1 Corintios 1:13 - Nuevo Testamento Uwotjüja

¹³ ¿Ja̧'wa̧nü̧ jü̧ttü̧mä̧, Crito-mä̧ 'kȩ'chä̧kuä̧u̧ ikuinü̧ tä̧jí̧? ¿Pauru ja̧'a̧, ukuturu rettü, ü̧jo̧kä̧ jäinä̧ 'korujuo'ächinü̧mä̧? ¿ja̧'wa̧ta̧nü̧ ukutumä̧, Pauru i̧mi̧nä̧ bautizo jȩpä̧kuä̧wi̧nä̧tü̧jä̧ tä̧jí̧?

TÄ̧DO Ä̧CUÄ̧ I̧HUȨNȨ

¹³ Ja̧'hua̧nö̧ ja̧'a̧nä̧ ¿Cristomä i̧mi̧cu̧nä̧ 'quȩ'ȩcu̧ amöcuädö tä̧ji̧? Ja̧'hua̧ta̧nö̧ ¿Pablomä dau isodänä 'corupä'i'inö tä̧ji̧, ucutu suronä jȩcu̧'ä̧tu̧cu̧ jȩpö̧ icu? Ja̧'hua̧ta̧nö̧ Pablo i̧mi̧nä̧ bautizando jȩi̧nä̧u̧jä̧ tä̧ji̧ ucutumä?

1 Corintios 1:13 Referans Kwoze

Efesios 4:5

ja̧'wa̧ta̧nü̧ Tu̧ru̧wa̧mä̧ ji̧nä̧ya̧tȩtä̧ ja̧'a̧, tta̧'kua̧ wȩnä̧rä̧kuä̧wä̧'i̧nä̧ ji̧nä̧ ji̧yȩtȩtä̧ ja̧'a̧, bautizo jȩä̧kuä̧wä̧'i̧nä̧ ji̧yȩtȩtä̧ ja̧'a̧;

2 Corintios 11:4

Isopäi'ünä̧ ujutu jitäwä'ijäku Jesú-ttü'i̧nä̧, Epíritu Sa̧tu̧ttü̧'i̧nä̧, jareü wȩnȩ jitäwä'ijüttü'i̧nä̧, kkoromȩnä̧ a̧mu̧kuädätü ttichomȩnä̧mä̧ ukutumä̧ 'kuäünä̧ ȩmä̧tü̧jä̧.

Hechos 2:38

Peduru-mä̧ ädätinä̧u̧: —Suronä̧ jȩ'kuä̧'i̧jä̧tu̧ku̧ttü̧ kä'ädäkuäu Jesucrito i̧mi̧nä̧ yotukunä̧ bautizo jȩpä̧kuä̧wä̧tu̧kui̧; suronä̧ jȩ'kuä̧tu̧ku̧ Dio jȩpü̧ ikuomȩnä̧, pärokuä Epíritu Sa̧tu̧ iyü kuȩmä̧tu̧kua̧ pä'ümä̧.

1 Corintios 10:2

Ja̧'wa̧nü̧tä̧, Moisé-ku o'katoi'ünä̧ rü̧ä̧ duborattü'i̧nä̧, ajiya isoppattü'i̧nä̧ bautizo päwi'inä̧u̧.

Hechos 19:5

Jua̧u̧ ttä̧ju̧kuä̧ji̧ o'ka'a, Tu̧ru̧wa̧ Jesú i̧mi̧nä̧ bautizo jȩtti̧nä̧u̧.

Hechos 10:48

Ja̧'wa̧nü̧ ja̧'a̧ttü̧, Jesucrito i̧mi̧nä̧ bautizo jȩtta̧tü̧ pä'ü weinä̧u̧. Ja̧'wa̧nü̧ jä̧ji̧ o'ka'a, Peduru-rü jä'epinä̧tü̧ rekuonä̧nü̧ mo̧ro̧, jitütäku ü̧ji̧'i̧ya̧tü̧ pä'ü.

Gálatas 1:7

Isopäi'ünä̧ kkoro jareü wȩnȩmä̧ juiya'anä̧, yotukunä̧ kka̧kuä̧tü̧ ukuturu jerutu ikuätü, Crito i̧wȩnȩ jareü wȩnȩ surojuo'epü.

San Mateo 28:19

Ja̧'wa̧nü̧ ja̧'a̧ttü̧ pi̧jä̧ o'kajuiyünä̧ 'chä̧nü̧ ttü̧ja̧rü̧ chu̧wo̧juȩtä̧u̧ jü̧nä̧; Jä'o i̧mi̧nä̧, i̧tti̧ i̧mi̧nä̧ ja̧'wa̧ta̧nü̧ Epíritu Sa̧tu̧ i̧mi̧nä̧ bautizo jȩpä̧tu̧kui̧,

Tito 2:14

Ja̧u̧ ji̧na̧'a̧ ujutunä̧ o'kajuiyünä̧ surojüttü rä'epü iku tükü ikua pä'ü wa'arera̧'a̧ iyäwinümä̧, ja̧'wa̧nü̧ jȩpü̧ chutä pojopü ȩmi̧nä̧u̧ päti'ünä̧ pärotinü̧, pojopü ȩmi̧nä̧u̧ adiunä̧ jȩä̧kuä̧wä̧ amükuädätü jü̧nä̧tä̧.

1 Corintios 1:15

Ya̧tȩ'i̧nä̧, jua̧u̧ i̧mi̧nä̧ bautizo jȩi̧nä̧ku̧sä̧ päü juiyäkua'anü̧.

Romanos 14:9

Isopäi'ünä̧ Tu̧ru̧wa̧ Crito-mä̧ pi̧yȩtä̧ ja̧'a̧tȩ'ü̧ 'korujuo'ächäji̧'ka̧, pä'äjita'anü̧ tto'ächinü̧: A̧'kua̧rä̧tü̧'i̧nä̧, 'korujuo'ächinä̧tü̧'i̧nä̧ Ttu̧ru̧wa̧ ja̧ pä'ü.

Hechos 8:16

Jua'amä̧ ya̧tȩrü̧'i̧nä̧, ji̧nä̧ Epíritu Sa̧tu̧mä̧ ü̧jä̧mä̧do̧ka̧'a̧ ji̧na̧'a̧; suro Jesú i̧mi̧nä̧tä̧ bautizo jȩttä̧kuä̧wä̧ji̧yä̧u̧ jȩpi̧nä̧tü̧.

San Mateo 3:6

juätümä̧, suronä̧ jȩttä̧'i̧jü̧ ji'äu ttikua'anä̧, Ju̧a̧-mä̧, Jordán ajettü bautizo jȩi̧nä̧u̧.