1 Corintios 1:26 - Nuevo Testamento Uwotjüja

²⁶ Chawaruwä chi̧jä̧wa̧tü̧, ukuturu Dio woinü̧ ku̧ja̧kui̧nä̧tu̧ku̧ amükuädätukui. Ukuturumä̧, ttü̧ja̧mä̧ pä'ätü, wo̧juä̧tü̧mä̧ a̧'u̧ku̧nä̧tä̧ winä̧tü̧, ruwonä̧ wotümä̧ a̧'u̧ku̧nä̧tä̧ winä̧tü̧ ja̧'wa̧ta̧nü̧ ttukuo kku̧nä̧rä̧tü̧ isotümä̧ a̧'u̧ku̧nä̧tä̧ winä̧tü̧, jü̧nä̧.

TÄ̧DO Ä̧CUÄ̧ I̧HUȨNȨ

²⁶ Chö̧jä̧hua̧tö̧, amöcuädätucui, Dios huoinä̧u̧jä̧ ucutu. Ucututtu a̧'u̧cu̧nä̧tä̧ huo̧ju̧nä̧ huo̧juä̧tö̧jä̧ pi̧jä̧ttö̧ huo̧juä̧huä̧. Ja̧'hua̧ta̧nö̧ ucututtu a̧'u̧cu̧nä̧tä̧ hue'ähuotöjä. Ja̧'hua̧ta̧nö̧ ucututtu a̧'u̧cu̧nä̧tä̧ pi̧jä̧ttö̧ ucuotäcuähuä ttö̧ja̧jä̧.

1 Corintios 1:26 Referans Kwoze

Santiago 2:5

Chawaruwä chü̧jä̧wa̧tü̧ pi̧yȩ adiu ä̧ju̧kuä̧tu̧kui̧: Dio-mä̧ pi̧jä̧nä̧ttü̧ usurä isotürü pojopü ȩmi̧nü̧ tta̧'kua̧ wȩnä̧rä̧kuä̧wä̧nä̧ ruwotü juotta pä'ü, ja̧'wa̧ta̧nü̧ eseu rȩpȩä̧u̧ru̧ Ru̧wa̧ Dio iäre ju'to uruwotü pätti'ünä̧, chi̧yä̧kua̧sä̧ päinü̧ ji̧nü̧ ttȩma̧ pä'ümä̧;

1 Corintios 2:8

Pi̧yȩ wo̧juä̧wä̧mä̧ jitä pi̧jä̧nä̧ we'ätü ruwotümä̧ ttu̧wo̧jui̧po̧kü̧ ji̧nü̧ ja̧'a̧; ja̧'wa̧nü̧ jo̧ka̧'a̧ ta̧'kua̧rü̧ u̧ru̧wa̧rü̧ ttu̧wo̧jui̧pi̧nü̧ttü̧mä̧ ü̧jo̧kä̧nü̧ jäinä̧mä̧ kuä'ümä̧ ttikuokoku pi̧na̧jü̧.

1 Corintios 1:20

¿Tó tti̧rȩbȩä̧kuä̧wi̧nä̧ttü̧ wo̧juä̧wä̧ kku̧nä̧ri̧nä̧tü̧mä̧, wo̧juȩkuä̧ isotü pinä̧tü̧mä̧, pi̧jä̧ jäwä ukuokui'enä̧tü̧mä̧? ¡Dio-mä̧, pi̧jä̧ ttü̧ja̧ ttu̧wo̧juö̧ jerutu ikuinä̧u̧ ja̧'a̧!

