1 Corintios 1:17 - Nuevo Testamento Uwotjüja

¹⁷ Isopäi'ünä̧ Crito-mä̧, bautizo jȩcha̧ pä'ümä̧ weokoku pinü̧sä̧, jua̧u̧ ja̧jü̧jueimä̧ jareü wȩnȩtä̧ jidäwa pä'ü weinä̧ku̧sä̧; jua'a'i̧nä̧ wo̧juä̧wä̧ wȩnȩ kkü̧nä̧mä̧kü̧, Crito ü̧jo̧kä̧ jäinä̧ 'koru juo'ächinü̧, mikuäu toe'ächü juiya pä'ü.

TÄ̧DO Ä̧CUÄ̧ I̧HUȨNȨ

¹⁷ Cristomä ttörö hue'ocö pi̧nö̧ korotörö bautizando jȩcha̧ pä'ö. Ja̧u̧ hue'inö suronä jȩttö̧ jȩpö̧ icu huȩnȩ jidähua pä'ö. Ja̧'hua̧ta̧nö̧ Cristo dau isodänä 'corupäi'inö huȩnȩ jeruhuocötä ji'äusä.

1 Corintios 1:17 Referans Kwoze

1 Corintios 2:1

Ja̧'wa̧nü̧ ja̧'a̧ttü̧ chawaruwä chi̧jä̧wa̧tü̧, Dio ütü'kü ji'äu chi̧wä̧chi̧nü̧mä̧, adiu a̧'kua̧ku̧nä̧ aditü ikumä̧ ji'äwokü pinü̧sä̧.

1 Corintios 2:13

Jua̧u̧ tü'kümä̧ ukuokuätüjä̧, jua̧u̧ tukuokumä̧ ta̧mü̧nä̧ pa̧ja̧tü̧ tu̧wo̧juö̧ wȩnȩnä̧mä̧kü̧ ja̧'a̧, jua'amä̧ Dio i̧sa̧ Epíritu u̧wo̧juȩta̧'a̧ku̧ ukuokuätüjä̧, Epíritu jäwämä̧.

2 Pedro 1:16

Tu̧ru̧wa̧ Jesucrito ujuru'i̧nä̧, ppa̧wä̧chä̧kuȩ'i̧nä̧ tu̧wo̧juȩti̧nü̧mä̧ täbo wȩnȩ ttü̧ja̧ rättepinü̧mä̧ jo̧ka̧'a̧ ji̧na̧'a̧, ja̧'wa̧nü̧ ja̧jü̧jueimä̧ tu̧ru̧wa̧ ü̧rü̧ä̧mä̧ ta̧mü̧nä̧ ti'ärenä̧ topinä̧tü̧jä̧.

2 Corintios 10:10

Isopäi'ünä̧ yotukunä̧mä̧ pä'ätü: «ttü chi̧wȩyu̧tu̧mä̧, juiyo pä̧i̧ku̧nä̧ baraunä̧ rȩmi̧pa̧'a̧; ja̧'wa̧nü̧ ja̧'a̧nä̧ cha̧mü̧nä̧ pa̧ja̧tü̧ chukuokuomȩnä̧mä̧» pä̧i̧ku̧nä̧mä̧ ukuokuokü pä'ijü pä'ätü ja̧'wa̧ta̧nü̧ ukuokuäkuäwä'i̧nä̧ jȩru̧pa̧, pättäkusä.

2 Corintios 4:2

Ja̧'wa̧nü̧ jä̧u̧, da̧ja̧wä̧rä̧kuä̧wä̧mä̧, dä'ä ttuwä'chäkuäwämä̧ jui'ätüjä̧; yaparewä'chü'i̧nä̧ jȩto̧ka̧'a̧, Dio i̧wȩnȩ'i̧nä̧ pärotokotüjä̧. Pärokua'aku, Dio-mä̧ wo̧jua̧ jueünä̧ tukuokua'amä̧. Ja̧'wa̧nü̧ jo̧mȩnä̧ o'katoi'ünä̧ ujuturu tta̧'kua̧ ttu̧wȩnä̧rü̧nä̧ ja̧'a̧.

San Juan 4:2

(Jua'akumä̧, Chutämä̧ bautizo jȩo̧ka̧'a̧, u̧wo̧juȩtä̧u̧tä̧ bautizo jȩtta̧'a̧nä̧).

2 Corintios 11:6

Jua'akumä̧ adiwomȩnä̧mä̧ ukuokuokü cha'anä̧, chukuokumä̧ jerupoküsä; o'kajuiyünä̧tä̧, o'katoi'ünä̧rü̧ ja̧'a̧tȩ'ü̧ ttu̧wo̧jui̧pü̧nä̧ i̧jȩpä̧'i̧jä̧tü̧jä̧.

Hechos 10:48

Ja̧'wa̧nü̧ ja̧'a̧ttü̧, Jesucrito i̧mi̧nä̧ bautizo jȩtta̧tü̧ pä'ü weinä̧u̧. Ja̧'wa̧nü̧ jä̧ji̧ o'ka'a, Peduru-rü jä'epinä̧tü̧ rekuonä̧nü̧ mo̧ro̧, jitütäku ü̧ji̧'i̧ya̧tü̧ pä'ü.

San Juan 4:1

Ja̧'wa̧nü̧ ja̧'a̧ fariseo wotümä̧ wo̧jui̧'i̧nä̧tü̧, Jesú-mä̧ Ju̧a̧-ttü̧'i̧nä̧ abonä̧nü̧ u̧wo̧juȩtä̧u̧rümä̧ kku̧nä̧rü̧do ja̧'wa̧ta̧nü̧ bautizo'i̧nä̧ rekuätürü jȩpü̧do pätta'a,

2 Corintios 1:12

Isopäi'ünä̧ ujutumä̧ ukuo te'äkuäu eseäkuäwätüjä̧, pi̧jä̧ ttü̧ja̧ ttä'ka jo̧mȩttü̧ amükuädü totomȩnä̧ wȩnȩ jui̧yä̧u̧ ja̧'wa̧ta̧nü̧ ukutu kuä'katukuttü'i̧nä̧ surojü juiyomȩnä̧, jueünä̧tä̧ Dio päü'a̧kuä̧ jȩti̧na̧'a̧ttü̧, pi̧jä̧ ttü̧ja̧ ttu̧wo̧juo̧mȩnä̧mä̧kü̧; ujututä tu̧wo̧juo̧ko̧mȩnä̧ Dio ppädomemȩnä̧tä̧ jȩti̧na̧'a̧ttü̧.