1 Corintios 1:21 - Nuevo Testamento Uwotjüja

²¹ Ja̧'wa̧nü̧ ja̧'a̧ttü̧ pi̧jä̧ ttü̧ja̧mä̧, tta̧mü̧nä̧ pa̧ja̧tü̧ ttu̧wo̧juö̧ jäwänä̧mä̧ Dio-rümä̧ wo̧juo̧ko̧tü̧ pinä̧tü̧, Dio-mä̧ jiäkuäwä wȩnȩnä̧, ttü̧ttȩpä̧ro̧ka̧'a̧ 'kua̧rü̧nä̧tä̧ tta̧'kua̧ wȩnä̧rä̧tü̧rü̧mä̧ ra̧wä̧pi̧jü̧ttü̧mä̧ rä'epü ikua pä'ü amükuädinü̧.

TÄ̧DO Ä̧CUÄ̧ I̧HUȨNȨ

²¹ Diosmä huo̧jua̧ chutä jȩö̧. Dios hue'inödo pi̧jä̧ ttö̧ja̧ jitötä ttamönä huo̧juä̧huä̧nä̧ ttu̧huo̧jui̧'i̧yi̧ya̧rö̧ pä'ö. Chutä i̧huȩnȩ, korotö ttu̧'ȩpä̧ro̧co̧tö̧ ttucuocu'a̧nö̧ a̧'cua̧rö̧nä̧ pättö huȩnȩ ttesetomenä, suronä jȩttö̧ jȩpö̧ icua pä'inödo.

1 Corintios 1:21 Referans Kwoze

San Lucas 10:21

Ji̧yȩnü̧ pä̧nä̧, Jesú Epíritu Sa̧tu̧ jäwänä̧ jo̧mȩnü̧ eseu kkä̧nü̧ pä'inü̧: Chä'o, ukuru eseusä, mo̧ro̧jä̧'i̧nä̧, pi̧jä̧'i̧nä̧ u̧ru̧wa̧rü̧. Isopäi'ünä̧ pi̧yȩmä̧ rü̧ȩnä̧ wo̧juä̧tü̧ttü̧'i̧nä̧, rü̧ȩnä̧ amükuädätüttü'inä̧ dajü iku pärokuotü ppo̧'ä̧tü̧rü̧ kui̧jȩpi̧na̧'a̧ttü̧. A̧, Chä'o isopäi'ünä̧ ja̧'wa̧nü̧tä̧ kuesewomȩnä̧ ja̧'a̧ttü̧.

San Mateo 11:25

Ji̧yȩnü̧ mo̧ro̧ Jesú-mä̧ ädätinü̧: Chä'o, uku mo̧ro̧jä̧'i̧nä̧ pi̧jä̧'i̧nä̧ u̧ru̧wa̧rü̧ eseusä, isopäi'ünä̧ wo̧juä̧wä̧ kku̧nä̧rä̧tü̧ ttu̧wo̧jui̧pü̧ juiyünä̧ dajü kku̧nu̧, ppo̧'ä̧tü̧rü̧tä̧ ttu̧wo̧jui̧pü̧nä̧ i̧jȩpi̧nü̧jä̧.

Efesios 3:10

Jua'amä̧ jȩpi̧nü̧ Dio rü̧ȩnä̧ u̧wo̧juö̧ iäre igresia-nä̧tä̧ i̧jȩkuä̧cha̧ pä'ü, tturuwo kku̧nä̧rä̧tü̧rü̧'i̧nä̧, mo̧ro̧jä̧nä̧ tturuwo kku̧nä̧rä̧tü̧rü̧'i̧nä̧, jü̧nä̧.

1 Corintios 1:24

Ja̧'wa̧nü̧ ja̧'a̧nä̧, Dio woinä̧u̧ru̧mä̧, judío já̧ pä'ü'i̧nä̧ ja̧'wa̧ta̧nü̧ grecia ttü̧ja̧ já̧ pä'ü'i̧nä̧, Crito-mä̧ Dio ujurutä, Dio u̧wo̧juö̧tä̧ wa̧ ja̧'a̧.

Romanos 1:28

Dio-rümä̧ ttu̧wo̧jua̧rü̧ pättokoku, surojü tta̧mü̧kuäda'aku jȩpü̧ ttü̧jü̧nä̧tä̧ iyipinä̧u̧, jȩä̧kuä̧wo̧kü̧nä̧ jȩpü̧ ttü̧jü̧nä̧tä̧.

Romanos 11:33

¡Isoo Dio-mä̧, juiyo uruwo'i̧nä̧, u̧wo̧juö̧'i̧nä̧ rü̧ȩnä̧tä̧ wa̧ tä̧jí̧! ¡Ya̧tȩ'i̧nä̧ toa'a jua̧u̧ jȩü̧'i̧nä̧, aditäwä'i̧nä̧ wo̧juö̧nä̧ ji'äumä̧!

