧nä̧ tti̧dȩ'a̧nä̧ cha'anä̧, pi̧yȩ mippoünä̧ iyinä̧ku̧sä̧, judío pokotürü Crito ukuo jäwä jidäwiyarü pä'ü.

Efesios 2:7

Pi̧yȩmä̧ jȩpi̧nü̧, Jesucrito-nä̧ rü̧ȩnä̧ rȩrü̧jü̧ toü yodoji mo̧ro̧ ujuturu i̧jȩpa̧ pä'ü.

1 Corintios 13:2

Ja̧'wa̧ta̧nü̧ Dio i̧mi̧nä̧ jiäkuäwä chu̧ju̧nä̧ra̧ja̧ pä'ü'i̧nä̧, ttu̧wo̧juo̧kü̧ jäwä o'kajuiyünä̧ chu̧wo̧jua̧ja̧ pä'ü'i̧nä̧, wo̧juä̧wä̧ wȩnȩ chu̧wo̧juo̧ttü̧'i̧nä̧, müä'ka'i̧nä̧ pporächi'ünä̧ cha̧'kua̧ chu̧wȩnä̧rü̧ttü̧'i̧nä̧, eseu repeäkuäwä juidüttümä̧, ttümä̧ mikuäwokütä jȩpü̧sä̧.

2 Corintios 4:6

Isopäi'ünä̧ Chutä Dio-tä, yo̧mȩttü̧ tȩya̧u̧ kkä̧dȩpa̧ pä'ü jȩpi̧nü̧tä̧ ja̧'a̧, tta̧mi̧'iso'kinä̧ tȩya̧u̧ kkä̧dȩpa̧ pä'ü'i̧nä̧ jȩpi̧nü̧mä̧, jua'amä̧ Jesucrito-nä̧tä̧, Chutä Dio ü̧rü̧ä̧ tu̧wo̧jui̧ya̧rü̧ pä'ü.

1 Corintios 14:26

¿Toku päta'ajä̧ttü̧ chawaruwä chü̧jä̧wa̧tü̧?, ka̧ka̧kui̧pü̧ ukutu, yotukunä̧ salmos ra̧tto̧mȩnä̧, kkorotümä̧ kkä̧kuä̧wä̧ ttu̧wo̧juȩto̧mȩnä̧ ja̧'wa̧ta̧nü̧ tti̧wȩnȩ jo̧kü̧nä̧ ttukuokuomȩnä̧, Dio i̧jȩpü̧ jittäwomȩnä̧, rä'epü iku jittäwomȩnä̧mä̧. Jȩpä̧tu̧kui̧, ja̧'wa̧nü̧ ja̧'a̧nä̧ o'kajuiyünä̧tä̧ ukuturu äräbe'ütä.

1 Corintios 13:8

Eseu repeäkuäwämä̧ yorisotä beipächokü ja̧'a̧; ja̧'wa̧nü̧ ja̧'a̧nä̧ Dio i̧mi̧nä̧ jiäkuäwämä̧ beipächä̧kuȩ ja̧'a̧, tti̧wȩnȩ pünä̧ ukuokuäkuäwä'i̧nä̧ beipächä̧kuȩ ja̧'a̧, ja̧'wa̧ta̧nü̧ ttu̧wo̧juö̧ wȩnȩ'i̧nä̧ beipächä̧kuȩ ja̧'a̧.

1 Corintios 12:10

Kkorotürümä̧ iyü ttujuru'i̧nä̧, jȩtto̧kü̧ juei jȩtta̧ pä'ü'i̧nä̧; kkorotürütä iyü Dio i̧mi̧nä̧ jittäwa pä'ü'i̧nä̧. Yotüterümä̧ iyü epíritu-tu̧ yaparewätürü'i̧nä̧, isopäi'ünä̧ isotürü'i̧nä̧ ttu̧wo̧jua̧ pä'ü ja̧'wa̧ta̧nü̧ kkorotürümä̧ iyü kkorotü tti̧wȩnȩ wo̧juȩku̧nä̧ ttukuokua pä'ü'i̧nä̧; ja̧'wa̧ta̧nü̧ kkorotürümä̧ iyü, kkorotü tti̧wȩnȩnä̧ ttukuokuomȩnä̧ rä'epü iku jittäwa pä'ü'i̧nä̧.

1 Corintios 8:11

Ja̧'wa̧nü̧ jo̧mȩnä̧, ukú ku̧wo̧juä̧ji̧nä̧mä̧, kui̧jä̧wa̧ ji̧yü̧pa̧mä̧, toe'ächünä̧ jȩpü̧jä̧, jua̧u̧'i̧nä̧ Crito mitäu 'korujuoächinä̧ku̧ru̧.

Romanos 15:4

Isopäi'ünä̧ mo̧ täbokü tti̧wȩyu̧ti̧nü̧mä̧, ujutu tu̧wo̧jui̧pa̧ pä'ü wȩyu̧ti̧nä̧tü̧, ta̧mi̧'ki'ächi'ü; wȩyu̧kuä̧ wȩnȩ ppäda'aku tta̧wä̧rä̧kuä̧wä̧ tu̧ju̧nä̧ra̧ pä'ü.

Romanos 11:12

Ja̧'wa̧nü̧ judío ttukuotoka'a ji̧na̧'a̧ttü̧ pi̧jä̧ ttü̧ja̧mä̧ rü̧ȩnä̧ re ü̧jü̧ po̧kui̧pi̧nä̧tü̧ ¡jua'a yabonä̧, adiu ttü̧'o̧kui̧'ä̧kuo̧tü̧ judío o'katoi'ünä̧rü̧ Dio ȩmo̧mȩnä̧!

Hechos 2:4

Ja̧'wa̧nü̧ päi'omȩnä̧ Epíritu Sa̧tu̧ jäwä jo̧mȩnü̧ pätti'a'attü, kkorotü tti̧wȩnȩnä̧ ukuokuinä̧tü̧; Epíritu ttukuokua pä'ü iyü'akuä̧.

2 Corintios 6:10

Tta̧'kua̧ tta̧'ȩkuä̧tü̧ 'kua̧ra̧'a̧nä̧, 'kuäopünä̧tä̧ esewätüjä̧; usurä isotü 'kua̧ra̧'a̧nä̧, rekuätü ruwotü juottünä̧ ppä'ädätüjä̧; yoriso jui'ätü 'kua̧ra̧'a̧nä̧, o'kajuiyünä̧ kku̧nä̧rä̧tü̧jä̧.