1 Corintios 1:19 - Nuevo Testamento Uwotjüja

¹⁹ Wȩyu̧kuä̧ wȩnȩ pä'a: «Wo̧juä̧tü̧ ttu̧wo̧juö̧ si'epü iku, adiu tta̧mü̧kuädü'i̧nä̧ jerutu chi̧kuä̧kua̧sä̧.»

TÄ̧DO Ä̧CUÄ̧ I̧HUȨNȨ

¹⁹ Ja̧'hua̧ta̧nö̧ Huȩyu̧cuä̧ Huȩnȩ päa'a: Pi̧jä̧ttö̧ huo̧juä̧huä̧ be'epäjipö chi̧cuä̧cua̧sä̧. Pi̧jä̧ttö̧ rö̧ȩnä̧ amöcuädäcuähuä pporädö chi̧cuä̧cua̧sä̧.

1 Corintios 1:19 Referans Kwoze

1 Corintios 3:19

Isopäi'ünä̧ pi̧jä̧ttü̧ wo̧juä̧wä̧ wȩnȩmä̧, Dio-rümä̧ suräjuä wȩnȩtä̧ ja̧'a̧. Ja̧'wa̧nü̧ ja̧'a̧ttü̧ wȩyu̧kuä̧mä̧ pä'a: «Dio-mä̧, wo̧juä̧wä̧ wȩnȩ kku̧nä̧rä̧tü̧rü̧mä̧, ji̧yȩtä̧ ttu̧wo̧juö̧nä̧ 'chu̧ä̧dä̧u̧,» jü̧nä̧.

1 Corintios 4:6

Chawaruwä chi̧jä̧wa̧tü̧, pi̧yȩ ukuturu ukuokuäjisä, ujututä wȩnȩku̧, ttütä chütü'kü'i̧nä̧ ja̧'wa̧ta̧nü̧ Aporo ütü'kü'i̧nä̧, jü̧nä̧ ukuturu repeta'attü̧. Kkorojuei päkuätukuomȩnä̧, wȩyu̧kuä̧ wȩnȩ päomȩttü̧'i̧nä̧ abonä̧nü̧ päkuätuku juiya pä'ü, ya̧tȩ Dio i̧wȩnȩ jiäkuäwä i̧sa̧mä̧, kkorotüttü'i̧nä̧ u̧wä̧mȩnä̧ wa̧sä̧ pä'ü amükuädäkuäu juiya pä'ü.

1 Corintios 4:10

Ujutumä̧, Crito jäwänä̧, amükuädokotü ttü̧ja̧ 'kua̧rü̧nä̧ wotüjä̧; ja̧'wa̧nü̧ ja̧'a̧nä̧ ukutumä̧, Crito re ü̧ji̧na̧'a̧ttü̧, rü̧ȩnä̧ amükuädäkuäwä kku̧nä̧rä̧tü̧ 'kua̧rü̧nä̧ wotüjä̧; Ujutumä̧ tijuiyuwa'anä̧, ukutumä̧ kujuru kku̧nä̧rä̧tü̧jä̧; Ujutumä̧ ttüjü'koko̧u̧ ta'anä̧, ukutumä̧ ukuo isotü jü̧nä̧ ttukuotäu̧jä̧.