San Lucas 12:32

Yekuekuätukuä, chä̧ji̧mü̧ oweja-tü̧; ukutumä̧ a̧'u̧ku̧nä̧tä̧ wotü kuätukua'anä̧, Kuä'otukuru adiwomȩnä̧ uruwo weü iyinä̧u̧jä̧

San Juan 12:31

Jitä porü kkä̧mä̧dü̧ pi̧jä̧ ttü̧ja̧rü̧ adiu jȩtta̧ja̧ pä'ü'i̧nä̧, surojü jȩtta̧ja̧ pä'ü'i̧nä̧ päwi'äkua'a; jitä kkä̧mä̧dü̧ pi̧jä̧nä̧ we'ä'ijürü rä'epü ikuäwächa'a.

1 Corintios 1:18

Isopäi'ünä̧, Crito ü̧jo̧kä̧ jäinä̧ 'korujuoächinü̧mä̧, suräjuä wȩnȩ ja̧'a̧ to'e'ächätürümä̧; ja̧'wa̧nü̧ ja̧'a̧nä̧, ra̧wä̧pi̧jü̧ttü̧ kka̧kui̧pä̧tü̧, ujuturumä̧ Dio ujurutä ja̧'a̧.

1 Corintios 1:23

ja̧'wa̧nü̧ ja̧'a̧nä̧, ujutumä̧ Crito-rü ü̧jo̧kä̧ jäinä̧ 'korujuo'ächinü̧rü̧ ji'äwätüjä̧. Pi̧yȩmä̧ judío-rümä̧ tto̧ȩpä̧rü̧ wȩnȩ ja̧'a̧nä̧, judío pokotürütä ttu̧'ȩpä̧ro̧ko̧tü̧ ttukuokua'a jä̧'i̧nü̧'a̧nü̧ jü̧ wȩnȩ ja̧'a̧;

1 Corintios 1:25

Ja̧'wa̧nü̧ ja̧'a̧ttü̧ Dio jäwänä̧ ttu̧ȩpä̧rä̧kuä̧wo̧kü̧ 'kua̧rü̧mä̧, pi̧jä̧ ttü̧ja̧ ttu̧wo̧juö̧ttü̧'i̧nä̧ abonä̧nü̧ wo̧juä̧wä̧ wȩnȩ ja̧'a̧; ja̧'wa̧ta̧nü̧ Dio jäwänä̧ ttijuiyuwuö 'kua̧rü̧mä̧, pi̧jä̧ ttü̧ja̧ ttujuruttü'i̧nä̧ abonä̧nü̧ jü̧ ja̧'a̧.

1 Corintios 1:27

Isopäi'ünä̧, Dio-mä̧, pi̧jä̧ttü̧ jerupätürü ȩmi̧nü̧, rü̧ȩnä̧ wo̧juä̧tü̧rü̧ dä'ä ttuepa pä'ü; ja̧'wa̧ta̧nü̧ Dio-mä̧, pi̧jä̧ttü̧ ttujuru jui'ätürü ȩmi̧nü̧, ttujuru kku̧nä̧rä̧tü̧rü̧ dä'ä ttuepa pä'ümä̧.

1 Corintios 2:14

Dio i̧sa̧ Epíritu-ru to'ätümä̧, Epíritu jäwämä̧ 'kittünä̧ wotü, juätürümä̧, jua̧u̧mä̧ suräjuä wȩnȩ jü̧nä̧tä̧ ja̧'a̧ttü̧. Ja̧'wa̧nü̧ ja̧'a̧ttü̧ yoriso ttu̧wo̧jui̧pü̧ juiyünä̧tä̧ jä̧u̧, jua'amä̧ Epíritu jäwänä̧tä̧ adiwomȩnä̧ päwä ja̧'a̧ttü̧.

1 Corintios 4:10

Ujutumä̧, Crito jäwänä̧, amükuädokotü ttü̧ja̧ 'kua̧rü̧nä̧ wotüjä̧; ja̧'wa̧nü̧ ja̧'a̧nä̧ ukutumä̧, Crito re ü̧ji̧na̧'a̧ttü̧, rü̧ȩnä̧ amükuädäkuäwä kku̧nä̧rä̧tü̧ 'kua̧rü̧nä̧ wotüjä̧; Ujutumä̧ tijuiyuwa'anä̧, ukutumä̧ kujuru kku̧nä̧rä̧tü̧jä̧; Ujutumä̧ ttüjü'koko̧u̧ ta'anä̧, ukutumä̧ ukuo isotü jü̧nä̧ ttukuotäu̧jä̧.

1 Corintios 6:2

¿Ukutumä̧ kuieruwätukua'a tä̧jí̧, Dio-rü esetätütä jä̧kua̧'a̧, pi̧jä̧nä̧ttü̧ adiwomȩnä̧ wettäkuotü pä'ümä̧? ¿Tta̧'a̧nü̧ pä'ü ji̧'ki̧cha̧jü̧tä̧'i̧nä̧ adiwomȩnä̧ wekuätuku juiyünä̧ wotüjä̧ttü̧?