San Lucas 10:21

Ji̧yȩnü̧ pä̧nä̧, Jesú Epíritu Sa̧tu̧ jäwänä̧ jo̧mȩnü̧ eseu kkä̧nü̧ pä'inü̧: Chä'o, ukuru eseusä, mo̧ro̧jä̧'i̧nä̧, pi̧jä̧'i̧nä̧ u̧ru̧wa̧rü̧. Isopäi'ünä̧ pi̧yȩmä̧ rü̧ȩnä̧ wo̧juä̧tü̧ttü̧'i̧nä̧, rü̧ȩnä̧ amükuädätüttü'inä̧ dajü iku pärokuotü ppo̧'ä̧tü̧rü̧ kui̧jȩpi̧na̧'a̧ttü̧. A̧, Chä'o isopäi'ünä̧ ja̧'wa̧nü̧tä̧ kuesewomȩnä̧ ja̧'a̧ttü̧.

San Lucas 1:3

Ja̧'wa̧ta̧nü̧ Ttü'i̧nä̧, ä̧kuo̧mȩnä̧ ji̧nü̧ttü̧ kkä̧mä̧dü̧ o'kajuiyünä̧tä̧ usú tochomȩnä̧ adiunä̧ jä̧ku̧, ji̧nü̧'a̧kuä̧ wȩyu̧tu̧ wedäku pä'ü amükuädinü̧sä̧, uku ru̧wa̧ Teófilo-rümä̧,

1 Corintios 2:13

Jua̧u̧ tü'kümä̧ ukuokuätüjä̧, jua̧u̧ tukuokumä̧ ta̧mü̧nä̧ pa̧ja̧tü̧ tu̧wo̧juö̧ wȩnȩnä̧mä̧kü̧ ja̧'a̧, jua'amä̧ Dio i̧sa̧ Epíritu u̧wo̧juȩta̧'a̧ku̧ ukuokuätüjä̧, Epíritu jäwämä̧.

2 Juan 1:1

Igresia-ttü ukuo i̧sa̧mä̧, Dio pojopü ȩmi̧nä̧u̧rü̧ jua'atäku ja̧u̧nä̧tä̧ kka̧kuä̧tü̧rü̧ te'äusä. Isopäi'ünä̧ eseu repedä̧u̧jä̧; ja̧'wa̧ta̧nü̧ ttütämä̧kü̧, ja̧u̧ ja̧jü̧jueimä̧ o'katoi'ünä̧ isopäi'ünä̧ wȩnȩ wo̧jui̧'i̧nä̧tü̧'i̧nä̧.

Filipenses 4:22

O'katoi'ünä̧ Jesucrito-rü esetinä̧tü̧mä̧ tettäwä̧u̧jä̧. Ji̧nä̧so te'äwätümä̧ Roma Ru̧wa̧ umüwäyotü ja̧'a̧.

Hechos 17:34

Ja̧'wa̧nü̧ ja̧'a̧nä̧, kkorotümä̧ Pauru-ku ppä'ächi'ü esetinä̧tü̧; juätükumä̧ Areópago jäwänä̧ wotü i̧sa̧ Dionisio'i̧nä̧, isaju Dámari pättäkua'i̧nä̧, kkorotü'i̧nä̧ ji̧na̧'a̧.

Hechos 13:12

Ja̧'wa̧nü̧ ja̧'a̧ topü, ru̧wa̧ gobernador-mä̧, esetinü̧, Tu̧ru̧wa̧ i̧wȩnȩnä̧ kkä̧kuä̧wä̧mä̧, ¡isoó! pä'ü amükuädü.

Hechos 13:7

Jua̧u̧ märimä̧, ru̧wa̧ Gobernador Sergio Pauro rü̧ȩnä̧ wo̧jua̧ku̧ kki̧nü̧. Jua̧u̧ ru̧wa̧mä̧ wopinü̧ Bernawérü'i̧nä̧, Sauro-rü'i̧nä̧ Dio i̧wȩnȩ jittäwa'a ä̧ju̧kua̧ pä'ü.

Romanos 11:29

Isopäi'ünä̧ Dio rettü ppädinü̧'i̧nä̧ ja̧'wa̧ta̧nü̧ woinü̧'i̧nä̧ yorisotä siäwokü.