1 Corintios 11:32

ro̧ȩpü̧ttü̧'i̧nä̧, Tu̧ru̧wa̧mä̧ ro̧ȩpä̧u̧jä̧ weye juota pä'ü, pi̧jä̧ ttü̧ja̧ku̧ yo̧mȩtȩnä̧ tote'ächünä̧ ro̧ȩpü̧ juiyäkua'anü̧.

Gálatas 1:15

Ja̧'wa̧nü̧ ja̧'a̧nä̧, Chu, ttü cha̧ju̧ kküakuä jakuättü 'kȩ'ȩpü̧ ȩmi̧nü̧tä̧ woinä̧ku̧sä̧, eseunu̧ repea'attü̧.

Gálatas 4:8

Pä'äjimä̧, Dio-rü ku̧wo̧juä̧tu̧ku̧ juiyäimä̧, yapareäkuäwä isotü ttü̧ä̧nä̧wo̧tü̧rü̧ ukuotü kka̧kui̧nä̧tü̧jä̧.

Efesios 1:9

Dio yä̧wä̧i̧nä̧ ä'kojitä päi'ünä̧ amükuädinü̧mä̧, Crito-nä̧tä̧ tu̧wo̧jui̧pü̧nä̧ jȩi̧näu̧jä Churutä pä̧wä̧rü̧jo̧mȩnä̧.

Colosenses 1:19

Isopäi'ünä̧ Dio-mä̧ jua̧u̧ Crito-nä̧tä̧, Chutä ujuru o'kajuiyünä̧ kka̧ pä'inü̧,

Hebreos 1:14

Isopäi'ünä̧ A̧gȩrȩ-mä̧ o'katoi'ünä̧tä̧ Dio umüwäyotü uwäpokotü ja̧'a̧, surojü ra̧wä̧pi̧jü̧ttü̧ kki̧'ä̧tü̧ o'katoi'ünä̧rü̧ ppättäda pä'ü Dio wȩä̧u̧.

Hebreos 2:3

Rü̧ȩnä̧ jü̧ ra̧wä̧pi̧jü̧ttü̧ kki̧'i̧kuä̧'i̧nä̧ ja̧'a̧tä̧ tota'amä̧ ¿toku tü̧ja̧kui̧'ä̧kua̧'a̧jä̧ttü̧? Jua̧u̧mä̧ Chutä Tu̧ru̧wa̧ jiäwinü̧ o'ka'a, Jua̧u̧ru̧ ä̧ju̧kui̧nä̧tü̧'i̧nä̧ ji'äwinä̧tü̧.

Hebreos 7:25

Ja̧'wa̧nü̧ ja̧'a̧ttü̧, jua̧u̧nä̧tä̧ Dio-rü tü'küpächätürümä̧ surojüttü ttü̧ji̧pü̧nä̧ ppä'ädü, 'kuäopünä̧tä̧ kkä̧nü̧, juätürü ppädünä̧, Dio-rü jäepa'attü.

Santiago 4:4

¡Ukutu ttü̧ja̧ ukuotokotümä̧! ¿Yoriso jerupätüjä̧, pi̧jä̧nä̧ jäwä awaruwä juo'ächätümä̧ Dio aboiyotü ja̧'a̧ pä'ümä̧? Ya̧tȩ pi̧jä̧ jäwä a̧wa̧ru̧wa̧ juo'ekumä̧ Dio a̧bo̧i̧ya̧ jü̧nä̧tä̧ juoächü.

Santiago 5:15

Ja̧'wa̧ta̧nü̧ kua̧'kua̧ wȩnä̧rü̧ kkä̧nü̧ Dio-rü kukuokuätukuomȩnä̧mä̧ na̧'ä̧chü̧mä̧ u̧mä̧richeittümä̧ ü̧'i̧pä̧kua̧, ja̧'wa̧ta̧nü̧ tü̧ä̧nä̧wa̧mä̧ ä̧rä̧bȩ'ä̧kua̧; surojü jȩä̧'i̧jü̧ttü̧'i̧nä̧ jȩpo̧kü̧ päji 'kua̧rü̧nä̧ eseku i̧kuä̧kua̧.

Santiago 5:20

Pi̧yȩ adiu wo̧jui̧'ä̧tu̧kui̧ ya̧tȩ surojü jȩpü̧rü̧ u̧mä̧nä̧ su̧rä̧jä̧mä̧ttü̧ ppa̧wä̧chü̧nä̧ ppa̧'a̧dü̧mä̧ wa'arettü ü̧ji̧pü̧nä̧ jȩpü̧, ja̧'wa̧nü̧ jo̧mȩnä̧ ttü̧ja̧ rekuätü surojü jȩttä̧'i̧jü̧ Dio jȩpü̧ ikunä̧ jȩpü̧.